利寶閣 (已結業)

間唔中都會去酒樓品嚐一下精美小菜，又其廣東粵菜係烹調方面特別出色，有時真係會食出驚喜，而且味道出眾確係唔錯嘅選擇，早排又去咗呢度開飯，其實都係啱啱係商場行完順便係度食埋飯呢度食飯之餘仲可以望見維港夜景已值回票價，講番呢度係食廣東小菜，唔少得整番碟燒味食下先，點咗有脆皮燒汁雞（半隻）話明脆皮當然人口夠脆卜卜，至於雞肉肉質細嫩滑滑又帶點肥美，記得點埋燒汁一起食會有一番滋味再來有雙果咕嚕肉，咕嚕肉入口鬆軟啖啖肉，又可以食到腰果同果仁香脆，而且食到酸酸甜甜醬汁特別開胃，最埋配碗白飯吃就最完美除左以D外仲有個限定晚市供應套餐，谷飼豚肉叉燒飯配原盅佛跳牆，而且做緊優惠價我都唔執輸點番個品嚐，又可以一次食到兩種味道，記得要Order先唔係食唔到就走寶啦等一陣終於有得食梗係先飲啖靚湯滋潤下，湯料夠足有鮑魚、遼參、魚翅、瑤柱、花膠、花菰、蹄根，可以飲到湯嘅精華之餘，又可以食埋佢真係正輪到另一款係叉燒飯，話明谷飼豚肉肉質當然會較嫩滑又帶點脂肪，入口軟綿又帶點香甜燒汁，再配埋隻荷包蛋簡單得來又食到原汁原味真係一個唔錯選擇最後食埋是日糖水已經滿足晒食慾。

今日逼咗朋友嚟the one陪我一齊朝聖，呢排the one嘅展覽係sailormoon呀，真係不得不黎。朝聖完影曬相買曬禮物就順便係道食埋晚餐。 朋友想食中餐，於是上咗幾層搵嘢食，最終揀定係17樓嘅利寶閣。呢度環境幾四正喎，坐近窗嘅位置可以睇到海景。平日唔多人，唔洗等位。 兩個人坐張圓枱非常闊落，朋友話最鍾意食環境，今次一定滿足到佢！ 睇下餐牌有咩食先...價錢比出面貴少少，食過先知龍與鳳....有特價$28隻乳鴿，幾抵食喎。可惜朋友麻麻地乳鴿 ，今次冇得叫... 前菜嚟咗一小碟蘿蔔絲同木耳，開胃今期做緊個孖寶推廣，晚餐有谷飼豚肉叉燒飯配原盅佛跳牆。$188蚊就可以食到佛跳牆，好吸引呀！！就叫佢！原盅佛跳牆 餡料非常豐富！！有鮑魚，花膠，魚翅，海參等等...好多山珍海味都係曬度！！夠晒滋補養顏！燉湯好鮮甜，令人回味無窮！睇下啲餡料幾豐富穀飼豚肉叉燒飯 叉燒燒得好入味呀，肥瘦均勻，肉質幼嫩香辣爆蝦球雖然本身唔係好食得辣，但係又超想食惹味炒蝦球喎，唯有挑戰一下啦好彩唔係真係咁辣，就算食唔到辣都冇問題呢！蝦球爽口彈牙 ，炒得好惹味！四季豆就一啲渣都冇，good呀碧綠炒斑球 碟送配翠玉瓜同黃

