刀鋒寶貝 (已結業)

<高質港式黃店>呢間刀鋒寶貝係喺黃大仙既黃店 細細間 座位唔多 食物都係小食 肉燥飯 牛肉麵等等 食物質素唔錯 而且價錢抵食 值得試下 😆🍴刀鋒雞翼 28 蚊6 隻🐤6隻雞翼 佢個醬幾得意 有 d辣有 d甜 有少少似 b仔 雞翼尖個味但冇甘濃 雞翼整得幾入味 雞翼夠彈牙 肉質幾好 唔錯😆🍴台式牛肉麵48 蚊🐂牛肉麵個油麵幾香同爽口 有 d葱蒜調味 白蘿蔔整得好淋 好入味 juicy牛肉係用左牛展位 十分煙靭 牛肉味香🐮牛筋夠彈牙帶 d黏稠口感 牛肉湯底幾香濃 落 d辣椒油都幾好味🍴雞脾肉燥飯48 蚊🐤🍚肉燥個豬肉碎比較瘦肉多 肥肉唔多 有口感 醬汁比較黏稠 帶 d甜味 連埋甜椰菜撈熱辣辣既白飯唔錯 雞脾最出色 炸得好香脆 🔥應該係生炸 雞既肥膏唔多 雞肉比較彈牙 正🍴百香果多多 荔枝多多 (跟餐送)多多即係乳酪 雖然呢 d普通飲品 不過都溝得幾好 起碼 d百香果同荔枝糖漿唔會過份甜 食呢 d港式麵飯係 match既😁Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生

睇到Ig介紹就黎一試，鋪頭唔大，夜晚7點幾接近8點仍然要等位， 好彩等左20分鐘左右就有位。一入門口已經見到好多文宣要隔1.5米有啲枱唔用得，畫功幾好 😆嗌左馳名嘅雞脾飯， 同埋是日精選入面嘅其中一款蒜香牛展飯 (你揀是日精選入面嘅飯店鋪會捐錢去黃圈)馳名嘅雞脾飯果然名不虛傳，隻雞脾大到遮左半個碗， 加埋啲肉燥， 幾乎完全見唔到啲飯 😂😂 雞脾外皮脆， 入面肉唔柴， 幾好味;蒜香牛展飯， 雖然用料唔算特別， 但啲蒜成功令牛展味道更突出， 我覺得個配搭簡單得黎幾好味 牛展又好腍唔怕咬唔開跟住再嗌多個紅油抄手，呢個不得了，啲汁超好味，好快食哂， 唔夠喉要同男朋友爭食最後一粒 又平又抵食，成間鋪頭嘅野食價錢都唔貴，平均$3x起跳， 價錢親民又好食又黃， 店鋪入面都好乾淨， 絕對可以encore, 住附近嘅唔好錯過。

食物味道好！抵食 ！老闆娘超熱心！有人情味小店！💛放工唔想食正餐 一直都見openrice話依間小店小食唔錯 就去試下順便支持下黃店 幫襯左喜出望外！牛筋牛展(蒜香): 牛展肉味香 牛筋淋又會漿口 連汁都起漿！刀鋒雞翼：雞翼好入味 咸味 辣味 蒜味 酒味啱啱好！老闆娘超熱心 見我只叫小食都送我一杯野飲 推介左水蜜桃多多 雞翼佢見細隻仲收平我 實在太好人了！一定再幫襯試埋其他野食 除左係支持黃店 都係支持食物質素好服務好有heart做飲食既小店😊

