六榕仙館

營業中

休息中

琴晚因為爸爸生日，而佢最近病病地未好返哂，所以就搵下有無啲健康啲既餐館食飯。經妹妹朋友推介，就黎左呢間試下。因為爸爸係附近上堂，所以最早到。媽媽同弟弟因為唔識路最遲到。最後搞到訂左1900，但1920先到，差啲取消左我地訂檯。去到之後因為知道係食素，所以就求其點左幾個餸試下。有蟹肉燴素翅，咕嚕蝦球，翡翠素鮑片，竹笙扒豆腐，芝士蟹肉伊麵，椰汁荔芋煲。蟹肉燴素翅：好多好粗，唔洗落醋都好好味。咕嚕蝦球：整到好似真係蝦咁，好味。翡翠素鮑片：呢個就普普通通，但份量都好多。竹笙扒豆腐：份量一般，妹妹話太少豆腐，佢無得食。芝士蟹肉伊麵：個汁濃度適中，唔會太浠或太濃，妹妹就話太重芝士味。椰汁荔芋煲：一送上黎就嗅到超香，個汁好好好味，媽媽話送飯食一流。最後食完有芝麻糊送，爸爸媽媽同妹妹都話甜過頭，但我覺得唔夠糊，甜度適中。到我地走果陣發現有幾檯排隊等緊位。睇黎呢間餐館都幾出名，好彩我地早黎唔洗等。總括黎講，我覺得呢間餐館野食好食又超值。最緊要健康得黎我屋企既食肉獸都對佢有正面評價。

首日復活節假期，早上同老友去打波，下午則是嘆咖啡和看法國電影，實行中產一番。因宗教信仰關係，這天要吃素 (但可以食海鮮)，好在老友是「順德人」，不介意同我寡一次，於是二人便去了六榕仙館。印象中，幾年前守齋的日子，他們已跟我來吃過，真係好朋友。早陣子聽說這裡在裝修，今天來到，是光猛了一些，但格局似乎沒什麼大改變，然而此等平平實實的舊式齋鋪，也不會預期它會一百八十度的大變身，佢有先至驚。瞄幾眼餐牌，有二人套餐，自選一湯羹和兩味餸，盛惠一百七十五個大洋，不是說不好，只是我倆的胃口都很少，套餐九成吃不完，夾硬食唔好，更無謂浪費食物，於是決定散點。先有齋鹵味，廿蚊雞都算抵食，酸齋沒有過份的酸，素叉燒幾有咬口，素雞有點豆香，只嫌咖喱麵筋不太入味。不過，無論是那款，都犯了同一毛病，就是凍冰冰的，絕對要扣分。咕嚕蝦就不同了，送來上時煙紛紛冒出，正所謂一熱遮三醜，這味肯定不會難食。事實上，醬汁調較得還可，兩者平衝得宜，酸酸甜甜挺開胃，素蝦外層微微的脆，質感卻有點兒像魚蛋，可以接受，青椒菠蘿我也不會放過的。還有香酥鴨，是外層炸香的千層腐皮，勝在夠乾身，不會油淋淋的。可是，外層雖然香脆，內裡卻有點兒韌，是美

預早同朋友食生日飯, 諗住清清地食吓齋, 上OP睇, 見到COMMENTS唔差, 咁就打去BOOK位, 點知呀姐話唔使BOOK, 黎到等一陣就有位......... 一等就等左45MINS..............好彩D野食唔差, 加上服務亦唔錯, 價錢又,抵食, 值得再去齋鹵味: 唔使講, 絕對有水準, 必食之選 五柳仙斑: 賣相靚, 味道OK海皇羹 : 好多材料, 味道剛剛好羅漢齋 : 一般, 淡味左少少....枇杷豆腐 : 賣相靚, 好味道呀! 松子香春炒飯 : 睇落去好似麻麻地, 但食落去就好掂 咕嚕蝦 : 幾得意, 朋友話口感都好似喎...麻辣茄子 : 一般飯後送了綠豆沙.... 我地5人已經好滿足了 總括來說,值得再去幫襯的, 唔怪得有咁多客去食啦! ^0^

家中老闆娘每隔1,2個月就會來此店, 覺得佢地齋菜好味.難得同友人經過就入來試下, 2個人叫左個齋鹵味, 羅漢齋炒麵及糖醋魚.齋鹵味當中我自己最喜歡就係酸齋, 酸酸甜甜既麵根非常味道, 而炒麵材料都幾豐富, 又冬姑又素鵝, 粟米仔等齋菜, 單單食餱都夠飽, 炒麵炸到脆卜卜但偏油食1小碗已經覺得好油膩.這碟糖醋魚就俾我地2個人清碟, 酸及甜度好平均, 麵根做既素魚食落真係好似魚肉再加上帶點香口既松子仁, 不知不覺已經清碟.環境絕對屬懷舊級數, 服務亦帶點舊式不失有人情味道!

