凱旋餐室

營業中

休息中

今日去灣仔行街嘅時候經過呢間凱旋餐廳望落去嗰裝修好新 環境好寬敞 於是就入去試下 上菜既速度好快 落單唔夠幾分鐘已經上菜喇 鐵板扒系列 紐西蘭厚西冷扒薯條配黑椒汁🥩呢個餐配埋羅宋湯 個羅宋湯好驚喜呀 好少見會有薯仔喺度變一口咁豐富好多 塊西冷扒十分厚呀 要兩個人分享先可以食得曬 餐廳亦都有啲細心位個薯條因為驚佢腍所以亦都分開咗碗上而黑椒汁亦都係支裝咁樣畀我哋自己調節想落幾多就落幾多家鄉魚鬆炒米 家鄉完餸炒米好多料魚鬆有咬口 個米炒得啱啱好唔會太濕又唔會太乾 衛生程度又做得幾好 暫時都係小編去過廁所最乾淨既茶餐廳整體好食😋😋

行完灣仔電腦中心, 就開飯啦! 今日試下呢間冰室, 好多卡位同埋地方闊落, 見佢好多熟客仔, 仲會大家有互動, 坐係位到傾計, 好似係屋企食飯一樣,哈哈!餐廳都幾多選擇仲有二/三/四人套餐, 開心見到有蒸魚套餐, 價錢合理, 我地當然要食啦!乳鴿粉麵飯套餐:乳鴿一隻加豉油皇肉絲炒麵, 乳鴿惹味 豉油皇肉絲炒麵肉絲都幾多, 炒得乾身, 呢個炒麵唔錯~晚餐精選:豉汁蒸䱽魚, 套餐送白飯及例湯或熱飲, 例湯大碗多料, 味道都幾好, 豉汁蒸䱽魚加左辣椒一齊蒸更可口~

現在的香港茶餐廳食物供應已經超多元化,  今日途經灣仔凱旋餐室食物種類繁多, 燒味、小炒美食、炒粉麵、咖哩、雲吞麵、鐵板扒餐、焗意粉........等, 二人至四人套餐更抵食！燒腩燒鵝飯燒鵝皮色澤誘惑, 鵝肉嫩嫩的, 肉汁豐富, 甘香美味, 伴少許燒鵝甜酸醬更美味, 那個燒腩仔是半肥瘦的, 腩仔皮脆脆的, 半肥瘦燒肉唔太鹹, 油香好送飯。紅豆冰大熱天時凍飲少不了,  紅豆冰堪稱甜品加飲品混合體, 夠曬冰涼, 還有啖啖軟棉又香甜的紅豆食, 滿意的快闪午餐。

凱旋餐室😘😘😘食住打卡茶餐室灣仔莊士敦道194號、靠窗坐於餐室歎住食、盡享香港特色電車往來、又幾寫意😊😊港式茶餐室常餐沙爹牛肉公仔麵$54+$3凍鴛鴦配： 火腿炒蛋、蒜蓉厚多士鮮牛肉沾🈵️濃濃沙爹醬、肉嫩有嚼口、公仔麵底、爽口彈牙、火腿炒蛋、港式味道（人情味）、蛋香嫩滑、伴埋烤烘外脆內軟厚多士、細心飛邊、塗上蒜蓉醬、入口特香濃、唔少🉐️凍鴛鴦、飽肚滿🈵️足！奶油豬$19⋯茶記奶油豬仔包、特別好味、自己做唔到、外層咁鬆脆、飽內軟綿綿感、塗上邪惡牛油、煉奶、錦上添花🌹油占厚多士$19⋯飛邊厚多士、咬一口、外脆內軟、似食棉花糖一樣、甜絲絲、餐室專用的果占醬（黃梅味）、與別不同、配埋牛油、配搭一流！黑椒牛柳絲炒意粉$68+$8凍檸茶🍋豐富材料：牛柳絲、意粉、韮黃、荳芽、洋蔥🧅、蛋🥚絲、快炒兜嫩、加埋青蔥、調味料、🔥火熱辣辣上碟、陣陣港式、夠鑊氣、別有一番風味👅郊外油菜$20新鮮菜芯、上湯滾焯、青綠軟腍剛好、淋上蠔油、提升味蕾口感！凱旋餐室灣仔莊士敦道194-204號灣仔商業中心地舖港鐵灣仔站A3出口、步行約4分鐘

