凱日宴會廳

營業中

休息中

一見張相就吸引左：鴛鴦露荀蝦餃，出黎產品同屓相铃到有85%，算不錯吧！味道當然一般蝦餃 但蝦夠爽，都算新鮮嘅。芝麻火1已而家好少酒樓肯做，真戊賣少見少，呢到有，我基本上每間有都試下，呢到無令我失望，有芝麻香得黎，唔死實，甜度適中，當然可再爽少少，透明度加d，再加分，而家都好有懷舊風味了。呢個奶黃包流心嫁，真係小心熱得濟。呢個又係下次食可以encore，唔太甜，奶黃夠滑，怪皮唔厚，加埋甜美可愛造型，。當然唔係隻隻咁靚仔，不過遠𥄫唔覺嘅。百幾蚊，商場內酒樓食差不多啦！

看見門口這個$8 蚊雞的優惠，今日一於嘗試一下，大家冇睇錯真係$8 蚊雞.酒樓相信是新裝修，因此環境十分之舒適，加上十分之明亮適合朋友的聚會.這個$8 蚊雞十分之有水準，雞肉十分之香滑.燒鵝皮脆，送飯一流.這個炸蝦賣相十分之漂亮，加上沙律醬，也是最美好的配搭了.全餐都是肉最後也叫了一個竹笙蔬菜，份量也十分之足夠，味道也不錯的.這個優惠還有其他的，包括有沙巴龍躉，下次一於來試一試，最重要原來還有攻打四方城的鵲局，下次一於搵埋其他麻雀腳，來品嚐一下.

好耐冇去過西九龍中心行街啦，今日同家人去逛了逛，改變左不少，經過七樓這間"凱日宴會廳"，做緊晚飯優惠推介好抵食，不如食埋晚飯啦。晚飯推介4選1，有$8半隻雞/$48虎蝦/$18.8乳鴿/ 清蒸沙巴龍躉 $58，我地愛食魚揀左魚。茶芥$12/位小食$12碟冶味海蜇鴨舌 $68鴨舌入味有口感，送啤酒一流，海蜇爽口彈牙。川味沙薑豬手粒 $48好有驚喜呀豬手，份量超多，沙薑味香濃，肉厚爽口，必點。蟲草花蔥爆雙蚌 $108雙蚌彈牙爽口有口感，配上蟲草花、西芹、木耳、紅椒等，配上蝦醬和蠔油更鮮味。古法鹽香雞(半隻) $98鹽香味濃，雞夠咸香入味，肉質嫩滑。清蒸沙巴龍躉 $58晚飯推介4選1的優惠，好抵食，一點不馬夫，魚肉不但厚身，且鮮味嫩滑，正。絲苗白飯 $14/碗

一行二人在西九龍中心七樓 晚飯。 平日間中光顧午市茗茶，今晚試試晚飯小菜。 來到滿堂食客相當熱閙！坐下先看看菜牌不少優惠和抵食套餐孖寶！還設有君雀會雀局自選套餐，有不同時段的選擇，很有興趣下次來試下！選了份抵食套餐 208元 :燒乳鴿 ( 一只 )果皮蒸大連飽魚 ( 四只 )乳鴿皮脆肉嫩有肉汁，味道相當不錯！大連鮑鮮嫩脆口彈牙！果皮飄香！姬松茸海參豆腐煲 138元份量足賣相吸引，豆腐又嫩又滑海參爽滑入味，菇菌香滑醬汁調得鮮味！小食～五香牛展 52元牛展軟彈五香味濃郁。付送糖水～紅豆沙甜度適中，好味！這家的晚飯小菜真不錯！

同媽咪一齊晚飯。媽咪話試過鵲局宴價錢又不貴，媽咪話小菜大大份，好抵吃。媽味介紹4選一。今次選了意大利泰國老虎蝦。48蚊又合理，蝦鮮味。入左有烏冬，吸晒老虎蝦味，超正，烏冬食下食下就吃清椒鹽豆腐為得獎名菜，果然一流。好趣口又滑溜，免頭有椒鹽更好味。不錯👍🏻蒜蓉粉絲蟶子，大大隻。又新鮮38蚊一隻果照份量十足，粉絲多，特別好食薑蔥炒蟹。肉蟹蟹羔，沖好味，蟹都大隻。整體來講好野味，配上一罐可樂10分滿足呀。還送上甜品，媽媽表示好滿意

