六十六十火鍋 (已結業)

同朋友相約聖誕聚會天氣凍 離不開都係食打邊爐閒談間諗起呢間價錢唔貴但係又有海鮮食既餐廳~好好好多人食大家記得一定一定一定要訂位好重要！無訂好大幾會無得食架！鍋底方面有3款配合唔同人口味！我地最後要左椰子文昌雞～濃濃既椰子味加上多肉既文昌雞令人垂延三尺碗碟都好有味道呢文昌雞細細隻但好有雞味！海鮮到^-^啲鮑魚仲郁緊真係好新鮮貴妃蚌同湯底好夾鮑魚黎到既時候仲郁緊味道 咬感又點會差呢！自己唔係太鐘意食魚但呢個魚肉質好滑骨都算大條花膠補下骨膠原！手打丸好彈牙推薦比大家呢到加湯 係真係湯而唔係熱水所以食到最後啲湯有哂海鮮既精華飲落好好味特別有蜆味d生菜都吸哂D海鮮精華~一流呀呢間火鍋店果然名不虛傳難怪吸引到咁多人黎食!

一向都鍾意打邊爐，收工經過就去長沙灣搜尋美食，經過見到一間-六十六十火鍋，門面非常搶眼，出面有得泊車或者泊入附近嘅停車場。店員態度殷勤親切，隨即安排我哋坐卡位嘅位置，餐廳入面燈光非常耀眼，以黑白色招牌為主，感覺舒適。餐廳店員推介粥底火鍋之任食任飲套餐，有幾個套餐選擇，仲要不設加一，我哋最後揀選左套餐每位$200嘅蕃茄濃湯套餐好抵食。見到餐廳嘅雪櫃入面有一支支嘅可樂汽水、啤酒、涼茶同埋竹庶茅根水等，當然我都唔少得要「竹庶水」，所以打邊爐都唔怕熱氣。首先就嚟咗個湯底，後來套餐中嘅食物慢慢上菜。套餐有八款新鮮海鮮，包括新鮮魷魚、新鮮鮑魚、貴妃蚌同埋扇貝等等。欣賞係扇貝都非常大隻，肉質鮮甜美味，而且爽口彈牙，果然非常新鮮。除此之外，仲有多款火鍋配料選擇，我哋就揀咗不同款式嘅火鍋配料。牛魔王必定要叫新鮮肥牛，肥牛好大片之餘，見到牛嘅條紋呈現半肥瘦，食落去牛味道香濃，而且肉質鮮嫩，正。墨魚滑有六粒大大粒，一放落湯底浮在湯底面，口感相當煙靭彈牙。除此之外，雞件肉質非常滑嫩。食完海鮮同埋火鍋配料，最後湯底就變咗好新鮮嘅海鮮泡飯。脆海鮮泡飯非常鮮甜，食到剛剛食完嘅海鮮鮮味，滲入晒係粥底，要請咬落去口感脆

今次去到長沙灣嘅「六十六十火鍋」，入到去想試吓有個特別推介嘅「番茄濃湯脆米泡飯」，而且火鍋套餐配有不同種類嘅海鮮，仲有自選八款生猛海鮮同埋六款火鍋配料選擇，好抵。入到去店員安排我哋坐卡位位置，都係＄200一位，好快店員就攞咗一鍋番茄濃湯俾我哋準備打邊爐。海鮮都陸續有來，分別有蟹、蜆、桂花蚌、鮑魚、魷魚同埋帆立貝，啲海鮮全部都好新鮮，有啲仲識郁架，非常生猛。咁多海鮮來講，其實樣樣都好好食，而且餐牌上面都有教學法教客人將啲海鮮放入火鍋入面嘅次序，令湯底煲得更鮮甜美味，對於唔係住家女人嘅我非常有用啊，我最欣賞係隻蟹。首先隻蟹其實見到都非常大隻，有我手板再大隻啲啊，非常多膏多肉，唔需要點任何醬汁，就咁食落口非常鮮甜新鮮，簡直係啖啖肉，而且蟹鉗非常大隻，好正！另外我哋叫咗五款火鍋配料，分別有牛肉、滑雞、午餐肉同埋墨魚滑。牛肉非常美味，而且見到切成一片片非常新鮮，食落口肉質嫩滑，肉嘅條紋都好靚好平均，有好濃郁嘅牛肉味道。其他幾款都好好食，絕對新鮮。食咗咁多野都好頸渴，我就叫左一罐可樂。最後，一鍋蕃茄濃湯索晒海鮮嘅精華，再加埋餐廳提供嘅泡飯配料，倒落去一齊攪勻，就變成好鮮甜嘅海鮮脆米泡飯。泡飯食落口