當一班朋友諗黎諗去都唔知食乜好嘅時候，中菜都係一個唔錯又安全嘅選擇。又唔需要擔心每人口味唔同，中菜嘅選擇都好多，朋友實揀到樣啱的。脆皮香芒蝦球細細聲講你哋知，其實我真係好鐘意食啲酸酸甜甜既野，好開胃！有幾多人同我一樣架？返正題，呢碟香芒蝦既賣相已經好吸睛，啲蝦球係大大舊，芒果既色澤一睇就知係靚！啲蝦球係有炸過既，可以保留蝦既鮮味，唔會畀啲芒果汁蓋哂。蝦球係主角，但啲配角都好好食！啲芒果粒真係好鮮甜，配埋啲脆脆，重點係仲係好脆，好有口感！我哋最後係將成碟蝦球連脆脆清哂！唔係我哋大食，只係呢碟餸真係太開胃囉。美味欖角骨欖角係中式菜好傳統既食材，新一代既煮夫煮婦可能都好少用欖角黎煮家常菜。聽講落少少豆豉可以更加調出欖角既香味，由於兩樣食材都係黑色同埋軟軟哋，我就唔係好識分豆豉同欖角既味，總之食落係好香啦！又聽講，最出色既欖角骨係甜甜哋又唔會過鹹，出面有時會食到啲好鹹既欖角骨，而呢碟欖角骨係用左蜜糖，而非蔗糖、片糖，所以啲排骨粒既色澤更靚，唔會變到黑炭咁。同埋，好多時係骨多過肉，但今次係好多肉，而且唔會太瘦，所以好Juicy。不過個人口味，如果蜜糖落少啲更好，今次有啲甜。幸福滿溢成日講過女人有

約咗朋友喺尖沙咀聚舊，聽聞利寶閣中菜唔錯， 最終選了The One 利寶閣，地方尚算寬敞。枱上茶具好精美，點咗普洱茶及香片，聞到茶香味，簡直好似去咗英國嘆緊英式茶。服務員好快遞上碟一小點，估唔倒這個萵筍幾好味。跟著經理推介一款佛跳牆配豚肉飯 ，迷你佛跳牆湯底鮮甜，內裡有鮑魚，花膠，魚翅，療參，雖說材料細細但亦有份量。而嗰碗豚肉飯喺大大舊义燒，肥瘦適中，唔韌彈牙兼啲肉汁好好味，仲有隻太陽蛋夾埋豉將啲飯撈勻一齊吃好滋味。三色椒蒸龍躉腩魚肉鮮味都好滑，可能配咗三色椒，有少計辣，吃落幾特別。美味欖角骨平時吃掛骨一般是京都，鎮江等等，今次點咗呢款欖角骨，味道常都好，外皮脆香，撈埋攪碎欖角，又唔會比欖角咸味搶走，越食越滋味，好吃。天九膠扣玉掌天九膠整塊炆得好淋滑，鴨掌亦好淋，配合嗰鮑汁，吃完都滿足啊。香芒卷再點個香芒卷，賣相靚，芒香肉香甜，卷面晒上椰絲，真的好味。估唔到喺中式酒樓吃到一款甜品專門店先有嘅甜品，值得一試。最後食埋蛋散，紅豆沙，人人吃飽飽啦！

蒸魚雲、芝麻卷、鯪魚餅、咖哩土魷， 蒸魚雲唔好食， 唔新鮮好腥。 芝麻卷咬入口。太過硬。 鯪魚餅又係腥。 咖哩土魷點咬都咬唔開， 因為17樓緣故，居高臨下。如果你坐近窗口就可以望到尖沙咀景色。

