影片
我很喜歡飲野菌忌廉湯, 有很濃厚的香味, 由7至8種野菌製作而成, 真的很棒, 值得一試再試。沙律,生蠔, 生蝦的冷盤食物也達到酒店水準。另外, 我很喜歡吃香煎三文魚, 很有口味。 如果大家想了解凡高的畫作和品嘗美食, 這中環分店值得一試。
繼續閱讀
收工同老婆食飯，又難得搵到間又好食，裝修又特別，老闆又夠nice又好人既餐廳，今次真係要高度讚揚！！！👍👍八點深水埗落閘收鋪接埋老婆，搵到上去大概就九點，位置尼講算係幾方便，銅鑼灣地鐵行幾步就到。一上到去真係眼都突左幾下，走廊好似全層為佢而設咁，痴曬d西式磚牆既牆紙，配埋西式大宅木門，其實一眼就知係哩間啦，今次正啦咁既感覺。正當影完相，就有人開門招呼你入去啦，如果走廊已經眼突，開門入去就要再突出多幾尺，香港地寸金尺土，竟然擺張波枱響餐廳到，再加埋兩張唔同款既搖移，大量既畫作，古色大鐘加埋幽幽既燈光，成個氣氛簡直就想即刻就地正法。。食野啦😂好啦，玩夠影夠相，就要乖乖地坐低睇下餐牌食乜先。西餐廳食物款式尼講，算係極之豐富，海鮮有新鮮生蠔、超多膏龍蝦、青口、海蝦等等，想一次食曬最好就叫個海鮮拼盤做頭盤。頭盤之後一定一定要試既有98%磨菇既磨菇湯，老細話係師傅人手打成硯，絕對充滿磨菇既香味同埋西湯難得既咬口，絕對唔係d紅白湯d流料。然後主菜就叫個必食既招牌羊架餐啦梗係，老婆就叫左個墨魚汁意粉。其實都算夾既，羊架餐就配薯菜冇咁飽，加個意份share食就啱曬。羊架尼講，唔食就等於白尼一敞，五成熟竟然一d驙味都冇，而且係真既五成，唔同出面普通餐廳叫幾多都係咁多成，睇得出師傅係用心做既。主菜都食埋發覺唔夠飽的話可以再加份煎鵝肝，頗脆口，唔會有入口即融既感覺，但係香味已經蓋過所有。基本連主菜都食飽就梗係到甜品啦，係我最鐘意既心太軟，竟然係真正既焗爐心太軟，絕對唔會係時下連甜品店都用既No-bake版，凡高廚房用既係99%dark chocolate原裝正版即叫即做焗爐出品，係就係等耐dd，不過都絕對值回票價。不得不提都仲有兩樣野，一就係老闆超級有心而且係好好人，我地食到一半都走過尼social下，介紹下野食咁樣，又比我發現原來佢有幾間餐廳，有間party room，仲要係商會會友，今次真係又食又拎，食到好野又識到朋友！二就係老闆有心到為每一杯既飲品都改左d好特別既名，例如我飲既情到濃時就其實就係熱情果乳酸。我地仲試過下d店員係咪會記得d名，佢話我地知原來d名係有原因既，所以真係記到。今次真係絕對正確既覓食之旅，推薦指數達到10粒星！！！
繼續閱讀
今日食晏唔知去邊去，無啦啦想食D Cafe類的食物，所以去左呢棟皇后大道中118號道搵食，搵中呢間係中環開左2個月的餐廳，佢本身銅鑼灣有分店的，不過呢家開係中環多一間，有機會都想試下另一間。今日搭lip先決定試呢間ga其實，見到有coupon，而我地3個人去食，用左午餐3人同行1人free的優惠，揀左行政set lunch － 5個course ge～餐包 － 配以油醋，任你自己調較油醋的份量～包都唔hea架，外脆內軟仲熱烘烘的！！