八鯨料理

營業中

休息中

大埔聽講真係有好多正野食，日本野都唔例外。難得入到黎緊係試下全港得一間既八鯨我叫左雞扒烏冬。依到烏冬冇得頂，好挺身唔會林patpat好有口感，同埋好掛湯！湯底我叫左清湯，滿滿甜甜既日式醬油味，好滿足（另外仲有豬骨湯，唔肥利，各位女士可以放心）烏冬仲有配3件壽司🍣，好抵食唔洗驚唔飽學生哥lunch放學可以黎食，因為有學生優惠！(真心贊依家好小餐廳會做學生優惠)

其實不下一次去同家人朋友去食八鯨料理 程度可以算是半個飯堂了吧=] 今次又帶左另一個朋友仔去食 由於都係無得訂枱既關係 所以一收工n_cc就9秒9去拎位 基本上6點左右到 第一round是可以確保入座 這次都唔例外 四周看看發現佢地既菜單都加左唔少新菜式芝士鰻魚加州卷入口芝士味濃 鰻魚惹味細滑 食落無橫骨而且唔腥 兩者合起來一併食口感非常夾 金菇牛肉卷 賣相精緻可愛 細細一卷 入口容易亦方便 牛肉唔係肥牛 不過食落唔算鞋口雖然牛味一般 不過心意搭夠 燒茄子 去了皮既茄子 入口細滑 味道是略帶清淡 不過併埋木魚絲一起又有另一番味道算是健康之選汁燒墨魚餅食落不算特別 感覺跟煎魚餅差不多 不過來得彈牙 試過一次便好黑松露煙肉炒麵 食落是非常濃郁既黑椒味 味道相比下就比較濃味  雖然整體味道香濃不過就是吃不到黑松露味道 略嫌有點可惜  蛋黃醬免治雞肉棒 一枝枝方便易食 啖啖雞肉 口感細膩 嫩口細滑 鬆軟之中外皮帶點爽脆 肉汁仍在 配合蛋黃醬同吃 味道更讚之餘 雞肉更見滑溜 層次感豐富 紫菜玉子燒每次都會必點必食 雖然水準仍在 依舊蛋香細滑 不過份量就是一次比

我其實真係好鐘意食日本菜，所以捐窿捐啦又搵到間小店，依間真係細細間，大概坐3-40 人左右火焰黑椒三文魚魚腩壽司 $30三文魚壽司 $20芥末八爪魚軍艦 $26芝士蟹子軍艦 $30帶子壽司 $34唔可以話勁好味，但都合乎標準蟹子沙律 $32份量少左啲加州手卷 $26碎蔥吞拿魚手卷 $24雜錦天婦羅$66夠脆，又唔油，都唔錯蛋黃蟹子焗蠔 （3隻）$58熱辣辣送上，酸酸甜甜，隻蠔都好大隻，唔錯！滑蛋豬扒飯 $60好大碗，而且個味幾好，仲配有啲雞脾菇皇帝蟹柳烏冬 $56 （👆🏻已經比人夾走左一碗）因為小朋友唔食壽司，所以專門叫烏冬比小朋友，佢話好夠味，好好味喎5大1小，埋單$657 ， 都唔錯啦

聽聞這間餐廳不錯已一段時間這次放lunch便到這裏點了一個三文魚丼三文魚非常新鮮配上玉子和薑片中和了三文魚肥膩的感覺讓人不會有吃多會膩的感覺唯獨有缺陷的一點是它的飯比較硬但整體而言是性價比高的魚生飯P.S. 餐廳長期爆滿，部份食物限量發售

今次去左一間成日都排長龍既日式店舖到食野。今日都係咁多人排，排到成個門口滿晒，等好彩咁岩好多人走，只係等左一陣就有位了。因為一開始見佢係細鋪仔，以為佢唔多款式，可能黎黎去去都係得果幾樣野，但一打開MENU發現佢有好多唔同款式。淨係小食都10幾款。因為我地兩個人去，為左食多野，於是卵我地叫左兩個丼同一個小食。刺身丼佢都有款，咁所以按自己的個人喜好去揀自己鍾意食既丼。可以有蝦﹑有海瞻﹑三文魚腩等等。佢既魚生全部都好新鮮好肥美!所以鍾意食刺身就可以黎食!

