初喜 (已結業)

夏天又來了，行幾步已經需要買嘢飲解渴！今日飲出名嘅台式飲品，反而飲咗呢一間初喜嘅芝士桂花烏龍茶。首先講個茶底，我叫左少甜少冰，桂花味唔算好濃,但烏龍茶尚算有茶味。至於奶蓋，夠濃郁！芝士咸味適中，但奶蓋份量唔夠多！…查看更多

旺角弼街+通菜街，台式飲品好多，今次揀左尼間試試，『初喜』:)叫左芝芝芒芒，芒果汁+芝士奶蓋好夾味，芝士味都 ok,賣價$30水準不錯的一杯！但等待時間太耐等候人數不多，但都等左25分鐘，等待期間，見到隔離幸福堂裝修緊，期待中！…查看更多

金魚街一帶有勁多賣茶的店舖，真係花多眼亂。比較之下，發現同一條街有飲料竟可賣至40幾蚊一杯，都傻傻地嘅！見呢間價錢比較合理，又唔係連鎖店，一於試試先。我地order左一杯招牌水果茶（$30）追加原味雞蛋仔（$15） （店員話另有紅豆味和朱古力味雞蛋仔。）眼見大慨有四個客一起等緊，等左十分鐘左右終於拎齊食品。水果茶，叫左少甜都係勁甜，好似飲緊糖水一樣。生果就幾新鮮，有橙、有西瓜、有西檸等。雞蛋仔，更令人失望，賣相已經唔吸引，好多氣泡又好多破洞，食落.....er.....好lam呀。雖然無期望，但都有d失望…查看更多

因為我好鍾意飲內地嘅芝芝芒芒你都試過香港好多間類似嘅產品但係都飲唔番個個嘅味道直至遇到呢間《初喜》首先佢個芒果汁好濃郁同埋真係飲到芒果肉😍超級加分芝士奶蓋係我暫時喺香港飲到最濃郁嘅一間 又夠厚 正👍🏼一直飲到最尾啲芝士都仲未溶晒10分滿足10分驚喜…查看更多

試新野，因在大陸試過喜茶之後一試愛上，因為我平時唔多飲奶茶咖啡之類的飲品，喜茶有果汁底，加上面芝士奶泡，心諗香港有就好喇！但可惜沙田開左新喜茶店，一直都唔想排隊，所以一知道初喜就好想試下有咩分別，口感同喜茶落差不太大，都好鐘意佢既味道，正，服務好好，早上人流不多，加上新開，值得一試，也會繼續幫襯…查看更多

在旺角有很多茶店，越來越多琳瑯滿目。唯獨這家不算太多人，但是裝修簡明，讓人喜歡。初喜，初次遇見就有好感，再點一杯芝士？這裡主題是手打芝士飲茶。熱飲是冬天最好的陪伴，少許甜膩的芝士也是不錯選擇。…查看更多

剛剛在內地喝了喜茶同奈雪，各有風味。重點是芝士奶蓋真是太邪惡，無法抗拒🤦🏻‍♂️今天經過初喜，我不知不過地又買了杯芝士奶蓋茶。😅這間店乘著熱潮的芝士奶蓋，外形跟喜茶有點相似。品質又如何呢？🤔*雖然跟食物沒大關係但店舖接受支付寶付錢是值得一讚（香港快點大力推行電子錢包啦🥵）對，叫了杯芝士奶蓋烏龍茶。。雖然當時沒有什麼人等飲品，但都等了5分鐘左右。芝士奶蓋比較杰，味度帶甜同有芝士味，適合我口味😋分開喝芝士或茶都好飲，唯一是茶味偏淡，但overall 都好喝，絕對比得起其他大牌子，不用排個幾鐘都享受到一杯好茶❗️😋…查看更多

其實原本係等緊 KOI，但係竟然話要等成粒鐘？！所以唔打唔撞就去咗對面嘅初喜，人唔多，十五分鐘唔洗就有得飲。飲落幾驚喜，好 fresh 幾好味，個芝士🧀奶蓋🥛好味道，同桂花烏龍🍵好夾！另外嗰個綠茶 Oreo 奶蓋🥛就甜啲啲，不過都幾好味。我同個 friend 都各有各鍾意！好彩冇等原本嗰間咋！如果唔係等到睡著😪都未有得飲......如果大家經過都可以試吓，因為唔洗成日都淨係識飲啲名牌，同埋港女我 approved！…查看更多

同阿肥兩條友行街行到好口渴,附近就係呢間新開冇幾耐嘅<初喜>,行埋去了解一下見到佢哋竟然有阿肥好鍾意嘅口味芝士瓜瓜$28蚊一杯又唔算貴喎!即刻叫番杯嚟飲吓。芝士瓜瓜($28蚊)：因為阿肥有糖尿問題所以我哋叫咗半糖就好了。等咗幾分鐘之後已經有得飲除咗插飲筒嘅洞口之外杯子嘅另一邊仲有一個啜芝士用嘅口洞先喝幾口芝士咸咸哋嘅口味好得意,creamy嘅泡沫口感非常幼滑,要同阿肥爭住嚟啜!!!阿肥仲唔俾人啜哂,話要留番嚟同下面嘅西瓜沙冰撈勻吖叫咗半糖後嘅西瓜沙冰啱啱好,冇乜糖味之餘只有西瓜嘅香氣同味道,冰冰涼涼十分解渴,爽吖雖然呢啲品牌冇啲乜嘢宣傳效應令到佢哋人山人海,不過飲過呢杯之後我認為值得再嚟,試吓其他!…查看更多

