功夫點心 (已結業)

夜晚嚟到位於黃埔站嘅功夫點心食點心， 兩個人點咗四個點心分別係蘿蔔糕 ，生菜鯪魚滑炸兩 ，鳳爪排骨腸粉煲 ，同埋瑤柱鮮蝦菜苗餃 。蘿蔔糕好厚粉， 啲油滲曬出嚟。食到一兩絲蘿蔔絲同埋少少香口嘅蝦米臘味， 尚可接受。生菜鯪魚滑蛋炸兩唔太食得到鯪魚滑。 不過炸兩勝在夠脆， 包裹係炸兩外嘅粉皮幾薄下，唔錯。鳳爪排骨腸粉煲有兩隻鳳爪 ，4，5粒排骨同埋四條腸粉。 腸粉吸收咗排骨同埋鳳爪嘅湯汁，配埋辣椒豉油，好食。菜苗餃外皮煙韌結實，咬落唔會散開曬， 都唔錯。 埋單120蚊，價格算係幾親聞。