公車泰國餐廳

營業中

休息中

住咗喺元朗附近咁耐，反而第一次嚟試呢間泰國餐廳— 公車泰國餐廳門面好光猛同埋大，入到去座位都好舒服放工之後好肚餓，見到有好抵食嘅二人餐，二人餐裏面有12個選項，選擇都多我哋叫咗豬頸肉同埋冬陰功大頭蝦湯，仲送兩碗白飯同埋嘢飲湯頭好鮮甜，落咗啲蕃茄同埋菇落去，酸味啱啱好，仲帶少少辣，令到成個湯都好開胃，而且大大隻大頭蝦好足料，蝦肉食落去都好新鮮彈牙，都好容易剝殼豬頸肉又係大大塊，肉質食落去好爽口，最出色嘅係佢嘅醬汁，帶少少辣味，令到個豬頸肉食落去冇咁油膩我哋仲嗌咗個黃咖喱雞，一上枱已經聞到好香嘅咖喱味佢呢度嘅咖喱係偏水狀少少，但係又做到一種好香滑嘅感覺，用嚟撈飯真係一流，加上啲雞都好鮮嫩，仲有少少蔬菜做配菜，令到成個咖喱仲健康啲馬拉盞炒通菜，係食泰國菜必點嘅一道菜，炒得夠鑊氣，通菜最緊要唔好煮得太耐，佢呢度啱啱好，咬落去仲係爽嘅呢度仲好好服務，我哋食食吓送咗蝦片同埋甜品俾我哋欺騙揸得好趣口，而且每$1都好大塊，就咁樣食都有淡淡的蝦味，我用咗嚟點咖哩食又係另一個層次甜品係椰汁西米糕，細細地份量啱啱好， 都唔會太甜，下次會再嗌其他甜品試吓

與朋友在元朗菁裕街 [ 公車泰國餐廳 ] 晚餐，餐廳環境適服光亮服務又好，食物風味地道。點了小食拼盆 ( 小 ) 128元有春卷，魚餅，蝦餅，沙爹豬肉串和蝦片等。春卷香脆，蝦餅香口富彈性，豬肉串肉質鬆軟沙爹醬汁好惹味泰式咖喱青口 128元青口一份約有七隻，脹卜卜很肥美，肉質爽嫩鮮甜！很喜歡這個醬汁，味道甜甜的有些蛋黃滑滑的，不辣，是個溫和咖喱醬。蒜茸包48元醬汁如此美味，當然要配蒜茸包了！可惜包比較硬身了點而 影響了口感但味道還是滋味的。港式奶茶 18元青檸梳打 28元點讚Fb和IG可獲贈甜品一份

環境：未到門口已經見到有泰國人像的歡迎figure，很有泰式度假風情的感覺。 環境開揚光猛，卡位寛敞，坐得舒適特點：推薦食二人套餐，$148已有兩個餸，兩個飯兩杯嘢飲。我揀咗冬陰功大頭蝦湯同泰式咖哩海鮮。前者賣相打卡able，入口酸酸地但唔會太辣，飲時會食到菇類、海鮮同大量香料，有咬口。泰式咖哩海鮮用咗黃咖喱，入口偏甜，適合香港人口味。另外呢到必食泰魔多！下午茶先有，即係烘焗麵包夾住沙嗲雞肉，麵包烘焗得勁香脆，咬落卜卜聲😍 但肉質juicy，加埋沙嗲醬好惹味

泰國菜上次放假同左Ivy去元朗行街，中午嘅時候去咗一間叫做公車泰國餐廳嘅地方食飯，餐廳舖頭都算大，坐得都幾舒服，夏天大熱天時，冷氣都好大，食咗一個鐘都唔會覺得熱。我哋叫咗個香茅豬扒撈檬一齊share食，$45份量真係都幾大，撈檬嘅份量都好多，香茅豬扒俾我個面仲要大件，咬落去又唔會覺得好老或者好硬，仲有啲配菜例如係蘿蔔絲等等，同埋有撈檬汁，全部嘢加埋一齊食就係好開胃。我又叫咗個泰式蒜蓉炒芥蘭，呢個係$81。份量一樣係幾大碟 ，芥蘭清脆爽口，綠油油嘅感覺，食落去覺得自己好健康。至於木瓜沙律就$78，呢個就有啲辣，切到一條條絲嘅青木瓜，再加埋有啲泰式嘅沙律醬汁 ，食落去係好醒神開胃嘅，不過就有啲辣，如果唔食得辣嘅朋友可能要叫小辣。又或者好似我咁叫返個椰青嚟飲哈哈哈。椰青係$25.1個。我哋仲叫咗個串燒，有雞有豬，呢個係$35嘅，雞同埋豬都燒到比較乾身，然後再加上有醬汁，豐富嘅醬汁淋喺上面 ，食落去好惹味。餐廳仲送咗每人一個甜品，係泰式椰汁糕，入邊有啲西米椰汁整成嘅 ，仲有啲粟米粒，味道都唔會好甜，兩三啖就食晒。埋單結帳嘅時候大概係$325，平均每個人$162左右。

