初遇

營業中

休息中

今日去左粉嶺嘅初遇食下午茶，真係有驚喜！下午茶餐都好有台灣風味😋我哋每樣都想試試！於是乎揀咗兩Set下午茶之後就等食物送上啦！台南芋頭貢丸新竹米粉貢丸彈牙而且內餡有軟滑嘅芋泥！而且芋頭味道濃郁，配上細滑彈牙嘅新竹米粉😆真係好似台灣食嘅爽口Q彈米粉一樣！慢烤雞腿蛋吐司吐司外皮酥脆，內裡雞腿嫩滑多汁！夾蛋汁爆滿嘅蛋，味道更加豐富！仲有沙律醬係入面增加食趣更加惹味😋自家芋頭鮮奶鮮奶帶出濃濃嘅奶香味，再加上加入嘅芋頭，增添咗一份綿密嘅口感同甜度！係好好味嘅組合，我都一口接一口都停唔到！😂冷泡亞里山烏龍🌿烏龍茶香氣濃郁，喝落去有一種清新嘅感覺！冷泡嘅方式令茶葉更加柔和，口感更加滑順😋飲茶解膩仲覺得精神焕發咗添！初遇嘅下午茶餐真係唔錯👍🏻有台灣特色而且職員服務態度亦非常友好！下次有機會再嚟食下午茶先😋

其實我都幫襯左呢間餐廳好多次，講唔上話好好食，但算係中規中矩，小朋友話想食，都可以接受嘅。但係今日，我真係要Blacklist呢間野😂😂自問我啲牙齒都好健康，但係呢碗紅燒牛肉麵啲牛肉，我𡁻左一分鐘都冇辦法𡁻得開。碗裡面有3舊牛肉，大概有0.5舊係可食用，𡁻得開😂😂😂😂😂😂😂😂😂😂😂我都𡁻唔開，一個5歲嘅小朋友有冇可能𡁻得到😂😂😂😂😂😂諗番起，唔怪得之食晚餐時間都冇人等位，質素真係每況愈下😅😅😅

哥哥仔考完試，今日黎上堂，就俾哥哥黎一次大解放😂食物芋頭貢丸新竹米粉😂我以為芋頭同貢丸係分開，原來係貢丸包住芋頭，口感係外面彈牙，心夠粉❤️個米粉勁香麻油味！同埋啲鹹酸菜好好食！啲米粉好正，我哋鐘意食呢啲鞋啲嘅米粉，有口感❤️慢烤雞扒吐司哥哥揀咗呢個同米粉share食！勁好食🤤包有烘過，脆口！個雞扒不得了😱超勁香茅味🤗加上蛋同醬，2兄弟話想早餐咁食😂但呀媽我冇整得人地咁好食珍奶、芒果烏龍茶、芋香珍奶我同弟弟最鍾意哥哥仔嘅芋香珍奶🤗弟弟話好似爆谷味🤪啲珍珠都好彈牙！珍珠奶茶🧋就有好重嘅茶味，唔係好甜，呢個係弟弟揀，結果係哥哥同細佬交換咗😂我就嗌咗芒果烏龍，有淡淡嘅芒果味，好香嘅烏龍茶味，飲落好舒服😌冷泡阿里山烏龍夜市小食拼盤我自己好鐘意個地瓜酥，好甜，好煙韌❤️最surprise 係個蟹蓋 🦀，搵唔到有蟹肉，但佢啖啖蟹味😂同埋個蟹蓋好可愛🥰蝦多士我同哥哥快快手食咗🤪弟弟就話佢未食過🥺哥哥都話想食，所以再encore多個蝦多士蝦多士超脆🙌🏻另外仲有2舊魚😕俾弟弟食晒..唔洗問都知好食😒快到呢…蝦多士環境呢到有2行卡位，我哋食嘅時候係6點前，唔算太多人，不過個陣都冇位，佢哋就叫我哋等一等，都係等咗

