加藤壽司 (已結業)

原本女朋友已經叫我唔好試, 要去今村食, 但我本著這裡的食評同米芝連推介, 於是一試!結果....唉我們都是要壽司定食, 全是普通的三文魚, 玉子等等, 質素同味道同元氣差不多, d飯一挾就散, 壽司亦冇鮮味可能可以說午餐的水準差, 如果餐廳不認真對待每一樣食物, 這晚餐也可免這餐廳有很多日本人光顧, 可能是歷史攸久吧, 氣氛不錯, 但食物就...還有這餐廳不可拍照, 這也許是日本人對食物的尊重, 但我完全感覺不到他們有認真製造食物, 或許不想醜婦見家翁吧

睇雜誌話魚生好食，就本住試下既心態係大除夕黎開開心心點知食到一肚氣　！坐ｓｕｓｈｉｂａｒ，差唔多全部都係日本人，見師傅識少少中文，都有同ｄ熟客傾計我地問ｗａｉｔｒｅｓｓ最新鮮係咩，ｗａｉｔｒｅｓｓ話池魚同響螺，就叫左兩樣加多個魚生拼盤池魚：幾新鮮魚生拼盤：好普通，無鮮味，ｔｕｎａ同普通壽司舖無分別，難食響螺：ｏｋ既之後叫左海膽壽司：好鮮甜，入口即溶金槍魚：好肥美ｔｕｎａ卷：好好味正想舉機，師傅話唔比影，其實有ｄ食肆唔比影相我都好諒解但眼見身邊其他日本人，熟客起勢咁影（唔止影人，影埋食物，師傅重擺晒姿勢比人影）已經心心不忿，ｄ閃光燈係咁此起彼落，是否大細超先！？重要見到師傅之後送左ｄ乾魚仔比晒成個ｓｕｓｈｉｂａｒ　ｄ　客唯獨我地無！我真係好慶，已經對呢間野非常反感！埋單１２００蚊，食到一肚氣　！NEVER ! go here again !!!!!

兩個月前，有次同事請客，第1次黎到呢間"加藤壽司"。我order左個牛扒定食，麻麻。我同事問點解唔order 壽司！？另一同事都係第1次黎，則大讚壽司食材好新鮮！過2日，自己再去。今次當然order 壽司定食啦！$85個Set有MISO 湯、沙律、前菜。唔錯，MISO 湯多海帶豆腐，唔會好咸。沙律、前菜 OK。主菜到。 壽司、 參上！赤身(Tuna)、三文、油甘魚、鯛、玉子、熟蝦、三文魚籽、左口魚邊,、Toro 小卷 6 個一向我對"赤身"都無セ興趣。先食。 D肉好soft，好新鮮！OK啦，始終無セ興趣。第2無興趣係"Toro 小卷"，一食，啊。。。好好味啊！！Toro蓉好soft好夾D紫菜&醋飯！呢個"Toro 小卷"令我對小卷改觀。后來一口小卷、一口其他壽司。之后三文、鯛、油甘魚都好fresh。玉子硬少少，熟蝦味淡左DD。剩下三文魚籽、左口魚邊。先來左口魚邊啦。嘩好重油份！！！不斷咀嚼，不斷有油出。比起太子人氣迴轉 和F亭好吃成倍！三文魚籽，亦係好野，咬開有小小腥味，但味膿。好食。自始呢2個月，我每星期都幫襯一次！有次order 鮟糠魚肝，又係滿点之選！唯一缺點。次次D壽司組合都

5-12-2008兩年前同大伙兒食港式韓燒時 (見 http://www.openrice.com/restaurant/commentdetail.htm?commentid=148320) 留意到呢間日本店, 一直好有興趣但又一直同佢無緣, 今日終於好 random 咁同朋友0黎了. 揀了什錦壽司定食 ($85):- 前菜係魔芋, 口感 QQ 的, 配上甜甜的汁, 幾好食- 薯仔沙律的粒粒粉粉的薯仔混了紅蘿蔔及洋蔥粒, 食落帶洋蔥的辛辣及 sok sok 聲, 開胃清新.- 麵豉湯有大量昆布及豆腐粒, 味道濃而不過鹹, 唔錯.- 壽司有左口魚邊, 赤身, 油甘魚, 玉子, (熟)蝦, 三文魚, 三文魚籽, 唔知乜名堂的白身魚及 toro 蓉卷... 壽司飯握得剛好, 醋味適宜, 入面捽了 wasabi, 感覺不錯; 除0左無食到的三文魚之外, 魚生全都夠晒新鮮, 雖然唔算頂級, 但 $85 一個定食, 收貨有餘了; 玉子唔係好夠甜, 不過幾香又軟熟, 幾好食; 賣相最靚的三文魚籽亦係我最欣賞0個件, 味道夠鹹鮮, 好食; 熟蝦就普通.朋友的係什錦刺身定食 ($95):- 前菜係醋漬

