六和冰室 (裝修中)

觀塘有間新開嘅小菜雞煲🍲餐廳嘅設計主要以香港作主題雞煲每位只係💲198雞煲有3款選擇👇🏻❤️麻辣雞煲❤️花雕醉雞煲❤️胡椒豬肚雞煲今日想食得滋補啲，就揀左「花雕醉雞煲」每位仲有一盅燉湯「姬松茸淮山螺頭」湯料好足完全係滋補養生湯水味道好濃郁，好有ʜᴇᴀʀᴛ❤️另外，花雕醉雞湯好正好好飲呢個價錢，可以有咁高質嘅鍋底，真係好有驚喜雞件我哋用浸熟嘅方法，所以啲雞肉質好嫩滑大家不妨都用呢個方法整熟啲雞喇‼️我哋仲叫左15款火鍋料豚肉片好大塊我哋揀咗好多蔬菜蔬菜好乾淨新鮮全部都好翠綠！皇帝菜勁好食，吸收哂湯嘅精華想搵間性價比高嘅雞煲🍲，呢度係一個唔錯嘅選擇

今日放工突然落勁大雨，決定同同事一路食飯一路等雨停🤣🤣餐廳應該主打港式情懷，裝修都係十分貼地，坐低見到啲小炒同烤魚好似都幾正咁，所以最後點咗一份bb辣嘅烤魚，另外配咗啲芝士腸、蟹柳、生菜、肥牛、芋絲同埋炸魚皮～烤魚本身已經十分足料，除咗大大條嘅魚之外仲有啲白蘿蔔、蓮藕片同埋粉條係底，條魚嘅肉質都幾嫩滑～麻香味十足，食完烤魚再打邊爐，正！另外，我地都點左好幾道小炒，味道同埋鑊氣都足！有香芒沙拉骨、蒜香粉絲中蝦煲、避風塘豉椒炒鮮魷同埋蜜椒薯仔牛肉粒～芒果沙拉骨啱啱炸起，食落啖啖肉，配埋啲香芒沙拉醬，有一種食緊生炸豬扒配雜果沙律嘅感覺，幾好食！蒜香粉絲中蝦煲很貼心地會剪短粉絲，可以好輕易咁夾起，蝦嘅數量都唔少～避風塘豉椒炒鮮魷即叫即炸，食落辣辣地好惹味，份量又大份，推薦！最後就係蜜椒薯仔牛肉粒，食落充滿黑椒味，牛肉粒亦好嫩滑，呢道菜可以送到幾碗飯！最後仲有檸檬薏米水，紓援我地今晚放縱嘅肚皮🤣🤣🤣滿足的一餐～～

放工突然好大雨呀，同同事閃左入間餐廳食晚飯避避雨。呢間六和冰室好大，有得食雞煲、烤魚同小菜。我地就揀食小菜。鳳梨蜜桃咕嚕肉，我至愛，酸酸甜甜，咕嚕肉外脆內軟。川醬炒田雞，自己好少買田雞返屋企煮黎食，見呢度有就叫。呢個川味田雞炒西芹，好香好惹味。同事鐘意食魚，叫左砂鍋魚頭煲，估唔到咁大煲，有魚、豆腐、菇同燒肉。個魚頭炸到好脆，有啲位既骨都食埋落肚添。呢度既中，西湯我地試哂，好正，特別個羅宋湯，香濃，入面仲有牛腩架。薏米水清甜解渴呀。幾樣野送飯都一流，兩個人真係清得哂，真係好味。

今日落觀塘工業區度辦事，見到間冰室環境幾好，就入來醫肚，叫左個B餐 沙爹牛肉麵 配腸仔炒蛋，麵底好彈牙，湯底又夠熱👍👍👍，杯茶走少甜真係做到少甜☺️ 證明廚師好有用心在做☺️，環境好闊落，坐得好舒服，樓面姐姐都好Nice，可能我10點先吃早餐，店鋪沒有乜人，有小小冷清，疫情下可以獨享甘樣的環境未必唔係一件好事，下次有機會一定會再來幫衬☺️ 見到個招牌上面有寫住麻辣雞煲， 我唸應該係晚市先有，好想約埋幾個朋友一齊來試試

唔好以為觀塘冰室淨係有得食冰室野，原來夜晚去到12點之前仲有雞煲/烤魚！我哋喺一個大雨天就入咗去食烤魚，裏面環境好大，座位闊落，2位人少少可以揀卡位。烤魚暫時有成條揀，價錢$268 ，都幾大條，嚟到見到我哋揀咗小辣都有好多辣椒，好足料；裏面除咗係有一條已經煎香左嘅，外皮香脆裏面滑嫩之餘，萵筍、蓮藕、豆皮等配料，相當豐富。另外亦都配搭左一兜薯粉，可以隨自己鍾意幾時落就幾時落。其實本身都好夠食，不過朋友仲想加其他配料，所以就單獨叫咗幾款包括滑牛肉、蝦丸、芋絲及娃娃菜。飽到食唔晒要打包添！另外飲品方面我哋就加購薏米水，甜味適中，比較清熱，而且裏面有好多薏米，相當足料呢！Menu環境都好得意

