別忘了

營業中

休息中

之前行過見食物都幾多選擇所以入左去食食完真係覺得好驚喜，我哋係食90分鐘既任食呢到係用手機落單既都幾多食物可以揀有台式小食：麻辣鴨血，台灣腸，鹽酥雞，蝦卷，花之丸等等仲有手搖飲品！呢個真係好加分😝😝90分鐘放題有包括豬，牛，羊，雞，仲有自助配料區，都有好多款式可以揀，有百頁豆腐，米血糕等既台式食材，仲有王子麵可以食😍仲有甜品可以食架，芋圓仙草，雪花冰，雪糕窩夫等等，雪糕窩夫係必食！送到黎既時候窩夫仲係暖既，加上雪糕真係好正🤣

美妙火鍋@別忘了成日聽人講話「別忘了」有好多好嘢食，今日就同個fd一齊去食番餐！餐廳有櫻花做主題裝修，一路食火鍋一路睇住櫻花 ＝＿＝雖然係假但都覺得好興奮。餐廳有好多好嘢食，不過我好想食火鍋，由於價錢平而且又有好多丸類小吃都是任食，所以我哋就決定食火鍋。我點嘅肉類係牛板腱，我要嘅火鋦湯頭係「沙茶湯」我朋友叫嘅係「椰子雞湯」。不論是沙茶湯，定係椰子雞湯，個湯底都好濃又有鮮味，尤其係個沙茶湯，又鹹鹹地又好味，真係好有台灣風味。牛板腱有好多塊，好新鮮，望落去就一定想食，好有牛肉味，我就覺得牛肉用沙茶湯係最夾。好多丸丸、好多蔬菜、響鈴、都係任食！ 仲有好多凍飲料都係叫任飲！ 真係食得好興奮！每樣食少少都食到頂住肚！

今日lunch time行經荃灣千色匯，見到間餐廳名幾得意，環境都唔錯，於是決定入去試下。餐廳本身主打台式火鍋，不過午餐時段有飯餐同麵餐選擇，茶餐廳咁上下價錢，不過真係好坐好多。是日美食：🥢紹興醉雞一碟🥢台灣滷肉飯一碗🍹凍檸茶一杯😋食評：醉雞夠味夠大舊滷肉飯香口仲有菜脯搭配凍檸茶飲筒夠粗，茶底偏淡💰全單68蚊👀最後見到櫻花樹係可以俾大家許願定唔知留言咁樣，於是我都有感而發留低左我心目中覺得最有意義嘅嘢🤣🤣見圖

台灣千色匯台式自助火鍋@@推荐：價錢158有兩種牛肉：牛少排及牛板健。每樣一盒限量。牛肉質量唔錯，健康. 可以吃多啲蔬菜。唔會猛咁食肉。有好多種湯底我揀咗麻辣湯底。夠晒勁！還有滷肉飯. 各種蔬菜。多種丸類及台式飲品.雪糕.甜品.任食。咁價錢.有咁多嘢食.非常之抵食。台式飲品珍珠奶茶芋泥奶茶🧋唔錯。有60分鐘.90分鐘.120分鐘. 各種肉類套餐選擇。

今日嚟咗食嘅唔係囉，佢有好多款牛可以揀仲有八折仲有12款湯底。出邊仲有好多自助嘅嘢夾有菜，有丸腐竹有豆腐飲品仲有20多款選擇飲品必須推介小芋圓奶茶^_^大紅袍珍珠奶茶甜品又係有成十幾款我最愛嘅榴槤炸彈芒果布甸同埋焦糖布甸窩夫幾隻味都比我食晒個椰子湯底仲好入味加雞一流走仲可以揀雪糕或者雪條Movenpick雪糕我最愛士多啤梨朱古力我都嗌晒，仲有西瓜雪條真係物有所值90分鐘食足爽丫個環境超靚，仲有棵樹喺度俾你掛竹籤

呢間主打台式火鍋店😊私心推介198套餐🤩雖然肉類不多但係已經可以識到其他台式小食例如鹽酥雞台灣小香腸麻辣鴨血金錢肚問得10分林入味甜品有綿綿冰窩夫朱古力心太軟。

好多野食 有勁多款甜品啦，紅豆巧克力配迷你窩夫棉花糖小芋圓配迷你窩夫 飄雪世界極力推介而家勁多款小食紹興醉雞夜市甜不辣鹽酥雞澎湖花枝丸台灣香腸榴槤炸彈飲料仲係飲任我就叫咗大紅袍珍珠奶茶同普通珍珠奶茶同埋奶綠試咗三杯嘢飲真係流連忘返之後最後尾都嗌咗杯士多啤梨

今次想吃台式火鍋便走到這間「別忘了」試一試未入鋪裡已看到很多櫻花樹環境很令人記住我和朋友訂了枱 ［120分鐘任叫］去到可以選兩個不同口味的鍋我們選了芝士牛奶鍋和台灣惹味沙茶湯叫了幾碟精選牛板腱、極上牛翼板、紐西蘭草飼牛肉質薄好食 配上不同口味既鍋風味不錯外邊有自助位子可以自己去整醬料我落了很多蒜🥹特別有包叫「王子」的公仔麵很好食🤤每人仲有一杯雪糕食（可惜不是任食雪糕）整體來說 座位是逼了些但味道上也是不錯