相約老友食飯聚舊，打邊爐是不二之選。平日晚上都坐無虛席，幸好預先訂枱。肉蟹經已預先斬件蟹鉗亦已打碎方便吃，雞件很新鮮，而且即使放於滾湯內太久肉質仍然很嫩滑。所以都額外再加點。椰子文昌雞湯底很甜，L 於放入火鍋料前都喝了多碗。響鈴很大條而且炸得很爽脆，吃過後都不想買市面上那現成即吃的了。肉脂分配平均，而且切得很薄燙一燙就很快熟。特別合適心急沒耐性的 L。鮑魚鮮甜而且大隻，肉厚。更有提示建議需要將食材滾熟的時間，非常貼心。海產類很鮮，而且去沙很徹底。基本上無需任何調味放於椰子雞湯滾熟即可。調味雖然最後都無用到，但有青檸仔則少有，提升貝殼內的鮮味至關重要。整體來說，可能位於長沙灣租金比旺角銅鑼灣相對較低關係，食材新鮮高質而價錢亦親民，六十六十整體來說質素是屬偏高的。

天氣凍，打邊爐是常識吧。呢排無論係屋企定出街食都瘋狂打邊爐，其中呢間就係令人再三回味嘅一餐～主打粥底海鮮鍋，海鮮料好多選擇，揀完之後就會俾相應嘅人頭份量。花甲同埋蠔，呢兩樣份量超多！花甲d肉比較大粒，而且都好鮮甜，偶爾一兩粒會有沙，不過唔多。建議就係食晒海鮮先打邊爐，所以一開始煲湯就係靠海鮮去熬d鮮味出黎，結果食唔晒嘅蠔就俾我地留左係度煲湯～扇貝都係必食，平時打邊爐單嗌都唔太搭得嗌，但咁樣一個價包晒又覺得好抵！一人有一隻唔使爭，落左湯好快就食得，煮好岩岩好d肉就夠晒鮮味。食食下先發現到原來仲有鮑魚！另外有個大隻d嘅貝殼類，都唔記得左叫咩海鮮，不過就啖啖肉好正，爽口又鮮甜。蟹係我最愛，雖然食個時比較麻煩，但啲肉真係甜到冇得輸，咁多款海鮮最好味就係蟹！之後就開始食雞同牛肉個d文昌雞d雞皮就最正，而且雞肉煲好耐都唔會老，食落仲有濃郁嘅雞肉，唔係平時食到嘅雪味，鍾意嘅食雞都不妨試下呢度嘅文昌雞～仲有肥牛同魚皮餃都係必食架啦總括黎講個海鮮真係幾抵食！份量係多到食完海鮮都已經見飽飽地，個人最推薦蟹同埋文昌雞，不過如果邊爐料可以再多d選擇就好啦～

天氣咁凍最岩就係打邊爐，上網見到呢間主打海鮮既粥底火鍋好多人介紹，琴日放假就專程黎到長沙灣食晚飯。時間有２輪，6-8:30PM同埋8:30PM，我地簡左頭輪～原來除左粥底火鍋之外，仲有椰子文昌雞同埋番茄濃湯底２種！我地就簡左番茄濃湯底。-簡8款海鮮同埋6款配料，枱面上面有計時器同埋都介紹左每種海鮮需要的時間，唔洗下下問人ma~-我平時好鐘意食海鮮，冇諗過$200既價錢就可以一次過食到咁多款唔同既海鮮!特別推介肉蟹同埋鮑魚，我覺得係必嗌呀！煮完海鮮就可以慢慢食其他配料，肥牛，栗米同蘿蔔係打邊爐必備，份量都好多！-食完哂就會有職員黎幫你煮脆米泡飯，好滿足既一餐呀～性價比高！

