力奇四季火鍋 (已結業)

有人介紹所以去試一試，有驚喜😋去到夜晚7點幾，好多人幾乎full晒，我地好好彩有最後一張枱，雖然細D逼D近廁所...不過冇所謂啦。豬骨煲好多料，3個人都食唔晒。生蠔隻隻都好大，啖啖肉。最好食係肥牛，大塊唔韌口感超正！碟碟都大大碟，多人去食就仲正

最近天氣開始轉涼.....有樣野係最岩一大班朋友一齊做既....無錯就係一齊圍爐打邊爐......位於一條比較小人行過既工業街...無鐵路..無小巴站...無巴士站...無廣告...基本上無心去搵既話...一定唔會去到既人間隱街小店....全憑口卑...都吸引到一條長長既人龍.....但不得不說....老闆實在太有風格....BOOK台都無用...只有見人先俾位...仲要係先到先得.....要食真係要早小小到豬骨煲:黎到力奇...只有呢個豬骨煲係不可不食極極極極極極極多既蔬菜係面...下面係大量既豬骨..雞腳...浸住濃濃既湯底(唔係味精湯)....建議食法:先開火滾佢10-20分鐘...令佢面頭蔬菜既味入落湯底...之後再飲佢既湯...飲佢既頭啖湯之後趁湯底仲湯之時..先食佢本身既配料同豬骨等等.....最後最叫職員加湯....叫其他邊爐慢慢食...(通常會飽左...未必叫到太多野食)記得叫多D朋友一齊去食....同一定要叫肥牛+豬骨煲 HAHAHA

因為環境來講其實都真係比較地踎些少，我當日入去地下仲濕濕地，唔知係岩岩拖完地定真係濕立立，但食物其實真係好正，必叫的豬骨煲，勁大煲幾個人食先搞得店，仲有其他百搭的食物。但如果叫醉雞呢，建議你唔好咁早落，廢是影響到個湯底。

前晚我們一行4人因朋友介紹到此打邊爐，我地叫左個豬骨煲， 非常足料，有6，7個骨筒，仲要每個都有豐富骨髓，強烈建議要用飲筒吸埋尼食唔好浪費另外值得一讚的是湯底非常鮮甜，每位朋友都讚不絕口，難得地連湯都飲好多食材方面，重點推介美國肥牛，上檯擺放精緻，玫瑰花似的盛放形狀🌹，搶眼吸引，而且油花分佈平均，肉色新鮮有光澤💖💖，有一定厚度，煮熟後入口牛味十足🐮💪💪，油香得尼不覺得膩，老實講以打邊爐計，比和牛更出色，價錢都超值，一份大$328，足夠4人食有剩，必食😋👍👍👍👍👍👍👍另一推介，巨型老虎蝦($30隻)🦐🦐，但好大隻，雖然老闆娘老實話係急凍蝦，但肉質結實彈性，味道鮮甜，不輸蝕新鮮海蝦，每人一隻非常滿足!!整餐飯十分有驚喜，最緊要價錢一 d都唔貴，飲左一汽水，埋單4人合共$1066，每人只係$260左右，都食到捧住個肚走，重點是每樣食材都高質素，絕對抵過去其他任食火鍋服務方面，靚女老闆娘招呼周到，而且細心介紹每一樣食物❤❤❤從老闆娘口中得知，間野已屹立30多年，絕對不是浪得虛名!!!

😱超麻甩滿瀉豬骨湯 大角咀地道火鍋🍲呢間力奇四季火鍋非常有大排檔風味👍🏻
環境好熱鬧(嘈) 坐圓枱 啲野大大碟 夠哂麻甩
如果唔想叫咁大碟可以揀雙併 好貼心❤️

🥩大家一定要叫美國肥牛肉我地叫咗大SIZE $328
厚薄適中牛味重無筋 又大碟😱😱😱
🍲豬骨煲有超多料 好鮮甜！可以先拎啲料出嚟等滾咗再放番入去
蕃茄🍅南瓜🎃粟米 冬瓜 雞腳 蓮藕 馬蹄 蘿蔔 豬骨可以食到骨髓👏🏻
如果人少少食個煲加肥牛都飽了 先$260
另外推介麻辣海蜇 $88 唔會太辣但好惹味🌶
手打蝦丸同墨丸都勁大粒🦐🦑仲食到蝦肉口感好足料
⚠️⚠️⚠️⚠️⚠️⚠️不過有樣中伏嘅千奇唔好叫：水魷/鮮魷
我地落單係叫水魷 但佢比咗碟好似鮮魷我地
韌到癲 無味好似食緊膠 好難食阿❌
-
📍力奇四季火鍋
大角咀角祥街53號地下