深水埗西九龍中心食肆很多，最近開了間新酒樓，媽媽經常幫襯飲茶，今次試下晚飯小菜裝修簡潔華麗，旁邊有個大魚缸，有很多生猛海鮮，地方很大，座位夠闊落餐牌很多選擇，很多特價孖寶套餐，價錢實惠最驚喜晚飯推介四選一原條清蒸沙巴龍躉一斤都只係買$58超級抵食大大條沙巴龍躉，魚肉新鮮嫩滑，清蒸最原汁原味，可以食到海魚既鮮味孖寶套餐：$188蒜蓉蒸粉絲元貝+話梅豬手煲元貝很新鮮鮮甜，很多蒜蓉，正呀媽媽最喜愛話梅豬手，用上幾粒話梅，炆得夠香濃入味，酸酸甜甜，餸飯一流竹笙羅漢齋上素份量十足，足料竹笙，雖然味道有一點淡，但適合媽媽口味，我比較喜歡濃味，所以我比較喜歡話梅豬手煲值得一讚，服務員態度好好，由帶位到埋單都笑面迎人，有賓至如歸嘅感覺

難得今日因爲整車牌出開黎深水埗，整完之後諗住食餐好，我哋就上咗去西九龍中心上面嘅凱逸宴會廳，原來呢度仲有君爵會，係可以比人邊打麻雀嘅地方，咁就可以邊打牌邊飲茶。竹笙瑤柱素翅湯餃，湯係好飲，料嘅份量都幾足，而且價錢唔貴。蝦蛟皮薄，蝦肉幾鮮味。羅漢上素腐皮卷，新鮮即炸，不過油份多左少少。你好腸粉非常出色，腸粉皮薄而中間係油炸鬼包住蝦肉，油炸鬼非常香脆，一啲都唔油食，落去索索聲炸雲吞都係飲茶必叫，雲吞都係炸到一啲都唔油

這天和老公都分別要到深水埗買東西，就相約在西九龍中心吃晚飯。選了七樓的凱日宴會廳，原來這裡還有君爵會可以打麻將🀄️。這裡有時令燉湯及餸菜，非常適合我這注重健康飲食的人。西洋菜燉陳腎湯 $58位終於等到有西洋菜的季節了，就是看到有這燉湯而在這裡吃晚飯。西洋菜鮮甜，陳腎、雞腳、及瘦肉都燉得很軟淋😋，湯水香甜滋味南乳溫公齋煲 $98份量十足，有豆腐卜、麵筋、枝竹、雪耳、茄子🍆、粉絲、白菜🥬、粟米仔🌽、筍、以及磨菇、雲耳等什菌，送飯一流😋鮮淮山雲耳炒百合 $78健康合時的配搭👍燒汁野菌A5牛柳粒 $128牛柳粒口感鬆化，有入口即融化的感覺，除了野菌之外，還有蜜豆作配菜吃到最後的驚喜是有糖水紅豆沙送，甜度適中，為這滿足的一餐畫上完美的句號。

這間位於西九龍中心的酒樓，晚市時間有多款優惠，十分抵食。平日還有雀局套餐，適合老人家或朋友閒時耍樂。晚市特價小菜，我們揀了意大利汁泰國老虎蝦配烏冬底。烏冬爽滑，蝦殼汁鮮味十足，虎蝦有六隻，肉質爽彈鮮甜。蝦醬海山骨淡淡的蝦醬香，表面炸至金黃香脆，粉漿很薄，肉質嫩腍帶少許肥膏。蒜茸粉絲蒸元貝元貝鮮甜，表面是蒜蓉香，粉絲吸收了蒜香及元貝鮮味，十分爽口。話梅豬手煲豬手炆至入口離骨，豬皮膠質豐富，淡淡話梅酸甜味，令人食指大動。竹笙羅漢上素蘑菇、竹笙、粟米筍、雲耳等素菜煮成，味道剛好，不會太濃，醬汁略嫌濃稠。