元朗不嬲都係多好嘢食，多唔同國家飲食選擇嘅地方，經過西菁街，見好耐冇食過泰國菜，就入去試吓啦！一入到餐廳坐低，職員就叫我地掃佢地IG或者FB嘅QR code，因為會送椰汁糕啊！西米糕有好濃嘅椰香，少少鹹味，都好好食。同朋友叫咗個2人套餐，價錢都唔算貴。首先嚟嘅係泰式豬手，估唔到都好大份！滷得好入味又夠淋，個皮膠質重，而且唔會好肥，配上醬汁好好味！另一個叫嘅係牛肉青咖喱，咖喱充滿香料味，由其香矛味最為突出，微辣。撈飯食間直係一流。青咖喱牛肉份量極多，而且肉質都幾嫩滑，一啲都唔鞋。除咗主食，都叫咗個小食拼盤。拼盤都有多種唔同嘅小食，例如沙嗲雞串燒、炸蝦餅、炸魚餅、泰式蝦片。蝦片香脆唔油膩，每塊都好大塊。雞串燒好大串，雞肉好厚，但燒得啱啱好。沙嗲醬好香口，而且好濃，掛上雞上面好夾。炸蝦餅厚，亦都好q彈，好有蝦味，炸得脆。最後飲埋杯珍多冰，椰汁味都係好濃，而且下面嘅珍多都好多，邊飲邊咬多曬過癮！總括嚟講，呢度啲泰國菜份量大，價錢唔算貴，上菜速度又快，係高質嘅！

講到泰國菜，之前聽朋友講過元朗有一家叫公車泰國餐廳，專門食泰國菜的，所以小K專程來到元朗試下🍛。餐牌都算多選擇，而且Follow and Like社交平台就可以免費得到一客蝦片/椰汁糕，當然唔可以錯過啦！😍叫左一個泰國金邊粉，宜家疫情期間有抗疫價，仲送一杯青檸冰/香茅冰，性價比頗高，另外叫左個泰式雞翼，一開始以為係普通雞翼，點知原來係雞全翼😂😂😂而且分量唔少，有d驚喜👍🏻👍🏻👍🏻

喜愛泰菜嘅我，路過比佢門面吸引到，雖然入面有啲茶記feel，但點都想試吓。入門招呼Nice薯，嘟code係坐低專人都你嘟嘅，貼心。點菜時會睇你口味再推薦，呢樣貼地。食泰菜一定要試係冬蔭公，間嘢掂唔掂好睇佢。香料夠，又夠濃，唔太辣 （加辣同佢哋講）個人覺得再加炒幾隻蝦頭煮仲正。咖哩海鮮又係必試，今晚有幸食到最後一隻肉蟹，蟹係大隻，新鮮夠彈牙，平時其他餐廳都係黃咖哩居多，呢間唔係，但又好夾，配料又夠香咖哩唔少得薄餅同蒜茸包，薄餅好香脆，蒜茸包蒜夠香同脆得嚟唔硬，配咖哩食一流泰式生蝦咁啱有，梗要試吓，蝦爽口🤤青醬夠香唔夠辣，不過呢間夾隻青辣椒仔就夠曬辣，後勁好勁串燒，肉夠鬆軟，汁夠香濃呢個少見呀，海蜇頭，加個泰式青醬（同泰式生蝦一樣醬）好爽口，建議咬開一半再吞😂馬拉盞炒芥蘭，偏鹹但濃味叫咗珍多冰同紅豆冰，比一般重椰香，唔太甜，啫哩條唔硬，仲好抵飲另有送甜品，有少少鹹嘅椰香粟米西米糕，唔記得影相，不過都ok。總括嚟講，呢個價錢，食到呢個質素同服務，都幾難搵到，食泰菜必食！

