函館元祖北海道拉麵 (已搬遷) 新店位置

0係銅鑼灣睇完戲, 本來想去tonkichi 食吉列, 點知原來6pm 先開晚市, 諗諗下就搭車去側魚涌食拉麵喇。其實都唔難搵, 0係SOGO 搭東行巴士(eg. 2A, 8) 去到"惠安苑" 站落車(我都唔識落, 但巴士車長非常好人, 教我0係邊度落車), 落車後行返轉頭, 見到"華蘭路" 標誌就沿住華蘭路行, 第一個街口轉右入太古城道。途中會經過幾間食肆, 函館個招牌好大, 好易認。一個人入到去, 服務員小姐以手勢請示過老闆之後, 就俾店中間張大我坐。其實行到入去函館都身水身汗, 坐門口位唔係好夠冷氣, 不過無所謂啦。我點左鹽味牛油拉麵, 一杯青蘋果特飲。杯青蘋果特飲微酸, 不過都幾清新。終於主角0黎喇!! 好大碗麵呀!! 一大片牛油0係面, 趁牛油未融時飲啖湯先, 好清又好濃味!! 之後牛油融左, 加左少少香味(不過牛油真係唔夠日本的香哦), 再食一啖麵...好味哦!!! 海苔同麵好夾, 叉燒有兩塊, 半肥瘦的肉, 好軟好好食!終於唔停口咁食, 一路食一路出汗, 但實在太好味, 差d 就飲晒成碗湯。服務好好, 我只飲左一半的茶佢都即刻幫我倒滿。我見到有幾位日本男士邊食飯邊睇報紙,

勁大雨, 中午有計劃地來呢度食,呢度唔萛好隔濊, 但完全唔識呢頭既人會比較難搵。呢度比我想像中企理,我叫左好多人推介的牛油拉麵, 味噌湯底,男友叫炸雞+濃味噌拉麵,原來我地兩個碗麵差唔多,我果碗真係有一舊牛油放落去架!!感覺上d麵好似滑d但驚好肥囉...個湯底清得來都好美味!!~男友果碗個湯底幾特別, 都好味!!d炸雞好正! 好似有層牛油包住咁, 好正!~呢度的拉麵同味千比就貴,不過六十蚊都萛大碗既!~同埋呢度感覺正宗!~ 有兩個日本人黎食呢!~呢度的service都幾好, 走時會問下你覺得味道如何.總括黎講呢餐都幾好, 有機會會再黎食!!!~

要了牛油拉麵(味增湯底).很好食,可以吃出店主對材料和味道的堅持.麵條爽口, 叉燒香滑, 湯很濃, 雖然牛油味不是食過最香的(尖沙嘴扎幌的牛油味更香),但跟湯味也配合得很好. 最難得是食完一點也不覺得口渴, 很好!$66(連加一)食一碗麵是頗貴的,但如果普通一碗難吃的拉麵平均都要$50的話,我願意多付一點點食一碗一流的!另外附送的那杯冰茶, 在夏天喝實在太爽了!

30-7-2005怡巧今日又是，記憶中去拉麵店都是下雨天！到站時已經兩時多幸好及時趕到，原來三點後休息。我們點了鹽＋牛油拉麵、濃味噌拉麵＋煎餃子、炸雞軟骨、燒雞泡魚乾，每款都好食，下次再叫其他小食/飯來試試。我的朋友非常喜歡日本食物的，她十分滿意還說回味無窮。

第一個食評，一於俾個笑面先~ 日期大約係兩個星期前，本身仲返緊暑期工，由於某啲原因，攞咗半日假，先去深水埗，再去鰂魚涌會合女友睇《強戰》，我先去太古城買定飛，女友六點收工。之前嘅食評係讚多彈少，但我對拉麵興趣不大，可能因為以前食開都係味千或者大家樂，食完都唔會有太大感覺，當然更談不上享受。對學生嚟講六、七十元一碗拉麵也不便宜，所以都冇食拉麵嘅習慣。買完飛見仲有時間，便先探一探地形，其實都不太難找，只是不近大路而已，來過一次就更冇問題。會合女友後剛好六點過啲，以為會是唯一的客人，點知都有兩名日本客。坐低飲啖凍茶，我覺得幾得意，但女友就話麻麻，冇所謂，大家口味唔同啫~我地一人一個拉麵，我要鹽味而女友就係豬骨湯，等咗一陣兩碗麵都先後嚟到，一睇賣相，又確係幾靚仔，冇話亂哂，女友都讃掂。我個鹽味湯底好清，但一啲都唔淡口，仲幾鮮甜添，說真的，鹽味湯底只是第一次試，但確係唔錯。麵上面有大量的芽菜和蔥，也有筍乾，和著麵條食用，口感非常豐富，而麵條幾彈牙又捲曲，湯汁容易附著麵條，又一讚。跟麵上的叉燒略嫌太少，只得兩片，但計返質素，又高過那些連鎖店幾班，入口鬆化，有肉香，如果多一兩片真係無話可說。女友的豬

