凱施餅店 (已結業)

拒個豬扒包係幾好味ga，個豬扒都好入味同足料，不過如果拒可以個包再有口感d，個豬扒再熱辣辣d就真係very good啦🤣拒好似重有個雞扒包都係推介，等我下一次可以再買黎試下啦

呢種鬆餅唔係間間麵包舖都有, 平時行過一見到有都必定會買黎試一試, 不過試過好多間都覺得唔岩食, 一係個味道唔香唔好食, 一係就係口感乾又或者好硬... 咁岩今日放工行過見到原來凱施都有, 賣相幾正, 大大個都幾墜手.呢隻係紅莓提子鬆餅, 入面真係有唔少數量既紅莓同提子呀, 差不多每咬一啖都會食到, 一D都唔孤寒! 個鬆餅充滿住牛油既香氣, 鬆餅外皮有D位微微烘焦, 聞落去就更加香, 而且咬落外皮脆脆地, 鬆餅入面都幾鬆化, 咬落一D都唔會乾硬, 幾蚊一件都有呢個質素真係相當正....! 一定會再買黎食~! 

俾錢時要拿着麵包盤排隊，收銀員要求排隧時已經要準備好錢和八達通。自問沒有三隻手準備咁多嘢，加上要買飲品又唔知要幾多錢。只好去到先拿銀包俾錢。最後，當然換來收銀員和旁邊的助理收銀員黑面，再加上有說話聽！下次真係要做好心理準備才可以去。其實美心，超群也沒有這個問題！凱施自己唸下點解？

好多個月冇寫食評了, 今次為左樽奶茶而專登上來寫的!!今日去凱施餅店買麵包吃的時候, 意外發現了原來他們出了自家奶茶!! 仲見到佢張海報寫係用Lipton茶葉的, 於是買開麵包就用優惠價$12換返支飲下. 原價要$15.未食個麵包之前飲一啖濕濕個口, 一飲之下, 相當驚喜, 呢樽"港式風味奶茶"好好飲, 仲見佢標榜冇加防腐劑和人造色素, 每日新鮮香港製造...飲落茶味好香, 奶味都好香, 口感滑, 甜度對我來說也是啱啱好, 非常唔錯! 我本身飲開太興既冰鎮奶茶的, 我認為凱施呢隻同太興都有啲似! 

十月尾，我們好姊妹四人幫出去中環 IFC 飯聚，我們總喜歡交換小禮物或美食！  當時，我送給她們每人一份萬聖節禮物！  而收到金髮美女的她送上購自 <凱施餅店> 的包裝蛋糕！多謝她的小心意！ 她買了芝麻、綠茶及朱古力味蛋糕，我選擇了芝麻蛋糕！ 芝麻蛋糕這是蛋白蛋糕，雪白的蛋糕身，夾雜一點點黑芝麻粒，真材實料！  輕帶芝麻香，鬆軟微甜！  不過不失！作為早餐的話，簡單又方便！

今日返工前路過又未食早餐，於是決定試試呢間好耐冇幫親既凱施。其實唔係有咩不快經歷，只不過係依家實在太多選擇而屋企附近又冇。入到去感覺好清身，店鋪玻璃門令成間鋪都光線充足，冷氣亦唔缺乏(呢樣野喺夏天絕對會為環境加分)，入到去好快買左個好吸引既熱狗，因為實在太eyes catching! 盛惠$13元。熱狗蕃茄片好新鮮，包亦冇因蔬菜既水分變林(證明新鮮製造)，熱狗腸口感十足而且外型絕唔輸蝕比啲熱狗專賣店。黎緊應該會多啲幫親

在中上環區，連鎖麵包店林立，包括：美心西餅、東海堂、聖安娜...等，卻沒有凱施餅店！ 最近，我再幫襯蟹麵膳，經過中環租庇利街，見到相當搶眼紅色招牌的 <凱施餅店>！  真是中上環區上班一族的好消息！  買早餐又多一個方便又便宜的選擇！我在店內望一望店內的蛋糕款式，借意詢問女店員有關餅店網站的資料！原來凱施餅店沒有網站！ 女店員亦好幫忙，問我想在哪間分店取蛋糕？可幫我查詢相關分店地址及電話！雖然，當日早上我沒有訂蛋糕，見她們是以客為先，服務至上，值得一讚！ 裝潢光潔亮麗！麵包也蓋好！衛生不錯！除了售賣麵包、三文治、撻類、西餅、蛋糕之外，還有冷熱飲品都有！完全貼合食客所需，認真周到！ 三角洲 $12包括：豬肉鬆、芝士、火腿，表面的椰絲烘焗至金黃香脆，散發椰香，份外令人開胃起來！配料豐富！  口感多層次！況且，整件 size 也不少！ 腿蛋治 $10三文治新鮮即製！麥方包仍然暖暖地！ 夠軟熟！我見到膠袋內有點濕氣，相信剛剛炒完蛋，尚有熱力才會有濕氣。夠新鮮！炒蛋算幾厚又夠滑！滿已經足！火腿也煎過，食起來更香口！(無糖) 燕麥軟法包 $11我聽見剛剛新鮮出爐，