中午行過黃大仙這間小店。被他的店名吸引住，見食物種類很多，所以叫了些外買，回家同老公吃點餐紙的野食，樣樣都好吸引，叫了兩個餐加3個小食雞髀肉燥飯（$48),雞髀炸到很香脆，肉燥更是我最愛，不太鹹，所有飯都吃哂喇沙海鮮麵($48),湯同麵分開放，好細心放在自己碗，清楚見到好多材料，有蝦，蟹棒，魚皮餃，豆卜，唐心蛋，好豐富，湯底仲好濃味炸花枝丸（$30)加埋泰式醬，又香脆又有少少辣，好味😋日式麻醬手撕雞（$38),雞肉很滑，麻醬很多，很足材料，放在雪櫃雪一雪再吃，更清新😋麻辣牛展牛筋（$46),很厚肉，麻辣很適中，醬汁又不太鹹😊送了兩杯飲品，凍荔枝多多，和熱黑糖薑母茶，解辣很有效👍🏻

黃大仙最近開咗好多我最鍾意幫襯嘅黃店💕不過疫情肆虐所以我哋而家好多時都係外賣返屋企見到好多朋友喺IG推介呢一間黃店😎就即管嚟幫襯試位置好近就喺雙鳳街附近見到佢哋主打嘅都係台灣類嘅嘢食非常之開心,因為附近的確冇乜呢啲嘢食❤️😛舖頭環境都幾光猛 而且擺設好衛生同乾淨💛價錢唔貴所以我哋另外仲嗌多咗兩個小食😎外賣返到屋企都仲係熱辣辣!!!我哋要咗雞脾肉燥飯💕 48蚊肉操同雞脾既份量整整將成個飯掩蓋晒😍雞髀非常之Juicy ,而且用咗生炸嘅方式冇用炸粉!!好正而且飯嘅份量都好足夠💕 勁抵男朋友就要左蔥油手撕雞飯😍 48蚊手撕雞份量又係將白飯cover晒手撕雞雞肉嫩滑而且特製嘅醬汁我哋都好鍾意小食方面我哋要咗麻辣牛展同牛筋牛肉味非常濃郁❤️對於牛魔王嘅我哋真係超鍾意食而且份量驚人!! cp 值高食起上嚟麻辣嘅風味配合牛展同牛筋都好match另外就要左佢哋主打嘅刀鋒雞翼😍佢哋用咗辣椒蒜蓉去醃製雞翼同一般坊間煮嘅方式唔一樣😙有surprise !! 而且好推薦佢哋嘅凍飲, 單點小食之後加$8就有😛我自己要咗荔枝多多🥺勁正 又夠凍

約左網友交收口罩😷，之後一個人係黃大仙搵野食，行到銀鳳街見到呢間都幾新淨，同埋係台灣菜，就入去坐低睇下有咩食先，餐廳都覺乾淨企理，價錢合理👍- 淨牛𦟌牛根 （麻辣）牛𦟌味道調校得不錯，牛根超淋彈🤭骨膠源啊😋（今日唔想食澱粉質）但見隔離嘅麵都好吸引🤭- 肉燥四季豆個肉燥醬汁唔咸，仲有粒粒的肉燥，而且肥肉不多，待應說四季豆不夠，加了椰菜比我🤣，當然冇問題啦，仲好啦可以食多一款菜🤭，菜掛晒醬汁好味😋。- 加$4有包麥精，抵啊😘😝

住係黃大仙 今日先知有間咁受歡迎既黃店💛💛 今日7點幾經過見到門口已經排滿左人 所以決定一試 買個外賣番屋企食😆 由於佢地真係好多單 所以都要等成半個鐘 大家可以預先打電話去落單🤫今次我就叫左2個麵同2個小食 主食$48左右就有交易 仲包埋台式特飲 真係好抵食🤩 我地就揀左喇沙海鮮烏冬同台式牛肉麵 麵餐可以自由選擇拉麵 烏冬同米粉 特別鐘意佢地外賣會將湯同麵分開 確保麵條唔會淋哂👍🏻 烏冬好彈牙 喇沙湯底少辣 有豆卜 蟹柳 魚蛋 蝦等等材料 好惹味👅 牛肉十麵揀左拉麵底 拉麵都係又有口感唔會淋哂 湯底香濃而不咸 好難得🤩小食我地就試左刀鋒雞翼同蒜香牛筋牛𦟌 一試果然難忘😚 刀鋒雞翼上有好多蒜頭同辣椒 不過食落唔會好辣 食得出醃左好耐好入味😋 蒜香牛筋牛𦟌牛筋超腍超入味 牛𦟌加上大量蒜頭 食完一塊又想食一塊🥳跟餐配既台式飲品都有好多選擇 我地就揀左百香果綠茶同水蜜桃多多 2者都好清新 唔會好假 唔鐘意太甜既可以揀綠茶底 好唔錯架🌟

