到會熱點 (非門市)

營業中

休息中

朋友新屋入伙，試下新野叫到會嚟食返次~朋友話食過一間到會唔錯仲話今次包係佢身上，估唔到真係唔錯煙三文魚他他 @ 他他引發出三文魚的鮮味令到口感清新，層次分明杯杯紫薯玫瑰燴飯@燴飯質感軟滑之中帶點紫薯微粒嘅薯蓉感覺，有真紫薯味！蜜糖芥末雞槌@雞槌啖啖肉，更有軟骨位置可細嚼！雞槌與蜜糖是一對絕配，加一點芥末醬更添驚喜，而流出來的肉汁更是滋味由嘴裡到心裡去泰式酸辣無骨鳳爪@混合酸、辣的味道令人非常開胃，無骨鳳爪入口啖啖肉，味蕾即刻跳動黑松露野菌燴長通粉配西班牙火腿@黑松露香味撲鼻🤤味道濃郁，彈牙嘅長通粉都沾上黑松露，每一口都能夠感受到黑松露既滋味配合一片片薄而透光的西班牙火腿入口咀嚼，啜其油香，呢個選擇真係無得輸，好好味呀！北海道帆立貝野菌炒烏冬@烏冬一D都唔腍，幾彈牙原粒上的北海道帆立貝SIZE大得黎又夠鮮味

第一次寫吃到會的食評，也沒想過到會也開了openrice可以讓食家們反映他們的意見。公司慶祝點了這一個公司，吃了之後覺得還不錯，而且食物的選擇沒有那麼刻板，中式、西式、泰式也有。套餐A (6-8人餐，任選8款)　　$704泰式酸辣無骨鳳爪到會也不只是有中式的冷盤作前菜，有泰式無骨鳳爪！酸酸辣辣很開胃，份量也適中。蜜糖芥末雞鎚 + 流心榴槤炸彈吃到會怎少得了吃雞翼/雞鎚，我們點了比較惹味的蜜糖芥末，味道頗足夠，不過乾身了一點。而流心榴槤炸彈是同事們的最愛，我不吃榴槤，但聽同事們說也頗香口。黑松露蛋白炒飯有大約2磅，份量很多，見到好足料，蛋白不少，而黑松露滲入了炒飯當中，飯底炒得不錯，夠乾身，還有些青豆粒、紅蘿蔔粒增加口感。法式繽紛雲呢拿朱古力泡芙(16粒)每粒都夠「脹卜卜」，而且每粒都淋上朱古力醬，泡芙一定要冰冰的才好吃，而且外層要不焾，這家到會算做得不錯了，16粒還真的不夠吃！繽紛馬卡龍(9粒)沒想過馬卡龍也可以到會，很多元化的選擇，也是一家比較新派一點的到會公司，不像是一般傳統的只有菠蘿腸仔、炒飯、雞翼。馬卡龍每一款都不同味道，有朱古力、草莓等等，不太甜，每人一顆作飯後甜點不錯。每樣

日日lunch都出街食，公司附近啲餐廳都俾我哋食勻晒，無限loop🙄。今次同事生日，搞搞新意思，叫到會。有啲同事又煮左啲住家小菜同小食，實行開心share！嘢食早左10分鐘送到，仲係熱辣辣。鮮茄藜麥沙律蔬菜幾新鮮，加咗啲藜麥，更健康，口感亦更加好。 沙律醬係分開上。蜜糖芥末雞槌 + 流心榴槤炸彈雞鎚醃得好入味，微微芥辣香味再加蜜糖嘅甜味，好食。榴槤炸彈一咬開，嗰陣濃濃榴槤味就湧出嚟，真係好正。 但唔食榴槤嘅同事，就即刻彈開，好好笑😂！日式燒汁茄子略為偏咸，加咗啲芝麻去提香。黑松露蛋白炒飯食到黑松露香味，夠鍋氣同乾身，不過加埋蛋黃去炒我覺得會更好食😝。芒果布丁 + 朱古力軟心糯米糍用心心膠兜裝住，一口甜品，食得方便！今次初次體驗唔錯，下次會試多啲其他美食。