好鍾意周圍食野的我 ，今日行經粉嶺名都商場2樓《初遇》。《初遇》午餐選擇都幾多，台灣拌麵/湯麵/滷肉飯（配不同肉類）加一杯台式飲品，都係由$5x起，屬高性價比。但原來呢度嘅下午茶餐，更加抵食，價錢由$3x起。下午茶餐---大腸麵線拼淡水滷肉刈包🥢大腸乾淨肥美，有咬口，麵線湯底有麻油香，入口順滑，加入酸醋，有碗仔翅味道。🥢刈包饀料有鹹菜，滷肉，滷肉鹹鹹甜甜，味道香濃，刈包軟綿，整體味道配合適中，口感好。🥢鮮奶紅豆手工芋圓味道好清甜，紅豆冰加芋圓，紅豆入口軟腍，芋圓軟糯，口感豐富。🥢古早起司芋泥肉鬆蛋餅$46蛋餅煎至脆皮，加入香甜芋泥，鹹香拉絲的芝士，肉鬆，味道鹹鹹甜甜，口感香脆煙韌，好好食。

下午茶既時候黎到粉嶺名都呢邊睇吓食咩好🤤喺門口見到下午茶個餐牌價錢上合理，而且食物種類都很台式喔！🔸慢烤雞腿蛋吐司 $40賣相好吸引呀🤤 蛋黃仲係流心緊，雞腿扒好厚身同大塊而且口感好嫩滑🐔 吐司烘到好脆好好味😙 仲有陣牛油🧈的香味🔸淡水滷肉刈包 $26刈包入面滿滿的滷肉、鹹菜和一點點的芹菜，好惹味又唔會好鹹，滷肉不很肥的，刈包好軟熟～🔸夜市鳳梨水果茶 +$8很濃的茶底再配上了粒粒的的鳳梨🍍，帶點酸酸的感覺🔸冰糖紅棗燉雪耳 +$8呢一個好養生喔！紅棗燉雪耳夠晒滋潤😇雪耳嘅份量有好多，成杯嘢飲唔會好甜👍🔸古早仙草三色芋圓 $38仙草配上了芋圓和紅豆🫘無得輸的配搭～芋圓大大粒又煙靭，口感十足🔸古早肉鬆榨菜蛋餅 $42蛋餅入面嘅餡係有榨菜絲和肉鬆，如果再脹左小小就正喔～

唔經過都唔知道原來依個位開咗一間新嘅餐廳係台式餐廳😍 而家粉嶺火車站越來越多選擇😍木系色調嘅裝修吸引咗我行入去🔸幸福一品臭臭鍋(小辣）,粉絲 $98一睇個餐牌就俾 “初遇小鍋” 系列吸引左～有4款唔同餸的配搭，有麻辣、沙茶或泡菜味有好多餸係入面包括有:娃娃菜、白豚肉、臭豆腐、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、鳴門卷,炸枝竹，啲配菜都好特別！而我自己就叫咗小辣，作啲調味😆一個人獨自享受呢個臭臭鍋，好係太幸福喔~🔸珍珠奶茶+$8食台灣野點會唔叫珍珠奶茶呢🥰 奶茶味好香，珍珠煮得啱啱好🔸墾丁脆魚塊(5件）$28另外仲叫咗呢個脆魚塊，炸到好香脆🤤又不會好油

粉嶺名都商場平時人來人往，工作完後經過呢間台灣主食餐廳•初遇✴️門面很光鮮🕝下午茶時段都幾多顧客🍚酥炸雞滷肉飯配紫菜貢丸湯及台灣香腸 $48滷肉飯肉汁豐富，台灣香腸唔同香港口味，可以當小食😁🍜芋頭貢丸新竹米粉$39貢丸包著芋頭蓉，好特別，新竹米粉幼細爽口🍢🍡夜市小食拼盤（蝦吐絲，地瓜酥，墾丁脆魚塊，士林夜市蟹殼）$56每款都令我想起去台灣夜晚掃街，每款都有特色幾好味，🦀我最鍾意蟹殼有啲粟米同埋蘿蔔絲香濃蟹肉味🥤🧃每個餐都奉送飲品，或者可以加$8轉台式特飲🌟上餐快速，服務員好好🌟每張枱桌都有一瓶特制的雪菜可添加

