六順台式養生火鍋 (已結業)

桃膠美顏鍋 ($138).而家石門真係越開越多食肆，淨係打邊爐都開咗幾間~ .今次食嘅呢間係新開嘅，主打養生火鍋🤤6款湯底都好，真係唔知點揀😱身為年輕貌美嘅姿色...I mean 知識分子🤔最後我地就選擇左養顏防老嘅桃膠奶白雞湯🌸內有桃膠、杞子、紅棗、圓肉、蟲草花等，我地仲+$30加左烏雞，冬天飲特別滋潤，唔怕打邊爐熱氣🤧我地未擺配料前，就忍唔住先飲左幾碗湯底，真係超濃厚😋同埋啲圓肉好甜!.配料方面，每款平均$60-70，菜就大概$30，特別推介關廟麵 ($28)，配上湯底食好正！特式丸拼盤都好有特式，唔係坊間嗰啲頹丸，而係手打有口感嗰隻.同場加映 洛神蜂蜜花茶 ($38)紅噹噹提早賀年XD飲落好開胃！.特別一提，環境幾好，樓面好高空氣流通，我地預先訂左枱所以有大枱，卡位坐得好舒服又闊落😍大加分！.…查看更多

之前經app訂位，今日準时出席，卻被告知訂位被餐廳無故單方面取消，全無契約精神之餘，也並無事先打電話通知我們，令我們空跑一次。app訂位很多次，如此沒有信用的商家實在少見。…查看更多

見呢間餐廳新開所以試下，一入到去就叫我地撘枱，我地話唔想撘枱仲好似係我地唔岩咁，好多客人都因為見到有吉枱但被逼搭枱即走，1點半成個餐廳都未坐滿就係咁同客人講依加繁忙時段所以要撘枱，如果真係坐滿曬人又想食撘枱有咩所謂，真係一間十分奇怪的餐廳，唯一可讚下既就係午餐幾平，都算大份。…查看更多

之前一路節聽朋友講話碩門好多野食，咁今日就同好姊妹去揾野食，一去到，真係估唔到，以前既工廠區依家咁繁榮，咁多餐廳，但我地一出馬鐵站後，就俾一個大招牌吸食住，就係"養生"依2個字，女仔wo,聽到養生緊係要試下，依間養生火鍋店係"京瑞廣場2期" 2樓，唔難揾，去到見到寫住17:00 - 19:30前埋單有7折，我地依家先5點幾，19:30埋單實冇問題，唔講咁多，睇相la唔難揾，係廣場2樓原來佢地有做埋午餐我地係最早嗰枱，暫時未有人，但到6點零，已經開始多人醬料選擇唔多，但其實已經夠，野食新鮮係唔需要太多醬料好大隻，恰完唔會散，啖啖肉半份$38,有6隻咁多桃膠養生鍋，桃膠會另上，因為怕溶晒係湯內，好細心，店員仲教恰2分鐘就食得依2樣神器真係抵讚，一個係專for恰桃膠，一個係俾我撇油(依個我未見過出面有用)總括黎講，真係掂，野食新鮮，養生鍋冇味精，又可以當湯飲，會再黎…查看更多

住沙田咁耐，次次去揾食都剩係識出尖沙咀，旺角，銅鑼灣，但唔講唔知，馬鐵站沿線都有好多美食，聽朋友講碩門雖然係工廠區，但竟然有個美食綠洲，咁住得咁近冇理由唔帶媽子去試下，媽子鍾意打便爐，緊係上網做定功課，俾我揾到間唔係連鎖式既火鍋店，叫"六順養生火鍋",地點唔難揾，碩門站一出行一陣就到。一出碩門站c出口，大大個招牌好易揾去到2樓轉彎就見到，好搶眼入到去店員好nice,我一拎張點菜紙，唔駛1分鐘填完，因為有做功課，因為太急想食，唔記得影張菜單，但好彩仲記得影野食，唔講咁多，去相包芋丸必食，豬肉丸入面包住芋頭蓉值得一讚係加湯既時候唔似出面咁加水，佢係加番養生湯底既湯，唔會減淡原味道…查看更多

