凡直友里

營業中

休息中

今日係元朗市中心附近一間西餐廳食dinner.門口擺設好似專做happy hour 既bar咁，但望入去原來有個好企利下既廚房。兩個人加埋食得唔多， order左一份set dinner，餐湯係我老婆最愛南瓜湯，我唔太好，但試左兩啖都幾香。main course order左半隻燒雞拼大蝦，薯條底。先講basic嘢，薯條炸得乾身好食！大蝦應該都係用炸既形式整既，開邊後有落到黑椒碎，good ge.驚喜係半邊燒雞，燒得好香口，有別於普通食到既，值得試。仲有一份蜜瓜parma ham 沙律，d ham算係我食過性格比最好，成份沙律百幾蚊有呢啲質素既ham.最後重有份12安士肉眼，4成燒得剛好。肉質靚。食完兩個人飽到頂曬肚，是日只係6百，不錯。

食過都要再食，今次特登帶一個遠道而來的朋友來。第一樣要讚嘅嘢係佢哋服務好細心，我哋叫咗咁多嘢食，佢地都唔會好似一般餐廳咁一次過上晒，而係按你食既速度而去上菜嘅，所以我哋每食完一樣佢先會上下一道菜，咁食物就唔會因為擺喺度然後攤凍晒啦。今日點左個西班牙火腿沙律，好好味啊！入邊仲有芒果ga！個牛肉質很好，熟度啱啱好4成，我最愛。呢間餐廳d枱係有啲細，二人檯其實都有啲迫夾。不過都好推介大家有時間都可以嚟元朗試吓呢一間平民有高質嘅西餐廳。

今次和朋友去的餐廳叫 ‘凡直友里’, 外觀睇落似酒吧CAFÉ之類, 但估唔到係餐廳黎, 所以我叫佢做酒吧餐廳(以下簡稱酒吧)。吧內氣氛好好, 前方近出酒的地方根本係酒吧設計, 入到裡面就好像西式餐廳咁。話明食西餐點可以唔試下牛扒, 跟套餐有西冷選擇, 當然要試試。另外還單點了肉眼扒(12安士), PIZZA, 漢堡等, 試盡意式, 美式。套餐還可以加錢追加小菜(?) 有鵝肝同生蠔, 就普著試試無壞的心情一起追加了。先來的是PIZZA, 我們點的是黑松露PIZZA, 脆脆的PIZZA上散發出黑松露的芳香, 而已份量十足。食一口回味無窮, 正當想再食的時候, 主菜已經到了。西冷5成熟, 肉感剛剛好, 她不是一煎好就馬上上枱, 有好好的等待肉汁收縮, 封存在內, 所以明明是紅的, 但也沒有血水流出, 十分專業。再來是牛肉漢堡, 也是一樣封好肉汁, 所以沒有令到麵包有濕的感覺, 保持得很好, 而牛肉沒有用多餘的調味, 用她原本的肉味…但為什麼會有咸味? 奇怪…原來漢堡面上有層簿簿的西班牙黑毛豬火腿, 唔怪之得可以保持肉味又有咸味, 雙重感覺。然後當我們十分滿足之際, 追加的小菜也來到了。老實說

係元朗路過幾次呢間餐廳都覺得好有feel，有時仲會有歌手駐唱。臨近父親節，就約了家人黎呢間餐廳慶祝🎉白酒忌廉汁煮鮮蜆伴西多士$148作為一個前菜黎講份量都頗多！蜆肉好大粒，配上濃郁既白酒忌廉汁真係好開胃！而且個汁好鮮味，用黎點多士一流牛肝菌野菌忌廉湯$59牛肝菌味好突出，成碗湯超級濃郁creamy，阿媽話未飲過咁濃郁既湯炭烤串燒拼盤$328 呢個拼盤非常豐富有虎蝦、鮮三文魚、北海道帶子煙肉車厘茄、西班牙黑毛豬腩、牛舌、美式辣肉腸，而且仲配左兩款醬汁，一款酸甜汁for海鮮，一款沙爹汁for肉類由於我地每串都share黎食，所以串串都食到，估唔到每一串都好出色！北海道帶子好鮮甜，三文魚係烤到半熟所以好柔軟，虎蝦蝦頭既蝦膏爆多！不過最驚喜都係美式辣肉腸，咬落會爆汁架超正威靈頓美國特級黑安格斯牛柳$348相信有睇開飲食節目既人都知威靈頓牛柳係某地獄廚神既名菜，我一直都好好奇威靈頓牛柳係點，今日終於試到😂😂富有牛油香既酥皮內包住煙肉、黑松露同牛柳，食落味道豐富，好特別烤黑松露菌醬海鱸魚柳手工貝殼粉$178手工貝殼粉既質感好煙韌，家人很喜歡，而且味道比較清淡，但絕對唔係寡淡，所以好唔錯！魚柳沒有骨

