創發潮州飯店

營業中

休息中

幫親戚搞好D野都5點多. 約左另一班親友一齊食晚飯. 九龍城想去食果幾間餐館都滿坐, 有排等. 有親友提意去創發, 打電話去咁啱又有枱, 於是一行十人就行過去創發. 我地坐另外一邊, 地方幾逼, 不過稔住有好野食就無咩所謂, 始終都算係名店. 親戚落order叫餸, 我就坐係度等食. 餸就一路上枱, 我食落就唔覺得特別好食(亦唔係難食), 有D餸係偏咸添. 最後上埋個炒通菜, 忽然有隻小小强係碟底度走左出黎, 好唔衛生呀. 拿拿聲食埋D野就走人囉.又係親戚請, 真係唔好意思.PS 進食期間有枱後生係度鬼殺咁嘈(好似係生日飯). 開心還開心, 佢地都要睇吓隔離枱D人既感受架, 地方又細又逼.

每次來，都是吃這幾味菜。已有大半年沒來了，還是很好吃！尤其喜歡吃筍餃，皮做得很好！胡椒豬肚湯，不太辣，但很有胡椒香味，豬肚不奀，有口感！膜皮魚，相信沒有難吃的，除非不新鮮！創發，仍是我的潮州菜首選！

今天一行四人...朋友問想食咩..當然想試下九龍城野..即去...佢介紹e間創發一坐下即有小食,功夫茶...叫左幾個小菜,湯,粥..豬肚湯..好有胡椒味,豬肚好嫩蠔仔粥.好多蠔,味道好足拼盤.鵝腸好好味,鵝少左少少...春菜豬肉.一般倉魚.炸仲好脆面,但內肉好嫩食完又有功夫茶飲...好..我會記得佢家..ps : 服務真係幾好..thx 姐姐..

一向週日都會同家人一起出外食飯, 又因亞爸鍾意食潮州野. 所以都成日去九龍城食. 幾間都食過晒, 今日見這間唔洗等位, 咪入去食. 今日都係叫翻平時食那些食物. 但中途有餸送錯來. 所以埋單時 check吓單, 嘩今日埋單8xx, 因為我們唔係食貴餸, 都係叫些平野. 平時都是$700有找, 見到個價差咁遠咪再仔細check,.第一都唔知佢寫物, 我要check單時那個侍應不耐煩, 話要讀比我聽, 點知佢講幾樣, 幾樣都無食過, 咁我哋話你拿錯單啦, 點知另外一個女侍應話佢唔識睇, 應該係咁咁咁. 咁又對 - 是我們叫些野, 因為我們好似叫咗9碟, 但單有10碟, 我想再睇吓邊個係幾多錢時. 個女侍應就係咁翻單講, 第一個炸豆腐就 $45, 之後你再叫多碟我見你哋咁鍾意食幫你叫大碟所以第二碟 $60.但我見你牆上貼炸豆腐是 $30, 為何第一碟你收$45, 同埋我們都無話過要加大, 點解你要自己加大又唔同我們說呢? 點知她還說"係呀, 我見你們多人, 所以每碟餸都同你落中size, $30那個是普通的" 我們即時嘩一聲, 由頭都尾我們都無話要加大或要中, 你私自加大, 又沒有同我們講

jan 15, 10,8大1小嚟食dinner。喺之前嘅大局,見到老饕食友,即刻找住佢請教1吓潮菜有咩介紹,最後我哋叫咗 : 1) 前菜-我試咗少少個銀魚仔,好腥.........-但個9肚魚就唔錯喇 2) 豬腳凍-彈性中有咬口 3) 春菜-我應該喺第1次食-食友話春菜即刻煮出嚟會無咁好食,要浸1段時間先入味-菜當然腍晒啦,不過好入味同濃-不錯 4) 鵝件-原來1碟鵝件咁大,早知叫樣嘢拼啦-鵝肉結實,味道ok啦 5) 凍琵琶蝦 x 4-友人以前食過話唔錯-店員初時建議蒜蓉蒸/起肉油泡-最喺都喺跟番友人之前凍食嘅口味-叫咗4隻開邊-每隻都多膏,但就唔喺甘香嗰種-肉質結實,不過鮮味度稍遜 6) 鵝肝拼豬耳-個滷水鵝肝好入味,又腍,唔實-豬耳同樣入味,仲幾爽口+咬口添 7) 1/2煎煮油甘鎗-$10/兩-肉質結實,煮法幾住家吓 8) 川椒雞-都喺綠葉經炸過後好味過d雞 9) 炸雙棗 x 2-相為2個例牌-蝦丸比蟹卷好味10) 蠔餅-都唔喺我想要嘅煎方式 11) 沙爹牛肉炒河-本來全碟都比牛肉片蓋住,為咗影相,所以持意勾出河粉嚟影-沙爹醬越食越有辣意-不過牛肉片嘅牛味不重 12) 方魚肉碎粥