打邊爐好多地方都有，但要好食這裡亦係一個唔錯嘅選擇，今晚約朋友他住石門附近，就他就去了這個車站旁嘅商場，裡面都有唔同嘅選擇，但朋友話這裡食物質素唔錯，最緊要有我喜歡嘅食物就可以！入去朋友推介個龍蝦花膠鍋$158，湯內有大大嘅大龍蝦半邊同埋啲花膠，湯一滾就先飲個頭啖湯，味道夠晒濃郁，超正，而跟鍋就送埋個龍蝦丸，當然跟住就係點埋火鍋配料，朋友讓我發板，嘻全丸宴，特色丸拼盤$68，呢個推介，有齊我喜歡嘅選擇，牛丸夠晒牛肉味之餘重十分爽彈，另一款就係流心奶黃丸，外面彈牙之餘咬開時流出嘅流心奶黃超流心十分好味！還有包芋丸，咬開就係軟熟嘅葉心好有口感，真係夠晒特色！除此之外亦點了個墨魚條，雖然話係條但出來都似係丸，但咬開時裡面還有墨魚粒，入口好煙韌彈牙，都十分好味！朋友認唔住點了份六順鹽酥雞$38，炸得十分香脆，咬開時仍然充滿肉汁！最後加埋個個台灣關廟麵$28，吸埋個湯一齊入口真係十分滿足，雖然點菜唔係多，但邊食邊講，加埋啲配料同埋個湯都真係食到十分滿足！…查看更多

尋晚一行四人食小強煲，告知店員後眼見佢地圍埋講，店員埋單收多錢用完電話計完再用計數機，再返櫃檯又同同事計過，攪左兩三分鐘都未得，食到小強已經好嘔心，佢地員工仲要圍埋係咁講，感覺上好似我們錯咁，睇雜誌介紹有幾好，真心一啲都唔覺…個湯淡到咩咁，係俾飲水好啲，有啲味咁囉…賠返所謂既一煲俾我，啲味仲衰過小強個煲，賠返都要預時間俾我食架，10點零鐘啲員工開始清潔準備走人，收枱嘭到啲野勁大聲，好似係我問題咁，做得火鍋預左啲客起碼90分鐘吧……查看更多

還記得數年前我第一次來到石門時，火車站C出口兩旁一帶仍是建築地盤，這一天舊地重遊，C出口兩旁昔日以圍板密封著的建築地盤，原來已一左一右的，變成了京瑞廣場一期和二期，兩個商場內開了不少餐廳食店，在附近居住和上班的人，絕對不愁找不到東西吃。而我這晚的目的地，是位於京瑞廣場二期2樓的「六順台式養牛火鍋」。在店內六款火鍋湯底中點選了女士愛，男士其實也愛的「桃膠美顏鍋」（$138）。這鍋的材料包括紅棗、杞子，黨參、元肉、蟲草花、奶湯和貼心地另上的桃膠 ，真材實料，明目補血，滋補養顏，湯味濃郁，又夠健康。吃火鍋怎能沒有牛肉，不過這晚我吃的不是肥牛，而是「鮮嫩牛肉」（$68）。這瘦而不肥的牛肉切得大塊厚身，口感甚佳，肉味也濃，而且即使放在湯中一段時間，也不會變得老韌，相比起常吃的火鍋肥牛，又是另一種的味道。吃火鍋也不能沒有海鮮吧！鮮甜的「新鮮白鱔片」（$68）我與老婆仔都愛吃，當然是不二之選。「珊瑚蚌」（$58/半份）爽口，「牛骨髓」（$58）滑溜，兩者我都中意，兩者我都有點。也要吃點菜吧，「皇帝菜」（$48）是我與老婆仔這夜的選擇。氣味芳香，味道特別的皇帝菜，我倆都喜歡。這間既是台式火鍋店，那便試試「關廟麵」（$28）吧！這來自台南，富有彈力的麵，足有三個麵餅之多，兩口子只吃了兩個，已經夠飽了。火鍋給人的印象往往都是好味但不健康，但這夜我既沒點麻辣湯底，也難得地沒吃肥牛或響鈴等難免多油的食物，這一頓養生火鍋，都算健康了吧！…查看更多