Halloween正日，我同一班好耐無見嘅中同租左個padry room開Halloween party，雖然一般party room唔會供應野食，但絕對唔會阻止客人叫到會，所以我地上網搵就搵到呢間。十幾個人我地都叫左好多野食，當中呢幾樣係我至鍾意.鮮蕃茄藜麥沙律新鮮沙律菜爽口清新，混入左健康嘅藜麥，有飽肚感，配芝麻醬汁，更加開胃。.他他醬蛋沙律迷你牛角包雖然話迷你，但如果開party咁多食物黎講，食完呢個包，都咪話唔頂肚。碎蛋撈左沙律醬一定無得輸，沙律醬唔會多到泛濫，中間放左塊廿番茄，減低牛角包油膩感。.蔗蝦拼薯絲蝦炸得香脆嘅蔗蝦同薯絲蝦，炸粉唔厚，蝦肉彈牙，最鍾意薯絲蝦仲卜卜脆！值得一讚係到會都仲保持到香脆，炸粉應該調得好。.天然糖香芒布甸講明話係天然糖，食落真係唔會死甜，芒果味好出，香濃滑溜。放到黎到唔會溶變水達達。.繽紛馬卡龍多種顏色睇落已經好吸引，雖然唔可以同法國大品牌媲美，但絕對唔係劣質貨。馬卡龍殼保持脆口，裏面d cream唔會好甜。.法式繽紛雲呢拿朱古力泡芙甜品控真係主打甜品！呢個泡芙正中我心意，唔鍾意出面連鎖店個d咁heavy，呢個cream比較light，puff皮

朋友黎聚會, 完全諗唔到去邊到食, 就不如試下到會, 又可以係屋企玩耐D, 唔駛再特登去迫車等位.FEVER FOOD每樣野食都唔過 $100, 一於試下!泰式酸辣無骨鳳爪 - 酸辣味BALANCE得好好, 唔會好辣, 而且無骨, 十分方便!日式燒汁茄子 - 夠多汁又夠入味喎! 一D都唔OILY.BBQ蜜糖雞翼+豬仔骨 - 呢個超正, 蜜糖雞翼香甜又大隻, 豬仔骨好入味又鬆化 他他醬蛋沙律迷你牛角包 - 我最愛的牛角包, 蛋沙律十分足料,  配他他醬少少酸, 可以食多幾件!天使雪花一口西多士 - 一啖一粒, 又香又軟, 甜度岩岩好, 小朋友係甘爭食!黑松露蛋白炒飯 - 黑松露好香, 無得輸呀! 炒飯粒粒分明夠火喉!每人$100唔駛, 真係幾抵!

今日開大食會,其實都唔係大食會, 至不過系晏就叫下到會，就嗌左fever food既食物。因為我地人唔多，原來都可以叫4個人既份量。 以我地幾丁友黎講，食物份量算多。叫左個沙律🥗，真系好大兜🤭啲菜好新鮮，仲配埋個醬，好正😍迷你海鮮蟹蓋,黑椒腸。茄子好林，好入味，黎到仲系熱的，唔會話涷哂。 到會一定要叫大兜麵或者飯，我地叫左個蛋白炒飯，好大兜，味道唔太淡，仲暖暖的👍🏻👍🏻👍🏻就黎聖誕，都可以再叫返到會一齊開PARTY。

開萬聖節party, 個個都掛住扮鬼扮馬, 唔得閒預備野食, 好彩呢家D apps 好方便, 想叫野打開個apps 就得。今次揀左Fever Food, 貪佢有晒set, 唔洗煩。而且價錢唔貴, 每人幾十蚊就有交易, 抵過出街食。今次叫左呢個set, 有粉有小食有甜品有前菜, 蛋黃煙肉卡邦尼意大利粉 (2磅), 先講份量, 呢兩磅意粉絕對夠秤夠斤量, 4個人食夠晒有多,卡邦尼意粉夠Creamy, 芝士也夠香濃, 入面有煙肉有菇, 份量十足意粉唔會死淋, 唔會發到一大pat 粉咁比客人。而且怕D 汁漏出黎, 餐廳仲會係送貨前鮮蓋上保鮮紙, 非常貼心。小食拼盤有韓式柚子炸雞6件, 天使雪花一口西多士11件, 蔗蝦拼薯絲蝦各兩件其實仲有D 沙律菜伴碟tim XD韓式柚子炸雞同柚子醬分開上, D 雞就唔會整淋晒, 炸雞D粉都唔算太厚, 酥脆而不油膩。天使雪花一口西多士都幾大件, 一口其實食唔晒, 落左D 煉奶落去, 如果西多中間塗多層花生醬我相信會更好吃 蔗蝦中間條蔗稍嫌有D 乾, 唔係好食到蔗的甘甜。但薯絲蝦有驚喜, 蝦肉彈牙, 薯絲夠脆!!好惹味。煙三文魚他他蕃茄口感清新，層次分明, 令