凡直友里係一間平民嘅西餐廳價錢，呢到既價錢親民而且食物質素好高。一入到餐廳，d staff 就為你我地介紹今晚嘅既set dinner 同埋餐湯，服務十分細心。我哋當晚兩個人叫左一份牛扒嘅Dinner set，跟餐加左鵝肝多士同雞土焗蠔。另外仲叫左一個煙三文魚Pizza同埋埋個煎帶子意粉。當晚嘅餐湯係番茄湯番茄湯味好濃郁，幾好味。前菜鵝肝外皮香脆，充滿油香。而焗蠔好似手掌咁大亦都好鮮甜。去到主菜牛扒，我哋order 左五成熟，師傅既手勢好好，所以係做到牛扒外脆內弱，鎖住肉汁，牛扒本身亦係高質，充滿牛味超好食。呢度嘅Pizza係手製薄批，成個pizza 都好香脆。煎帶子意粉亦係驚喜之作，每粒帶子呢都係煎到外面香脆入面又唔會太熟，配埋樣比較硬身嘅意粉。

呢排心情麻麻，唔好嘅事幾乎冇停過。襯端午節連放3日前夕，去唔到旅行就唯有拉埋男友去chill 一chill ，放鬆下心情呢間餐廳我地每次經過都人頭嘅，已經覺得幾吸引，最chill係之前見到室外有得食水煙添。餐廳座位唔算闊落, 加上假期前夕, 所以都需要位得密些少.黑松露油帕馬臣芝士薯條 $68 - 飲野必食嘅小食呢個價錢份量算幾多，黑松露油好香，芝士仲多到見唔到面添炭烤串燒拼盤 $328 - 拚盤一共有8款串燒, 每串都係大大串嘅, 估唔到咁夠飽.  有海鮮/肉類/蔬果, 配有沙嗲醬 for 肉類/ 有魚露嘅泰式醬for 海鮮. 當中特別覺得出色竟然係腸仔?  腸仔感覺係有牛係裡面, 雖然唔係話好脆皮, 但肉特別香, 好好送酒另外沙嗲醬係非常之咁出色, 濃郁程度爆燈, 如果可以男友應該係會ORDER個白飯去食White Sangria - 當日唔太想飲太勁酒, 就叫左個水果白酒, 酒味不太濃, 非常易入口有淡淡嘅果香.唔知咩咩MOVIE - (唔記得左個實際名) 加左POPCORN 糖漿去調, 感覺有些少奶味咁, 酒味同樣都唔係算濃, 感覺幾得意.呢間餐廳如果要飲下酒食下小食, 又真係

元朗有好多好嘢食而今日我哋就遇到一間好高質素嘅西餐廳凡直友裡餐廳走時尚格局 右邊係開放式廚房同埋酒吧 左邊一直排全部都係座位 格局分明我哋今次叫咗兩個set dinnerSet dinner包埋是日餐湯 而今日嘅餐湯係大蒜薯仔湯 好香好creamy 蒜蓉包焗得好脆身 另外一個湯我哋轉咗法式龍蝦湯（$30）一上菜已經聞到一陣好香嘅龍蝦味道 湯底濃而鮮香 真材實料 真係有龍蝦肉喺入面 唔會過鹹 呢個價錢就可以飲到 性價比高另外我哋追加左個香煎法國鵝肝（+$48）鵝肝外面煎得脆身 而且唔乾身好嫩滑 食落啖啖油香 再配合香脆嘅士多一齊食 絕對係味蕾嘅享受呢個有驚喜 好食主菜方面 烤美國特級西冷牛扒黑椒燒汁伴意大利粉 （4成熟）（$188）烤得啱啱好 唔會過熟 肉質鮮嫩 多汁 食落唔會 韌 意大利粉即叫即炒 會分碟另上 緬因州龍蝦尾羅勒番茄汁自家製寬條麵 （$218）龍蝦尾肉質細嫩 新鮮 再配上西班牙辣肉腸 意大利青瓜 車厘茄等多種配料 更突顯鮮味 口感一流飲品方面我哋叫咗兩杯果汁 除咗有果汁同埋汽水之外呢度提供多款酒精飲品 放工想同朋友飲返杯 絕對係一個好選擇

