創壽司

難得今日老公約我去食丼飯，點知今日我地太晏去到；雖然唔駛等位冇乜人，但係就冇晒三文魚啦冇得食我最鍾意果個805。冇左三文魚，忽然有D好似點叫都少咁D野咁，就連老公都話，冇左三文魚，真係唔知叫乜好喎，三文魚最好食嘛。佢今日重要連湯都賣晒，好彩我一向唔鍾意飲湯，有冇我都冇所謂姐。最後終於決定叫884，有我鍾意既油甘魚，三文魚籽同最最愛既海膽老公就叫左808，係吞拿魚，油甘魚加三文魚籽。因為師父話今期D海膽靚丫，我地就另外再叫多2粒海膽軍艦；再加多一粒珍寶帶子，一開二分放係我同老公個丼入面平時805係有帶子，我地另加三文魚籽的..睇黎我同老公其實都係鍾意食果D都係，每次都係要點齊果D呢海膽真係正丫，又大粒，又鮮甜；完全冇臭味。不過呢，軍艦既海膽係靚過我個丼飯入面果D海膽既；唔知係要另外比錢果D就會靚Ｄ呢？…查看更多

我都唔係好記得為乜去搵老公食Lunch了；好似係因為老闆同我老公講今期海膽好靚，所以老公叫我去食呢我叫左三重丼，因為有三文魚，油甘魚同帶子，依D都係我鍾意食的，本來我想叫有海膽的丼飯架；不過老公話海膽好食不如叫軍艦。老公叫的...好似叫富田丼，佢好似次次都係食依款咁，見到隻蝦好大隻，老公話正，但我就麻麻啦。另外佢重叫左螺肉，又係一D我唔Like既食品，好彩細細碟又唔貴，佢一個食得晒唔浪費。因為話海膽好靚，而叫的4件海膽軍艦，又真係幾得喎。雖然冇對上一次食果D超勁鮮甜，但今次的都好甜，又唔臭。以前試過係元綠，元氣同板長食過屎味既海膽，真係怕怕呢，食完個口隔左好耐都好似有陣坑渠味咁；但係又鍾意食，次次叫海膽都要擔心好唔好食，好似好似中左獎咁，唔好食又係食屎咁樣依家真好，老公同老闆熟左，有正野見到我老公都會推介一下。丼飯重有湯跟架，但係我地飲晒D湯我先記得影相…查看更多

帶個女係上環文娛中心睇完show, 王帝女話肚餓，見到呢間壽司店就試下，一行入去見到得幾個位，不過都係諗住take away返上車度食，點左D小朋友食既蛋，蟹柳，鰻魚壽司，一返上車王帝女就急不及待要開餐，打開膠袋就閒到好香既味道，係好香，估唔到係用香來形容壽司，王帝女話係超級香！ 應該係鰻魚同埋D芝麻既香味，鰻魚壽司既鰻魚用左十幾吋長既鰻魚排，足料 之後王帝女一邊食一邊話好好味，食晒所有壽司同埋話左句超級好味！ 可惜我開車，連少少都無食到，不過嘴刁既王帝女鐘意食一定好好味！…查看更多

The sushi which’s not fresh and the curry fried shrimp rice is not hot enough. It seems like that I am eating sth which can buy from convenient stores. I will not go to this shop again.…查看更多

上環 創壽司🍣🍣🍤🍙鋪頭專做外賣生意亦有少量座位供客人堂食😄今次試左川崎丼有三文魚腩 蟹子 甜蝦新鮮好味 蟹子夠爽 😚😋😋但三文魚脾有少少筋不過只係65蚊😱😱抵到爛跟餐仲送三文魚豆腐湯😋😋啱哂打工仔OL 午餐買返office食…查看更多