十月十日﹙五﹚難得的星期五假期，悠閒的吃一個午餐是最大的休息方法。來到北角，當然趁機到訪加藤先生的壽司店。下午一時半左右，餐廳內的客人不算太多，bar枱亦只有兩位客人。店的外觀至內在環境，總給人一種很地道的日本小店感覺。餐廳內的顧客有香港人亦有日本人，加藤先生亦懂得廣東話，而且蠻流利的。小弟被安排坐到壽司bar就坐。剛坐下來加藤先生先來個禮貎的歡迎，打過招呼後，拿起餐單，Lunch set有一般的壽司刺身定食，也有燒魚，天婦羅等定食。定食所有的價錢都是$100以內，蠻抵吃的。要了一個壽司定食。我的壽司定食order轉眼便被送到加藤師傅手中，看著師傅純熟地拍兩拍手掌，便開始握起壽司來，只見師傅樣子認真，每件壽司均技巧純熟，三兩下手勢八件壽司輕而易舉便完成了，表現專業。一邊看著大師握壽司，一邊看著另外一名香港師傅在身後把原條三文魚解體，過程一絲不苟，只消一會，便把整條三文魚拆出一份份的魚肉，魚腩。定食有味噌湯，前菜，八件握壽司及一件卷物，最後附送雪糕一客。前菜有一客青瓜沙律和類似蛋卷的物體。蛋卷味道一般，青瓜沙律酸酸甜甜的醬汁挺醒胃的，味道不錯，唯獨是有我不太喜歡的芝麻。味噌湯味道溫和，不

上個禮拜五睇完啲食評咁好, 即晚同老婆嚟試試餐廳人唔太多,得一半人環境非常好, 正宗日本人用廣東話serve你, 非常敬業樂業嗰種啲嘢食唔錯, 幾新鮮同幾靘, 食咗自選壽司,燒牛舌,天婦羅,魚生飯...樣樣都唔錯, 不過埋單都幾貴,二個人成500蚊 (普通嘅三文魚壽司都成20蚊件)簡唔中食吓都ok嘅

三月4個人黎呢間野食lunch，平d嘛， hehe 1: 壽司定食 --- 跟麵豉湯,前菜,通粉沙律,雪糕。壽司有好多件架，不過我只係試左三文魚壽司，普通啦2: 天婦羅烏冬---先係天婦羅，炸得好好，唔會覺得成口都係粉，不過我嫌佢唔係好熱。 ---烏冬，係我so far食咁多烏冬，最好味的餐廳。d烏冬滑得黎好有口感，以前唔會知道原來烏冬可以咁吸引。3: 燒牛扒---估佢唔到咁好味，個汁好得，d牛扒又香，加埋碗白飯，非常滿足4: 另外叫左唔知乜野牛肉 (牛肉七味燒??) ---肥牛果類啦，都唔錯，值得讚係個豆腐，裡面好滑，好有豆香味5: 隨餐有雪糕---非常有誠意，因為d芝麻雪糕一粒粒，好香，好夠味，好想食多d。綠茶雪糕都好香不過我覺得份量爭d，唔係好夠飽

「對不起，我們這裡不做五個人。」一向很喜歡這家小店，75元一個午飯雖然挺貴，但是食落滿足，烏冬餐加上最後一客芝麻雪糕，非常美味。可是，今天拉大隊五人來到，卻換來板長一句沒有人情味的回答。我們不介意坐在一排比較迫的四人座位，但是店員和板長都沒有轉彎餘地- 四人座位，必須只坐四人。一行五人只可以分個卡位坐。其實也有一張四人桌和雙人桌比隣，可以讓我們分桌坐之餘也可以聊天，可是，店員和板長就是不允許我們這樣做。我們只好失望離去，走到隔壁的高麗韓國餐廳，吃最愛的石頭飯了。

難得去北角, 事前search定openrice有乜o野好o野食啦~間鋪都幾難搵, 好彩男友仔比我早到, 可以搵定個鋪位置!星期六1點去到, 差唔多full啊! 比o左我地坐bar位, 可以望住日本師傅整sushi!食o左:1)壽司定食($75): 有我唔食既三文魚子,好彩可以換, 好似比o左件立魚代替, 壽司樣樣都幾好, 最好味係蔥三文魚卷呢~個餐仲有miso soup, 沙律(用通粉做),同coffee / 雪糕要o左好多人讚既芝麻雪糕, 真係一粒粒芝麻架!good!沙律同湯就一般啦! 2)牛肉烏冬($5x): 有2年三文魚+個烏冬,不過冇甜品架~ 烏冬彈牙,good! 不過份量偏細, bf食完唔係好夠飽呢~我見好多日本人去呀, 好有日式小店既風味呢!

