加美味小食駅

營業中

休息中

星期日返教會之前或之後，間中都會幫襯佢嘅魚肉燒賣、豬肉燒賣、腸粉、芝士腸及咖哩魚蛋，腸粉蒸得夠熱，腸粉皮好滑，加埋醬料好好食，魚肉燒賣咖哩魚蛋都好好食，不過唔係好食得辣嘅我就覺得有少少辣，最後還要幫襯埋佢嘅飲品，小食仲有套餐選擇舖頭旁邊有長檯和幾張塑膠圓凳供客人堂食使用

平時經過見到個嬸嬸閒閒咁， 早幾日見到換個個哥哥仔，一問之下轉來轉左手. 同哥哥仔傾左兩句，大定都係黃黃地就更加啱嘴型😂😂.原來老闆接左手後改晒之前既野，我試左佢個咖哩魚蛋 ，魚肉燒賣 ， 咖啡魷魚.咖哩魚蛋： 香濃， 魚蛋唔實，合格.魚肉燒賣唔係出面街個d陳x燒賣. 佢係舊式手工包個隻. 有驚喜. 味道一流，加埋辣椒油仲正！咖哩魷魚爽口彈牙， 落埋咖哩汁超正.睇得出老闆接手後用心改良過下.下次再到石門一定再幫襯呢間良心小店.

燒賣魚蛋咁簡單既食物整得咁難食都可以學人開舖好心你教下啲職員點樣做生意啦,我企係度望個餐牌諗食乜野,都要比你職員叫企開啲唔好阻住,本身都想走,係朋友話肚餓先唔想再搵第二間,點知啲灸蛋又淡又無味,燒賣就狂落豉油鹹到爆,以後唔會再幫襯.

呢度有石門區最抵食嘅魚蛋燒賣～ 而且味道質地都唔錯﹐口痕嘅時候值得一試。係香港﹐好耐冇見過有10蚊10粒呢個價位嘅魚蛋！不過啲糕點個人就覺得麻麻地﹐砵仔糕太林﹐同埋太甜﹐紅豆都唔夠林好似未煮透咁。