得閒想養下生，但又唔想介口？得，黎呢間養生火鍋食野，又可以養生，又可以唔洗介口，因為佢地有個養生既湯底，用左唔同既中藥藥材烹調，有杞子，蟲草花，紅棗，當歸等等。。。一坐低就即刻揀左湯底先，黎到超級香藥材味，已經先飲左好多啖，因為佢係都可以當湯飲架。😋😋🥰🥰🥰而家最興既鴨血，厚切架，一啲都唔孤寒👍🏻👍🏻桂花蚌，好新鮮，因為好鮮甜好彈牙👍🏻👍🏻安格斯肥牛，薄切手打蝦滑，入面好足料，有鮮蝦係裡面架，所以入口好有口感好正。香江菜，份量都唔少花園水餃，餡料靚，食落好香，皮又夠薄👍🏻👍🏻想用個湯底黎食面，因為面質索晒d藥材湯，非常養生，超級正👍🏻自家製酸梅湯，味道唔會太甜或太酸，剛剛好，有點兒似洛神花味😌…查看更多

打邊爐湯底唔入味已經輸哂，叫左鴛鴦鍋，兩個湯底都唔好味材料亦唔新鮮，無論係肉定海鮮做緊優惠可以用一蚊食一碟原價一百八十蚊既特級肥牛安格斯，好彩係一蚊，如果我原價食左呢碟野真係。只係普通超市肥牛質素，但一百八十蚊超市可以買到一大袋，呢到得十塊牛左右。埋單每人近三百，而全晚最好食既可能係菜同米粉呢個價錢我再比平D食連鎖既任食邊爐，都幾肯定好食過呢到…查看更多

探完朋友, 一齊去樓下商場食台式火鍋, 在商場二樓都好容易搵。 原來晚市有優惠, 三個人可以一蚊雞食到一碟特級肥牛安格斯， 另外五點半後入座， 七點半前埋單有7折，可惜我們今次一樣都用唔到😫😫揀了桃膠美顏鍋 (材料有桃膠、紅棗、杞子、黨參、圓肉 、蟲草花 、奶湯) 全部都是養顏補身，加40元有半隻烏雞，啱哂我湯好大鍋呈奶白色， 紅棗、蟲草花 浮曬上面， 奶油藥材湯新嘗試， 口感特別醇滑滋潤，最欣賞是桃膠分開上桃膠放入器皿在湯裏滾約一分半鐘， 就可以放在碗內加湯齊食，不用好似大海撈針在鍋內周圍找桃膠，真是細心黑松露魚皮餃每口都充滿黑松露芳香，必試鮮嫩牛肉新鮮又大塊貴妃蚌(半份)新鮮甜美，記住唔好滾太耐，會變 韌豬天梯豬的咽喉部分，好快熟，但口感過硬，無咁爽蔬菜雜錦鴨血一排長條形厚切， 熟咗之後唔會散曬， 入口滑溜 very good 花園水餃餡料好多菜, 蝦大隻, 好好食下次要計好時間和人數，用盡優惠…查看更多

好久沒有出文, 這天路過石門的京瑞廣場, 發現多了很多間食肆, 那個露天廣場完全不是我之前認識的石門呢六順是那間主打養生火鍋, 門口超多廣告牌的餐廳跟之前比, 烏雞跟菜拼盤都加了價, 看來是很受歡迎的菜色呢, 所以還是有點養生鍋加烏雞(138+40), 有些人參所以有些澀, 但是不錯喝, 跟半隻烏雞, 跟外面的不同, 他們的烏雞還不是煮爛了的, 骨頭還很硬呢$88的菜拼, 超多!$73一份花園餃子有12隻, 有莞西跟黑木耳, 用料還不錯喔丸拚盤每款有幾顆, 只要$68呢~…查看更多

精選養生鍋 好好飲 唔會淡茂茂🤤🤤🤤😍😍😍桂花蚌(全份) 有十六七舊 鮮甜爽脆 全餐最扺食👍🏻👍🏻👍🏻👍🏻👍🏻美國肥桶蠔 滑嫩無渣 正～😋😋😋😋😋😋😋鵝腸 份量多 會有少少肥痴住手打蝦滑 一大條 分到8大粒 蝦味濃😍😍😍😍😍😍😍😍😍黑豚腩肉(半份) 唔會太肥 😋😋😋皇帝菜🤤🤤竹蔗茅根水 醬料茶芥全免👍🏻👍🏻👍🏻👍🏻有加一…查看更多