之前媽媽去完大角咀間利寶閣，對佢既服務，食物質素 同埋 環境都念念不忘。今晚再嚟食好西！試下唔同野食！入到嚟先畀佢哋超高樓底同好大棧嘅水晶吊燈吸引，再望過去見到一棟棟既高樓大廈，真係估唔到飲茶都可以有咁好嘅環境🤫而且落單嘅時候我完全冇諗過自己食唔食得曬。。。一味落，落到店員好好心提醒我哋會唔會怕食唔哂會浪費🙈所以記得唔好諗住見幾抵食就係咁叫一係黎睇下有咩嘢食❤️然之後仲會有啲小食薯仔同埋 榨菜撈埋一齊酸酸辣辣既開位價而且我哋叫呢個菊花茶，非常之清新。唔會好似其他酒樓咁，飲多幾杯就冇茶味佛跳牆有魚翅花膠鮑魚遼參鳳爪乾瑤柱粟米豬肉瘦肉花菇蹄根blablabla 就咁睇已經畀佢哋咁多既食材吸引住，而且一入口，味道寧舍鮮甜，配料份量亦都唔手軟架。脆皮香芒蝦球呢隻蝦隻隻都非常之大隻，而且係先炸再落芒果汁，配合埋炸餅一齊食，可口鬆脆嘅外層配上爽口鮮甜嘅蝦球，味道非常之出色三色椒蒸龍躉頭腩一啲都唔腥，而且份量亦都唔少，新鮮嘅龍躉加上三色椒嘅清新味道，更加突出魚既鮮味！喺呢個時候如果有肚嘅話可以叫碗飯嚟送.。 不過留意番有少少辣嘅，木耳就更加辣。黯然銷魂飯 個叉燒係谷飼豚肉叉燒，所以食起上嚟一啲都唔會有

今天契女約了我們，在尖沙咀吃下午茶傾訢心事，差不多傾到六點半，而我們已經肚餓，想起附近有利寶閣，又記得上次銅鑼灣利寶閣的佛跳牆，便去再吃多次。這裡環境比銅鑼灣裝修得更豪華，而且擁有一個美麗的海景，八點鐘，還可以欣賞環彩詠香江。佛跳牆配豚肉叉燒飯$188，今次叉燒只切成兩塊，吃落軟腍，大啖大啖的叉燒在口中很滿足，下次吃叉燒都是免切好一點。佛跳牆內有鮑魚、魚翅、雞肉、豬肉、海參、響螺片、冬菇、排骨。湯頭清甜回甘，令人回味無窮。花膠雞煲$88，上枱時，吱吱聲，熱騰騰，香噴噴。雞肉香嫩，花膠夠厚，送飯一流。蝦子柚皮$78，浸煮柚皮工序繁複，加上蝦子的香味，確是特色手功菜。👍👍👍生炒咕嚕肉$78，咕嚕肉是即炸，外表香脆，內𥚃肉汁豐富，加上酸甜適中的醬汁，就是必吃之選。

前幾日同班舊同事食飯，去左The One方便食完飯行下街。原來The One樓上的不只係擺酒的地方，都有唔錯的中菜。坐得近窗仲可以睇到維多利亞港景色，在場都有唔少外國人，睇黎大家都係比景色吸引。眾多菜式中推介以下的小菜！大澳生者唐生菜平時比較少食唐生菜，所以刻意點這道菜，它用熱窩盛住，一開蓋，感受到它熱辣辣。食落好夠味，值得一讚係蝦乾好大隻，它連肉碎、通菜撈汁好啱配白飯！谷飼豚肉叉燒飯應該係餐廳招牌菜，可以連個佛跳牆一set 咁叫，望落餐廳都幾多人叫！的確無令人失望，叉燒大大舊，又厚肉，重點係叉燒不會乾身，好重要！仲有隻太陽蛋亦煎得好靚！一人食一碗都不過份。三色椒蒸龍躉頭腩平時食龍躉多數清蒸，它配三色椒碎都幾夾，個汁有小小辣，但食唔到辣的都相信接受到，真係小小辣而已，它個汁都幾啱配飯食。最令人欣賞係幾有肉食，骨的比例無佔太多，以$98黎講算幾值！細看之下，酒樓都幾豪華！坐得舒服，都幾適合一大班人傾下計！