工作過後相約了朋友食泰國餐，上網尋找到這間公車泰國餐廳；餐廳裝修簡潔，環境寬敞，舒適乾淨的大卡位提供了私隱度。餐牌選擇很多，各式泰菜供應如小食、主菜、特色飲品、甜品，非常吸引，晚市更有推廣套餐，馬上一試，套餐包括了兩道菜選擇以及兩個白飯及飲品，可另加小食。我們選了第一道菜是泰式青咖哩雞肉，咖哩選擇十分多，有黃、青、紅，同時可配牛、豬或雞肉；泰式青咖哩味很濃郁，不算太辣，適合港人的口味，雞肉很多及大件，口感嫩滑，泰國香米盡咖哩吸精華！加上青豆角粒很入味！份量大碟！另一道菜是泰式肉碎煎蛋，賣相吸引，份量超大碟，這道無人不知的泰國菜看似簡單，實情是個心機菜式，微辣的肉碎，脂肪均勻，蛋煎得微微燶邊，更加惹味，同樣伴飯一流！小食點了泰式炸魚餅，必食推介，一碟有六大粒，非常彈牙，炸得外脆內軟，蝦餅口感彈牙，重點是即叫即做，十分夠熱，配上泰式辣醬更有風味！另點了菜，蒜蓉炒椰菜苗，十分夠鑊氣，炒得出色，菜苗炒過後保持到翠綠，不會過油，口感爽脆，簡單蒜蓉炒已經很美味！椰汁冰夠香濃，椰子味道很香，解渴清涼的感覺！甜度恰到好處整體來說這餐廳性價比很高，地道正宗的泰菜，職員友善熱情，上菜快，食物質素好，很有泰

終於等到放寬晚市堂食，於是相約朋友晚飯相聚。公車泰國餐廳位於元朗西青街，又見環境都乾淨企理，價錢仲幾親民，二話不說就入去幫襯。泰式炸魚餅大大舊6件 ，外脆肉厚，實材實料！！泰式小食拼盤有炸魚餅，炸蝦片， 春捲同埋雞肉串燒。炸蝦片十分香脆 ，春捲入口熱辣辣。至於雞肉串，串燒淋上香濃沙嗲醬，十分惹味，而且香氣撲鼻。泰式海鮮炒飯配料非常豐富，有鮮蠔、鮮蝦、炒飯好乾身，有鑊氣，不過不失。總結：性價比超高 👍🏻仲要每碟都大大份 ，絕對抵食。座位之間闊落而架位為主。而家仲有抵食二人套餐!

在元朗一想起吃泰國菜，朋友必定約我到「公車泰國餐廳」🇹🇭🥣，因為這裡地方闊落，坐得舒服😌，而且食物水準也不錯👍泰式豬頸肉美味的香草醃料和醬油塗在脂肪不多的豬頸肉上，烤得美味無窮，再配上甜酸辣的醬汁，簡直絕配😋泰式海鮮濕炒河材料有：白蘿蔔、紅蘿蔔🥕、菜心、西蘭花🥦秀珍菇、蝦🦐、青口、椰菜和魷魚🦑，這家的河粉亦比較其他食店特別，河粉身大大片，但入口卻很滑，廚師👨‍🍳廚藝很不錯，炒河芡汁調味佳，加上有豐富的材料使這碟海鮮濕炒河煮得非常出色😋小食拼盤細有豬串燒、蝦餅、春卷、蝦片和魚餅。飲品方面點選了珍多冰和椰汁冰，兩杯飲品都不錯椰汁味夠濃，冰🧊的份量也很適中，不會過多而影響飲品味道😋最後餐廳還會送給每位客人一份椰汁🥥西米糕😃

