六和冰室

營業中

休息中

平時去開成業街分店，食品質數同服務過得去。今日第一次光顧呢間分店，叫咗份麻辣雞丁通粉跟奶茶早餐，碟粉啲湯咸到黐線，雞丁得幾、又加啲菜莆同雲耳不倫不類。最弊杯奶茶酸嘅、初初想搵姐姐問吓，跟著聽到侍應姐姐同另一客人講啲奶變壞咗、換過奶茶或咖啡都會係咁。試問一間餐廳、水吧點會唔知啲奶出問題照沖比客飲。可能假期人多、啲姐姐個個都黑口黑面，難怪港人北上消費。最後我冇飲杯奶茶亦冇同阿姐投訴買單走人。以後對呢間分店冇期望亦唔會有交易😡😡😡😡😡

屋企今日無煮飯，在某平台看到呢間餐廳有外賣，於是就第一次落單，點左涼瓜炒牛肉，黑松露蝦仁炒蛋和半隻霸王雞，炒蛋同雞味道一般，送遞距離十分鐘左右菜都唔係好熱，果盒涼瓜炒牛肉打開第一眼睇落去就係豬肉，點知咬落去真係豬肉黎，一點牛味都無，找平台客服問餐廳，餐廳睇完相話係牛肉，拒絕承認錯誤，大佬你認錯打個電話黎講句唔好意思我都算了，你夠膽死話仲係牛肉黎，呢間餐廳唔係好食又唔係特別平，又不負責任，建議罷食，本人絕不會再幫襯！

叫外賣 鰻魚炒飯，非常難食…嚟到之後第一啖入口覺得啲飯黐埋一舊又濕 雖然色水好深但食落冇乜味 然之後諗住搵吓鰻魚結果下面底全部都係鰻魚粒10粒都冇 結果成個飯放咗喺度食唔到…好似食白飯，但係冇餸咁樣…口感仲要極差 真係食唔到我覺得炒飯炒得乾身係餐廳嘅基本 就連炒飯都炒到咁 材料又唔足 味道又唔夠 真係不能接受 我同餐廳反映 餐廳同我講呢個飯鰻魚有固定嘅份量 嘩真係唔該晒 乜都你講晒啦 人地同你講有咩問題想你留意 你就拒絕承認自己有問題 大家可以唔使去幫襯

🍴沙嗲牛肉公仔麵 💰$42（我哋轉咗公仔麵+$3）👉🏻味道正常，份量夠大👉🏻但面身夠爽（我哋叫咗要爽麵）👉🏻炒蛋夠滑👉🏻丹麥多士比較少有😍🍴櫻花蝦雪菜肉絲米粉 💰$38👉🏻冇乜驚喜👉🏻櫻花蝦唔算多👉🏻雪菜肉絲正常👉🏻炒蛋夠滑👉🏻丹麥多士比較少有😍🍴熱茶走 （跟餐+$2，如果凍飲+$3）👉🏻奶茶夠滑整體而言味道⭐️⭐️⭐️⭐️環境⭐️⭐️⭐️⭐️速度⭐️⭐️⭐️⭐️價錢⭐️⭐️⭐️⭐️⭐️🎈六和冰室📍秀茂坪秀明道101號秀茂坪商場3樓310號鋪#香港媽媽 #Blogger #育兒分享 #吃喝玩樂 #日常生活 #探店 #觀塘美食 #觀塘早餐 #觀塘工廈 #平民價

🥘鳳梨蜜桃咕嚕肉🍖份量都幾多，甜酸度適中，咕嚕肉質嫩，唔韌，啖啖肉，好味，加埋鳳梨同平時好少有嘅蜜桃，好開胃！鳳梨唔酸，🍑蜜桃甜。🥘豉油蒸金倉魚🐠由於係即叫即蒸，所以係須要耐性等候嘅餸菜，分分鐘要等半個鐘。是晚幸運地，這條金倉魚蒸得啱啱好，魚肉質嫩滑，魚肉配上甜甜的蒸魚豉油同重口味嘅豆豉香味，加上香菜葱段，好好味，而且金倉魚幼骨少，啖啖肉食起來更加有滿足感。偶有一次出街食都幾開心，是晚兩餸都好送飯。晚飯時段，發現原來即叫即蒸嘅魚係挺受喜歡的，好快售罄，新鮮食物的確有一定吸引力！

呢道早餐從視覺上已經好豐富。通粉嘅口感唔錯，鮑魚片同火腿嘅加入，提升咗湯品嘅層次感。炒蛋雖然普通，但都符合早餐嘅基本要求。方包沾咗牛油，睇起嚟都好美味。飲品方面，鴛鴦咖啡為呢個早餐增添咗香醇嘅風味。整體嚟講，呢個早餐搭配合理，既有主食湯品，又有輕食點心，仲有暖心飲品。不過，服務上嘅細節仲有待改善，好似點單出錯嘅情況。提升客戶體驗係餐廳不斷追求嘅目標，希望佢哋未來可以持續優化。總體嚟講，呢個early morning套餐已經好唔錯，豐富又美味，如果客戶體驗再提升，就更加完美喇！

今日揀咗一間12點先完早餐嘅餐廳 食early lunch。呢度嘅歐陸早餐選擇特別啱啲想少食碳水化合物嘅人。整體用餐體驗相當唔錯。雞肉非常嫩滑，加上特製嘅醬汁，味道超出色；脆皮腸都無令我失望，咬落去個脆感好滿足。沙律嘅菜葉好新鮮，增添咗整碟嘅清爽感。早餐入面嘅麵包外皮微脆，口感非常好，配埋雞肉同蛋，真係唔錯。檸茶嘅味道都啱啱好，唔會太甜又唔會太淡，剛剛好。不過，今次唯一美中不足就係服務方面，侍應唔小心搞錯咗我嘅單，本來應該係雞扒歐陸早餐，但畀咗我雞扒面，令我有啲失望。總括嚟講，呢間餐廳嘅食物質量同環境都好唔錯，適合想食簡單早午餐嘅人。如果佢哋喺服務上再加把勁，就會更加完美！

今日嚟到六和冰室食下午茶，由於我哋今次食下午茶嘅人數好多，所以order咗好多唔同嘅下午茶大人就叫咗沙嗲牛肉午餐肉通粉、雪菜午餐肉公仔麵，同埋乾炒牛河沙嗲牛肉午餐肉通粉嘅沙嗲湯底唔濃味，沙嗲牛肉好韌，午餐肉同通粉就中規中矩雪菜午餐肉公仔麵嘅雪菜幾香口，公仔麵就煮得有少少過火乾炒牛河就幾出色，每條河粉都有沾上豉油，而且牛肉唔韌，而且非常大碟，好抵食小朋友就order西多士，西多士嘅花生醬唔係太多，不過加多啲糖漿之後，味道都唔錯而最值得一讚，就係呢度嘅侍應服務態度好好，而且keep住笑笑口，好有禮貌

🍴下午茶 鰻魚汁蝦球叉燒炒滑蛋飯 $48 (6.5/10)都大碟，個蛋都多同滑，有啲油，蝦球同叉燒各有4舊，蝦大隻爽口，叉燒好瘦正常，個飲唔會太濕，正常茶記質素。🍴凍奶茶 走甜少冰 (6.5/10)茶味都夠，有苦澀味，大杯正常的。推薦指數: 6.5/10正常茶記，好過地下嗰間😂