影片
一班人去海洋公園，本來想去餐廳食午餐，假日排長龍，最後大家都想玩盡啲！唔想浪費時間食飯，所以去咗小食亭買熱狗頂肚！小食亭好細，熱狗只有3款選擇（其中牛肉腸熱狗已經賣晒）預製食物，店員好爽手執好收錢！熱狗（$42）肥髀食，一個紙袋裝住，佢唔落任何調味（都好，唔會佢沾到衣服）麵包暖身鬆軟，香腸皮脆彈牙！特色熱狗配免治肉醬（$60）店員即刻𢳂肉醬上熱狗面，熱狗大隻，香腸皮脆彈牙，麵包鬆軟！肉醬好多，食得好論盡！菠蘿味芬達（$30）新口味，菠蘿味道居然唔假，夠汽夠凍好味！攞咗食物在小食亭對出桌椅食，天氣太熱，好在都有太陽傘頂下！食物全部樂園價，好在味道都唔錯，店員爽手有禮！
繼續閱讀