今日係我第二次去刀鋒寶貝, 點知因為停水關係就無開門,但係老板娘見我第二次來就都請左我入去. 雖然menu上既野食因為停水關係大部分都無..不過佢都整左個紅油炒手比我食!! 呢到既麻辣醬好香, 麻而不太辣 所以我都好鍾意食.(因為我係好鍾意食麻辣但又唔太食得辣既人)另外我都好有幸試左佢地即將推出既生餃 ! 雖然餃子仲係試驗既階段, 但真係好好味!!!今日係好特別既experience, 雖然試唔到刀鋒寶貝既台式食品,不過卻見證到餐廳對食品制作既熱誠!下次一定要再去食呀!

喇沙海鮮烏冬👈🏻 $48有蟹棒🦀、鮮蝦🦐、蛋🍳蝦殼佢幫你剝😍😍台式牛肉米粉 $48有牛肉同牛筋，份量都幾多，湯底幾正宗麵類可以揀拉麵、烏冬、米粉所有飯、麵類都包一杯台式飲品，好抵👍🏻皮蛋豆腐 $28尼個大推，個汁好好味，偏甜既，豆腐好入味，皮蛋豆腐同個汁好融合肉燥四季豆 $28份量好多，肉燥係甜既紅油抄手(韭菜豬肉) $40好大粒，唔辣既，食唔到辣既人好適合巨峰提子多多🍇荔枝多多老闆娘好熱情，想食記得早d去，個日我去到好多食物都冇曬😞

一開頭見到呢間店個名，就諗起傳說對決入邊其中一個角色都係叫刀鋒寶貝。一入到去老闆娘嘅招呼就好周到，仲會提供一杯熱水俾你洗餐具。店舖座位唔多，嗰日比較晏去到間餐廳，已經有好多食物係賣晒。可想言之生意係幾咁好食物方面，我覺得皮蛋豆腐是我10分推薦的食物！成個小食嘅精華所在在於醬汁，食落去甜甜地唔辣，同豆腐和皮蛋好融合。老闆娘仲特登講俾我哋聽話呢個醬汁係佢自己特調！真係食過返尋味。另外我仲帶咗一碗喇沙烏冬，而我朋友就帶咗台式牛肉麵，兩碗嘅味道都不錯，但我個人認為喇沙都係比較配拉麵。最後，還叫了一個肉躁四季豆，同我想像中嘅有啲唔同，我以為是炒的那一款類似干扁四季豆一樣。但結果出嚟原來是不同的，而肉躁都是比較偏甜

雖然住喺附近但都係第一次幫襯黃大仙呢間小店，一入門口就見到好多文宣海報同貼紙，仲有「荃扣里」嘅義賣，緊係要懲罰吓啦！今日放假去朋友屋企玩，就落去買啲小食外賣返去慢慢嘆啦～日式卷腩麵🐷$48送飲品，原來卷腩即係日式叉燒，仲有溏心蛋🍳半顆，外賣會分湯，非常細心。對佢嘅小食非常有興趣啊！蒜香牛筋牛𦟌🐮$46，滷得非常入味，一大pat生蒜茸超啱我「蒜蓉控」口味。台灣香腸🌭$30，有成8條，非常大方，係黑椒蜜糖味。仲有刀鋒雞翼🐣$28，有6隻好抵啊，食到少少酒味，加上係涼拌嘅非常開胃好味。