Sea urchin & Crab meat risotto海膽蟹肉意大利飯本身諗住唔食咁多澱粉質，但同友人食牛嘅口味唔一樣，最終決定試吓呢樣又好彩冇試錯喎！店員溫馨提示要撈埋啲海膽一齊食，我都分別試過兩種食法，撈埋的確係好食啲，始終佢本來唔係諗住俾刺身你食，味道的確唔錯Baked portobello mushroom大啡菇個薯蓉做得好細緻，黑松露都夠香，啡菇飽滿多汁Pan-Fried sea bass fillet比起鱸魚主菜，下面嘅配菜更有驚喜，配埋一齊食加番啲整體分數原來係由M1吧集團經營，所以cocktail一定唔會令你失望不得不提Purple Dream少啲技巧都會變咗香口膠味，但牛奶份量控制得好完美，清走曬晒所有伏味空間唔算多但分量好大，選擇多樣其實元朗都幾多嘢食，以後繼續慢慢發掘

.凡直友理🍸.應該好多人都知元朗多野食🍽今日就去左食西餐🍻.大熱天時當然要叫杯Frozen Kirni啦..我個杯白桃味又唔會太甜🍑一飲 爽哂🤩.法國Fine de claire生蠔🇫🇷偏爽口..唔會太重海水味..而且超鮮甜..只可惜唔算多肉🥺.🇺🇸安格斯牛柳配鵝肝🥩牛柳帶有少少煙燻味..肉質好嫩..配上紅酒汁會中和左無咁膩🍷鵝肝油脂超肥美..如果大舊啲就好了😍.中西合璧的香煎帶子勝瓜雲耳炒扁意粉🍝本身意粉掛滿了湯汁已經好夠味..同勝瓜雲耳都意外地夾🤣帶子夠大粒...若然2邊都煎到金黃會更香🥰.如果去開附近都可以選擇係度食個飯..氣氛好好..但枱興枱之間距離太近🤔.

今次跟男友去了元朗呢間PUB用餐，餐廳名字是凡直友里。餐廳附近有不少食肆，但這間更是坐無虛席的。Menu款式超多，但係價格親民，叫落完全冇負擔。兩個餐湯,一個係大蒜薯仔忌廉湯,一個係龍蝦湯。前者雖然偏淡,但係好易入口,後者我覺得太濃啦,男朋友反而超鍾意飲,話真材實料先會有咁大浸嘅龍蝦膏味前菜叫咗白酒忌廉汁青口配蒜蓉包，依個係我每次嚟到必叫既，佢個汁做得好好，點包食，好夾，仲可以配埋意粉食，正個包都唔馬夫，烘得剛剛好。我地唔使5分鐘就食哂，仲留意到周圍2枱都有嗌，仲要大家都係咁大讚好味！另外我地仲加咗錢叫咗一份多士鵝肝。金黃香脆的鵝肝表面，內裡粉紅嫩滑的鵝肝，入口即溶香味慢慢滲透到口腔中。Set dinner嘅黑毛豬扒肉質爽嫩juicy，非常符合我的口味。雖然我一直都愛牛扒多於豬扒，但不得不承認這間餐廳的黑毛豬烹調得極為出色，再配埋粗薯條，一個正常男士係絕對夠飽！實在非點不可，建議大家一定要試試！鮮黑松露龍躉意大利飯，這個飯有淡淡的黑松露味，飯唔會太creamy，所以可以食多一點點。個飯看上去好似好少，但係其實份量都幾多!同埋龍躉嘅份量超多，非常新鮮，好味道帶咗兩杯確聽呀，呢杯係red

凡直友里Fan straight lane呢個名好特別,之前行過幾次都有留意~
個印象係有水煙食!同埋好旺場！
今日終於抽到時間去食dinner..見到佢個SET DINNER都多選擇，一般西餐有既野!都齊，包括西冷、黑毛豬、羊扒
.食肉獸表示勁開心~
今日叫左羊set同牛set!份量夠冇失望！位置唔闊落但係氣氛好!SET有得追加龍蝦湯同鵝干~ WOW~ 龍蝦湯飲到個蝦頭香味，好滿足呀!鵝肝超推薦，一定巿加！飲品好有特式，唔飲酒既我得個睇字，唯有試下mocktail!有氣氛嘅扒房加分！下次約埋三五知己一定會回頭。