今日陪屋企人嚟石門換身份證 啱啱開嗰陣我哋都嚟過京瑞廣場飲茶當時有好多旅行團會過嚟食晏晝咁估唔到幾年之間京瑞廣場一期同二期都變得咁旺裏面仲有好多唔同嘅舖頭：教育、飲食⋯⋯甚至乎旅行社、美容都有 真係可以行大半日呀 換完身份證冇咩做就搵啲嘢食啦 阿媽話之前行過呢間六順想上嚟試下咁就陪佢啦我就揀咗個好養顏嘅龍蝦花膠湯底 個煲超大，而裏面嘅花膠有超多都有十幾舊裏面仲有一隻龍蝦 分開兩邊我同阿媽一人一嚿唔使爭 除咗龍蝦同花膠裏面湯底裏面仲有雞髀菇 花膠我會建議在煲耐少少去到最後先食都未遲 而龍蝦就建議唔好煮咁耐啦否則就會老咗唔夠爽口彈牙而雞髀菇索下龍蝦湯底先食就入味啲喺等緊個湯底嘅時候 服務員就拎咗台式鹽水鴨 鹽水雞就食得多鹽水鴨真係第一次食 呢一隻鹽水鴨味道唔算太鹹 鴨肉身亦都唔韌 只係略嫌溫度太冰如果溫度可以保持係室溫暖少少就好啦原來湯底龍蝦湯底會送一碟龍蝦丸 太肚餓嘅關係二話不說就將成碟丸到落去啦 我哋仲嗌咗黑栢葉 佢有黑同白兩款揀不過見出面好少有黑栢葉食就嗌下啦 黑栢葉 一直用冰鎮住 只需要淥一淥就已經得 冷縮熱脹嘅關係黑栢葉係十分之爽口彈牙少牙力都唔得 羊肉比想像中好食好多，只係少少偏肥 我地仲嗌咗日本山藥 自己除咗好鍾意食竹笙之外就一定要食山藥嘅 山藥嘅預備功夫都幾煩覆㗎佢嘅黏液有機會會令到你嘅皮膚敏感所以我自己就懶好少買嚟食如果打邊爐有得買我都會嗌㗎 山藥建議就唔好煮得太耐否則會變得好近好似食緊淮山湯渣咁樣 大概淥半分鐘至一分鐘嘅山藥口感就好爽口裏面有少少黏黏地嘅感覺好特別白鱔件十分爽口好味！…查看更多

石門小編真係由港長大第一次去，六順台式養身火鍋七個巨型字，Show係京瑞廣場外層上面。小編當然就要去試試佢啦。位於二樓最角落的位置，比較不顯眼但依然能夠找到。內裡的裝修走比較暖和的感覺，沒有太過華麗的裝潢但給人一種親切的感覺。有幾張六人卡位和2人座位。/小編真係想稱讚一下餐牌的設計，大家唔好覺得依個點解要摞出黎講，但其實間舖有無心真係可以由細節位可以睇到。分類不能說很多, 包括肉類, 海鮮，蔬菜以及丸類。佢地提供火鍋醬料簡而精，小編一直深信覺得配料不用多，有主要的幾款便足夠。例如醬油，蒜粒，蔥等等。火鍋配料和市面上大部分火鍋一樣採取自助形式。/小編湯底部分就選擇了桃膠美顏鍋，湯底有大量既食材熬煮，例如龍眼乾，紅棗，蟲草花以及杞子。佢地的桃膠會另外上，唔講大家唔知桃膠如果高溫熬煮下會融化。小編覺得湯底十分適合女性，因為桃膠具有美顏的功效。而且湯底的味道十分濃郁，就算不用點醬油都好夠味道，好值得一讚。但小編認為價值138的火鍋也算中等價位，如果可以加附送小小食物會更加好。/食物方面：午餐肉： 預先炸過的午餐肉十分酥脆，放入美顏鍋裡面吸收曬湯底的精華。花園水餃：並不是灣仔碼頭水餃，應該是人手所包的，內餡豐富由韭菜和豬肉為主料。手打蝦滑：份量充足並能吃到蝦肉本尊，價錢適宜。流心奶黃丸：小編第一次嘗試這種丸類，頗特別內裡的餡料居然是甜甜的，推薦！特級安格斯肥牛：肥瘦適中，十分嫩口。但這個價錢，如果份量多一些會更加好。皇帝菜和冬瓜片：小編都注重衛生，他們處理蔬菜都幾乾淨，幾乎找不到任何邋遢位。…查看更多