在黃大仙區揾到lee間台灣野，好好食。其實之前已食過它的外賣，覺得不錯，所以今次再去試。我們叫了喇沙肥牛米粉和麻辣雞翼面。喇沙湯好惹味 ，肥牛數量okay 不太少；刀峰雞翼裡外都很有味，不是只有辣味那種，肉汁鮮味，超讚！飲品選擇豐富，我選了玫瑰花蜜果茶，好飲；先生選了水蜜桃多多，也很好味。仲有個小食泰式炸花枝丸，即叫即整，送來時脹卜卜的，外面脆裡面肉質鮮嫩，值得推介。(抱歉，我哋食到一半才記得影相~)

「刀鋒寶貝」店舖所在的位置「鳳凰村」，稱不上很方便外來食客，反而有利住在「鳳凰村」附近「慈雲山」居民多一點。「鳳凰村」的北方是「慈雲山」，東方是「鑽石山」，南方是「新蒲崗」，西方是「黃大仙」。偏偏「鳳凰村」跟港鐵「鑽石山站」，或者「黃大仙站」都有一段不短的距離，導致食客包括我在內，需要徒步步行一段長距離，來回「刀鋒寶貝」所在的「鳳凰村」跟其他交通設施地方，是名副其實的交通不便。偏偏「刀鋒寶貝」長時間有大量食客光顧幫襯，導致我上次幾經辛苦從西貢坐車趕到「鳳凰村」，最後還是趕不及在「刀鋒寶貝」截單之後幫襯，翌日我幾經辛苦終於來到，「刀鋒寶貝」卻坐滿了食客。「刀鋒寶貝」侍應再次告訴我食店快要關門截單，我肯定等候不到入座堂食的機會，只能夠選擇外賣自取。怎料「刀鋒寶貝」提供的膠袋，始終未能完全包紮綁實塑膠外賣盒，結果外賣盒等不及回家就已經移位翻側倒瀉。我本來對光顧「刀鋒寶貝」還是興致勃勃，結果被「鳳凰村」的交通不便，以及「刀鋒寶貝」外賣自取塑膠飯盒的設計不善，徹底破壞我的興致，回家已經不是很想再食了。結果我跟阿媽互相分享，享用「刀鋒寶貝」裡面的鹹味小食「刀鋒雞翼」，「刀鋒雞翼」的味道偏向比較鹹和

有openrice account以來第一次開Post。黃大仙區嘅黃店唔算多，呢日同朋友中午大約1點半去刀鋒寶貝食lunch，呢間餐廳應該係開咗冇幾耐，咁啱唔洗等位。我地order兩個餐，我叫咗蔥油手撕雞飯+龍眼蜂蜜($48)，而朋友就食台式牛肉麵+黑糖薑母茶($48)。個人認為好抵食，手撕雞好好食，份量係夠食嘅。喺出面食飯好少有呢啲免費嘅特飲，平時食開嘅都係得奶茶咖啡檸茶檸水。員工做野快手，同埋有禮貌。由落單到有野食10分鐘就有，唔洗等好耐。唯一要改善嘅係啲飯唔夠熱，其他野都做得好好! 

又要來到這邊去車房走走，這次不用等但還是到附近買了個外賣回家吃。牛展、牛筋（$46）牛筋非常入味，煮得充滿膠質又腍身，牛展也不錯，好吃！為了刀鋒雞翼（6隻 $28）而來，果然也蒜香味濃，但喜歡濃味的我們還是得一直重新蘸醬料才可以每口都充滿蒜香味。日式麻醬手撕雞（$38）比較健康，還有不少青瓜混著吃！肉燥四季豆（$28）直接把肉燥及四季豆放一起，四季豆本身沒有味道，相對沒那麼特別。飲品要了百香果多多及荔枝多多（+$8）。可以whatsapp提前下單外賣自取，方便喔！