今晚相約舊同事喺元朗食轉晚餐聚一聚。係openrice見到呢一間叫凡直友里嘅西餐廳，門面同入面嘅裝修都唔錯約左七點，inside巳坐滿了好多客人，所以我地揀了outside慢慢傾下計Sour soda@好似檸檬柑桔，大熱天時飲得非常痛快吞拿魚鮮果藜麥沙律@之前係其他餐廳都食過呢款沙律，夏天天氣炎熱有時候胃口會不太好，不想吃得太多藜麥食落一粒粒口感幾特別😆鮮果酸酸甜甜配上藜麥異常合拍，鮮吞拿魚濃郁味美，多感衝擊美國1855極佳級黑安格斯肉眼牛扒10安仕(5成熟)@五成熟，火候控制到家，外面烤至碳香，熱力鎖住濃濃的牛味和肉汁，讓人欲罷不能！藍青口，白菌，嫩菠菜，意大利藍芝士忌廉汁意大利粉@啲青口大隻得黎好新鮮，藍芝士味不重，忌廉汁煮得剛剛好，沒有太膩的感覺！

自從兩大甜品舖消失左之後，又新街就冷清左很多，今日去行下搵嘢食，其實都會發覺有好野！今日去咗元朗少有嘅爆場西餐，凡直友理！餐牌好多選擇，有啤酒、紅酒、特飲等等，食物亦有好多選擇，串燒、牛扒、意粉、沙律、生蠔海鮮應有盡有！價錢亦不貴！先來一杯Red Sangria $70以紅酒加入梳打水、橙皮、糖漿、少量拔蘭地既特飲，很易入口！Sour soda $54淡淡檸檬清香，而且很夠氣👍一行三人了三份set dinner烤美國特級西冷牛扒配黑松露菌燒汁$188牛扒點了七成熟，外脆內嫩，肉味香濃，很juicy😋烤鮮三文魚柳柏馬臣芝士汁貓意粉$158三文魚柳烤到外皮香脆，但入面亦很鮮嫩，是近期吃到最出色的一家！貓意粉口感似貝殼粉，配上香濃芝士汁，味道很夾！烤西班牙黑毛豬配芥末籽蘋果燒汁$138豬味濃郁，七成熟剛剛好，肉質不會鞋！依家香煎法國鵝肝$48兩面煎得非常香脆，鵝肝味香濃，入口即溶，極度邪惡！😋整體食物質素很就高，週末還會有live Band進行表演，人均$200元，實在很難得了！

今日約咗班 friend 聚一聚，作為一個元朗人就去咗最多嘢食嘅又新街果頭，見到有間叫嘅西餐廳，見到個餐牌有勁多款嘢食，仲要望入去好有格調，好多後生仔女。梗係要入去試吓啦！店員講解細心，講解啲飲品好清晰，問佢嘢食有咩推介又唔會淨係叫你叫啲貴嘢。嘢飲都冇得輸，有沙冰啤酒，有 cocktail 同 mocktail, 男女啱飲, 我就揀咗杯bloody berries $54甜度啱啱好！嚟個前菜芝士薯條$68，超級香濃芝士，好大碟，物超所值，飲酒食一流。咁好味既薯條當然要配返杯沙冰啤酒$66,黑加侖子味香濃！沙冰啤放耐都一樣咁冰凍！個餐跟個雜菌湯，好濃郁嘅菇味，唔會太傑，飲完唔會太飽頂住頂住。必食鵝肝多士$48 真係好香口好邪惡，唔會油膩，食到停唔到口。Set dinner 烤羊架佩迷迭香燒汁$168有三大件，一啲騷味都冇，肉質好嫩，烤得啱啱好，我本身唔太食羊嘅都接受到😋美國1855安格斯肉眼牛扒10安士$298落小小海鹽，再點啲mustard, 塊扒靚嘅真係唔洗攪咁多嘢，食番啲牛味同油香味真係已經好足夠！餐廳整體質素十分高，店員服務亦很好👍人均200元很超值吧！

朋友生日 有人推薦左呢間餐廳上網見到其他人黎慶祝生日有支衝天炮係甜品側邊 好似幾開心預早remark 左要甜品寫生日字眼約6 點去到餐廳 個時都唔太多人order 左2 個set -西班牙黑毛豬扒配意粉-慢煮雞胸+大蝦配薯菜再加兩杯drink 同個甜品黎到食物個賣相好吸引仲好貼心禁分開意份同主食兩碟意粉仲用牛油炒過好香慢煮雞胸亦一d 都五"鞋"食完個主菜已經好飽不過佢地既甜品好吸引忍五住照嗌左個tart上甜品既時侯 全店既店員突然行過黎大唱生日歌連本身安排既我 都有d surprise氣氛好好 店員都好親切推介黎食生日飯