約咗朋友在灣仔行街街，留港消費支持小店(凱旋餐室)店舖新穎裝修令店舖煥然一新，座位寬敞，讓食客有舒適空間，正直播放奥運精彩比賽令食客互有共鳴💪💪❣️銀芽肉絲炒麵銀芽肉絲炒麵入味細緻，麵條彈牙帶勁，麵邊邊卜卜脆，肉絲鮮嫩多汁，香菇清甜，醬汁醇香鮮美，口感層次豐富❣️牛腩雲吞撈麵湯頭濃郁鮮甜，牛腩肉質腍多汁入味，雲吞皮薄餡足實在，麵條Q彈有勁，口感豐富❣️熱狗皇口感層次豐富，熱狗皮爽肉嫩，香氣四溢，酥脆表皮下料汁入味，搭配酸甜雙重醬料，酥脆爽口，令人回味❣️豬扒包配沙律豬扒肉質鮮嫩多汁，搭配清脆新鮮蔬菓的沙律，帶來清爽滿足感，麵包鬆軟適度，是一道健康美味的輕食選擇。

今日去到凱旋餐廳食午餐，叫咗一碟咖哩雞翼炒一丁，配菜多過公仔麵，收取$58! 真心！半個即食麵都沒有，洋蔥，蒽就一大半，不如叫做炒配菜啦！味道一般，而家咁多選擇，我不會再去！

今日兩點鐘左右，經過餐廳門口見幾多人食入去試下，叫咗個下午茶炸雞髀咖哩飯，等咗15分鐘後，攞咗碟咖哩雞中翼飯畀我，我們侍應有冇落錯錯單，個侍應都幫手問廚房，最後答案係冇曬雞髀，用咗雞中翼。因為趕時間所以焗住食。我覺得其實冇雞髀可以通知個客，問下會唔會食第啲嘢，冇理由要食雞中翼，所以真係冇下次。個下午茶餐都成50蚊，出面都有好多選擇。

通常茶餐廳一分錢一分貨，服務差係預咗嘅，但呢間真係嬲到一定要寫review。叫咗個芙蓉蛋飯，味道一般。茶餐廳嘅質素嚟講中等。價錢合理。賣相麻麻地，但係食落去啲汁都OK。不過你食得茶餐廳你都唔expect五星級餐廳嘅質素㗎啦！呢間茶餐廳同第二間茶餐廳最大嘅分別就係服務態度極差，差到連平時懶得寫食評嘅我都要投訴。伙記送錯凍檸茶俾第二張檯，人地飲過照樣攞返俾你當無嘢發生過。收錢找少俾你扮唔知。以後唔會再去🙅

在灣仔工作，我在附近的食肆，我都食過了，未試過呢間咁差。常餐一個，正常茶餐廳應該要有啲水準。一，滑蛋唔滑而且份量超少。個包冇水油冇蒜蓉，純粹一個看底嘅包，而且又薄又細。個麵仲差，明明加錢轉左一丁，但佢依然比普通大光麵我，一食落就知道。一個咁基本嘅常餐都做唔好，仲要收58咁貴，我覺得呢啲錢似乎幫佢交租，多過比啲食品。講真，同一樣食品，灣仔真係好多餐廳好過佢。呢一間，基本上唔會再幫襯。附近果間rose kitchen，冇一次會令我失望。希望睇食評嘅人，唔會好似我咁中伏。