這家是佐敦區，我食過番尋味的食店之一。必食的是他們的齋鹵味，款式很多，是傳統的美味。今晩亦點了羅漢炒麵，大大碟，很抵吃。還有糖水送呢! 來這類老子號吃飯，看著一班陪著店舖成長的伙記，亦能同時感受到小店的人情味呢！

是日齋期, 母親大人說了想到六榕仙館吃齋很久, 今天終於成行。一行二人大概於上午十時到達, 人不多, 我們在地下卡位坐下, 侍應姐姐很快便來招呼了。我們叫了粟米粥, 羅漢齋炒麵和上珍炒飯。上珍炒飯: 比想像中好吃, 不太油 。羅漢齋炒麵： （母親大人每次出外吃齋必叫之選）麵底雖然脆但可惜麵底及羅漢齋都出奇地咸。粟米粥：　味道一般, 粥底稀了點 。（有點失望, 因為我倆第一次吃粟米粥就是在六榕！）　結賬後, 母親大人說要買些濕齋(齋鹵味)回家, 於是我們再買了三十元濕齋及二十元椰蓉棋子餅。棋子餅：　味道不錯，不太甜，餡料不黏牙。濕齋(齋鹵味)： 出乎意料地好吃, 鼓油及咖哩麵筋好好味， 其中以酸齋最出色，甜酸度適中。 遺憾是這次沒有齋鴨腎和齋叉燒， 下次路過時一定要再買來吃！

今天看完戲後差不多九時半，直行去六榕仙館，今次終於不用等位了。照慣例都係叫二人餐，一羹湯二菜。紫菜豆腐羹濃濃的紫菜味，除了紫菜，豆腐，還有金菇，草菇，加上顏色繽紛的雜豆，好味。五柳仙斑炸到熱辣辣的芋頭加上酸甜汁食落無咁漏，啖啖都係芋頭肉。七彩生菜包附上的生菜新鮮爽口，而七彩真係句很多料，有粟米粒，豆角，紅蘿蔔，西芹，冬菇粒，蘑菇粒，素肉，加上松子等。炒得熱辣用爽脆生菜包住加埋少少甜醬，得。最後送上的芝麻糊就麻麻，似用水開的粉。總的來說六榕仙館還是食素的不二之選。

之前經過都買過D酸齋試，好好味，所以今日係依度食晚餐！粟米粥麻麻地，好稀而且淡而無味，只有少許雞粉味精味而已。酸齋的確好好味！這間的酸齋好入味，唔會好似出面果D得汁有味。不過今日賣哂齋鴨腎，無得試~見到之前不少人推介，加上好耐無食，就叫了一客錦滷雲吞 汁好濃好味味，而且裡面仲有好多料，如青椒、齋、黃椒、菠蘿等~雲吞都炸得好脆，而且不油膩，好吃！這碟無咩特別，不過不失。P.S. 好多金菇 @@本人本身很喜歡吃咕嚕肉，這次試試這兒的咕嚕蝦球，點知中伏了 齋蝦似魚蛋，個外型好似一款零食 桃哈多 =.="言歸正傳，咕嚕汁太少太稀，而且齋蝦又唔入味成碟野食落只像魚蛋加甜酸醬 所以建議大家黎的時候，就盡量不要試魚、蝦、雞、牛...都係試返D普通齋菜比較好

突然間想食齋,唔知去邊度食好,咁咪上嚟"開飯喇"睇睇囉,見到呢間都有好多,咁就一於去會一會先,入到去好有舊式飯店感覺,客人也不少,我們被安排坐在靠牆邊一張卡位,我地揀咗以下食品:齋鹵味 - 二十蚊的齋鹵味又多又夠熱,又好味,非常抵食錦鹵炸雲吞 - 這個必須推介,因為未曾食過又熱又脆又不油膩的炸雲吞,而且還有八至九塊,至於個餸料有冬菇,草菇,齋叉燒,菠蘿等........個汁酸酸甜甜,十分開胃豉油皇炒麵 - 炒麵亦很好食,不會太咸,麵身炒得剛剛好.唔怪得知客似雲來啦!