上環試左另一間賣壽司同埋丼既小店 又search 到呢間 就試下店唔大 得2張高台 壽司款色唔多 主要賣丼叫左2個丼同埋燒左口魚，海膽壽司第一個丼有紅蝦，魚子，三文魚，海膽，北背第二個丼有三文魚腩佢先黎左一碗湯同埋茶，湯唔係味噌湯，而係番茄紅羅白豆腐湯 一般 茶都係比較淡丼黎啦，個樣都唔錯！海膽幾鮮甜 魚生都新鮮 飯比較多 魚生唔夠分 如果多d就好啦壽司都幾驚喜，左口魚好食 有油脂！D紫菜都係一脆既 唔錯！Overall 都唔錯可以再黎！…查看更多

由以前山林道搬到嚟上環，我一直都係創壽司嘅fans😍 點解？因為真係好新鮮又平靚正囉，老闆又好人，風趣幽默，良心小店嚟左港島區返工，今日下午諗咗好耐都諗唔到食咩好，於是就諗起創壽司啦，即刻打去叫外賣😬為食妹都算幾大食，以下係我一個人嘅lunch😆蒲燒鰻魚飯: 勁鍾意食鰻魚嘅我，次次都一定會叫呢個😬 食原條鰻魚真係好滿足，油脂夠多，又燒得靚，真係正到喊出嚟水母刺身: 鮮甜爽口，仲要唔係好多地方有得食，必食之選珍寶帶子壽司: 去好多地方都未必食到咁大粒嘅帶子，真係食一粒就已經飽左，好鮮甜炙燒左口魚邊壽司: 食左口魚邊最重要就係夠油脂三文魚豆腐湯: 唔係度度食日本嘢嘅都有湯飲，最多都係得啲麵鼓湯，佢地呢個湯我真係encore再encore，好有心好有住家feel🤣同事偷左啲刺身嚟食都話好正，好少地方有咁平咁正嘅壽司店，一定要再encore🤣…查看更多

終於可以準時收工，又剛好可以二人世界！相約太太在上環食好野！鋪面好細，得六個吧台位，我估主打外賣！剛好仲有兩個位，唔洗等！實在太多丼揀了！我地揀左一個是日特價特盛丼、蟹膏三色丼及其他小食！三文魚南瓜湯 - 食丼配呢個湯+一杯熱茶，送完即止！呢個湯好鮮甜，有南瓜及豆腐食，好味！蟹膏三色丼 （$88）- 三件三文魚+六件甜蝦+一片蟹籽蟹膏！三文魚好肥美又大片，甜蝦冇咩味，但又未至於霉霉地！精箤在於蟹膏，真係好鮮甜香滑！特盛丼 (原價$70，特價$65） - 三件三文魚+三件鯛魚+兩件油甘魚，三文魚，油甘魚好肥美，食到魚油的味道！鯛魚冇咩味，不過不失。三文魚腩壽司$20/2件，好肥美帶魚油，但壽司飯唔夠醋味。海膽壽司$19/件，海膽算新鮮，幾香甜香炸蠔卷$58/8小件，即炸生蠔+沙律醬+超多蟹籽，好香脆鮮甜！好鐘意呢款！…查看更多

下午茶時間，有3-4款 $38 選擇迷你魚生飯，有4-5款魚生加玉子，頗新鮮，再加一個海帶小碟同豆腐蕃茄湯，飽😋小店堂食只有約6個位，其他丼同壽司的價錢也不貴，下次可試。…查看更多

而家食個好少少既魚生丼都要過百蚊，但上環呢間只有兩張木枱，6-8個位既地舖仔就只需88蚊，仲送湯但好可惜今晚賣哂無得試湯紅魚丼 - $88海膽、三文魚、蟹籽、牡丹蝦、北寄貝根本上係最大眾化既配搭海膽鮮甜，色水鮮色蟹籽偏多，令飯食起來唔會太單調三文魚雖然算不上極厚切，但絕對係大面積！牡丹蝦都甜，但未到爽88蚊黎講，一個字: 超值另外試食鰻魚飯 - $68飯比魚生丼更多，汁多令飯更岀色鰻魚偏淋，中規中矩68蚊而然絕對岀色可以encore…查看更多