近年粥底火鍋興起，自己都不時去食，今次咁岩睇到某雜誌介紹長沙灣開左間六十六十火鍋，就約埋個朋友去試下，一早就訂左平日食2030-2300果段時間(其實平日1800-2030返工真係好難食到，2030-2300又晏左D，如果平日星期一至五可以flexible少少就好喇)。8點左右去到門口等入座，店員都有話我地訂位果張枱之前有人，所以早唔到比我地(入面都幾爆場)，咁我地就睇住MENU先最後無揀到粥底，揀左椰子文昌雞湯底套餐，包每人一份文昌雞，同包8款自選海鮮+6款自選火鍋配料，$248一位(不設加一)。海鮮我地揀左肉蟹+鮑魚+活魚，貝類X2(固定)，蠔+海蝦+刀貝，無揀既象拔仔同鮮魷。配料我地揀左西班牙梅頭肉、響鈴、唐生菜、萵筍、鮮淮山、鴨血同手打墨魚丸。店員先比醬料架我地，基本的醬料同配料都齊。跟住就黎個椰子文昌雞湯底，湯底睇到已經有椰子，再另加一碟文昌雞，店員提我地將所有雞放落湯內滾返起，再熄火焗10分鐘左右就可以食，佢仲比左個鐘我地計時。夠鐘食得!先試一啖個雞湯底，無味精既感覺，味道清甜，跟住再食文昌雞，雞有雞味(唔好講笑，依個年代雞有雞味一D都唔容易)，雞肉食落鮮嫩，不過可能因為好

天氣開始轉涼，近日仲跌穿廿度，加上落住微雨，心底那舖 打邊爐癮又發作，於是約埋邊爐好友來返餐好友話佢公司附近有間火鍋店唔錯，好多人排隊，不過就分兩個時段，晚上6:00-8:30同 8:30打後，我地就揀左第一節....當日我已經準時 6點走，正常應該半個鐘內可到，但無奈因天雨關係，好多人都由巴士改左做坐MTR，搞到上MTR或轉車都要等幾班車先逼得入。去到都已經接近6:45點喇(蝕晒喇)，因為唔好意思要朋友等咁耐，到餐廳門口已經急急腳衝入去，所以完全發現唔到大門左邊原來 有個精緻的遮架，要勞煩店員特意前來溫馨提示，遮要放遮架呢，親⋯⋯咁大家下次落雨來時，記得一入門口就放低把遮先，因為店員話地下好多電掣，驚會有事呢，親！真係好貼心呀，多謝店員的"溫馨提示"呢，我下次如果有機會再來時，一定會好好的留意了!!!朋友早到時，佢已率先揀左 我至愛的粥底鍋，我已經叫朋友在等我時，邊淥邊等，佢話唔想海鮮攤到凍曬，所以佢只淥住少許沙白食，難為了她其實仲有椰子文昌雞湯底同 蕃茄濃湯底可揀每款湯底/粥底都可配8款自選海鮮+6款火鍋配料朋友揀左 蟹、蝦、幾款貝類、鮑魚、蠔及魚貝類這款應該是扇貝吧每人1隻，大隻