餐廳位於灣仔電車路，有兩個舖面新裝修。門牌很光亮，入面燈火明亮。透明玻璃，光線充足，坐位寬闊。早晨，午餐，西式飯意粉，常餐，下午茶，晚餐一應俱全，價錢大眾化，夠地道。晚市小菜好多選擇，又有滷水鵝，燒味。炒飯，碟頭飯非常多元化。5個人叫咗咕嚕肉，虎皮尖椒魚鬆，啫啫海鮮生菜，韭黃蝦仁炒蛋，油雞例牌。味道唔錯，份量足，夠鑊氣！送例湯，送熱飲。灣仔莊士敦道194-204號，灣仔商業中心地下港鐵灣仔站A3出口，行5分鐘左右

等電車期間俾佢個招牌粒粒花生醬西多士嘅廣告牌吸引咗，入到去發現地下都幾污糟，好滑腳。其中有個男侍應完全冇視有客人入店，只有女士應幫手帶枱，坐低嘅時候發現枱底下有食物被踩爛，但冇人清理。送餐時間好快，大概落單後5分鐘就到。西多上餐時都好熱辣辣，但係一切開粒粒花生醬西多的時候，唔好講粒粒花生醬，就連花生醬都見唔到，只有很薄嘅花生醬，等同食兩塊油炸方包一樣，又油膩又熱氣。完全浪費quota，去其他茶餐廳或者食都仲好。

首先而家茶餐廳能夠做到2間鋪位，應該需要一定實力。門口見到，佢選擇真心多，一般茶餐食品齊，仲要有燒味，潮式麵，單拼，雙拼去到紫菜四寶麵都有，要唸到食乜都需要時間同決斷力。本來想試佢潮式粉麵，但.....見到蕃茄湯，我最鍾意嘅湯粉，一定要試下佢嘅水準。每次見餐廳有蕃茄湯底，都好自然會叫黎試試佢質量如何。今次呢個雖然比羅宋湯淡左少少，但我都飲晒成碗，唔係味精湯得黎，有真蕃茄味。多士一般，奄列都好一般。沙律都係值得一試，唔係薯仔沙律係舊式茶記嘅生果青瓜紅蘿蔔沙律，食到懷舊風同回憶。魚柳都炸得算juicy唔乾，可以一試。奶茶對一間茶記最重要，佢無令我失望，係開頭少左D奶，叫左加奶後回復正常。價錢合理，路過肚餓又唸唔到食乜，可以考慮。

下午茶雙拼粉麵($38）沙爹牛+义燒米粉沙爹汁,正常茶記味道；牛肉片,一片片,食落唔錯；义燒,唔係柴皮,雖然薄,但好味, 米粉吸引咗燒味汁和沙爹汁,口感豐富,好好味,湯都飲埋.奶茶,都係滑但冇茶香,普通茶記貨色.坐位寬敞,環境簡潔,不错.

最中意食茶餐廳，貪佢乜嘢都有選擇多依間凱旋餐室食物多元化，有例牌午餐午，常餐同埋各種炒粉麵飯。今次就試左佢個常餐，我揀咗香茅豬扒烏冬，配火腿炒蛋同埋蒜香多士飲品就要左，香滑奶茶，係黑白淡奶杯。茶餐廳要常餐多數都穩陣，冇得輸呢度嘅常餐有得要烏冬都算特別，平時多數淨係可以揀通粉、米粉、公仔麵等個湯清清地幾好，個豬扒都煎得幾香脆，又唔鞋口佢仲有放多少少西蘭花伴碟，算係有啲誠意餐廳係間小店，午市如果自己一個食就可能要搭枱

灣仔區搵位食個午餐真係好麻煩這間茶餐廳的位置比較多而且衛生情況尚可午餐時間都多人等位大概等10分鐘左右就入得常餐：蕃茄薯仔餐肉粒米粉，連熱飲$54蕃茄湯底都有些雜菜，最重要是午餐肉粒切得大粒食得幾滿足如果薯仔更加淋就正啦