放工之後朋友介紹我去依間餐廳食飯，自己本身唔太鐘意坐吧枱，好似食得好辛苦咁。但朋友好想試所以就照入去。人唔算多，反而係比左個好好既空間同朋友傾下計，可能都係因為咁所以上菜上得好快。我叫左個讚其丼，即係三文魚同埋燒三文魚飯，一個set 都係$70，已經包埋湯同一杯熱茶。三文魚分量好足，同飯既分量係一比一，仲要係厚切架❤️個湯有d特別，唔係麵豉湯，有少少似味噌味既番茄湯😂😂有蕃茄、粟米等。唯一缺點係啲飯過於黏，可能係我自己食唔慣，覺得如果啲飯乾身翻少少會好食啲，但整體來講算係幾好。…查看更多

生日老公要返工，唯有去他工作的地區搵佢請食Lunch因為老公要返工，完全係快閃，食完就走...好彩近2點，Lunch的人潮已過，不用等位看餐牌有勁多丼飯，壽司，刺身選擇；丼飯由價錢60, 70, 80, 88 - 168都有，平均每個價錢有10幾款丼飯選揀；我依D有選擇困難症的人就將點餐重任交比老公，自己走去買珍珠奶茶回到舖頭時老公已點好餐；2個刺身丼Set...不過因為老公趕時間，我沒有留意老公點了什麼價錢的..老公的，有吞拿魚，油甘魚，劍魚，甜蝦及蟹籽的刺身飯我的，小帶子加蟹籽刺身飯，滿滿的小帶子，初初還以為小帶子會沒那樣好吃，原來又不差，可說是十分好吃；之前食過珍寶帶子都要分幾啖先食得晒，依Ｄ小帶子SIZE剛好，一啖一隻，鮮甜味美，跟珍寶帶子一樣好吃呢…查看更多

路過見到呢間壽司店，好似有幾多選擇，價錢又唔貴，就試下佢既魚生飯。呢間餐廳主要做外賣生意，裡面有幾個座位。如果早去可以坐望街景的小bar檯，唔駛買外賣。但買兩客外賣就有九折，都幾好呀叫左人氣既大分丼 $80，裡面係三文魚同海膽。三文魚幾肥美幾香、海膽亦鮮甜，份量都ok。另外仲有送三文魚豆腐湯，清清地幾好喝，好過送汽水。下次想試下熱食- 姜汁豚肉飯、燒汁鰻魚飯等，賣相都好似唔錯。想食壽司既仲有好幾款壽司set.…查看更多

創壽司位於上環街市斜對面。小小的店子就只有兩張木桌子、四個座位。 午餐的壽司set刺身丼配搭很多，由$60-$88不等，不想吃食生亦有幾款熱食選擇例如鰻魚飯等。你亦可追加刺身或其他小食。三重丼 $80有三文魚、油甘魚、帶子，亦送上飛魚子，份量很足。魚生挺新鮮而且是厚切的，唯獨是飯給按壓得有點硬。隨丼還附送自家制三文魚豆腐湯。不見有三文魚在湯裡，有點像番茄薯仔湯，味道還不錯。外賣自取午餐二客有九折，三客有八五折，又幾抵喎。…查看更多

上環有間外賣壽司店聽朋友介紹好多次，今日經過就去試試啦餐牌選擇好多好多，眼花撩亂唔知點選擇好。款式多配搭非常創新丼飯價錢有平有貴，可以自己選擇岩自己口味的丼飯。我就叫左個厚燒玉子丼飯。另有一碗三文魚豆腐湯。濃香蕃茄味入口清香，仲有好多紅蘿蔔和豆腐粒。滿滿丼飯，賣相好靚好靚呀玉子切到心心樣，師傅好有心思呀，玉子入口蛋味濃香好滑溜，有啲蛋漿口感，加上甜甜燒汁好香口滋味。另有生薑，酸甜開胃，喜歡飯粒有咬口唔會太濕。…查看更多