粉嶺初遇近年開好多分店，去開粉嶺就試下囉！木系橫裝，每台卡位用到唔同花烏圖案，同朋一齊在這特別舒暢🥢九格小食拼盤$88一次可試哂真係very good鹽酥雞，牛肚，豬大腸，雞卷，滷蛋香腸，地瓜碟，脆魚塊，麻辣鴨血🫳🏻慢烤雞腿蛋多士$40聞落好香，咬一口滿口沙嗲味烤雞、流心蛋仲有半溶嘅芝士湧出來，真係好夾🥢麻辣定食$46呢個拌麵重份量，川辣惹味，而每台都會提供酸菜加入麵食正到刺激又醒胃，仲有台灣馳名小食鴨血、臭豆腐；小食地瓜及紫菜貢丸湯，豐富到爆燈🥤台南鳳梨烏龍茶+$8 淡然清新粒粒鳳梨好爽口🥤自家芋泥奶茶+$12淡淡芋泥滿口感真係好粉好正，唔太甜

呢間店開咗一排都仍然好多人,畢竟呢頭無乜台式嘢~今次嚟食咗花雕醉雞卷,酒味好香,如果再濃啲更好~而個手工麵嘅湯底係藥膳口味,味道唔錯~另外點咗我最愛嘅焢肉飯~睇落好肥,但食落又唔油,個皮仲煙煙韌韌,滷得好入味~薑葱油好多,亦好香,但啲油漏晒落飯底,如果分開上可能比較好~小食點咗芋泥酥,入面仲有咸蛋黃~我鍾意佢香脆得嚟,個皮比較QQ~做得台式菜,佢嘅台式飲品都唔少~用膠杯上,方便帶走~我杯芋頭香味好濃,而個芒果烏龍茶比較重茶香,喜歡飲茶嘅叫呢啲茶飲比較適合~

很少到粉嶺搵食，今次去了粉嶺名都商場搵美食，經過2樓58號舖的初遇，看見店舖裏面有很多食客，同埋環境都很舒適和整潔，於是就入內試試。原來仲係下午茶時段，於是就點了下午茶套餐，套餐不但分量多還包飲品，如加$8可升級台式飲品或加$22可升級台式甜品，非常抵食。鹽酥雞滷肉飯配紫菜貢丸湯，台灣香腸$48鹽酥雞外脆內裏雞肉嫩滑，台灣腸皮脆肉香，口感紮實，而滷肉飯的醬汁香濃，加上肥美的滷豬肉，送飯一流。花雕雞卷滷肉飯配紫菜貢丸湯，地瓜酥$46雞卷很入味，還有淡淡的花雕酒香味，好吃。地瓜酥外脆內煙靭，與別不同。士林夜市蟹蓋（3件）$42蟹蓋面頭脆脆的，內裏軟綿綿的，口感不錯。黑糖薑母茶，跟餐送薑味濃，且不太甜，好飲。古草仙草三色芋圓，跟餐加$22滑溜溜的仙草，加上煙煙韌韌的芋圓，愛吃。＇