好友快將生日，當然要請佢食餐飯慶祝。友人愛吃粵菜，特意選了西九龍中心這間評價不俗的「凱日宴會廳」。餐廳提供早茶晚飯、壽筵喜酌、婚慶滿月、麻雀卡拉 OK 等全面餐飲娛樂服務。店內地方頗大，空間感十足，用餐大堂開揚闊落，配上天花嘅華麗吊燈，裝潢高貴優雅。點左三個小菜，包括清蒸沙巴龍躉、金蒜蒸蟶子、姬松茸海參豆腐煲。晚市茶芥 $12/位 、絲苗白飯 $14/碗、小食 $12/碟。沙巴龍躉係晚飯精選推介之一，只係 $58 條，非常抵食，大約有一斤重。魚肉雪白有彈性，肉質鮮甜嫩滑，火侯掌握得啱啱好，豉油不會過鹹，蔥花帶出魚肉嘅鮮味，用嚟送飯一流。金蒜蒸蟶子 ($38@)  蟶子嘅 Size 雖然唔算特大，但勝在肉滑鮮甜，蒜蓉嘅香味完全滲晒入去蟶子之中，而蟶子嘅鮮味亦被粉絲充分吸收，夠晒惹味，真係令人回味無窮 。另外呢個姬松茸海參豆腐煲 ($138)  亦值得推介，姬松茸被譽為「菌中之王」，對抗病及提升免疫力的功能遠勝其他菌類。海參爽滑得來又帶點彈性。豆腐入口熱辣辣又滑嘟嘟，佐上濃香的醬汁，滋味滿分。最後為好友點來了蓮蓉壽包 ($16@)  作結，壽包新鮮出爐，把包子掰開，趁燙熱未散吃一口，包身軟

酒樓都幾大，用餐環境都唔錯，枱同枱之間相隔都遠，唔迫兼私隱度十足👍🏼南北杏蔘鬚燉鳳凰湯 $48先一人一個燉湯暖胃，湯頭清澈唔油膩。個湯好都足料，亦有很多蔘鬚，好有蔘味，唔錯唔錯。清蒸沙巴龍躉 $58酒樓而家做緊晚飯四選一，清蒸沙巴龍躉都係$58一條，超值🤩如果唔食魚嘅話可以揀雞，平日一至四都只係$8半隻🙀另外嗰兩款都超級抵。原條🐟蒸，好新鮮，趁熱食就最好食。魚肉結實，蘸上蒸魚豉油汁，鮮味更出😻再嚟一個孖寶👭$188蒜蓉粉絲蒸扇貝 蒜蓉配扇貝基本上都冇得輸，扇貝都大隻，鮮甜好食。粉絲索埋個豉油蒜蓉汁，唔錯唔錯。話梅豬手煲個汁用話梅菠蘿🍍熬煮而成，酸酸甜甜很開胃。🐷豬手都有七至八件，炆得都淋，豬皮很厚，滿滿骨膠原，煙靭軟腍，同個話梅汁好夾。蒜蓉炒豆苗 $98豆苗翠綠鮮嫩，唔會炒到過晒火，越食越好食。最後仲有紅豆沙送，食得很飽呢。酒樓有得打麻雀🀄️添，鐘意游乾水嘅朋友可以向酒樓問下詳情吖。

*餐廳名稱：* 凱日宴會廳 - 深水埗 #今日同朋友喺西九龍中心行完街,於是上咗去七樓呢間酒樓欲茶,酒樓是一個非常闊大的宴會廳,裝修雅緻,燈火通明,侍應招待熱情,令您有賓至如歸的感覺！1）欖菜海皇炒飯$60：侍應搬上檯面時,令我們大開眼界,非常大碟,炒飯粒粒分明,內有鮮蝦粒和帶子粒,份量頗多,而且味道非常鮮甜,再配上翠玉瓜粒和蔥粒,更提升了整碟飯的健康元素,最後加入欖菜絲,令炒飯更惹味、可口,令顧客吃得更放心。2）別有洞天脆皮腸$38：薄薄的腸粉皮,包著香脆的油炸鬼和彈牙的鮮蝦,內裏還有彈牙爽脆的脆肉瓜粒,吃起來口感十足。3）黑椒燒鵝檬粉$28.8：檬粉非常大碗,吃一碗已經非常飽肚,燒鵝非常高質素,陣陣的黑椒味撲鼻而來,令我的味蕾大開！鵝皮香脆可口,鵝肉嫩滑多汁,肥瘦適中,非常甘味。4）鮮魚湯雲吞雞$21.8：六粒細細粒的菜肉餛飩,鮮美多汁,加上嫩滑的雞肉,配上鮮甜的鮮魚湯一起進食,美味可口。5）蟹籽燒賣$31.8：燒賣皮袋包著鮮蝦、冬姑和豬肉,咬起來非常美味多汁,面層鋪上豐富的蟹籽,更有口感。6）蘆筍蝦餃$31.8：晶瑩通透的蝦餃皮,內裏包着新鮮彈牙的新鮮彈牙的鮮蝦,再加入非常爽口的