由多人多車的佐敦道轉入lee間純樸的餐廳，忽然好似回到70年代。兩層高，有卡位，門前有個counter賣糕餅，有個阿姐不斷切外賣同堂食嘅齋滷味。齋滷味好熱好新鮮，首推素鵝。腐皮有好多層，脆同有彈性。食得出佢地有心機清潔腐皮，將汁料一層層掃上腐皮面，再一層層包。所以無油味，入味又乾身。第二好食係齋叉燒，唔會好咸，唔硬。酸齋好大件，吸左的汁，酸味度適中。羅漢齋炒麵用料足。冬菇好大隻。味道唔係好濃，清清地，好純樸嘅味道。lee度無D新齋，無而家好HIT嘅齋魚生同齋咖咕嚕肉。只係做最傳統嘅齋菜，簡簡單單，但用足心機同足料炮製。對面枱有兩個僧人都係黎食，大家都好似習以為常。只有我覺得新奇吧。

46蚊，貴！唔緊要。但...一句講晒，盒炒貴刁係一盒無味道，唔辣、唔香、唔咸完全無味道的黄色河粉條 呢度好多正面的食評希望呢次係个別case如果唔係，素食想再有人食都好難小弟會比多–次機會佢，幫親多一次的

難得佛誕而又經過尖沙咀, 特意在網上找到一個地方, 但好像有半年時間沒有人給它評價, 所以和朋友去一嘗那些食品, 雖然地方帶有古舊風味, 但還是很多人.齋鹵味沒有大中細之分, 但所有的都盡在這裡, 每一種都少許份量, 不多不少, 適合兩人的一個前菜.點了一個套餐: 一湯及兩小菜. 足夠兩人份量蟹肉燴素翅 清淡, 沒有太大的驚喜, 但都不錯, 還可以.滑蛋素蝦仁 味道帶點鹹, 不過炒蛋就很滑. 這些"蝦仁"樣子不像, 但配炒蛋OK.葡汁南瓜燴鴨脯 雖賣相一般, 但本人推介, 原因, 葡汁撈飯一流, 南瓜中維生素c及葡萄糖含量豐富. 而鴨脯很有質感, 雖不是真肉, 很口感一流.最後, 當然是佛誕必吃的獨有甜品 - 蒝荽餅. 四方冇餡, 圓的有蓮蓉及豆沙兩種.另外, 阿姊好有環保意識, 提議甜品外買, 盡量不要用發泡膠盒. 現在很少人會給客人提議. 吃了那麼多, 都是兩百左右. 有機會一定會再去.

翡翠海鮮羹：清淡得黎又唔會無味，加埋胡椒粉味道更突出．福建炒飯：蛋炒飯底加雜菇，豆腐，菜，茨汁，同老公每人三碗都食唔晒，當然打包番屋企，食得唔好嘥嘛．江南醋魚：醋味＆甜味都適中，麵筋造既魚質感一般，但唔知點解食落口又有ｄ魚鯹味喎．贈送飯後甜品－綠豆沙：煲得棉，又唔太甜。

21/5/2010 (星期五)今日係公眾假期，一直都想試下食素，就趁今天試下作一個為期一天的素食之旅。第一站係佐敦道的六榕仙館，這間食店的地點位於佐敦道，但由佐敦地鐵站去都要行一段路。食店內的環境十分擠迫，要搭枱，有幾個卡位，樓上還有一層，裝修簡樸，是一間舊式的老店。食早餐唔想咁heavy，於是叫咗一個齋鹵味（HK$15）做早餐，後來見到有好多人係門口買一種墨綠色的餅，問過侍應原來這種餅叫蒝荽餅，侍應話一年一度先有得賣，分無餡（HK$3.5）、豆沙餡（HK$4）和蓮蓉餡（HK$4）三種，我見咁多人買就要咗一個豆沙和一個蓮蓉試下。齋鹵味： 份量頗多，算幾抵食，味道算是中規中矩，酸齋不會太酸，豉油齋不會太鹹，咖哩齋不會太搶味，齋叉燒軟硬適中夠咬口，素鵝夠脆又香豆味，我的至愛是素鵝和齋叉燒。 蒝荽餅： 外表像平日吃到的水晶餅，只是外皮變了墨綠色，質感軟軟地，咬落口有少少甘味，分別試咗豆沙餡和蓮蓉餡，味道略甜，個人比較喜歡蓮蓉餡多D，下次有機會再試下無餡。

四蚊一件.買定做下午茶和俾大頭做早餐架.綠豆蓉餅是我契爺的至愛.買過無數咁多次俾佢食喇.次次買幾多件佢都食晒,所以我都唔記得係咩味,今次特登買來自己食架睇住成龍大哥的"功夫夢",有長城靚境呀!!!邊食甜點邊嘆靚湯.人生一大樂事32蚊大大碟.堂食食左一半,另一半打包.堂食收左5蚊茶錢.飲左普洱茶,好飲.飲左成壺呀好耐無食過咁高KCAL的炒面,所以唔敢食咁多.但好滿足呀!好多菜,菇,齋呀.堂食時當然超好味喇人在迷失時用作指引.清醒的時候用作警剔.我是後者契爺契媽對我影响很深.雖然我不是佛教徒,但都知食素的好處.今天不能全素,但都支持少肉多菜的健康生活.