初見

營業中

休息中

呢間之前同朋友食過，覺得性價比好高，所以我再帶媽媽黎。佢今次好滿意，因為兩個人食左兩百幾，每人有個餐仲叫多個小食。👍🏻👍🏻首先，我叫左個咖哩吉列豬扒飯。豬扒炸到外脆內軟，加埋啲咖哩汁，真係好正😆😆白飯好香，係珍珠米口感，高質🤚🏻🤚🏻另外，媽媽叫左個海鮮拉麵🍜佢真係好驚喜！因為平時啲海鮮咩咩餐，都係得幾隻蝦，或者青口！但今次真係好足料！❤️不單有海蝦、青口、仲有墨魚仔！真心好高質，仲要七十幾蚊大大碗！😍😍😍兩個餐已大份到不得了！我地仲叫多個小食😆就係明太子雞翼！大家都知道明太子好重味道，但加左落雞翼度，真係好夾，雞翼好脆口！最後，我地飽到上心口啦！見個個食牛鐵板，真係好正🥺🥺🥺希望下次再食到！

今日諗住食意壽司，點知見到今日好似好多人排，於是就去隔離睇下有咩食，見到呢間初見創作料理少人排啲，又好以幾好環境，就黎試下啦～入到去，坐住都幾闊落，坐得舒服，仲有每人一個餐具包，感覺好衛生～而家呢個時勢尤其重要～Menu好多相，勁吸引，睇到樣樣都想食～啲相大大張，樣樣都好味咁～由於聞到好多人食吉烈牛好香，見到佢啲吉烈牛set好似幾抵，就試下啦～再加個肥牛野菜火鍋～仲升級左做餐，有幾刺身加餐湯，仲有餐飲。加8蚊可以升級做波子汽水tim!香草吉烈牛！上菜速度奇快，賣相好吸引～吉烈牛配香草好正～牛既香味同香草撞埋一齊好好味～牛肉肉質軟滑～外面就脆口～不得了～仲有不得不讚佢嘅醬汁真係超好味！配落啲牛嗰度食超惹味！食上癮～至於牛肉火鍋，都見到佢好足料，無論係吉列牛定係肥牛都係有好多塊牛肉，絕對抵食！不過好似等左好耐都無水滾過，啲水都似係45-60度中間，唔係好熱，但店員見狀都好貼心地提出幫我地拎入廚房煮熟曬啲食物佢～之後就食得啦😍 牛肉都係高質，口感軟軟，仲有同燒肉一樣既醬汁，味道一流～送飯食不得了～火鍋仲有獅子狗、大冬菇、豆腐、野菜，驚喜既係佢竟然有芋絲！好有誠意既火鍋～呢度有波子汽水飲都好驚

聞名不如見面，睇過食評，都讚這食店。於是特意一行三人走訪這裡。我們點了刺身丼、豬軟骨拉麵及鐵板牛（實際的名字不記得了）。刺身都算新鮮，而且不會薄薄的，份量剛剛好。豬軟骨夠淋，而且入味，但麵太硬了，麵餅還一舊舊，感覺有點失色。湯底不會過鹹，味道不是什麼特別。早知點選其他。鐵板燒牛，伴著菇及南瓜片。份量相當足，質素也很不錯。牛脂都算均勻，而且有牛味，不點調味，也覺得好味啊！而且肉質不靭，易咬，當然是相等於價值啦！不能與貴價牛相比。最失望就是那杯凍柚子蜜，看顏色已知淡，喝下去只是比水濃味一點。早知咁汽水啦！如果在荃灣找食，一試無妨，但若遠道而來，或許太費時了。

好一陣子沒來香車街這邊了，以前在荃灣返工成日過呢邊搵食，哈哈，店舖沒多大改變呢。是日來到初見，這個超高樓底加上植物裝飾讓人很舒服。午餐有很多選擇，靚靚餐牌裏有相片，看著看著覺得越來越餓了，哈哈。天氣很熱，點一杯凍飲很重要，加錢轉了蘋果汽水，香香的蘋果味好正，非常冰凍透心涼，正。點了午餐D3日式燒餅汁牛肉漢堡包配炸薯條，嘩嘩，也太豐富了吧。除了漢堡包和一大堆薯條，仲有一堆沙律菜配麻醬的，正好中和一下食點蔬菜。個漢堡相當吸引，厚厚的漢堡肉，還有蕃茄生菜同多醬！多醬！多醬！很重要要講三次。肉味甚濃且非常多汁，配上燒餅汁跟沙律蛋黃醬就很夾嘛，蔥花同木魚更添香味，正。個包也是很好味，塗了牛油再煎，外層很香脆，但個包仲軟身㗎，不會過份脆身剛剛好，同埋牛油真係好好味。薯條係寬偏條，好重薯味，份量極多好飽啊。好彩有啲沙律菜一齊食，淨食薯條一定食唔哂，太多了。好味又飽肚，還不用加一呢，太抵食了！

