初心食堂

營業中

休息中

聽聞有緣先食到😳？！事關「初心食堂」由備料、落單、煮麵、收銀，都係店主獨力負責，仲要不定時開舖，真係想食都未必食到！－當日睇IG知道8PM開門，8點30左右同朋友去到餐廳門口已經排緊隊，舖頭唔算好大，目測似有十幾個位，所以大家都要有耐性哦！－位置的確有少少逼夾，不過為咗食到隱世美食，我可以！難得有機會就一次過試晒店裏名物，我同朋友叫咗兩款配食嘅叻沙摻摻＋小食🍜叻沙摻摻🍜 首先講下碗主打「叻沙摻摻」(油麵＋米粉)配料有芽菜、洋葱、溏心蛋同豆卜，飲第一啖湯已經飲出極濃郁嘅椰奶香茅味，仲有少少辣，極惹味⁽⁽٩(๑˃̶͈̀ ᗨ ˂̶͈́)۶⁾⁾每一啖都好掛湯，令人食完又想食，連朋友都話可以納入「香港最好味叻沙TOP 3」！💗私心大愛💗溏心蛋世一！🐓配食🐽店內嘅配食都會每次有些少唔同，今次就試晒🐓雞扒 同 🐽豬軟骨！雞扒🐓就咁食已經好惹味，醃得好入味，肉質好香嫩！豬軟骨🐽都好入味，但係就有少少榎，會癡牙，不過都正！🐷焦香五花腩🐷‼️大癲‼️ (( 首先本人都鍾意食五花腩 ))呢個肥瘦好均勻，燒到焦香嘅薄切五花腩係極正！咬落去啖啖油脂香氣，燒到外層有少少焦香脆口，肉嫩多汁，食完再飲啖湯🤤啊啊啊(╯✧∇✧)╯⚠️注意

初心食堂每日不定時營業，只做晚市堂食，不設外賣食到佢完全係靠運氣🍀佢每日下午都社交平台story 講今日幾點開門，通常都係夜晚8點牙9點左右，12點就錢收舖餐廳環境唔大，入面得12個位左右。果日開8點，7我點半已經開始排隊，差唔多到8點條龍就好長，要等第二輪先可以入到去每日得兩款選擇，日日唔同，當日係豬軟骨或者雞扒，即叫即煎，好香😍😍我揀咗雞扒，超好食!!!個湯底好濃又好香，雖然有小小重口味，但係超好味，見到張相就知個湯底有幾濃，除左湯底，雞扒都好好食佢醃得好入味，有小小孜然味，唔識形容，總之就好好食，食完佢之後就覺得其他喇沙唔好食😂😂😂雖然間鋪唔大，但係佢上菜同埋客人都食得好快，所以排隊嘅客人比多少少耐性，好快就可以食到👍🏻👍🏻👍🏻順帶一提，佢哋係冇餐牌嘅😂

雖然要成日捕住佢社交平台睇佢開唔開門，但係試過就知每一啖都食到誠意！湯底夠湯但係唔咸，麵軟硬度適中，雞扒juice！如果唔係夜深真係想拎個麵包去飲埋啲湯！好食過好多連鎖店

開門前半個鐘已經有人龍唔想食第二輪記得睇ig再早啲排開放式廚房 一個做晒所有嘢 只做叻沙乖乖坐低晒就會順住一次過落單排先食先 最尾一個都要等幾耐加咗小食燒五花腩叻沙湯係好香濃嘅 但配料麻麻地都坐得迫又未好食到要早嚟排隊食依個程度嘅……

久仰大名嘅喇沙專門店！不過要食到唔係咁易，事關佢地不定時營業想食就要每日捕住佢地社交平台睇下佢地開唔開🤭當日開門前45分鐘到已經排曬長龍餐廳沒有固定Meni，入場後店主會大叫是日餐單當天只有雞扒、豬軟骨的喇沙，跟一款小吃但真心說聲勁好吃🤤✨𓂅 豬軟骨喇沙 HKD 78一上枱便被那既金黃的湯底吸引湯底偏甜但沒想像中濃郁，感覺更貼近香港人口味剛從新加坡吃完喇沙回來的我表示有點不夠喉配料的豬軟骨倒是出色，軟腍得很、入口即化𓂅 烤豬五花腩 HKD 48估唔到比喇沙本身更出色嘅係小食呢個烤豬五花腩每片都有那種燒焦的香氣而且油香十足，攤凍吃也感覺很幸福😭😭🫶🏻

🍜 This restaurant has gained immense popularity on the internet for its limited-time offering. While I'm uncertain about its current status, it's evident that they have invested significant effort in perfecting their laksa.