呢間野成日見到好多人排隊 因為入面座位唔多 但每晚總會好多人等同朋友好早黎食 叫左串燒拼盤 海膽吞那魚他他 同埋海膽炒飯串燒拼盤有5串 有豚肉露筍 腩肉 荔枝煙肉 明太子雞翼 同埋粟米1.荔枝煙肉好特別 荔枝嘅清甜中和煙肉嘅咸味 2.腩肉燒得好香脆3.明太子雞翼有少少失望 冇乜明太子味 4.豚肉露荀同粟米普通海膽吞那魚他他 - 幾新鮮海膽炒飯 - 用左珍珠米 炒得粒粒分明

唔知食乜好，行過見到平時排大隊既八鯨今日竟然冇乜人，就食呢間啦！見又唔係好肚餓，就係咁椅叫左少少料理。呢排少食魚，就叫咗燒三文魚頭、三文魚子軍艦、炸廣島蠔。每次order叫燒三文魚頭，侍應都會同我講明，因為係即燒，要等15至25分鐘，不過通常都唔會超過15分鐘嘅。炸廣島蠔都係即炸，上碟熱辣辣。炸粉唔會太厚，裡面舊蠔都好鮮味，好食！燒三文魚頭，同去日本食嘅size一樣係咁大。即燒嘅三文魚頭魚皮又香又脆，燒香左嘅魚油令到魚肉嘅肉質好滑。每次去食呢個三文魚頭都令我好滿足。佢啲壽司出咗名抵食，個三文魚子軍艦不過不失，都OK。食齊以上咁多嘢$200都唔使，所以咪成日排晒大隊囉～

今日係Happy Friday! 放工後約男友去大埔食飯～我地平時都成日去大埔的，每一次經過呢間餐廳都見門口好多人排隊，今日終於有機會試喇～我地大約夜晚七點攞位，門口已經有十幾個人等緊。我地拎飛都要等大約十個左右～咁我地就去附近兜左轉，大約十分鐘就再返黎。全程大約等左16、17分鐘啦，比我預期快！餐廳有室內同室外座位嘅。我地張枱喺室內嘅！我地叫左一個特色魚生丼、煮豬扒蛋飯同一個軟殼蟹手卷！魚生飯就不過不失，同之前食的差唔多。但煮豬扒蛋就好有驚喜喇。其實我自己麻麻地鍾意滑蛋之類嘅食物。而且我一向唔太鍾意豬扒的口感。但我食左呢個飯就覺得好驚喜，味道好好，口感也很不錯，分量都好足料。呢間餐廳好值得推介，係大埔有水準價錢又合理的日本餐廳。

平日晚上唔洗點等位，不過我地食左冇幾耐已經full左。叫左吞拿魚碎魚子飯，魚生好多好足料！天婦羅六十蚊好大份，大蝦都有三隻！好抵食！最驚喜係火灸壽司，鰻魚壽司好長一條兩個人食左三百蚊，好滿足！

今晚6點半到餐廳門口等左半個鐘，大約7點入到餐廳！兩大兩細，叫左3轉食左$1059叫左炸蝦天婦羅，蟹子沙律，雞軟骨餃子，綠茶冷麵， 芒果芝士炸蝦卷，炸蝦卷，牛肋骨條，特上4式刺身，滑蛋豬扒飯，燒三文魚頭.....同兩支波子汽水...待應專登話我知呢隻波子汽水粒波子可以拎得出黎真係多得佢唔小平時果d 全部一率講唔拎得，廢時兩隻小魔怪要拎出黎玩不過佢都係出於好心！講返食物，所以乂野都係即叫即整奶新鮮熱辣辣！炸蝦天婦羅超脆👍🏻蟹子沙律$32 就細份左d綠茶冷麵兩個小魔怪爭住食芒果芝士炸蝦卷食完一份再叫多一份牛肋骨條好有牛味好食特上四色刺身有一版馬屎海膽，四件三文魚腩厚切，四件吞拿魚厚切，仲有一隻唔知咩貝好爽好味！個吞拿魚我自己就唔鍾意啦！成件死實實唔好食，一d 都唔香仲冰冰地滑蛋豬扒飯，我就冇食啦，因為黎到時候已經飽到嘔燒三文魚頭，上碟嘅時候有成三件50幾蚊好抵呀！仲要係熱辣辣燒出嚟果皮又好食勁多魚油！正