今晚跟朋友去The ONE 睇 “超人特攻隊2”, 飯前當然醫飽自己先啦, 成日食西餐, 今次我們二人就去了利寶閣食中餐。之前中午跟Auntie 來過, 這裡樓底超高, 用上了巴羅克的建築設計, 天花手繪了天花的畫作, 為新人的婚宴締造浪漫的設計! 而且The ONE 地段很好, 可以飽覽維港及尖沙咀夜景, 就是今晚有點雨, 所以拍不到絕美的景色 餐廳的 Show plate 及茶杯用上了浪漫的碎花設計, 十分優雅鐵觀音 茶味甘香, 而且飲了一個晚上仍然有茶香, 不像坊間酒樓一般飲的是顏色 餐廳做緊promotion, 谷飼豚肉叉燒飯 跟 原盅佛跳牆竟然只需要 $188 而已想也不想就叫了! 原盅佛跳牆 (內有原隻鮑魚, 遼參, 魚翅, , 海鏍, 花膠, 瑤柱, 花菰, 啼根, 龍眼肉, 雞翼, 瘦肉) 十分足料, 意想不到的是魚翅是兩排排翅, 花膠都有2條, 湯汁有黏黏的感覺, 好似很多膠質一般, 原來是足料燉了7小時, 所以把食材的精華都煮晒出來, 啖啖也是骨膠原谷飼豚肉叉燒飯叉燒是用美國的谷飼豬肉, 梅頭位, 所以肉質很嫩及多汁, 肥瘦分佈平均而且廚房的大廚很懂得烹調, 叉燒是

After dining at Star of Canton on other occasions I organized a small, team dinner here for 12 colleagues. While the food was quite tasty, the service was atrocious. The restaurant was packed, about 20 tables, they only had five waiters, all of whom were over 60 years old. I'm no ageist, but if management is going to skimp on service staff, better hire waiters who can move more quickly. In addition to being slow, they bungled our order and forgot to order all of our dishes. So, the Yeung Chow

是日夜晚一家人去咗尖沙咀，一共四個大人去咗間中式酒樓食晚飯嘆茶。講開又講，晚飯食西餐外國菜就多，又真係幾耐無夜晚去酒樓食飯，的確係幾回味。位於The ONE樓上嘅利寶閣，升降機門一開傳來嘅係濃濃嘅茶香味，呢個都係我整晚特別深刻嘅體會。 平日不算十分人多，所以部長相當快捷地安排好坐位，睇過餐牌最後柯打咗6樣菜式，1個叉燒飯配佛跳牆套餐，再柯打多2個甜品。等待其間，可能雨季所以室溫都偏凍，此時飲一口香片，茶水夠熱沖泡時間剛好，完全揮發出香片嘅茶香，濃郁而且易入口。不稍一會，最先到達嘅係小菜、叉燒飯同佛跳牆，雖然係一客，但個人覺得份量夠兩人分享，叉燒少少肥岩岩好，口感適中易嚼，十分夠味送飯一流；而佛跳牆更係令我愛不釋手，除咗夠哂足料之餘且味道醇厚，飲得出老火煉成，熱辣辣燙嘴飲真係好滿足。其後接住有蒜片和牛粒、八味豆腐、脆皮香芒蝦球。其中八味豆腐雖看似簡單，但其實最容易烹調失敗，不過店家卻煮得出水準，皮脆帶薯仔香，內裡豆腐選材成功，滑而且帶豆香，連脆皮一口食，食得出調味，唔會無味。而蒜片和牛粒都唔錯，牛肉粒脂肪同肉嘅比例均勻，入口軟身帶牛肉香，夾住炸蒜片一齊食更添幾分野味。然後明太子賽螃蟹、啫

表哥快結婚，但人勁忙，連自己婚宴都交由阿媽話事，都唔知係好事定唔好，最近時時陪大姨四處揾酒樓，除左環境同價錢係重要因素，佢要間間試過味覺得好食先過到關，今次就黎到the one睇環境~場地唔大，擺唔多圍既就好適合，唔會空盪盪，仲有份溫馨感~窗外係無敵大海景，贏哂~可憎惜我地成8點先入座，無哂窗口位~今次只係視察環境同食物，所以當然係散點~食物都好多選擇啊~價錢公道~花花碟靚啊~餐廳做緊既推廣，叉燒煎蛋飯拼佛跳牆 $188終極頽飯配奢華名菜，有創意~佛跳牆，應有既料都齊備~鮑魚都唔細隻~店家標榜無味精，味道確係夠真實，真實實料~蛋有蛋味，飯香，菜爽，叉燒半肥瘦燒得香口，配上一小碟秘製醬汁，杰身深啡色貌似豪油，味道蜜甜，配叉燒還是飯都好夾好好味~於是我地再點一份叉燒，就係因為個醬太出色，咁叉燒都好好食既~涼瓜炒安格斯牛 $118用上安格斯牛炒涼瓜不常見，牛味濃有咬口，好味，涼瓜亦不算苦，順便清清熱亦不錯~最後仲有糖水送，足料綠豆沙~