有朋友喺我公司附近開咗鋪頭,趁有時間就上去探吓佢,順便促膝長談,見佢為咗自己嘅生意都冇時間,食個飯都行唔開,就俾我搵到呢間喺工廠大廈裏面竟然有提供到會服務,呢間鋪頭仲咁啱係喺我公司同一條街添,真係話都冇咁方便呀。本來睇佢哋啲宣傳單張就以為佢哋一定要超過六個人先可以叫,原來唔係㗎,原來最少可以叫四人份量,所以我就簡單咁嗌咗以下幾樣嘢食,食唔晒仲可以帶番屋企添。泰式香燒豬頸肉+迷你海鮮釀蟹蓋+黑椒一口西班牙腸：海鮮釀蟹蓋雖然係迷你細細個但都整得幾好味裏面好似有啲切碎咗嘅薯仔粒咁幾有口感。黑椒一口西班牙腸就好似芝士腸咁細細條容易食,黑椒口味都幾重。燒豬頸肉都整得幾好切得唔太厚,就算唔點泰式醬都夠味。招牌炭燒雞肉串+黑松露熔岩芝士炸薯角+黑椒一口西班牙腸：最鍾意就係食呢啲串燒咁嘅雞肉串炸薯角拎到上嚟可能已經焗腍咗少少所以已經唔脆嚕。北海道帆立貝野菌炒烏冬：一盒有成兩磅真係好大兜,份量充足,見到佢色水咁深就知道一定啱晒重口味嘅人士啦,佢哋用咗日本豉油炒烏冬之後上邊仲有啲沙律醬同埋木魚絲增加日式風味。帆立貝都佈滿成份烏冬我個朋友就最鍾意食呢份黑松露野菌長通配西班牙火腿,啲白汁整得味道香濃,黑松露味

買左Mario party...決定約友人黎屋企打機🎮開大餐，之前開party通常就叫pizza🍕食既，友人話要搞搞新意，食‘到會’🤣外賣自取喇！經友人早幾日訂好七點，我地六點五十分上去都已經有得扲。再坐幾個站返屋企打開仲熱辣辣♨️勁。推介✨黑松露野菌炒意大利麵意大利麵軟硬適中，每條都沾有香濃忌廉汁。加有不少洋蔥、野菌，切得比較大件，口感十足。拼盤日式雞排-大大塊、啖啖肉、偏濃味餃子🥟-炸得香脆魷魚圈-不錯不錯貼心的有跟到沙津醬😍友人叫左好多款甜品個人覺得最好食係馬卡龍😘黃色-檸檬味同 粉紅色-野苺味都帶有酸酸的內涵，同外層甜甜的餅皮，兩者都配合的很好味。今次叫‘到會’比起食pizza，有更多選擇，而價錢又差唔多，下次開party都會再叫🤣

好多時候公司搞event時只會俾好少budget,最難搞係上手做落飲品, 餐具, 食物 全部分開訂, 務求用最平既價錢去買食物。何苦呢都有做開計7成或8成人頭做budget, 左計右計其實唔夠食又攞黎樣衰, 食剩d人又話浪費又cut budget。 所以舊同學介紹呢間到會真係清泉, 因為食物份量多, 夠平呀。 不過係要叫正餐 飯, 麵果d份量先一定夠飽, 淨叫小食既話d同事就好似餓鬼咁一次食兩餐。 煙三文魚他他杯呢個high class, 令event升呢。泡芙類甜品, 做event最岩一口食哂。 方便傾計又唔怕肉酸。 咖啡焗雞皇飯呢個小小辣, 超香。 食得多食咸d。 有雞肉勁滑。 好受同事歡迎。泰式豬手呢個飽肚之選。 係豬皮會痴埋一齊難分開d。 配個醬d同事又覺得high class左。 掂左。 同事唔知有醬 又可以扮細心地提下佢。 又多個話題傾下個醬既味道日式餃子(左下)呢個大路野又飽肚。 穩陣之選。 魔鬼熔岩一口西多士(上)呢個反而岩d開心既event, 例如: 慶功, 聖誕果種。 因為色彩繽紛。 小朋友見到一定好鍾意總結: 做到budget, 有口牌, 同事鍾意, 咁下次唔駛煩

朋友新居入伙~決定去佢屋企玩但大家都唔識煮嘢~上網搵到呢間近佢嘅到會~呢個係4人份量~賣相都唔差~啲嘢食拎到返去再等咗陣都仲熱,啲炸嘢都無林到呢個黑松露野箘炒意大利麵~好有箘味啲汁好均勻~唔會好乾~我哋仲叫咗2個拼盤~呢個拼盤分別有日式和風雞扒,脆炸吉烈蝦,尤魚圈同日式香脆餃子吉烈蝦同尤魚圈都好好味~放咗咁耐唔太油而呢個拼盤呢就有香燒墨魚丸,蔗蝦同薯絲蝦~薯絲蝦幾特別~一開頭仲以為佢係啲芋咩嗰啲~原來係薯仔絲卷住啲蝦味道都唔錯~仲有杯杯紫薯冷燴飯同煙三文魚他他杯我張佢哋同啲甜品放埋一齊影~ 紫薯冷燴飯幾得意~食落有啲口感~味道幾好~而煙三文魚他他杯味道就普通咗啲~(可能因為我唔鍾意食煙三文魚)甜品方面Macaron有3隻味~有檸檬味,雜莓味同朱古力味~我就揀咗雜莓味~甜得嚟帶有小小莓味~好好味而其他2隻味朋友都話好味~最後個泡芙我只係食到原味~其他都比人搶晒呢間到會算做得幾有心機~之前食過其他到會都係啲好簡單嘅嘢食~而呢間賣相又ok味道又ok大家叫到會~可以試一試~