哥哥生日以及YouTuber 介紹,所以book咗荃灣的別忘了嘗試去吃。揀咗C餐美國封門柳食120分鐘（$398）。 因為食放題，所以食物品種應有盡有，有豬肉，牛肉，丸，菜，菇菌，同埋台灣小食，飲品、甜品任食。 首先講吓牛肉，個餐名叫封門柳餐，所以理所當然封門柳係一絕，非常唔錯，有肉味，食落去又唔濟。我起碼食咗五、六碟。而鹹魚青菜各有所愛，我阿爸就鍾意食牛小排，因為覺得食落去肥瘦均勻。 而豬肉的話，日本鹿兒島茶美豚梅肉非常值得推介，連我呢個平時轉攻牛肉既牛魔王都忍唔住食咗幾塊，有豬味但係唔騷。 另外，關於丸、菜、菇菌類，喺市面上常見嗰幾款，有牛肉丸、豬肉丸、皇帝菜、油麥菜、冬菇、金針菇等等 而關於台灣小食的話，我極力推介食花枝丸同埋台灣腸，鴨血更是一絕，我食咗三、四碟。 而飲品嘅話佢都有好多款，有紅茶，綠茶，奶綠，奶茶，紅棗茶以及水果茶。試過幾款味道不過不失，但好在有得調冰量同埋甜度。 最後台灣甜品好多款式，有窩夫，雪花冰，仙草同埋奶凍。窩夫唔夠脆，雪花冰調味尚有改善空間，芋圓仙草凍值得一試，奶凍不過不失。 服務態度尚算可以，環境一般，雖然有漏單，但食物質素唔錯，價

睇完個youtuber條片，今日一家三口 膽粗粗 去試下荃灣分店，其實本人對放題不是太有興趣因為 好多放題店 啲嘢食都不太新鮮。講講湯底揀咗椰子雞番茄同藥膳當歸， 蕃茄湯同椰子雞湯都好有驚喜 味道濃沃， 我就揀咗個b餐食90分鐘 牛翼板同紐西蘭草飼牛 肉味都好濃郁 小食款式不是很多，台式手搖飲品大概有二十幾款 味道同速度都很快，這一點是欣賞因為掛住 照顧小朋友 唔記得咗 最後 15分鐘 q r叫唔到嘢食 員工十分細心 願意幫我叫多最後一round甜品同飲品, 出齊之後還問我 夠唔夠食需唔需要再幫我點餐 最後發生咗小小插曲我個小朋友唔小心撞到 送餐的同事令到幾杯飲品掉了在地上， 當下有兩位員工 走了過來是馬上關心我個小朋友有沒有整親而不是 擺了一個很不滿意的樣貌 還細心遞了大量紙巾同濕紙巾 。當我食完走後 還有位姐姐過嚟叫小朋友不用害怕 這樣的服務態度令到我十分刻骨銘心。

依家打邊爐除左鍋底選擇要多同肉類質素好對小食同飲品既種類都有要求 價錢都要合理呢間人氣台式火鍋店就滿足到哂呢啲條件我已經食過幾次 質素一樣保持到 好推薦見到佢依家仲有得揀90分鐘/120分鐘♥︎➜𝐒𝐞𝐭 𝐁極上牛翼板 $𝟐𝟗𝟖 (𝟏𝟐𝟎分鐘任食)鍋底有9款 有辣有唔辣 我地揀左壽喜燒同椰子雞湯湯底都好濃郁 壽喜燒甜甜地好惹味椰子雞湯用左新鮮椰皇水 好鮮甜•任食既肉類有5款 全部都有肉味 質素幾好極上牛翼板 極上牛板腱 羊肉卷鹿兒島茶美豚梅肉 西班牙粟飼豬梅片牛翼板牛味比較濃郁 茶美豚肉香而不羶•另外我追加左100g 宮崎A5和牛試下和牛既雪花紋好靚 真係入口即溶 好軟腍仲可以嗌隻蘭王蛋 將和牛點上蛋汁就更滋味鍾意食既朋友仔可以揀佢地既任食Set🤭•火鍋配料可以係出面凍櫃度夾有特色排骨酥 甜不辣 豬血糕等台式火鍋料蔬菜類同丸類都應有盡有 好豐富•仲有多款台式小食鹽酥雞 台灣腸 地瓜條 炸蝦卷等都係熱辣辣炸起 好香口 真係會食唔停•飲品方面就有珍珠奶茶水果茶等 超級多選擇•甜品就有綿綿冰、仙草同雪糕窩夫佢哋既窩夫係用日本蘭王蛋製作食落外脆內軟 仲有濃郁蛋香 一定要試下另外餐廳係星期一至五12

