12
11
3
港鐵黃埔站 A 出口, 步行約1分鐘 繼續閱讀
開飯介紹
藝人王俊棠有份投資的餐廳,有多間分店。餐廳堅持以傳統做法,用人手製作古法點心。 繼續閱讀
營業時間
星期一至日
07:30 - 21:30
付款方式
Visa Master 現金 銀聯
其他資料
加一服務費
以上資料只供參考, 請與餐廳確認詳情
食評 (39)
等級3 2023-02-12
167 瀏覽
今日又去黃埔jumping gym放電,一出地鐵站就見到呢間功夫點心。點心紙嘅封面好有心思,好似一本秘笈咁😂佢星期一至五有早茶及下午茶優惠,有八折。呢度嘅蝦餃王同燒賣王係可以逐粒計嘅,每粒係$9,好似我哋人少少咁,就可以按人頭點,食多啲款式,非常好。全部啲點心有晒價錢一目了然,唔洗對住個價目表,睇返大中小點究竟幾多錢。點心即叫即蒸,要等十五至二十分鐘,所以唸清楚有咩想食,如果唔係再加單,又要再等。功夫蝦餃皇$18👍🏻👍🏻👍🏻1/2 平時嘅蝦餃個皮係半透明,晶瑩剔透。呢度個皮唔夠薄滑比較厚,同埋入邊啲蝦切碎晒,相對無咁彈牙爽口。麻麻地。蟹籽香菇燒賣皇 $18👍🏻👍🏻👍🏻1/2 一般般黑椒金錢肚$28👍🏻👍🏻👍🏻👍🏻👍🏻好濃又入味,整得夠諗。不過份量較少,得5舊唔係好夠喉。翡翠叉燒腸$27👍🏻👍🏻👍🏻👍🏻可以鮮蝦腐皮卷$25👍🏻👍🏻👍🏻👍🏻👍🏻呢個係大爺至愛,煎得夠脆,加埋喼汁開胃可口。鳳凰煎糯米雞$26 👍🏻👍🏻👍🏻👍🏻呢個比較特別,將糯米雞兩邊沾啲蛋攞去煎,都好食,幾得意。鹽燒酥炸魷魚鬚$34 👎🏻👎🏻👎🏻炸到過晒龍,啲魷魚好幼身,炸粉好厚,賣相同味道都唔得。呢度都要計茶錢,每位$7,可以叫鐵觀音。今次坐喺卡位,啲皮椅已經開始裂開,另外啲茶壺有跡,茶咀都崩咗。總括而然都算可以接受,環境同食物都有進步空間。如果撞正早茶或下午茶時間都可以考慮吓嘅。 繼續閱讀
(以上食評乃用戶個人意見 , 並不代表OpenRice之觀點。)
等級1 2023-02-10
51 瀏覽
有個收銀阿姐好垃圾,落單嗰時已經好似欠咗佢咁,講到自己好忙但又唔覺有咩做,最後仲發脾氣叫我唔好落單。嘢食ok, 糯米雞、餃類真心幾好食,拎到返屋企仲熱辣辣。但阿姐真係超趕客,好心兜q走佢啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-10-20
235 瀏覽
今日放工冇嘢做,趕住返屋企打機,就去咗呢間點心度買個點心食,諗住邊打邊食。去到嘅時候雖然唔係好多客,但係都等咗好耐。幫我將啲點心拎到返屋企嘅時候,路程其實只係10分鐘,但係啲點心已經凍哂。我諗本身啲點心已經唔係好夠熱,我叫咗嗰幾個點心都冇一樣係比較吸引,唯獨係個燒賣OK,下次應該唔會再嚟呢間事啦。人哋買外賣就為咗方便,我就買完外賣仲要返屋企用個微波爐叮先食得。 繼續閱讀
(以上食評乃用戶個人意見 , 並不代表OpenRice之觀點。)
尋日假期去開紅磡果頭,揀咗呢間連鎖點心店幫襯,之前間中有去深水埗店,今次係第一次黎呢間分店,黑椒金錢肚太淋、最底果兩舊牛肚酸既,北菇棉花雞d 雞飛水太勁,成碟無味既,包括雞、豬肚、芋頭同冬菇,見到隔離枱埋單時,原來食咗一舊就成碟無再食,鳳凰煎糯米雞d 糯米太淋、無口感,鮮蝦腐皮卷同蝦腸還可以,保持水準既就係蝦餃。因為一路食一路出汗 (其實未開始食都已經好熱),出面33度,所以無心機影相,問侍應點解會無乜冷氣既?開到最大架喇?佢回答 “係!係咁架喇!”見到鋪內有幾把風扇既,但係只係吹住員工包括收銀同廚房出點心個櫃面總結:唔會再幫襯 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-22
301 瀏覽
夜晚嚟到位於黃埔站嘅功夫點心食點心, 兩個人點咗四個點心分別係蘿蔔糕 ,生菜鯪魚滑炸兩 ,鳳爪排骨腸粉煲 ,同埋瑤柱鮮蝦菜苗餃 。蘿蔔糕好厚粉, 啲油滲曬出嚟。食到一兩絲蘿蔔絲同埋少少香口嘅蝦米臘味, 尚可接受。生菜鯪魚滑蛋炸兩唔太食得到鯪魚滑。 不過炸兩勝在夠脆, 包裹係炸兩外嘅粉皮幾薄下,唔錯。鳳爪排骨腸粉煲有兩隻鳳爪 ,4,5粒排骨同埋四條腸粉。 腸粉吸收咗排骨同埋鳳爪嘅湯汁,配埋辣椒豉油,好食。菜苗餃外皮煙韌結實,咬落唔會散開曬, 都唔錯。 埋單120蚊,價格算係幾親聞。 繼續閱讀
(以上食評乃用戶個人意見 , 並不代表OpenRice之觀點。)