12月壽星想要吃凍蟹,於是選了潮菜。友人在OR選的店子比我選的更近,真好。訂了7時的枱,但我們6時半就已經進去了。他們都太餓了吧,把桌上的前菜都吃光光。因為我不吃那些魚,所以不知道味道,應該不錯吧。阿姐拿來了蒸餃問我們要不要,好呀,要了一碟,很清的餃,也不錯吃。吊筒炒芥蘭沒什麼特別。鵝腸配上鵝片很入味,好吃,但太毒了,不敢吃太多。炸物看來不是這家店的名物,不太好吃,不管是拼盤還是炸豆腐。蠔餅脆口,不算太油,也是可以的。豬紅韮菜,也是正宗口味。魚凍吃再加豆醬簡直是絕配!再到最後的蠔仔粥,飽到一個不行。功夫茶味道甘甜,作為開始跟完結真的很不錯。本想叫的凍蟹因為太貴,放棄了。埋單時阿姐叫我們留下所有找的...零錢,只因為他們都沒有收加一及茶錢..。

在新興吃完不錯的墨魚丸後，才知食友未吃過創法潮式滷鵝肝，走過兩條街來回味老派潮州味道。甫入店仍是老樣子，放滿各式各樣打冷「靚」料的「冷檔」，食友亦覺款多而「冷陣」亦擺得靚，老闆笑說早點來款式仲多！單說招呼，這裡從來是親切的。先吃潮式豬腳凍，琥珀色的肉凍帶淡淡肉甜及骨鮮，肉的部分很有豬肉味。煮潮式薄殼，不會次次來都叫，但心血來潮也想吃一些地道海產，薄殼本身味道重帶獨特鮮味，大鍋煮出味道自然不會差，一點點的辛辣令味道更豐富，笑言此品出身寒微，但也有它存在的價值。炆連皮豬尾，食友人是有趣，大家為了「連皮」的問題笑足半晚，此品是炆得夠色夠味，皮黏軟不散，肉不多純粹是吃皮的膠質，是送酒的好朋友。到滷水鵝肝，老店的滷水膽味輕薄，卻有桂皮、八角等香辛料的鹹香層次感，鵝肝切得大件，厚度適中吃得出軟熟濃滑質感。埋單$220，是經濟好吃，走著走著原來忘了叫菜肉卷，哈哈似乎又多個理由再來試試這味手功小品呢。更詳盡文章分享@http://foodxfile.blogspot.com/2009/09/2.html

尋晚落大雨, 收工之後都唔想四圍去, 就在創發落腳, 好耐無去食喇見大眼雞一條一條排哂枱面上, 個樣又幾靚, 就叫左一條食, 送白粥, 仲叫咩餸好呢? 睇完個水牌, 結果簡埋川椒雞, 炒多碟蒜蓉芥蘭, 兩個人食條大眼雞d肉好實, 肉質鮮甜, 完全無雪味, 上次食旺角一檔打冷, 一食就知條魚係賣唔哂過夜的, 但因為肉眼分唔出, 領野 創發價錢比較貴, 但就唔會有隔夜魚呢個問題川椒雞個味道出眾, 份量唔多, 雞柳用蠔油汁炒至香口, 俾我兩成碟掃光白粥米多水少, 但米已經煮到好爛, 唔怕難消化, 鍾意幾餐之間食一餐打冷, 食碗粥落肚個腸胃都會舒服一d

星期六晚和男友去九龍城開餐, 諗住順記食得多, 咪去創發試下!入門口的一刻係幾好招待嘅..但係當我地叫野食的時候, 有個上左年紀的男侍應一聽到我地只係叫平野, 面色轉晒! (講真佢d普通野都唔平!!)我地兩個人講真唔叫得太多野食, 鵝片, 魚, 蠔仔粥.係無叫佢d龍蝦, 蟹, 嚮螺同埋翅之麻!!駛唔駛咁狗眼先? 我地又唔係著到乞衣咁! 不知所謂!蠔仔粥, 叫左一個鐘, 米都唔見粒追左幾次都無反應, 隔離檯叫左隻幾百蚊嘅蟹就要乜有乜!最後, 個男侍應直到叫我地cancel個order. 佢話整唔切喎!有食家介紹.. 咁樣做生意就乜都假!! 無下次呀!!

星期六晚, 一家四口去到創發食潮州菜, 都係因為睇完蔡瀾先生的飲食介紹書大讚之下才會去試的!我地叫左幾個地道的潮州餸, 包括川椒雞, 反沙芋, 鹵水鵝肉, 沙爹牛肉芥蘭, 炆雙冬同潮式炒麵線食! 幾味菜色都ok, 特別係個潮式麵線, 第一次食, 比廣東式的炒麵更優勝, 麵線係白色的, 有點似米粉, 但味道卻帶甜, 而且靭度比較強, 加入韮菜, 雞蛋來炒, 好好食; 沙爹牛肉芥蘭係另一個印象比較深刻的菜色, 沙爹好杰, 叫一碗 "妹" 食很滋味!炆雙冬即係冬菇同冬筍, 有少少酸的味道, 主要係因為筍本身的味, 唔係變壞左的味道, 汁好似係蠔油但又唔係蠔油, 因為係黃色的, 唔知佢點整出嚟但係又幾好食!本來食物都唔錯, 但服務就真係麻麻, 好似明明碟麵線未食哂, 伙記居然話拿拿聲夾埋佢我幫你收左佢, 有無搞錯.... 仲有碟雙冬都仲有兩隻冬菇, 都同我收埋...好似想趕客咁, 好食都無用!