我不嬲都鐘意打邊爐，亦都鐘意粥底鍋，今晚揀左呢間六十六十試下，同行友人就來過喇，佢覺得好食先同我再來。佢地分三輪用餐，跟同類型粥底鍋相似，我地訂左枱食第二輪，上一輪滿座，加上有D客人未走，所以我地都等左五分零鐘先入到座，佢地會先清場再安排座位。餐廳都幾多位，仲有大房，記得訂枱。menu分三種套餐，第一款係粥底，另外有椰子雞鍋同蕃茄脆米泡飯湯底，都幾特別架，而且價錢唔貴，200/248蚊位包左8款海鮮，6款配料，好夠食。我地揀左椰子雞鍋，就無粥底同米飯嘅，但就有隻雞，視乎想食邊款自選都幾有彈性。椰子雞鍋底一上枱就已經見到有椰子肉，店員叫我地滾起落雞，然後再滾起，細火焗五分鐘就食得。文昌雞皮比較脆口，厚D，肉質結實，個湯底好清，有椰青香，滾起仲可以飲番半碗仔，唔會鹹，都真材實料。雞件份量多，兩個人啱哂下路店員就送上海鮮，分別有肉蟹、鮑魚、活魚、沙白兩款、金刀貝、鮮魷同埋蠔仔，好豐富。平時我地都有食開弱底火鍋，所以都約略知道每款淥幾耐。首先我地落蟹，因為蟹需要時間耐D，我地可以一邊食住雞先。肉蟹都幾大隻，仲有少少膏，食落就知道新鮮，因為D肉係甜嘅，而且仲好有彈性湯底煲起愈來愈香。之後我地落鮑

天氣咁凍，唔使諗梗係打邊爐啦，今日去咗深水埗近宇宙商場嘅呢間六十六十，呢度出咗名食粥底火鍋性價比較高，$200一位有齊海鮮同其他火鍋料，所以都好多人幫襯，如果想食，提議打電話預訂呢度分三個時段，我哋今日八點半去到食第二輪，人客都幾多，有啲人客即場嚟到都無位。我哋今日唔食粥底，特別啲叫咗個椰子雞鍋，$248一位，個湯底係用咗老椰子，椰青同埋椰皇三款合成，所以個湯底非常清甜，完全冇加味精，可以直接飲，用椰王、老椰子好香甜，加入埋椰青水就帶出左一份清新嘅感覺，裡面仲有椰青肉同埋竹笙，清爽得來又夠嫩，呢個湯底很讚至於海鮮方面有蟹、鮑魚、馬刀貝、蛤蜊，多寶魚、魷魚同埋蠔仔，款式多得來都幾新鮮，尤其鍾意蟹同埋鮑魚，蟹肉爽口鮮甜，鮑魚上枱時睇住佢仲郁郁下其他配料可以選六款，我地點左肥牛、豚肉、魚皮餃、手打墨魚丸、娃娃菜同埋萵筍，我地覺得肥牛唔錯，唔會太肥，又唔似其他任食火鍋咁食紙皮，另外手打墨魚丸都幾爽口又食到有墨魚粒，證明真材實料。而最後落埋娃娃菜同萵筍，吸晒啲湯汁，非常鮮甜，好好味總括嚟講以呢個價錢，真係好過自己買返屋企，仲要整一大輪，慳水慳力

我鐘意飲椰子雞湯，所以特登來試他的椰子雞湯海鮮火鍋。裝飾普普通通，但筷子好精美。有自選醬料俾你自己溝。椰子雞湯非常甜，好常好飲。雞亦很嫩，椰子爽口。 海鮮都非常新鮮，價錢不貴，亦可吃到這樣的質素，好扺食。 蟹真係好好食。雖然拆麻煩，但肉很鮮甜，膏很多，值回票價。我地亦點了牛肉和豬肉配料，都很有肉味，不會太老。用餐時間只有兩小時。食完雞再食蟹已經無咗一個鐘。😂 所以拆海鮮真係要快手快腳。如果唔係後面一定勁趕。

踏入十二月，天氣開始轉涼，最好當然就系打邊爐..聽朋友講話最近有一間好抵食嘅火鍋店系長沙灣，當然要同女朋友去試下啦！這裡有三款不同湯底，海鮮同數十款火鍋配料都可以自己選擇！今次我地就叫左個椰子海南文昌雞湯底, 店員先上了個椰子湯鍋，跟著再上了一碟生的文昌雞和柑桔仔，還仔細地教我地點去食..服務不錯....個湯好清甜...d雞好有雞味..d肉有點脆脆的..可能呢d就係文昌雞嘅特色..配以那個海南柑桔子..特別夾..真的非常不錯..👍海鮮方面我地揀左肉蟹、鮑魚、扇貝、蠔、沙白蜆、魷魚同海蝦⋯⋯每一樣都很新鮮..特別是肉蟹..肉厚肥美、又多膏..鲜魷爽口鮮甜...每款海鮮都真的很不錯！😋😋其實他們其他的火鍋配料也不錯，肥牛片、西班牙梅頭肉...等等！食得真系好飽...最後埋單每人只系兩百幾...又可以食到咁新鮮嘅海鮮同飽到上心口...認真抵食..😋😋