已經好耐冇食過雞煲😭，心心念念咗一排，今日終於約咗朋友一齊去食了😋我地今次去咗呢間位於觀塘成業街工業大廈地舖嘅-六和冰室餐廳面積好大，座位間都闊落坐得舒服，而裝修方面還原咗舊式香港，有好多打卡位😍餐廳除咗雞煲，仲有烤魚同小菜可以揀，好多款式㗎😍我哋一行四人，叫咗兩款雞煲，一個係花雕醉雞鍋；一個係招牌麻辣雞煲。雞煲套餐會配上每人一盅燉湯及15款火鍋配料。燉湯味道鮮甜，材料豐富，有螺肉、雞肉、菇、雞腳等等，用料十足！花雕醉雞鍋湯底係比較濃郁嘅藥膳味，雞件係另上的，份量好多，望落都新鮮！配上藥膳湯煮十分鐘，湯底更鮮甜。招牌麻辣雞煲可以自選選辣度，我地揀咗BB辣， 雞煲好香好惹味，配料方面好足料，有芫茜、洋蔥等。雞肉方面都好足料，半隻雞真係有齊晒雞翼、雞髀同雞腳，真係真材實料，肉質方面都算嫩滑，雞皮食落爽口，配埋秘製嘅雞煲汁，真係好好食，食完麻辣雞煲之後職員就會協助加湯打邊爐🍲火鍋配料方面都係大路野，味道中規中矩，而我最欣賞嘅就係佢嘅水魷同自家製雲吞😍

呢日落大雨，都凍左d, 同3個朋友係觀塘附近成業工廠大廈地下搵倒呢間新店，佢似係茶記，問清楚d， 原來有埋雞煲食。入到去，餐廳好大，坐低唔會覺得好迫。😊😊😊我地4個人就叫左兩個雞煲黎食下，一個藥膳雞煲，一個係麻辣雞煲。d 雞都夠滑，😝唔會煮到好好老。藥膳雞，就真係夠藥，有個陣藥膳苦甘味，當然呢，鍾意既會鍾意呢陣味，我個人就覺幾好喇。另一款麻辣雞煲，都夠曬麻夠曬野味。😍😍食完雞煲就加湯打邊爐，藥膳味同麻辣味都仲keep到。唔錯。我自己就唔洗再加是油都食倒。🤪🤪🤪配料方面都唔錯，主要係個湯底夠曬味，點打邊爐法都好好食。同埋真係唔迫，可以慢慢打慢慢食。😌😌👍🏼總的來說，呢間係觀塘工廠區既雞煲都算好唔錯，值得一試。😋😋

收工同朋友係觀塘工廠區打算食埋晚飯先返屋企 見呢間係成業街地下嘅茶餐廳幾大間，D位好似坐得幾舒服，諗住試下佢D小菜，味道竟然好出色👍🏻睇餐牌小菜都幾多選擇，我地就叫左四個餸 椒鹽肉排 ，西蘭花炒花枝蝦球，紅燒豆腐同蠔仔煎蛋。第一個上槍你椒鹽豬扒 🤩呢個真係滿分👍🏻必食之選！ 豬扒好香軟，易咬，再加上面頭果D炸蒜粒😍好有避風塘果種口味👍🏻無得彈 👍🏻之後到西蘭花炒蝦球花枝 ， 又係味道一流👍🏻呢個玻璃芡汁唔係咁易整🤩鑊氣十足👍🏻完全係大排檔果種風味👍🏻蠔仔煎蛋： D蠔仔粒粒都漲卜卜嘅，幾足料👍🏻蛋味亦夠香濃🤩 如果加個魚露點下會更加好最後到紅燒豆腐，睇個樣都知吸引，炸過嘅豆腐面掛住蠔油汁，再加少少冬菇香味🤩正👍🏻估唔到工廠區茶記都做到咁好嘅鑊氣同味道👍🏻下次會再黎試埋其他小菜👍🏻😍抵讚

長假期最後一擊緊係要去食好d，我揀左間雞煲打邊爐同屋企人一齊去食😎餐廳都幾大，坐得舒服，入到去有d似茶餐廳，都多卡位🥳餐廳除左雞煲，烤魚都有小菜同煲仔可以揀🥳我地揀左胡椒豬肚雞煲套餐，雞煲配15款材料☺️仲有燉湯飲🤩燉湯入面有螺肉，雞同埋排骨，味道好濃陏😆胡椒豬肚雞煲，入面有鮮雞，酸菜同豬肚，味道有香香嘅胡椒味，又唔會太辣🤗飲完個湯暖笠笠。鮮雞口感好滑😎豬肚又唔會好老👍🏻再加雞湯打邊爐😍我地仲點左15款配料，全部都好新鮮，特別係手打墨魚丸同蝦丸，仲有雲吞同餃子都好正😋脆肉鯇都勁鮮味，口感爽口🥳

今早諗住係觀塘廣場食早餐，可能係星期日，好多食市都無開，又或者未開，所以轉個彎行左入去成業行，行吓行吓見到新開既黃金冰室，見太多人等位，唯有繼續行，見到呢間冰室，記起以前呢個舖頭，係一間打邊爐嘅食肆，應該係改咗名或者轉左老闆，諗住港式早餐款式，間間都差不多，所以就入咗去食個早餐，呢度款式都係同平時港式茶餐廳差不多，所以隨便揀咗個五香肉丁麵，配腸仔煎蛋，牛油丹麥多士，凍咖啡，整體上食物質素OK, （同平時港式茶餐廳差不多），咖啡好飲，環境舒服，侍應服務好！