小時候, 都跟從父母到食晚餐.記得當年次次去, 次次都要等位.上星期, 經過九龍城, 唸住成家人好耐無去, 就再去返啦.竟然! 以前迫得水泄不通既而家唔洗等位.!先記起, 佢地好似轉左老細.講返正題. 食物都算係一般, 有少少差了.叫左個　香煎牙帶魚, 好咸! 鵝肉, 切到薄到丫! 最尾食糖水, 喜愛之一, 薑薯~ 嘩! d料薄到透明, d糖水就好似落左成罐糖去煮咁..甜到漏!!!!呢樣都算la! 最過份係d service! 學劉華話齌值得一讚既係: d阿姐會自動自覺黎幫你斟tea...不過!!!好戲在後頭...埋單時, 見佢係整數, 所以我屋企人亦都比左整數, 唸住唔洗找咁麻煩~點知個哥哥仔一句dup埋場黎話: 免茶免加一都唔比tips! 仲要係我地走時係咁啤住我地.大佬, 講明係, 即係可比, 可唔比啦~ 我地又唔係無埋自己張單...真係令人好嬲, 咁既說話都講得出...!@#$%^&*()唸住老字號...點知咁樣囉...!!!錯曬...真係唔洗指意我地再去..

今晚終於與家人一起來了創發，吃它一頓痛快。今次叫的菜跟上次一樣，都是煎蠔餅、鹵水鵝片、煮紹菜什、涼瓜排骨湯、炸雙棗、凍馬友一條及甜品翻沙芋。每桌都有的炸黃花魚很受歡迎，太太及姊姊差不多吃光。煎蠔餅卜卜脆，雖然賣相普通，不過好吃。而且一碟有兩大塊餅，蠔仔也多，真的是物有所值。煮紹菜什其實海鮮多過菜，又有魚蛋又有魚片又有魷魚，抵食。凍馬友幾特別，我們都頗喜歡。最後姊姊們叫了翻沙芋，說現在已經很少見到。吳小小說非常好吃，尤其是表層的那一浸糖衣。太太說不覺得很特別，我覺得都幾好。埋單都是六百多，我們六人，每人都是一百元左右，不算貴。

為食本性又發作, 想舒緩一下心情, 於是今天找了4 位同事相陪....去了九龍城創發!中午比晚市少人得多, 坐下便遞上幾杯功夫茶, 然後叫了香煎馬友魚, 幾香, 但乾而略硬....比上次食更差!涼瓜黃豆排骨湯, 涼瓜黃豆都好腍, 清甜!煮春菜, 湯略鹹, 春菜夠軟夠腍!煎蠔餅, 吃了一少件, 還是喜歡媽媽煎的"多蠔走蛋"煮法!蠔仔粥, 又係略鹹, 不太喜愛粒粒飯的粥底!黃花凍魚, 魚肉幾腍滑!炸花生粿, 5隻, 亞姐放下後...甜品, 味道不太甜, 我們讚了幾句後...又再放下了一碟, 吃不下, 唯有請同事代勞!炸池魚小吃, 差不多最後才送上的小食, 熱熱地, 味道香口, 又 juicy, 更勝馬友!心薯清心丸糖水, 最喜愛的清心丸, 原來此處比合成還好吃, 煙韌, 糖水不甜, 心薯爽口!這裡最特別的地方是....吃前和吃罷也不知價錢, 如果不是凍蟹, 螺片, 價錢是不會太貴的! 仲有, 亞姐不定時會放下幾碟小食, 甜品, 也不好意思問....這碟那碟多少錢?

星期六晚，我地三個中學同學一齊出來吃飯。選了這一間餐廳，因為九龍城是我們以前中學時代午餐的地點。(不過中學時代當然不會來這裡吃飯啦！)我心想，今次三個男人來，應該可以吃到不少東西。點知，我們只叫了一碟例牌鵝肉、一碟蠔煎蛋、一個潮雜菜，再加一個胡椒豬肚湯，已經夠有凸。全部都好食的，不過真係唔夠皮。希望下次可以再來，吃凍蟹同蒸條魚。當天晚上，三色台明星黃浩然和他的家人坐在我們鄰桌。全桌人都稱讚食物特別，別處吃不到…之類。或者下次我也應該跟家人來試多一次。

唸住咁出名的食店,食物水準應有好的水平,但結果係........ 叫咗隻凍蟹,唔實肉,不夠新鮮嘅蟹去整的,做要成400元,很失望! 叫咗个韮菜豬紅,豬紅無味,碗汁無調味,唔好食! 叫咗碟鵝肉拼鵝腸,鵝肉少,味ok,鵝腸太多,成120元,好唔抵!我覺得這間食店收費咁高,應要有高水準有心的食物顧客品嘗,才有顧客回味再幫襯這間所謂馳名的九龍城潮卅食店