星期日，去行金魚街，口渴時身旁有間台式飲品鋪，名為初喜，心諗應該是喜茶這一類的傢伙，身為喜茶迷的我當然要買一杯比較一下。今次點的是芝士上品炭培金萱茶，芝士奶蓋和茶的比例適中，用杯飲一口奶蓋、一口茶，喝到最後兩者都剛好飲哂，味道方面，芝士味相當濃郁，而且口感rich, 配上清新的茶，兩者結合融和，品質一點也不遜於喜茶。最重要的是，價錢只不過是二十多元，又不用等上一個、半個小時，如此高CP值的芝士奶蓋，去開金魚街的朋友要試一試。…查看更多

喜歡嘆深圳三大台灣會飲品的人都會面對心癢癢閒時想飲番杯,但又唔係時時刻刻可以返深圳的情況,而旺角除左東喜茶有製作相類的芝士水果茶飲,而近太子花園街方向我認為相對用心認真製作,及價格相對合理的就是為於魚街中間的初見,芝士味咸香幼滑,水果材料足夠,不會如水般稀而無味,是個解癮的好選擇…查看更多

天氣熱想飲杯凍飲，其實附近仲有好多類似又出名d 嘅店，不過我唔想行咁遠，加上見到佢裝潢都幾清新，決定買杯芝士奶蓋飲～芝士桂花烏龍茶 $28近期突然喜歡飲桂花茶，呢度仲係桂花烏龍～等飲品嘅時間唔係好長，你真係唔想等都可以去附近小食店買嘢掃街～視覺上茶部分好清純，比一般烏龍茶淺色，上面嘅奶蓋都幾厚～今次我一開始就試直接飲唔用飲筒，奶蓋雖然稠但依然可以直飲，鹹味好足但奶味依然濃郁，真係飲到芝士同奶蓋。至於茶底桂花同烏龍完美融合，有烏龍濃濃茶香，桂花清新醇味同時散發，因為我叫左無糖，所以茶味更突出，整體黎講係有驚喜嘅小店，支持支持！…查看更多

因為係公司附近，初喜我都飲過好多次！因為公司附近冇芝士乜乜既飲品，所以佢最突出🤣🤣 我通常要芝士四季春，因為夠清，但係覺得比較好飲嘅就係芝士桂花烏龍～ 因為佢比較重花香味😍❤️ 我朋友就比較鍾意飲芝士玫瑰烏龍，我之前問過下，係真係好重玫瑰花香味👍🏻 初喜嘅芝士份量俾得好多，呢個係我keep住幫襯嘅原因✌🏻🤣 因為我見好多都係比好少🙈咁到最後可能得返茶😭 佢嘅茶味就一般般，唔係話特別正，但係就同芝士好夾～偶爾經過飲一下，都不錯😂…查看更多

之前喺太子食飯，行咗一陣，見到都有好多唔同嘅手調飲品開咗！不過大部份都係賣珍珠奶茶，黑糖珍珠鮮奶之類～ 唯獨經過金魚街見到呢一間幾清新，賣芝士奶蓋系列！門口都幾簡約，唔算好大，選擇都唔係好多，但係有水果茶，同埋純茶類！我就叫咗芝士四季春！即叫即整，服務員態度都好好！等咗大概2分鐘，就整到俾我！佢嘅芝士比例大概三分之一！其實都適中，因為杯唔係好大～ 我覺得佢嘅茶都幾清，芝士鹹少少，但係我都幾鍾意，因為我比較鍾意鹹鹹地嘅芝士👍🏻👍🏻見佢新開張，好值得推介…查看更多

中午冇乜胃口，食咗個包之後，就諗住買少少飲料～ 咁啱行過隔離街，見到初喜，同其他嘅手作飲料鋪頭有啲唔一樣，所以好好奇！佢個設計好特別，好靚，俾啲人打卡佢既佈置好似深圳既喜茶，所以有個錯覺佢嘅Menu好簡單，得幾個選擇，所以幾好~因為唔使咁複雜，對於我呢啲有選擇困難症嘅人黎講係唔錯嘅我叫咗芝士桂花烏龍茶，佢係明顯比其他同名嘅茶舖平少少等左一陣之後，就已經有得拎，因為幫襯嘅人唔係好多，所以就好快整到！我見佢嘅桂花烏龍茶超級清透，上面嘅芝士份量都幾多下，所以有啲開心！覺得好足料，但係到細杯左少少！一飲之下，好好味！第一間店來講，算係幾唔錯 而且服務都算好快 完全冇違和感，反而覺得想飲更加多…查看更多