第一次覺得一間餐廳體驗差到要即刻申請一個ac寫食評。坦白講真係見成幾百個好評又咁啱路過先一試。首先排個半鐘如果係好食或者性價比高既冇所謂,好野係要等下但間野係有四大問題-首先我地叫左個$128既香草石板燒牛,加左35蚊升級同埋肥牛火鍋$88個個肥牛火鍋既牛個樣好似幾好,但食落就似香口膠,一共四片,我食左兩片都頂唔順放棄左,同吉X家既58蚊火鍋差唔多,之後個香草石板燒牛,,只係普通牛加掩料,味精整到佢好香但完全冇牛味-然後就係服務態度,唔知係攰定係點樣,黑口黑面就算,有收服務費既餐廳都冇服務,更唔指意冇收服務費既有咩服務。但係送個餐黎餐具都冇?用手指燒牛?叫一次就行一次,叫佢地俾兩對筷子就淨係拎一對,叫佢地拎匙羹就唔彩你,自己走去拎佢地又話唔係擺個度呀,咁大佬你拎比我先得架,又唔擺當眼處又叫唔彩,你想點姐??-三係食物安全問題,沖野飲個短髮姐姐途手攞個d蠟精加火,之後冇洗手直接沖野飲俾人。整魚生個個整整下魚生又走去加火,拉門,整其他野,用番整魚生對手套,真係唔敢再食!-四,明明落單個時講左貴個杯野飲跟餐價,佢又好似扮唔明咁用左杯平既跟餐,你咁樣賺錢食物質素又一般叫人點樣再幫襯?唔驚中伏既

Located in an old neighborhood in Tsuen Wan, this roadside restaurant has a cafe like decor and the inside is larger than I thought.Got seated on the bar table for a Sunday lunch.The lunch menu offers various variety of food ranging from sushi, ramen, rissotto and all day breakfast. This is quite amazing.I decided to try the Miso ‘hotpot’ beef. The portion was quite large. The pot got a lot of veggies inside. At first I thought the miso hotpot meant that its a miso soup base but I was wrong, t

前嗰排經過福來邨嘅時候，見到呢一間日本野有好多人排隊。其實好耐之前我都食過一次，當時佢仲未出名。因為見到咁多人排隊，所以我今日放工就同男朋友嚟試吓，睇吓佢係咪真係有進步到。入到黎見到佢轉左餐牌，而家份餐牌非常有質感，同佢店舖一樣，都係行比較藝術嘅文青路線。我哋叫咗兩份主菜，其中一份就加15蚊轉做餐。餐會附送一碗麵豉湯，同埋一份刺身。呢一碟刺身其實絕對對得起$15呢一個價錢，有三文魚同鱆紅魚，咁岩都係我男朋友鍾意食嘅。男朋友亦都表示刺身係新鮮。之後就到我嘅主菜，我叫咗安格斯牛肉一人火鍋。牛肉份量唔少，湯底係一個比較清嘅麵豉湯底。入面嘅蔬菜份量好多，煮完牛肉之後，個湯底加埋啲菜變得好濃郁，但係唔係死咸嗰隻另外值得一提嘅係佢配嘅醬汁應該係一個生薑麻醬醬油汁，個人覺得好開胃好好食。男朋友就叫咗咖喱吉列豬扒定食。個定食一上枱嘅時候我哋都覺得擺盤好靚，好有日本風情。吉列豬扒唔算厚身，但係非常大塊。咖喱係日式風味，醬汁俾得夠多，足夠食晒成碗飯，抵讚。埋單兩個人$200 ，食得非常之舒服，無論係環境同埋食物都令人覺得好值得