葵芳呢間人氣喇沙專門店 真係有緣先食到。皆因小店一人主理，即日下午先會係店家IG story 公佈營業與否 & 開門時間。最近小店都係晚上8點開門，上網睇comment開店前半個鐘已經排晒長龍，不過當日(平日)8點準時到，都可以成功入到第一round。當晚只有兩款喇沙 & 一款小食，另設draft beer、汽水、茶等飲品。🌟豬軟骨喇沙摻摻 $78🌟烤雞喇沙摻摻 $78喇沙湯底帶椰奶香，無想像中咁濃郁，勝在唔會太鹹，食完都唔口渴。油麵米粉掛汁，不過兩款都煮得腍左啲，無左分明嘅口感。豬軟骨 煮到超腍，軟骨位近乎入口即化，可惜調味偏淡。雞扒 大大塊，煎得幾香，滑彈唔柴。🌟五花肉 $38少失望，皮少韌肉少乾，勝在豬味重 夠入味整體來講，無想像中咁驚艶，未必會回頭。不過老闆一腳踢，實在令人佩服。

喺呢間食堂敞亮的小店試咗一碗喇沙，真係一啖嘆一聲好味😋！湯底出奇嘅香郁，辣得嚟唔過火，就算幾杯都唔怕過辣。蝦餅選擇實在正中紅心，外皮香脆得嚟，入面嘅蝦足料又彈牙，啖啖肉，香味十足，啲豆腐吸咗湯汁，每一啖都好似聽到佢哋喺度喊：食我呀！🍤摻摻嘅主意好有創意，米粉同油麵孖寶夾攻，一面Q彈一面吸味，打得一手好交響樂🥢，讓人食咗仲想再食。配菜都考究，豆芽脆生生，洋蔥提香，每樣材料都喊住：「哥哥，我都係主角！」配上自家特製嘅蝦油，清香嘅湯底層次更加分明。個人好推介呢個叻沙，拜託，嚟呢間店一定要試吓，真係話時話正！店家嘅熱情服務加上賣相靚嘅小食，無論幾盤都嘆唔夠。食完之後，成個人暖笠笠，滿足十足，真心話喇沙界一顆耀眼嘅新星🌟！

一轉眼，終於踏入咗呢間葵芳的美食天堂，一進門口就滿滿嘅人氣氛圍襲來，當日特登黎嚐嗰兩款打卡喇沙。首先，五花肉喇沙摻摻真係賣相滿分，又香又入味，每一口都感受到嗰股迷人嘅黑椒氣息同多種香料嘅交融，五花肉炙完烤面，一咬落去，油香四溢，口感夠晒彈牙喎！再講講印度煎雞喇沙摻摻，雞扒嘅香脆皮同多汁肉質就真係得嚟無得輸，佢哋兩個配搭埋一齊，直頭係幸福嘅代言啊！而家講下湯底，真係超出預期！淋上濃郁嘅椰香同埋啖啖花生，每一啖攪拌，都令人喜出望外。而家味道一流，仲有微辣嘅kick，帶嚟一種說不出嘅鮮味。加上啲芽菜、豆腐，真係層次感十足，一碗嘅美妙之旅，絲毫唔覺得夠！喺呢度食飯，唔單止係填飽肚皮咁簡單。同朋友仔share食，嘆返口喇沙湯，一邊望住夜晚街景，嘴角會不自覺咁揚起。食嘢重在享受，呢碗喇沙，簡直係味覺嘅狂歡派對！🍜🎉🤤

🍜🧡初心食堂 烤雞喇沙摻摻 $78————————————————————————用餐當日有五花肉同烤雞兩款喇沙提供💁🏻‍♀️每碗都係即叫即製 烤雞香脆嫩滑✨配料有豆卜、紫洋蔥絲、芽菜同埋半隻溏心蛋🥚排隊等位途中已經聞到好香嘅喇沙味🤤感覺湯底用好多香料熬製而成 濃而不膩 椰香味充足🥥好味到要飲晒啲湯呀！**溫馨提示：老闆每日都會喺IG公佈當日嘅營業時間 想食嘅大家要留意住Story，早15-30分鐘去排隊喇～🏃🏻💨