98％野菌忌廉湯 Cream of 98% Wild Mushroom Soup好濃郁的味道，聽餐廳的待應講，話係由8種唔同的菌類打碎製成的湯包括黑松露、蘑菇等等唔同的菌類。前菜沙律沒乜特別呀，少少乾，我覺得比例上紫沙律菜過多～香煎澳洲新鮮羊架配羊肉濃汁 Pan-Fried Australia Lamb Rack w/ Lamb Gravy （我揀左7成熟）真心大讚呢個，同行另外兩個朋友都係一齊食呢個set，其中一位係好驚“蘇“ge，但連佢都覺得好味，有羊味，好香的汁加上鮮嫩的肉，完全冇覺得有任何羊ge“蘇“味ga～另外唔好睇少個配菜仔，個薯仔都幾出色的，有心之作，佢煎／焗香脆左個外層，然後用甜甜地的汁再煎的～我唔係太鐘意薯仔的都食左兩舊覺得係好味的～有機會可以試下～切開的羊架～3件羊架都有份量ga～唔係細細隻～餐茶叫左coffee～仲有甜品tim～個甜品係cheese cake，唔太甜又唔漏，口感都ok的～＊中環工作的朋友可以去試下，不過如果你得一個鐘的lunchtime，就去到要講聲，因為我諗佢地全部即叫即整，暫時見得主廚一個，等餐時間都有返咁上下ge～可以預一預～不過今日係weekend，餐廳冇乜人，但係聽個waiter講平日最好打個電話book下位先因為weekday比較多人食～個度有個waiter好好人都好細心～我見佢serve客人好用心，值得一讚呢間餐廳的服務態度‘～～︿︿又可以好有藝術氣質咁食飯～比畫圍繞住自己都幾好～
繼續閱讀
Van Gogh一出lift已被紅紅的牆包圍，紅紅的牆一路申展進餐廳。踏進餐廳內，有柔柔的音樂，最特別是有一幅牆是仿凡高的畫:名為Cafe Terrace at Night為主題，想像自己坐在露天咖啡座，很有藝術的感覺，桌面上有花及畫筆，有幾張沒有檯布的桌子，是由馬賽克砌成的，黃黃的正方磚及三角形的磚拼湊得像凡高筆下的太陽花。Appetizer 蛋批內裡有茄子、蘑菇、底是蛋餅，面及底均是脆脆，有少少香口，煎至金黃色，入口有香濃的蛋香, 一啖咬落口, 蛋既質感好細緻, 再埋茄子既JUICY同蘑菇既菌香, 百感交集薯仔湯薯仔打茸成湯，口感綿綿卻不會太滯, 再加埋粒粒薯仔的細粒，豐富口感之餘, 香濃不溜，味道清爽微酸地中海式火焰牛柳串燒飲完湯隔左一陣, 店員就侍應就會拿剛出爐的熱辣辣串燒走過來, 以盛火釋放那焦焦的、原汁原味的肉香散發出黎, 牛柳外燒到脆脆，內裡好淋，唔韌，帶帶黑椒的香, 入口惹味非常, 卻沒有一點油膩之感, 皆因配上了青, 紅, 黃三椒, 色香味俱全、帶有爽脆口感的同時更是清新開胃配菜都不錯, 雞肉, 同薯塊, 大滿足
繼續閱讀
磨菇忌廉湯！味道好濃味~每啖湯入口都會食到一粒粒菇既感覺😋！聽店員講係98%都係磨粒來！咁足料難怪咁好味👍👍！燒豬肋骨🐷~個醬汁好香好濃郁！好難食到好味既豬肋骨！呢度整得唔錯，肉質樕滑唔乾。骨與骨之間既肉來得剛好！又唔油膩👍~凡高內有好多梵高嘅掛畫🎨，連牆都有凡高畫黎🖼，就好似置身凡高世界之中，好特別👍
繼續閱讀