今日嚟到荃灣食飯，鍾意食日本嘢嘅我又蠢蠢欲動🤤，嚟到呢間日本餐廳🇯🇵，呢間餐廳都算多人等位👥，我同朋友等咗大概半個鐘頭，終於有位🙄， 坐低之後我哋好快咁叫咗一個壽司套餐🍣，同埋一份板燒牛扒套餐🐃，另外我哋怕唔夠食，所以嗌咗份邪惡薯條🍟，野食好快嚟到，我哋試咗啲壽司，發現所有刺身都好新鮮🐟，絕對係有品質嘅食物👍，跟住牛扒連埋鐵板一齊嚟到，牛嘅油花香撲埋嚟🐮，令人食慾大增🉐，過咗陣邪惡薯條都嚟埋，呢個邪惡薯條其實係黃金薯條， 果然非常邪惡😈，要提一提既係呢度每一樣嘢都唔係太貴🤑，所以其實嚟到等係值得嘅😎

今日黎左荃灣呢間初見食晚飯。一去到已經見到好多人等緊位。好彩我地唔係等好耐就入得。男朋友好耐冇食漢堡，所以就叫左個和風燒餅汁牛肉漢堡配薯條。薯條都好大條，夠飽肚。漢堡充滿肉汁，肉質嫩滑，唔會好韌。另外叫左枝櫻花可樂，覺得好新奇，似落去真係櫻花味，好飲過普通可樂！搞到我都想買返幾枝返屋企飲。而我就叫左一個安格斯牛肉鍋，白飯轉左做味素飯，另外跟餐追加左一碟刺身，一隻蛋，同一碗味噌湯。牛肉鍋好足料，入面好多配菜，有嗚人卷，芋絲，蘿蔔，冬菇等。點牛肉既醬汁好濃郁。味素飯上面超多紫菜，岩晒我。刺身夠晒新鮮，仲係凍冰冰。個味噌湯熱新辣食完飯飲就岩岩好啦。總括黎講，呢間餐廳食物質素唔錯，價錢適中，我地最後埋單係$245。下次會再黎。

夜晚7點度黎到 餐廳門口已經有人龍🐉食物價錢都幾經濟🤑🤑店內裝潢比較文青風🥰🐽 初見香草吉列牛🐮 ($128)🎈升級套餐: 刺身/沙津+南瓜湯 +飲品 (+$35) & 汽水另 +$5香草版既吉列牛都係第一次試🤪感覺幾田園風🌿 雖然冇咩特別香草味🤣🤣牛既份量足 厚薄適中😙 燒一陣就食得🤤外皮幾脆口 而且仲配埋溏心蛋 正🥳🥳🐽 季節海鮮鍋🦐 ($88)白飯轉讚岐烏冬 & 地獄湯🌶️ (+$8) & (+$5)依個鍋比較少人叫😗但其實性價比幾高! 海鮮幾足料🤩有蝦 蜆 青口 三文魚 魷魚🤪🤪而且鍋入面有菜 菇 獅子狗等配料😙地獄湯個名好似好辣咁 但其實唔辣🤣🤣不過好香!🤤 d料索曬d湯 好正🤤🐽 南瓜湯🎃 & 沙律 & 刺身🥗 湯好濃 有南瓜蓉 好好味😻沙律材料新鮮 配左麻醬😙刺身方面有三文魚同吞拿魚👍🏻

餐廳樓底高，裝修簡潔温柔，環境幾靚，但枱同枱之間太近，有少少逼。我地叫左2個香草吉列牛套餐，一份日式煎餃，一份包餡炸雞翼。套餐前菜可以選擇要刺身或者胡麻醬沙律，我地各叫左一個，刺身同沙律菜唔算好新鮮，只係普普通通既水平，反而南瓜濃湯味道唔錯，夠香濃。至於個吉列牛賣相好靚，但牛既質量唔太好，無新鮮既感覺，香草味淡，所以要沾醬汁食。而煎餃同雞翼勝在夠熱，即叫即整，味道沒有特別大嘅驚喜。整體而言，餐廳食物普通，比想着重食物質素，餐廳更適合喜歡打卡既人去，試一次就夠。

初見係一間裝飾幾有特色、別樹一間既日本料理餐廳，入到去樓底好高、環境開揚，木系既裝潢，令人感到無比既舒服。打開餐牌就有好多唔同款式既創意日本料理，例如香草吉列牛等等。我同朋友今日就點左d普通既料理~-✨日式咖哩吉列豬排飯 (⭐⭐⭐⭐✨/5🌟)個飯做得幾精緻，飯、豬排同汁都係分開放。D日本咖哩係我最愛甜甜地既口味，豬掛炸得又脆又多汁，夠哂邪惡。✨跟餐刺身 (⭐⭐⭐⭐✨/5🌟)本身以為跟餐刺身，應該唔會有咩特別，但呢個味道幾出乎意料之外地新鮮，三文魚油脂味道濃厚，杋立貝夠哂鮮甜，認真高質。-✨ 安格斯牛肉火鍋定食 (⭐⭐⭐⭐/5🌟)已經有一段時間冇食過吉野家喇，好掛住一個人打邊爐既日子，呢一個火鍋定食正正可以止我個吉邊癮~ 呢份定食牛肉份量好多，每一塊都好大件，火鍋入面有唔少配料，好食哈哈~-總結﹕味道同環境都幾高質，每人都係一百蚊左右，高性價比，大推薦

