利安富苑茶餐廳 (已結業)

人懶唔想煮飯，屋企樓下茶餐廳開返之後都有食開茶餐，水準都叫基本野不過不失，見未食過潮式牛雜粉麵，叫左個牛雜飯食點知出哂事，全個餸由牛肚、牛肺、牛腸、牛膀都係咸到苦，白蘿蔔未煮透陣味又青又苦，我食咗牛雜幾十年真係第一次食d咁嘅垃圾，仲有d飯呀！夾雜住好多生米喺度囉！點可以連白飯都煲衰左㗎喺付近都唔多選擇，就係諗住支持中小企先幫襯你，終於明點解大集團可以玩哂個市場，兼顧唔到咁多種類就cut咁d 弱項做好啲出品，攪到兩頭唔到岸

今日食早餐，發現咗一個兩個人食但係好坁既方法，就係點呢個勁量早餐。早餐包括奄列一份，大湯麵一碗，仲有兩塊厚多士，以及一杯熱飲。當然，兩個人食，就會有一個人冇嘢飲，但係今日我哋連個餐飲都share，其實都好夠食。因為早餐，都係主要想食啲熱野，以及不用太飽，所以呢個配搭，兩個人食真係超值。

利安街市自從翻新之後，入面多左食肆餐廳，呢間小店在街市最入既地方，如果唔係行入去找，都唔會發現。食早餐我們多數都會找小店，唔會一面倒習慣去大集團，呢到既早餐都唔錯，所以都同大家分享一下，希望多D人可以改變一下生活習慣，支持本地的小本經營餐廳。早餐呢到$31，個粉麵有菜有蛋，其實都好靚仔，份量幾足架。另外，雙併3文治就$25元，包埋飲品，不過我叫既茄蛋治中，蛋同茄就比較薄，食落去就冇咩口感，一陣風的感覺。所以如果是男生的，應該就唔夠飽了。

今日叫左個下午茶楊州炒飯外賣，送到上黎要$53。好奇一問外賣哥仔，佢話加左價，但下午茶$38，點加價都冇理由差咁多錢。所以直接打電話去問問，個大約5x歲，一向態度都好差嗰位阿姐：「唔知你叫下午茶，我哋落咗正架！」我話：「我有講下午茶喎！」；之後個阿姐冇正面回答，淨係話正價盒飯大啲！下午茶係細盒啲！迷你嘅！咁佢送咗上嚟都冇辦法，我只好照俾錢。之後一打開盒飯，根本同下午茶一樣大！ ！ ！呢點都唔係問題，但最大問題係個阿姐服務態度真係好差！佢已經唔止第一次！！個炒飯係好食，有鑊氣👍🏻。飯粒粒分明，香口，配料亦多，因為唔係第一次食，佢嘅炒飯炒麵類係炒得幾好食👍🏻但係請錯人呢！服務態度差就已經足夠趕客走！我有要求下午茶餐！佢落錯單！冇道歉！我仲要俾錢受佢氣！乜唔係服務至上㗎咩？間野煮得幾好食都無用啦！之前落去食嗰個阿姐都係黑口黑面對住啲客😡

瞓晏左想食 brunch，吾想飲茶又吾想食 all day breakfast，香港人都係鍾意食茶餐廳。今次試下利安街市呢間茶餐廳，食最普通既沙嗲牛面，腸蛋方包，碗面既份量幾多，沙嗲牛肉味道吾錯，公仔麵軟軟度適中，呢個吾係必然，我真係試過好多茶餐廳既公仔面係好硬，有D煮吾熟架。方包軟熟已搽上茶餐廳牛油，我最喜愛夾蛋食。$30一個早餐，街坊生意，經濟實惠。雖然呢間餐廳平平無奇，食物亦無特別，但係好有人情味，好多街坊坐低會互相問候，傾下街市行情。