位於葵芳，主打喇沙嘅隱世小店，因為不定時開舖嘅關係，要食到真係全憑運氣同緣份😂▪️豬五花喇沙🐷🍜有5塊豬五花，肥瘦適中，煎到焦焦哋，好香口。喇沙湯底濃郁，帶少少辣。麵底係摻摻，者係油麵加米粉，個人就比較鍾意米粉夠索湯。配菜有豆卜、芽菜，仲有半隻流心蛋，不過就唔算好流心▪️煎雞扒喇沙🐔🍜雞扒同樣煎到好香，雖然外皮有啲燶，但入面保持到juicy嫩滑▪️慢煮豬軟骨🐷煮到好腍，好入味，仲有滿滿嘅骨膠原感初心食堂📍葵芳美芳街2-14號昌鴻大廈地下9號舖

✍︎︎以前食唔到就結業，不過而家捲土重來當日1930到達，見佢無開有啲唔開心🥲之後特登上佢ig望下 原來story update 個日要2030先開🥰一定在所不惜都想食到2015左右已經大排長龍，店舖位置唔多，而且當日得師傅一個人一腳踢，所以都要啲時間先食到🥰不過係值回票價㗎！🥢豬五花喇沙摻摻🍜🥢燒雞扒喇沙摻摻🍜兩款都強烈推介‼️如果要二揀一我會揀豬五花🥰🥰邪惡之選❥當日店主一個，所以要俾啲時間先食至好味嘅嘢😍😍••••••••••••••••••••••••••••••🔎初心食堂 葵芳美芳街2-14號昌鴻大廈地下9號舖••••••••••••••••••••••••••••••

大家有冇玩過餐廳遊戲👩🏻‍🍳🎮呢到有真人版睇👀一腳踢做晒所有嘢好高難度🫡respect 🍽️食物方面：傳說中嘅喇沙界天花板唔係浪得虛名🏅湯底夠濃我飲晒😌🥓煎得好好但有啲難咬開 小食豬軟骨一咬就嘩咗出嚟🐖好淋好入味ℹ️每次menu可能唔同🧑🏻‍🍳等入晒人會介紹 逐枱落單喇沙一般跟雞扒/豬五花 有時有串燒 嘢飲今晚得汽水📷打卡方面：Open kitchen影到煮嘢食過程 一個人煮麵又煎肉內心小劇場:我煮一定樣樣嘢燶晒 仲要著埋火🧯🔈環境方面：5️⃣張枱 每枱4️⃣🪑2️⃣個打橫坐 由最入面坐起 有啲熱➕無位擺袋➕逼到比後面個人批踭➕有人等位🟰快食(within 1 hour)💬其他資訊：初心食堂 📍 葵芳美芳街2-14號昌鴻大廈地下9號舖⏰佛系營業時間 留意當日Ig 今次大概6pm出8:30開💰$108 (盡量俾岩數或者齊頭唔駛佢找)‼️ 想食第一輪就帶風扇早10mins去排 入去順手閂門 食完自己執枱

抱住見到人排我又排隊既心態，終於等到8:30pm開門,一開門大家坐定定，老闆好細心講解Menu逐一同大家落單，一人工作，好食既野真係要比D耐性。各食客非常有禮，用餐後快手比錢等出面排緊隊嘅人可以入嚟食，試左豬五花喇沙同埋羅漢果花旗參冷泡茶，真心一D都唔伏，豬五花煎得好香口，喇沙湯底既椰汁味好重，食過一次下次都會想再幫襯老闆話營業冇特定日子同時間㗎，所以要去嘅朋友一定要留意IG story當日有冇開門😜

呢間唔定期營業嘅葵芳隱世喇沙，想食記得留意小店社交平台小店座位唔多，當日營業時間開730，730左右去到已經有條長龍🥲想食嘅朋友仔預返時間去排隊&留意營業時間啦～ 不過開嘅話會開到凌晨1點，唔知夜啲去會唔會有機可以唔洗排🫶🏻入座係無餐牌，係由師傅講返今日有咩食～當日去到有兩款，分別係：🌟五花肉喇沙摻摻 $76呢個五花肉好高質！食落係微微嘅黑椒再加唔同嘅香料味，再加埋炙燒完後，五花肉嘅油脂即時變得好香🥹咬落油脂感大爆發🥹係值得排隊嘅味道！🌟印度煎雞喇沙摻摻 $78同行友人食呢個～雞扒無比湯浸到，食落雞皮真係好脆（食雞一定要食雞皮！）雞肉唔鞋食落爆汁～食落啖啖幸福❤️🌟關於喇沙湯底個喇沙湯係極濃郁！飲落係微微嘅花生味同超重嘅椰子香～配埋摻摻，每一條麵都可以成功索到個湯😍個湯係少少辣，惹味得嚟又唔會太搶走喇沙嘅椰香同花生香，再加上芽菜配搭增加口感，成件事完全係幸福嘅dinner🥹🫶🏻味道：5/5性價比：5/5回訪度：100%