雖然時常相約親愛既鄰居飯聚 當然少不了跟好友見面 好友鍾情日本菜 正正就是八鯨料理 想當日都是好友推介呢間八鯨料理 先會成為我倆常去既食店 有別於一般日本料理 八鯨沒有提前訂座 只可以即場walk-in 跟好友都喜歡早點食飯 所以未到六點就已經預先等枱 等上好幾個字就可以入座 八鯨舖面不算大 不過座位仍算舒適 睇睇餐牌後點了三文魚手卷、軟殼蟹手卷、燒牛舌、滑蛋豚肉飯、 牛油果軟殼蟹卷、燒元貝、紫薯餅 三文魚手卷 三文魚新鮮鮮甜 軟殼蟹手卷 所有手卷都是新鮮即叫即做 軟殼蟹香脆鬆軟可口 而且軟殼蟹size不算細份量足 絕對值回票價 燒牛舌 燒得剛好鮮嫩爽口 質感唔會乾 一口咬落仍有肉汁保留 燒元貝 大大隻味道濃厚 元貝肉汁豐富唔乾 鮮甜味美 牛油果軟殼蟹卷 是我倆每次都必點 牛油果稔熟細滑 配上香鬆可口既軟殼蟹 意外地牛油果跟軟殼蟹非常夾 口感豐富 滑蛋豚肉飯 雞蛋整得剛熟香嫩細滑 豚肉有一定份量及厚度 脂肪肥瘦分佈均勻 有嚼勁之餘不失香軟 紫薯餅 好友作為最後甜品品嚐 是她每次必點 外層炸得香脆酥化 紫薯餡份量不少 軟滑味美味道不會太甜 即使不嚐甜的也定必喜歡 其實八鯨

平時7點就會好多人等位，今次6點就去攞位，早去就即刻有得入去，叫咗我地既招牌三文魚脆脆，好好食，三文魚超厚，好鮮甜另外叫咗1個串炸拼盤，芝士年糕，炸香芋圓，炸雞都有，如果想食唔同款既炸物可以叫呢個，我地叫既壽司都好好食！

平日入街邊日式小店食lunch，唔會太貴但亦以中伏居高，如不中伏，大多亦稱唔上好味。今次竟然遇倒一間價格合理又好好味嘅日式小店。吞拿魚魚生飯嘅魚蓉唔腥之餘，魚蓉質感非常細滑，係我鐘意嘅口感。特別要大讚嘅係蒲燒鰻魚飯，原條鰻魚大大條丶熱辣辣，而我最愛嘅鰻魚汁份量亦啱啱好，到最後一啖飯都仲撈倒鰻魚同埋醬汁，超滿意😍

八鯨係我嘅童年回憶之一😛以前每逄weekend就會同屋企人去食價錢合理 食物好味(特別係熟食) 性價比超高!依家要番工都好少再去直至有一晚經過又有啲掛住 就一個人入去喇. .餐牌大致上都無咩改變我就叫左一客帶子海膽壽司🍣 - $46一睇啲海膽就知道唔係靚嘢而且舊飯握得太實😐不過始終係屋邨小店 主要做街坊生意對於生冷食物 我都無咩期望如果你係只想食壽司我會suggest你行過少少去番連鎖店😅. .另外一份黑椒蟹籽牛肉炒飯 - $70呢個係我其中一樣至愛💕材料有紅蘿白/洋蔥/蟹籽/牛肉所有材料加埋蛋炒飯係超香超惹味仲要超大碟 我食量唔細但只係清到半碟同朋友share可能會好啲(*私心想講呢到個湯烏冬都係世界級咖🤫!!)..

自己一個出大埔中心附近食lunch，之前同同事都試過食八鯨，午餐都唔錯。依然係好旺，一個食都要等一陣先有位。叫左個鰻魚飯lunch set先嚟左個青瓜沙律，細細碟仲有個麵豉湯，都唔會太鹹個鰻魚飯嚟喇都幾大條，有個碗咁長，岩岩整起熱辣辣，食落有甜甜嘅焦香，輕輕有d痴牙好正呀！個汁唔會太過濃，配飯唔錯。但係飯上面d紫菜太腍喇如果係新鮮d脆返d就好。期待下次lunch time再嚟encore,想試下其他食物例如刺身