難得有個空閒既Happy Friday🤣黎荃灣行陣街食個Break Lunch亦最好不過☺️適逢朋友介紹呢間綠洲料理🌿🤣還掂行開呢頭一於黎Tea陣醫下肚啦☺️初見香草吉列牛黎到必食既香草吉列牛套餐🐮🥩😋原來燒吉列牛係要有微細技巧的🔥🙊將吉列牛每邊燒10-12秒會食出最佳口感☺️肉質鮮美入口半溶既最佳口感🐮🤤配合埋燒牛醬油同海鹽作調味😆食落更帶出牛既鮮味🐮😋日式燒餅汁牛肉漢堡飽配炸薯條以大大個漢堡一流賣相上枱🍔🤩肉扒肉質滑嫩肉味濃郁之餘😋脂肪比例均勻食落唔會太油膩☺️啖啖肉汁流出更顯Juicy🤤🐮另外有富口感木魚絲濃郁芝香芝士及新鮮生菜番茄片😆以新鮮配搭燒餅汁竟然十分地夾🤩配合焗到香脆既高顏值芝麻包包亦口感十足☺️🍔另外附上既粗薯條🍟而薯條炸得夠透啖啖薯肉亦係小肥至愛☺🥔

荃灣區嘅文青日本餐廳，裝修方面真係幾文青，店面雖然小，但坐落都舒服。本來想試鍋物，但一入去就聞到好香嘅燒烤味，即刻轉軚叫咗個招牌石燒香草吉列牛😂 雖然個牛睇落好綠，但其實無乜香草味。牛肉味濃，肉質鮮嫩，不過中間有幾舊有筋，就比較硬咬。石燒牛配埋白飯，比較可惜嘅係個飯唔係日式珍珠米，係普通白飯，同埋偏乾硬。我哋加咗$35換個餐，有幾片刺身，有湯同熱茶。好抵食，刺身都幾大片，又新鮮。是日花茶係菊花茶，係好飲嘅菊花茶，個樣又靚，適合影相打卡。整體來講好滿意，價格實惠又好食，值得一讚係餐廳樓底好高，雖然成間鋪啲人都係度燒牛，但唔會好焗，只係聞到好香嘅燒烤味，令人食指大動

疫情稍為放緩，我同男朋友好似放監咁，搵到呢間平民美食， 一黎俾佢店裏面坐滿晒人吸引，二來覺得裝修好靚，一於入去試吓。入到去，因為店舖樓底好高，加上有一幅直身植物裝飾牆，我以為自己去咗Hotel ICON。真係一個好靚嘅打卡位！我同男朋友，叫咗一個季節海鮮鍋配龍蝦湯、火炙海膽帶子黑松露意大利飯、邪惡炸薯條，和炸香草北海道南瓜餅。其中一個主菜仲轉左餐，多咗一碟小刺身同麵豉湯。首先係，你冇諗過一個海鮮鍋都只係$88 ，仲要有齊海蝦、冰蝦肉、青口、蜆肉、帶子和三文魚柳。火鍋配料本身已經有蔬菜同鳴門卷，吸晒龍蝦湯嘅香味，好香！我男友就想佢再咸啲，就自己再加咗豉油，點知又好發揮到個海鮮鮮味，佢真係廚神！不過食開海鮮鮮味同清淡嘅朋友就直接食鋪頭嘅湯底調味就好了。然後喺個意大利飯真係好驚喜，好濃郁嘅黑松露味道，應該再加左芝士。海膽燒左之後多咗一份炙燒味道，反而令海膽冇咁膩口。我覺得呢個配搭好好，但食咗半個就已經覺得好飽。另外值得推介嘅係個南瓜餅，好滑同埋南瓜同香草嘅味好夾，炸得來又覺得係蔬菜所以冇咁邪惡。幾值得試！下次嚟一定要食佢個吉列牛！