因為要到深水埗採購，所以就到了西九龍中心醫肚。已經多年沒有到過西九龍中心了，這裏依然十分熱鬧，簡直可以説是人頭湧湧。由於想搵一個地方可以坐得舒服一點，所以走進了這間裝修新淨的酒樓。因為實在太肚餓了，所以就點了很多食物。炸雲吞脆口好味，餡料十足。燒腩仔瀬粉份量不小，燒肉夠淋丶皮夠脆，有一點衝動想叫多一碗！哈哈！棉花雞份量超夠誠意，有三大塊魚肚，雞肉嫩滑入味，好味到我想encore！至於黑椒爽肚，點菜的時候我以為是牛肚，送上來是豬肚，味道不過不失。牛肉球味道不錯，而粉果皮略嫌有一點厚，但餡料好味，所以加返分。由於見到平日少見的椰汁桂花糕，就點了來試試，椰汁糕部份清甜，桂花部份味香濃，十分匹配。最喜出望外的是這個貓山王榴槤包，樣子十分可愛！而且味道清甜，濃郁嘅榴槤味，榴槤控必試！它會令你想再吃多一個！離開嘅時候發現門口有一個廣告牌，原來這裏有麻雀套餐，下次老公和朋友開戰，又多一個選擇了！

樓下酒樓而家做緊精選晚餐折扣，精選晚餐四選一好抵食，除咗有清蒸龍躉、仲可以揀乳鴿或者虎蝦，差唔多平咗三分二價錢❣️鍾意打麻雀嘅都可以嚟呢度食飯，呢度有小菜晚飯套餐，仲已經包咗8小時打麻雀時間，而且係電動枱，洗牌都慳水慳力過人！叫咗一條龍躉與$58咋，都有斤幾重，好似我哋二人小家庭食就啱啱好啦！條魚落咗大量香蔥一齊蒸，香噴噴仲唔會腥，食得出好新鮮之餘而且魚肉勁滑，大滿足！見到呢度即燒乳豬好抵食，半隻只係$368，仲會新鮮製作，即刻叫即刻燒，即刻嗌咗一份試吓！仲會連埋半個豬頭仔上碟，可以拎返屋企煲粥煲湯！乳豬仲燒得好香脆，塊皮仲脆過薯片，勁正！加上乳豬仔有少少脂肪，滑得來唔會覺得肥膩，口感勁好味😋！凱日宴會廳地址: 深水埗欽州街37號西九龍中心7樓701號舖

與女朋友去深水埗買電話卡，順道去西九龍中心吃午餐。酒樓內部裝修新，樓底高，座位寬敞，侍應服務殷勤。小橋棉花雞38.8元，份量足，魚肚爽口，雞肉嫩，咸味適中。銀蘿煎蝦餅33.8元，蘿蔔絲混入蝦餅一齊煎，外層香口，內層多汁。美點薈萃拼盤99元。花菇叉燒包，賣相很似花菇，包軟叉燒甜。潮州粉果味道正常。露荀蝦餃皇，皮軟蝦肉彈牙。金橋糯米卷飽肚。心心千層糕香甜。水晶菜苗餃，菜新鮮肉美味。杏香鮮奶酥38元，外層鬆化，杏仁味香，內層奶味香甜。離開酒樓時無意中發現原來可以打麻雀，電動麻雀枱供應時間為早上九時至午夜十二時，有多款套餐供選擇。總結：環境舒適，點心美味。