囡囡好鍾意食「初遇」嘅滷肉飯，所以久不久我哋就會去果度食下午茶。上星期再去，我哋就叫咗「古早滷肉飯配大腸麵線」和「慢烤雞腿蛋吐司」，配「冷泡亞里山烏龍」和「珍珠奶茶🧋」。「古早滷肉飯配大腸麵線」幾大份，滷肉飯和大腸麵線係用一個大碗盛載，$42 都算抵食！囡囡最鍾意食滷肉飯，咸咸地幾惹味，而麵線就係我食嘅，麵線都幾足料，大腸有4塊左右，而且係大件嘅，味道都幾香，而且食完唔會好口喝。「慢烤雞腿蛋吐司」賣相真係好吸引，而且吐司烘到好脆，而且食到有牛油香味，內裏夾住雞腿扒和蛋，雞腿扒好厚身同大塊，蛋黃仲係流心嘅，外脆內軟，仲有蛋汁，真係好好味😋！我好鍾意「冷泡亞里山烏龍」嘅茶樽，設計好靚。烏龍茶好香，飲完個口爽哂，如果唔想飲甜野，呢支茶係適當嘅選擇。「珍珠奶茶🧋」茶味香濃，口感幼滑，珍珠係比較腍果種，啱我口味！

第一次黎食 係食控肉飯L11控肉飯係出色搞到今次第二次黎想試下其他野一試就出事今次叫左個牛三寶手工麵同鹽酥雞上到枱我係即刻食 但個鹽酥雞都係唔熱既個湯麵 湯既部分正常 麵唔識欣賞 唔Q唔彈牛三寶可以接受既 主要係太淋 無咬口另外佢個唔洗加錢既 04烏龍茶幾好我都會幫襯既 但之後都係食L11😂😂

「初遇」每次經過都有好多人排隊，今日未到6點，不用排隊。餐廳主打台灣菜，餐牌有古早麵薑蔥飯、手工麵、手工拌麵、家傳滷肉飯、地道小食、吐司、蛋餅、甜品、小鍋、台式飲品等等，好多元化。紅燒牛三寶手工麵湯頭不會過鹹，牛三寶有牛肚、牛肉、牛根，牛肉有兩大件，炆得好淋好入味，手工麵軟硬適中。古法慢煮焢肉滷肉飯五花腩有成三大舊，肥瘦相間的五花腩，非常入味，而滷肉有肉汁，撈飯一流。士林咸蛋芋泥酥芋泥酥外層酥脆，芋泥味香濃，配搭咸蛋味道又幾夾。阿嬤花枝老油條入面釀了花枝，油條炸得好脆。古早冬瓜茶

早上忙碌完，落樓下「初遇」食下午茶。下午茶餐牌有多款小食、滷肉飯、吐司、米粉、鍋類選擇。鹽酥雞滷肉飯配紫菜貢丸湯及台灣腸鹽酥雞炸得金黃香脆，有肉汁，滷肉肥瘦剛剛好，香口又有肉汁，撈飯一流，而且仲奉送紫菜貢丸湯和台灣腸，食完都好飽肚台式香濃沙茶鍋用gas爐上，份量十足，都好大鍋，配料好豐富，有花枝丸、沙白、娃娃菜、牛肉片、米血糕、炸枝竹、鳴門卷、韭菜、金菇、粟米、金菇、蕃茄。好鐘鍾意以到既沙茶味，好濃郁，味道突出，粉絲索晒湯汁，同朋友Share 一齊食剛剛好。凍珍珠奶茶&芋香珍珠奶茶珍珠Q彈煙煙韌韌，甜味適中。

是日午餐叫左紅燒牛肉麵，加$8升級飲品，原以為$22有甜品，但原來揀左飲品，甜品要原價$38，甜品係仙草，但其實係涼粉口感，偏硬，完全唔係台灣仙草果種滑捋捋口感，芋圓唔煙韌，真係$22都唔值。其次，紅燒牛肉麵嘅所謂手工麵，一啲口感都冇，完全唔Q彈，喺超市買嘅台灣麵都仲好過佢。最後，個花雕醉雞捲完全冇酒味，得個咸字，又唔札實，真係俾張相厄Q左，食左一塊已食唔落口。試過一次，要永遠 blacklist 。