同屋企人響尖沙咀食飯，當然希望環境舒適而且能夠泊車，只有大商場先可以。今次就試吓呢一間中菜。原來而家呢一度做緊周年推廣，只需要$188就有佛跳牆同埋叉燒蛋飯，以呢一個地點同環境來講係超值！佛跳牆用料十足，有鮑魚花膠海參魚肚等珍貴食材來燉，湯底超級清甜！大花菇吸盡精華！好甜！而且一點也不油膩！叉燒蛋飯厚切好有咬口，口感十足！蛋煎得半熟剛剛好！隻蛋響叉燒上面半流狀態可以話係好性感！面對住呢個景食飯份外開胃！另外加左個魚湯腐竹浸菜，好清甜，完全沒有油膩感！最後要左一個甜品拼盤，估唔到份量有咁多！紅棗糕，蛋散，芒果糯米卷，合桃酥同班蘭糕，全部都味道不錯不太甜！家人仲好中意個斑蘭糕，夠煙韌又香！呢一餐家人同我都好滿意！會再來！

利寶閣系尖沙咀THE ONE，身處十七樓，但可能因為本身每層既樓底都好高，所以感覺似系三十樓以上，居高臨下，個View仲好靚，坐近窗邊，簡直系stunning! 以為商埸得個貴字? 事實上同普通街舖價位大致差不多，仲平過新斗記囉，但味道好好多！原盅佛跳牆 ＋ 厚切谷飼豚肉飯 (188) - 先喝盅湯，佛跳牆包含花膠、雞腳、豬肉等料，都幾鮮味清甜，感覺好矜貴，但價錢又唔會太貴。看似普通既叉燒飯，但系叉燒系用左極厚切既谷飼豚肉，即時升級不少，其肉嫩滑多汁，肉味超濃，超級好食，絕對推介，一定要食！香辣爆蝦球 (98/小) - 以四季豆及青紅椒加香辣醬爆炒蝦球，只屬超微辣，而蝦球夠爽夠鮮甜，四季豆漲卜卜但唔會好油膩。荷香極品醬帶子粒炒飯 (128) - 炒飯夠乾爽，粒粒分明，醬料色水夠靚，而且幾鮮香，荷葉味唔濃，但系炒得好惹味，帶子粒極多。

今晚同屋企人出去食飯，近近地揀左The One。黎到第一件事呢發現原來係The One都可以遠眺到幾開揚嘅維港景色， 正。仲要，屋企人早左六點幾黎拎位，所以經理就安排左我哋喺窗邊坐🤤👍🏻👍🏻點左幾個菜... 「美味欖角骨」香口，超級推介「彩塘安格斯牛柳粒」幾好味，推介「欖仁蟹肉桂花炒瑤柱」不過不失，但係同menu張相有少少不符「雙果咕嚕肉」鍋氣好夠，推介「南乳素齋煲」呢碟煮左好耐，等左差唔多一個鐘，味道不過不失而且，留意到有個promotion 係「谷飼豚肉叉燒飯」配「原盅佛跳牆」都係$188， 所以都點咗一份。佛跳牆超級清甜，而且好足料。整體黎講，餐廳用餐環廳舒適，食物質素、服務都到位（不過有時人手唔係咁夠可能要等一等先可以過嚟serve到），再加上望住靚嘅風景食飯心情都特別可舒暢，價錢平均每位$200幾左右。留意番茶價每位$18，酸菜每碟$18