生日開大食會, 每人負責一部份, 朋友就嗌左fever food既食物二人餐可夠4個人食。carbonara 2磅 極推薦, 煮得比出面餐廳好。 汁夠稠, 掛麵一流, 煮完到食已隔左一個鍾仍十分好味。 煙肉粗切正。 只係洋蔥太生。 有兩種菇。 真係唔惹小呀。蘿蔔絲蝦 蔗蝦天使雪花一口多士韓式柚子炸雞西多士太飽肚, 蘿蔔絲蝦好正, 韓國炸雞好快清哂甜品: 糯米滋同類似紫薯泥糯米滋有少少朱古力粉, 仲好軟綿綿好味。 而紫薯泥我覺得好新穎, 好特別但怕左生洋蔥。 有玫瑰花係上面好靚。總結: 到會食物有心思有驚喜

哇哇哇！！人妻今日要做咩👅👅👅梗係要慶祝啦💕慶祝今日唔使做2仔~可以做返粒小薯仔一日啦⋯⋯哈哈其實都係搵嘢嚟慶祝～唔使煮飯！不過呢間野真係大件夾抵食不得之了😍佢係位於觀塘工廈之中～所以價錢相對上面會比較便宜！但食物一啲都唔失禮⋯⋯北海道帆立貝野菌炒烏冬烏冬大大盒足足有兩磅～而且夾落去帆立貝絕對唔係hea你！～分量多而且炒得夠乾身～上面再鋪上柴魚乾～添上點點的日式風情和調味～唔使下下食意粉咁單調😊😊拼盤拼盤分別會有好多嘅嘢食喺裏面😍😍😍😍泰式香燒豬頸肉非常香口而且肉質鬆化～而且惹味又開胃，我都係第一次食都會係食泰式豬頸肉！迷你海鮮釀蟹蓋釀蟹蓋味道鮮甜甘香，海鮮配料讓蟹蓋味道與口感更豐富，味道濃郁又不油膩。內有蝦膠蟹肉洋蔥等等～實在非常特別黑椒一口西班牙腸🤫感覺同香港食開嘅香腸唔同～有少少似臘腸呢🤣最後我叫咗兩款甜品分別係杯杯紫薯冷燴飯+自選甜品馬卡龍～馬卡龍整得非常出色～外層鬆化又唔會過甜!比出面嘅甜品店更加好食😊😊😊

要同家中小朋友開生日會，又要揀一間唔算貴，又會準時嘅到會真係好難。同時又要啱小朋友同老人家，大xx次次收到食物都冷冰冰的，其他又唔啱budget ，睇朋友網上放相，見到這間到會又好似唔錯，不過始終係老闆大日子，先約好友開個迷你大食會睇下大食會用唔用佢先。朋友叫我先上Fever Food 官方網站下載餐單先，佢最遲可以一日前先網上落單，又有bb食物及素食不過最重要睇下食物質素先。北海道帆立貝野菌炒烏冬，好足料，味道有少少濃有原粒帆立貝唔會碎上。黑松露野菌長通粉配西班牙火腿，又唔錯，長通粉唔會淋哂，醬汁加上黑松露好惹味，仲有西班牙火腿，最初以為切絲碎上添。一口腸最正，好香口，豬頸肉似泰國餐廳食的，佢甜品竟然有馬卡龍！其他凍食好多都一杯杯上，方便分享。整體上醬汁唔會好似jelly，味道又唔差，又唔會冷冰冰，加上款式多，又可以自由配搭，老闆大食會可以有著落了。

公司聚會有同事揀左而間野黎試一試食佢地都有唔小野揀到會黎講算高質架啦泰式椰汁咖哩焗雞皇飯🍴而個辣辣地 因爲我唔太食得辣，所以同事食左 ！ 佢地話都幾好食！ 雞肉都算多下泰式原隻豬手 佢地好貼心下 幫我地切晒出黎架！！ 方便我地分黎食🥢🥢 補充下骨膠原啊哈哈吉烈蝦拼炸魷魚圈🦑 好脆好好味 不過有d唔夠食，嘻嘻！ 好彩搶到一舊姐西多士 有好多朱古力醬舖係面到 甜甜地仲有d棉花糖 好正既甜品啊三文魚他他有d番茄撈住食🍅 酸酸地， 而個就無其他咁正朱古力糯米糍 而個好好味唷 勁濃朱古力 超級愛吃喔