今晚放工同男友睇恐龍化石前專誠黎呢度小店食拉麵,位置都幾隔涉下,大家記住沿住華蘭路行,轉個彎行前少少先到.8點去到吾多人,4臺客2臺系日本人,我地叫左餃子拉麵餐$90,炸雞軟骨$35 同炒野菜$50.餃子拉麵餐---要左鹽+牛油拉麵,size及配料比味千/別府大,未攪溶片牛油前個湯頗清!攪溶後牛油味淡淡滲透入湯底裏面,正!麵亦算彈牙!但吾系超彈牙果隻.餃子就真系十分有水準!1客5隻,個皮相當之薄!肉餡有鮮味,點埋佢d麻油餃子汁真系一絕!炸雞軟骨---1客10-15粒,size比一般既大,肉比骨多,而且無一般既炸得咁香口,個人還是較喜歡香口d.炒野菜---$50的確幾貴下!但佢比既系新鮮木魚,炒得亦頗入味且吾會太油膩,都吾錯!埋單連加一$192,算食得過.服務亦好過一般拉麵店.

之前見呢度好評不斷, 趁星期六同媽子過海搵婆婆飲茶, 終於可以帶媽子來試試這裏的拉麵.之前在中環分店試了麵豉湯底, 今次則要了鹽+牛油湯底同埋豉油湯底.鹽湯底好清, 但味鮮唔寡, 加埋牛油後, 湯底頓時變得好香. 豉油湯底亦濃淡得宜, 兩款湯底都好合心水, 不知不覺間亦飲了大半碗(雖然媽子亦間中勸阻) 拉麵係西山出品, 麵身較粗有咬口, 而且卷卷的外表可以更易索埋湯汁, 我鍾意~~除拉麵質素高外, 今次有位女侍應(像菲籍)的服務亦非常好, 有笑容兼主動不停替我們斟冰茶, 唔錯!!

看到呢度既食評，住係新界既我都要去試一試....當日(其實係7月頭去，不過冇咩時間，依家先上黎寫食評。原因無他，因為佢地抵讚) 計劃同女友先去呢度食午餐再落銅鑼灣....先講環境，可能個日落雨，冇咩人去，都幾清靜喎。好彩冇見到所謂既小動物^_^我就當然叫左拉麵....好似叫炸雞拉麵套餐而我女友就叫左個好似叫咖哩漢堡扒(飯)套餐先講我碗麵...湯汁香、甜、味濃，麵質彈牙。點解我咁講，因為本人好少出街食飯。唔似一般香港人舌頭已經被味精不斷洗禮.....d湯有冇加過味精(因為屋企阿媽靚湯一定唔加味精)，我一飲就已經知。不過都有少少缺點，就係叉燒比較少(因為炸雞係另上，碗麵已經有3片叉燒)，而炸雞表面比較乾身，而且口感比較硬如果表面鬆軟些少比較好，因為當時我既感覺係有點炸過左火位。至於女友既咖哩漢堡扒飯我都有試過幾啖，感覺係同日本百貨公司既即食咖哩既味道差不多，冇咩特別驚喜，不過唯一好處係冇咩加過味精。因為本人計過係呢一餐，本人只不過飲左2杯水(其中一杯係因為搵呢間舖行到成身汗先飲)，因為一間餐廳要成日添水，已經證明呢間野既食物過鹹或加左好多味精啦。呢次之後本人一定會再去，不過都係食返拉麵好D

12-6-2005 1300除左環境及衛生外，呢的都係後話。星期天要落柴灣辦點公事後，入荃灣及元朗鬆一鬆前，都係時候要再訪我一生人之中最好食的食店，不然的話，要戒口時候再冇機會試。入到去，與一年前既一樣環境，只是門口多左塊廉，自己坐係吧檯到，點了最貴的極上豉油拉麵，與我一年前食既質素完全一樣，冇其他食店咁份量越縮越細，濃味得來還可以保持到拉麵原來的精神係度，還少有的連湯清到一滴都冇。再加一碟雞肉芝士腸既小食推介，新鮮做，新鮮食，令舍不同。但係食緊期間，有少少小動物在廁所及飯堂小動物飛過兼有冷氣機滴水，某的項目要扣下分，縱管如此，成百幾蚊一個lunch，我仍然係比味道及抵食滿分。