今晚突然想打邊爐就去左朋友介紹嘅餐廳！唔係講笑！我真係嚇親...同埋少少嬲個朋友點餸前唔提醒下每碟餸都好大碟😐睇下我地叫左咩食.....淨係個湯底都已經好足料填飽左半個肚！勁多蕃茄/粟米/蘿蔔/豬骨！仲要豬骨啖啖肉好誇張！🙈🙈🙈🙈🙈肉類都唔惹少，好大碟，好抵食👍🏻個牛心叮幾特別未見過，要煮耐d先食得菜類份量都好多！午餐肉/金菇/響鈴都係必食之選👍🏻👍🏻👍🏻下次一定會再黎！同埋要一大班人黎食！值得推介😆

今日約咗一班熱愛打邊爐嘅朋友出嚟食飯，本身諗住去朗豪坊食嘅，但因為示威活動朗豪坊都閂埋。但係錯有錯着，沿着大角咀方向行，俾我哋搵到間超級好食嘅火鍋餐廳！冇錯係超級好食，呢間力奇火鍋已經佔據左我心目中火鍋排行榜嘅第一位，睇埋落去就知點解！一行到入去見到每枱個鍋入邊都放滿湯底配料，啲配料係多到嚇親我，而且環境好有住家feel！仲有我發現每枱都差不多10個8個人，再望下佢啲火鍋配料，超級大碟！好適合一家人或者一班朋友嚟食飯吹水飲酒🍻首先揀咗豬骨煲先再慢慢揀配料，選擇都好多建議大家可以叫一份先，因為份量真係幾多，同埋蔬菜類可以後加，睇埋落去就知原因🤘🏻呢個湯底真係唔野少㗎！入面有豬骨，粟米，蕃茄，白蘿蔔，南瓜片，馬蹄，仲有雞腳同節瓜，淨係個湯底都成8樣配料，啲豬骨起碼有八九件幾乎有拳頭咁大件，一係就食晒佢，一係就夾出嚟，如果唔係真係冇位淥野食嫁😂湯底嘅味道係超濃郁，完全冇誇大，濃厚嘅豬骨味混合粟米蕃茄既鮮甜仲有出曬味既雞腳，令到成個湯充滿膠質！可以幾肯定個湯冇落任何調味料，食到既都係原汁原味👍🏻同味精湯包嘅湯底真係差好遠！配料到啦，我哋就見咁多人所以嗌咗兩份鵝腸，點知原來一份都已經咁大份，鵝腸

一行六人諗食乜懶人如我就獨愛打邊爐☝️😎小編本身好鍾意食壽喜燒😋奈何坊間大部分日式涮涮鍋都限時90分鐘一班人志在吹下水 唔想食到咁趕就揀左大角咀力奇四季火鍋當日平日1930去到無訂位 小編第一個到樓面姐姐叫我隨便揀張枱見我拎住蛋糕好貼心主動叫我自行放雪櫃環境係非常麻甩😂大家都好隨性😂自助式加茶自助拎餐具唔好期待有咩服務事實係想搵個人落單都成問題🤭好多次都要自己出街過隔離帳房落單因為個場唔係無時無刻都有姐姐對好多人嚟講可能好難想像但係小編又幾OK🤭覺得好地道何況力奇好均爭地係無收加一服務費的🖐為左慳時間坐底即刻嗌左個豬骨煲湯底嚟講係最貴 何解？皆因個煲入面好多料😍上枱嚇親人🤡煲滾好傷神🤡湯底除左有豬骨同雞腳仲有蕃茄、粟米、蓮藕、蘿蔔當散嗌料都抵啦😚美國肥牛 (大)呢個必食點可以無肥牛力奇嘅肥牛係牛小排切成厚切 雪花紋靚😍完勝其他對手豬柳片有朋友唔食牛而嗌嘅豬柳片好鞋！好實 無乜豬味不推！黑栢葉×竹笙正正常常 竹笙夠爽吸哂湯汁☺鵝腸×蟹柳鵝腸洗得乾淨蟹柳唔係粉雷雷嗰啲👍炸魚皮×鮮魷普普通通響鈴×鮮蝦腐皮卷大推腐皮卷！午餐肉×豆卜呢碟掛住食無影午餐肉係厚切份量多係力奇特色😆我鍾意鱔片小編無食

今日同班老友gathering搵左呢間火爐店，今次係第二次係力奇打邊爐，冇計，對呢度嘅豬骨煲食過返尋味。力奇最好係樣樣野都份量好足，好大份，啱晒大班人嚟食。可以叫得比較多野，今日照舊order咗豬骨煲，胡椒味好重，好香！！雪花肥牛好高質，賣相已贏一截，食落牛味重，口感正！一定要一試。手打蝦丸，墨魚丸又好掂，手打嘢就是不同。今次人多重特別試吓啲鮑魚，口感都彈牙。另外呢度仲有普通火鍋店少有得食嘅黑牛柏葉！