最近都幾多新式台灣火鍋放題店見呢間好似幾多好評所以揀咗佢去食屋企人嘅生日飯可惜食完係 極 度 失 望！首先食物種類得好少 所謂嘅台式小食得果款全部又乾又唔好食啲海鮮好似假嘅咁 粒帶子煮幾耐都係勁淋嘢飲方面珍珠車軚咁硬所有嘢唯一唔錯嘅係牛翼板肉 出面夾嘅牛丸同水果茶其他真係唔會想再叫…雖然話食得放題都唔會預啲食材有幾高級但令人最嬲係佢會粒聲唔出cut人單！搞到甜品嘢飲都冇得叫入座前職員的而且確有同我哋講食90分鐘 最後15分鐘就冇得再叫但我人生食過咁多次放題 從未試過咁樣完全冇人提醒下就完咗唔俾再叫嘢食！即係我嚟食飯要自己set timer計自己時？會否太荒謬？我哋叫個staff過嚟問點解唔會有人嚟提我哋佢答我因為之前俾客投訴提人last order好似趕客走咁我真係聽到黑人問號 完全唔合理重點係我哋隔離枱走之前係有人嚟問佢哋仲有冇嘢要叫我問咁點解我哋冇 佢竟然解釋話因為提佢果個staff係新同事我心諗關我咩事 你哋點樣brief你啲同事係你哋嘅事依家問題就係好唔fair囉…而且後來佢果個所謂「新同事」仲好熟練咁教我哋點搞泊車果啲真係睇唔出有幾「新」服務態度差不特止最後埋單仲收多我dou

之前都有留意過呢間台式火鍋放題，大多係好評，咁啱喺kkday app見到有更荀嘅優惠，於是就訂左90分鐘set B牛肩胛火鍋放題（原價$268）,喺kkday訂有8折只需$214,再致電餐廳confirm,到用餐時只需俾加一$27就得呢度點加食物係掃QR Code,今次set B放題有牛翼板，牛板腱，豬梅片同羊肉卷可以無限追加，兩款牛肉質素幾好牛肉味重，另外湯底揀左藥膳當歸湯，自助區火鍋配料幾豐富，有多款蔬菜，丸類等，全部都正常，仲有幾款台式如台灣腸，蝦卷，鹽酥雞粒，醉雞肉等，味道唔錯，甜品就食左芋圓鮮草凍，焦糖布甸，同movenpick雪糕，今次90分鐘火鍋放題時間食得算充裕加上餐廳環境舒適，員工工作態度幾好，下次都會再黎食過！

食開嘅我今天試吓新出嘅麵餐，其實叫法同其他差不多，只是配料有啲不一樣。賣相我比90分，因為湯底顏色吸引，再加上可以配搭台式小食及台式嘢飲，同其他米線餐廳有啲唔同，配搭上新鮮啲。食品配料方面，可以加鴨血同埋鹽酥雞、台灣腸仔或者雞扒，比較特別。米線份量唔多，可以加底，個人覺得加埋杯台式嘢飲成件事加分好多，唔使成日配汽水或檸茶價錢同一般米線差唔多，唔貴。今次試咗小辣，辣都唔算太高，食得辣嘅人不妨大膽啲叫勁辣😁湯底同肉醬明顯自家製有心做，味道方面我比90分整體好滿意，會再食

👱🏻‍♀️朋友仔放假入開黎荃灣剪頭髮💇‍♀️我哋平時左約右約都約唔到一日食飯🤪今次竟然咁隨意就即慶約咗個飯局😍佢剪完頭髮就係附近揀咗呢間台式任食火鍋🍲大家可以一路打邊邊一路傾、傾、傾😜真係爽呀🥳💯呢間台式火鍋感覺真係好好飛左去台灣一樣😍那些年我同呢個朋友仔都有一齊快閃台灣嘅美好回憶😜餐廳仲不停播住五月天嘅歌💯那些年嘅感覺一次返曬黎呀😜⏰今次我哋揀咗Set B 「極上牛翼板」同埋鴛鴦湯底🔥湯底款色🈶️好多😍有辣有唔辣🤤我哋兩個揀咗香濃椰子雞湯同鰹魚昆布湯湯底🔥我地兩個都超鍾意呢度嘅香濃椰子雞湯呀❤️椰子味道超濃耶又香甜🥳好推介呀👍🐂呢度有宮崎牛賣架🈵️仲有超豐富嘅台式甜品放題添🔥鴛鴦湯底▫️香濃椰子雞湯▫️鰹魚昆布湯💯自助區仲有好多款色嘅丸丸類🍢🍡仲有勁多新鮮蔬菜添🥬🧋超讚係佢🈶️超多台式手搖飲品可以任飲呀💯啱曬平時超喜歡飲台式水果茶嘅我呢👍欣賞佢地仲可以好似平時咁order微冰微甜添👍正呀喂🥳🥳🥳我地今次叫咗好多又新鮮又好食嘅肉類🐂🐷❤️超級🈵️足💯抵食🈯️數爆燈呀❤️▫️西班牙栗飼豬梅片▫️精選牛板腱▫️宮崎牛A5▫️澎湖花枝丸▫️高麗菜豬肉水餃▫️台式墨魚滑▫️台灣香腸📌重點係呢度嘅雪糕係Movenpick㗎🥳今次我哋