雖然有「函館」地址係手, 但人生路不熟, 展開一段「尋找函館的故事」, 行左唔少冤枉路先搵到.第一次親身幫襯, 應該感到好陌生, 然而實在對「函館」太熟悉, 感覺怪怪; 行到身水身汗, 先飲杯凍麥茶, 即時涼透心; 叫左個鹽味拉麵加牛油, 唔知係咪見到我個相機袋以為我係飲食記者, 五分鐘碗麵就極速送到, 唔錯唔錯.先飲一淡清湯, 覺得落左少少味精, 不過只算輕微, 幾好, 之後整融塊牛油再試個湯底, 融化左既牛油令湯底有飛躍性既提昇, 變得幼滑淡香, 可惜牛油太細塊, 當牛油湯底同鹽味湯底完全融和後, 幼滑淡香既感覺就變得太弱喇.麵係用西山麵, 麵身黃黃微曲, 少少彈牙, 口感唔錯; 碗面有兩塊叉燒, 少量荀片紫菜, 大量蔥花芽菜, 叉燒肥瘦適中, 脂肪分佈均勻, 有咬口, 有徵微燒過既香味, 極好!! 其他配料亦唔錯, 蔥花尤其香口.食麵食得好滿足, 之後叫多個柚子雪糕, 個人認為奶可能落得極少甚至無, 覺得係雪葩先真, 不過唔緊要, 個柚子雪糕味道清新唔太甜, 有少少柚子肉, 唔錯.食物水準高, 價錢合理服務佳, 師傅店員笑容親切, 一定會再去!!

叫了鹽味牛油餃子拉麵,麵夠彈牙, 湯底同特別厚的义 燒都好好味. 不過下次就不會加覺牛油啦.濃厚味噌拉面就鹹了一點. 柚子雪糕, 像雪葩多D, 但味道入口好清新.南瓜餅就不用試啦.

住左係太古城咁耐,都係前幾日先第一次幫襯呢間野初時覺得佢d 麵都幾貴,但食落發覺呢個價錢真係值,我嗌左碗鹽牛油拉麵,碗麵夠大,湯底好飲,一定唔係落味精,好過去食味x拉麵但係唔知點解,碗麵只係比鹽拉麵多一細片仔牛油咁大把,但就比後者貴成十蚊,食水似乎有d深

上星期五終於一償所願, 冒著大雨o黎試一次呢: )可能大雨關係, 當晚人流不算多, 和朋友點了鹽味拉麵+牛油, 炸蠔和餃子雞翼, 仲有柚子雪糕做甜品鹽味拉麵本人覺得鹹了點, 我比較喜歡小樽個湯底多d, 不過呢碗都好香... 义燒好正, 夠晒稔, 份量好大, 食極都唔完: ) 炸蠔好新鮮, 一客六件夠晒食；餃子雞翼都幾香, 唔錯!!服務殷勤, 老闆親切, 不過小樽比較多款式d, 質素真係不相伯仲呢~柚子雪糕值得一讚, 好夠柚子味, 仲好鮮添, 食完個鹽味拉麵食呢個簡直一流, heehee!

星期一去到, 點解烏燈黑火, 唔通又係出師未捷....結果今日終於都可以去到函館, 果然不負所望.去到大約是晚上八時多, 客人並不多, 記憶所及香港的日本麵舖無論質素如何, 什麼時候都客似雲來, 好像唔休做似的, 這間是少有較為清靜的一間.我叫了一客味噌牛油拉麵, 女友則要了一客鹽牛油拉麵.拉麵份量都相當, 足夠一餐需要. 湯底沒有非常好, 味道濃郁, 咸淡亦適中, 空口渴下亦很美味.湯麵加了牛油, 除了加了整體的香味外, 亦令賬單加了十元.拉麵非常彈牙, 口感一流, 非一般連鎖日本麵可比.配料有叉燒、筍乾,海苔等. 叉燒是意外驚喜, 有入口即溶之感覺. 咁好o既叉燒, 第日食唔到點算?侍應招呼十分週到, 亦有禮貌, 凍麥茶隨時供應. 可惜到食最後突然天花滴水, 扣了點分.女友問我函館與爵士拉麵誰較優勝, 雖然兩者都是北海道風味, 但有些風格不同, 個人覺得無分軒輊.

本人十分欣賞此店之濃厚味噌拉面,每星期必定吃一次。之所以好味,在乎此店用料新鮮和面質有口感,而餃子也十分好吃‧‧‧‧‧‧‧‧而侍應的服務又殷勤有禮,經常幫食客加茶,又推介此店出名之好味食物!!!!!!!!