之前同同事嚟過，覺得豬骨煲好味~之後自己帶朋友嚟，試過都話好鐘意豬骨煲真係好大煲，適合4人或以上。個湯好好味，四個人的話就甘食個煲，再點多兩三款配菜就夠曬飽，見人地D肥牛都好大碟，下次湊夠人都要試下

今日成班朋友食飯,有朋友suggest左去打邊爐,因為咁多人傾計打邊爐會開心啲,所以OpenRice左附近一間邊爐鋪頭,就係力奇門面好似一般大排檔,冇諗過會咁多人,去到都要等一陣先可以入座😴坐低左,有個好簡單嘅✔️✔️tick食物紙,冇寫價錢,樓面啲阿姐又好忙,所以都冇理幾錢就tick見到周圍個個都嗌番茄🍅粟米🌽薯仔湯底,所以都跟隊,估計出名,果然粟米🌽好甜又嗌咗打邊爐必叫嘅肥牛,都幾好食,係疊係樓下啲肥牛有啲肥🤰🏻所有嘢嚟到咁大碟好壯觀,埋單每人300,食到好飽唯一唔好係衛生方面,啲碗碟好似真係好求其咁洗,見到上面仲黐住啲污跡🤢用自己張紙巾抹等張紙巾會變咗黑色💀不過大排檔又冇得要求咁多嘅

大件夾抵食要book位先好 地方唔算方便 但質素幾好價錢平民價 肥牛 叫細都夠食 利申 3個男人整體黎講 無催埋單 但算有服務豬骨湯底 唔算多骨 但栗米同蕃茄好多又好食鱔魚 又爽又彈牙 下次會再黎

力奇火鍋店佢個湯底好足料 淨係個湯都有好多嘢 入邊有蕃茄豬骨腐竹冬瓜片等。我哋一家人 叫咗兩個火鍋 加一個鍋要另外加錢個湯底好啱小朋友同老人家食 我哋叫咗幾樣嘢食 牛肉好大塊但牛味唔係好夠 西洋菜好新鮮 其他都係一般打邊爐嘅嘢 價錢方便唔算好平 如果係飲食會比較抵 但值得一讚嘅係 服務態度非常好 老闆好有心機咁同我地介紹嘢食 地理位置比較隔涉 如果同屋企人未可能會揸車比較好🥴 整體來講 佢比起一般嘅火鍋店 食物選擇唔算好多 但湯底真係好甜 而且服務質素都算唔錯 如果多人去食 值得一試 但如果得一兩個人 未必可以叫到咁多嘢食 因為佢每一份都好多份量。

有日想打邊爐,然後朋友就特別介紹呢間力奇四季火鍋.呢日終於嘀起心肝一試.order左個一定要試噶豬骨煲,分量真係非常之大,視覺效果十足有豬骨,番茄,粟米,蓮藕,南瓜,蘿蔔等.吃得真係好飽.

星期日大約6:00乘的士來，司機知道那裏是力奇，不需要太多指示💬，因時間尚早，鋪頭只有三四枱客人，但轉眼就爆滿，真好彩。同行人提醒，一家大細👨‍👩‍👧‍👦只可以星期六日來，平日的客人來自兩個世界🤫，兒童不宜。這裏是沒有任何招待的，只是落單及上菜見到人，其他時間也是自助的。叫了超級無敵豬骨煲底，是這裏最高價但最多人叫的湯底，實在很震撼，滿滿一大煲。每枱枱面都放有一長碟，開頭也不明用意，後來便知道，要取走煲內一半食物，方可成功開動啊！各人先盛了湯飲，很甜很真，所以很快便要加湯了！食咗成餐都冇用過豉油，個湯底實在好夠味啦！在這裏其實不需要刻意叫蔬菜，因為這煲內很多蔬菜，而且每碟食物下也鋪了不同款式的蔬菜，非常豪氣。好蠔～勁肥美，一共有14隻呀，雖然係有d大有d細，但係細極有個譜。牛肉～本地及美國都有叫，自己較喜歡本地，但一枱人各有各喜好，兩款都有擁躉，兩款都夠牛味夠厚身。鮑魚同蚌～鮑魚簿片上，蚌份量多，兩類都chok兩chok就食得，一d都唔韌，而且有鮮味。另外仲叫了手打丸🔵⚫️⚪️🔴、魚腩🐋、皇帝菜🥬同唔少得嘅啤酒汽水。 🍻🍻飽到反肚，因為每樣餸的份量實在大，要多人先食得晒所有，少人來淨係個湯