位於長沙灣區, 要找美味的餐廳不難, 但要找一間高質打邊爐的地方就有點難度.是晚跟友人相聚, 有什麼好得過一邊烚下烚下, 一邊聊天.六十六十是姐妹推介的, 聽說餐廳料新鮮, 而且十分抵食.六十六十係分時段的, 好彩我們準時到, 閒日都十分滿座.以套餐形式選擇, 一個價錢有8款海鮮+6款火鍋料冬天天氣有點乾燥, 所以就選了椰子文昌雞湯底 真材實料之餘, 味道真的超鮮甜只需要大滾, 再熄火焗10分鐘先食,雞肉好嫩口.入到冬季，食海鮮就最開心, 首先講講扇貝、帶子、蠔肉肉質飽滿，煮熟了味道仍是鮮甜，肉質肥美大粒，沒有絲毫腥味.而鮑魚、肉蟹更是回本之選,就算烚完都十分鮮味, 真心推介.6款火鍋料推介雪花肥牛, . 脂肪分佈平均，肉質入口幼嫩，牛味頗濃另黑毛豬梅頭肉, 只要控制滾的時間剛好就會變得易咬, 但又有豬味, 都係唔錯必食的手打丸相當出色,墨魚丸口感爽口彈牙,味道很突出.每人唔洗三百的情況下可以有新鮮高質的食材, 下次真係可以再食過

28/11/2018晚約了uncle auntie一行八人用膳。當晚全場爆滿，所以位置較為擠逼。老板好好人，容許我們選兩個湯底，所以分别試了粥底同番茄湯底。當晚海鮮都非常新鮮，蟹，鮑魚仔，扇貝，蜆，多寶魚，仲有蠔仔，非常多選擇，一盤一盤地上，非常壯觀！之後又點了花膠，蜂巢豆腐，雞件，響玲，山藥等等，但大家眼闊肚窄，都食不落多少了，非常可惜。最後湯之精華加上飯煮杰，略嫌太咸，而服務之姐姐可能太忙，面色不太好看，但體諒嘅！香港係壓力之都，大家明白啦！

天氣涼同朋友食飯，就想着去打邊爐，識食嘅朋友帶左今次揀咗六十六十餐廳以套餐形式選擇, 一個價錢有8款海鮮+6款火鍋料, 真心好飽.天氣乾燥, 當然要來個滋潤補湯,而椰子文昌雞湯底 就係不二之選將所有雞放於湯內大滾, 再熄心焗5-10分鐘先食,雞肉完全唔會老, 好嫩口.記住落其他料之前先來一口湯, 味道清甜到不得了店員會先奉上醬料架讓你自己調味醬料, 都是一些基本的醬料及配料.可以DIY自己口味嘅醬油碟,混醬後店員會提走醬料架., 不過有需要時可以要求再次取醬先食海鮮, 而且每款都很新鮮,沒有將價就貨.我地揀左肉蟹、鮑魚、扇貝、貝類X2、蠔、帶子、蝦(忘記拍照)扇貝肉厚大粒, 不需要灼太久,8成熟入口軟稔好味道肉蟹蟹味鮮甜, 肉質好飽滿, 蟹鉗幾大,好鮮甜美味.另外推介鮑魚, 口感煙韌有嚼勁我只是加了少少的鼓油、蔥花及蒜頭提鮮,已經很好味.完食海鮮之後, 就上6款火鍋配料.我就點左魚皮餃、手打墨魚丸、午餐肉、肥牛、梅頭肉、鮮淮山手打墨魚丸:手打丸口感非常爽口彈牙, 又數蝦丸同墨魚丸最有鮮味, 這種爽彈口感只有人手打才會有的效果黑毛豬梅頭肉:採用薄切方法,不需要灼太久, 入口柔軟不會嚡雪花