新環境的首餐，懷勉，於是再次造訪。看著仍是那樣子的午市定食，壽司、刺身定食已非午市該叫的點子，不如來個日替好了。加滕師傅多年來在「十戒」守則下堅守崗位，小店的靈魂人物，是日輕描淡寫的處理好日替幾件刺身後，繼續與「架頭」吹水去，也是午市不吃刺身的理由。日替，西日式的陣式，是日的是炸南瓜免治雞餅、汁煮雞肉、紅白刺身併甘蝦；先嚐開胃漬物，清爽微鹹的蘿蔔跟青瓜，不失其味，很認真。日本米飯配上酸梅醬與味之素，如吃兒童餐，伴著味林汁與豉油開的甜味汁煮雞，雞頭雞尾也烹調得入味，聰明得很的煮法，見到幾件蒟蒻，無的地道感覺。切成角狀的南瓜釀著連軟骨的免治雞作餡，薄薄的特色天婦羅，鬆化的薄衣與幾重質感的組合，美味得不得了，有心而聰明地將材料的特質以天婦羅的方式演譯。喝著麵豉湯，鮮有喝得著充滿著昆布鮮味的湯底，麵豉鹹味不重，輕輕的作了點綴，一切都來得稱心，然，坐吧檯拿著電話高談千萬生意的大老闆，將氣氛推至嚴峻，連師傅也變得目黑起來，事已至此，吃畢濃郁抹茶雪糕趕開工去。

22-8-07 (三) 午餐巳有一年多沒來了，午餐牌沒有什麼變化。Ｔ選了豬肉生姜燒十刺身定食我選了牛肉七味燒十燒魚十刺身定食牛肉燒非常惹味，豬肉生姜燒就普通，刺身有油甘魚、三文魚和甘蝦，一貫的新鮮。但這裏的午餐份量對於Ｔ來說是太少了，還是大江戶的便當才能滿足他。要提的是芝麻雪糕，非常美味。

- 牛舌鹽燒= 厚身, 入口有濃郁的香味, 非常好味, 必食.- 牡丹蝦壽司+蝦頭面豉湯= 蝦很新鮮, 面豉湯很特別, 因沒有味精.- 海膽壽司= 跟築地一樣,新鮮好味- 油甘魚壽司= 厚切, 味道很好但不是十分突出- 帶子壽司= 鮮甜但亦不是十分突出, 因其他的日式料理亦差不多- 鰻魚鹽燒= 外面香脆, 內有肉汁, 味道十分好, 推介.- 吉列忌簾粟米餅= 吉列皮薄而脆, 不油, 香口, 入面的忌簾熱又滑, 又一傑作師傅是日本人, 亦有很多日本的食客, 制作十分認真.壽司的飯亦值得讚賞.

這裡裝潢有點舊，環境普通。叫了壽司定食和香蔥吞拿魚腩飯配麥麵，壽司真的麻麻，好似不太新鮮，只吃了大半。雖然唔應該同價錢貴一倍的其他店作比較，但有選擇的話，下次應該會去其他店。反觀甜品的芝麻雪糕好好味，有濃厚的芝麻味，但又不同平時吃的，有驚喜。

試過了兩次的午餐,全因太座生日之固.當然謝謝kc的推薦而發覺這是一所幾好的店子..-------------------------------------------今之是晚餐本來想叫(餓貓加腥),但亞姐話自己叫好d.否則未必合你口味...於是周雪櫃巡邏一下 ,,鄰坐的日本人有前菜？好似廣一樣嗎？,,,,沒有啊...會錯意了...那要了太坐最愛的蟹子沙拉...即做的..不是用上太多的美奶之啊... 生魚片出發 赤貝+原隻響螺...脆鮮甜..魷魚+大帶子...ok.. 壽司又如何 鯖魚版押一客..上層昆布內有大大塊鯖魚加上合味道的醋飯...快速的吞下了二大件小肌+左口邊......小肌很甜有咬勁...左口有小骨及不大特別..(那有些硬..但魚邊位我認為是滑的)油甘腩+大多羅...好得,油林林 開始飽了 紅面豉菇仔湯....燒牛脷...有新鮮出爐的蛋..要了,,,.但蛋香味不足...最後要了牡丹蝦...又是好得之作個頭好多糕...無甜品送...就算有食不下...合共1260

今天下午要上課去,而午怎好了呢,想了一會現正是秋天有什麼好的過吃一尾合時的秋刀,不時不食啊今天到了和富附近的加藤看一下有沒有秋刀？是有的要一個定食.有飯有湯有前菜更有少量的生魚片.而主角出來是燒的是香香的,一舉筷皮是很脆的魚油如泉湧.食秋刀最好的是食其內內臟,苦苦甘甘的,這裡做的真是沒什話說了.但是秋刀的季節也快完結了要食快手.