放工同屋企人去千色買嘢,咁岩見到呢間泰國嘢,就揀咗"公車",店內環境舒服,服務又好。坐低後望下餐牌,樣樣都想試,我哋就揀咗二人餐$198,有齊想食嘅泰菜,仲追加生菜包和串燒未食前嚟個大特寫放滿全張枱串燒($18/串)我哋揀咗兩串雞和一串豬!兩款串燒都算厚肉大件,肉質鮮嫩,配上沙嗲醬,好惹味泰式豬手泰式豬手滷得入味又夠淋,充滿膠質感覺。醬汁酸甜開胃,旁邊配有酸菜,用嚟送飯食正海南雞(半隻)呢半隻海南雞真係啖啖肉,而且肉質嫩滑,沾上酸辣醬汁,酸香醒胃生菜包($58)肉碎微辣帶酸炒得乾身夾住新鮮爽脆生菜一齊食,口感清涼又惹味🍹珍多冰+🍹紅豆冰-兩杯甜度剛好,椰汁香濃,有咬口,各有特色飯後甜品仲有椰汁糕,椰汁味香,配合底下嘅西米露為飯局添個句號。兩個人埋單$360,價錢算係親民,值得一食嘅泰菜

今日去了元朗打針，先去了附近食個豐富的泰式午餐。午市除了有午餐外，還有二人套餐，百幾蚊就可以有十多款食物選擇，非常抵食。泰式明爐烏頭：烏頭以鐵鍋燒住上枱，保持新鮮熱辣，有多款泰式香料及肉碎作調味，烏頭魚油豐富，肉質嫩滑。冬蔭功大頭蝦湯：冬蔭功湯足四人份量，原隻大頭蝦開邊，超級多蝦膏，蝦肉爽彈，冬蔭功酸酸辣辣很開胃。脆肉海南雞飯：脆肉其實同平時的燒肉差不多，皮脆肉juicy，海南雞嫩滑。香茅雞全翼&串燒豬/雞：沙爹醬有很濃郁花生香味，雞肉juicy，反而豬肉就略乾。最後飲返杯梳打及奶茶，非常豐富的午餐。

想念泰國的時候，今天來吃一下泰菜，裝潢環境都挺有味道，地方寬敞，餐牌選擇頗多且地道，上菜速度快。👍🏻燒豬頸肉上枱已有濃烈香味，外皮烤得香脆，依然保留肉汁，色澤金黃帶脂肪，口感軟淋。😊泰式咖喱海鮮香氣撲鼻，材料豐富，有蝦魷魚青口等海鮮，入味非常，不辣帶甜味，還有蔬菜中和一下，加上脆香薄餅，外脆內軟牛油味香濃，沾咖喱食更有風味。😉馬拉盞炒椰菜苗惹味之選，椰菜苗脆綠新鮮，馬拉盞微辣剛好，泰式菜必食，懷念的味道。😋椰汁冰椰汁棉滑香甜，加上冰塊更爽快，解膩又清爽，每次必點。😙不得不提最後的椰汁糕，層次分明，椰汁清甜而西米清爽。值得再來的泰式餐廳，每次都有驚喜，店員爽快上菜速度抵讚。🤗

公車泰國餐廳 (元朗)元朗西菁街2號興旺樓地下2-3號舖位置好，坐得寬敞闊落舒適，新裝修乾淨企理。泰式龍眼冰$28非常足料，半杯都係龍眼肉，保健飲品，夏天飲透心涼，甜到入心。泰式香茅冰$18好少飲過香茅味嘅飲品，見佢咁特別就叫咗杯，非常之清新，好適合🈴️食完濃烈嘅味，清爽下口感。泰式海南雞 半隻$98皮脆肉嫩，入口爽滑，唔鞋口，又唔Un ，醬汁惹味。配菜花生好食😋泰式咖喱海蝦🦞 $168甜咖喱🍛唔算辣，啱我鍾意食甜嘅口味，除咗海蝦🦞仲有大大隻青口同魷魚🦑配菜洋蔥超好食😋蝦夠大隻厚肉，食落去索口。

已經幫襯過公車幾次,甚至之前外賣都有去幫襯,因為真係幾好食,所有出品都係出色既,所以一有晚市,我地即刻去食堂食啦坐底左,都仲未點餐,聽到廚放個邊有人咳,就好順便望下啦,由於係開放式廚房,師傅既動作都會望到好清楚,竟然有位師傅拉底口罩係度咳,我地己經你眼望我眼,真係想走,點知,轉個頭,個師傅仲係度X煙!!!! 開工時間,係有客既情況下X煙? 會唔會過份左d呀? 其後仲見到有其他廚房員工連罩都唔帶, 而個情景令我地快快食完就走,以後都唔想再幫襯!!