57
2
2
電話號碼
26650997
營業時間
今日營業
11:30 - 14:45
18:00 - 22:00
星期一至日
11:30 - 14:45
18:00 - 22:00
*截單時間: 21:45
付款方式
Visa Master 現金 AE
座位數目
32
其他資料
泊車 詳細介紹
室外座位
招牌菜
爐端燒
食評 (74)
等級2 2020-02-03
7 瀏覽
放假同屋企人出去食晏, 次次經過八鯨都放棄因為實在太多人等位啦🙈今次好彩等左一陣啫🕺🏻<刺身+六件壽司配細牛肉烏冬>呢個餐睇落份量好似唔多, 但其實好飽架🤰🏻刺身夠凍, 味道正常, 壽司冇得揀但都係大路野, 姐姐唔好腐皮卷但佢係飯桶so...😂烏冬簡簡單單幾塊牛肉昆布粟米, 湯算清甜🍲<自選定食>如果嘴刁既可以揀呢個自選, 款式幾多烏冬一碗+壽司四件+手卷一件+炸物一款👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻壽司可選: 腐皮/玉子/蟹籽/三文魚/北寄貝/牛油果/熟蝦/鰻魚/碎蔥三文魚手卷可選: 蟹柳/三文魚/蟹籽沙律炸物可選: 一口炸雞/炸紫芋球/和菓子👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻冇影餐牌唯有打出黎比大家睇, 留意返自選既係素烏冬冇牛肉, 但可以食炸雞, 炸雞幾好食外脆內軟🐥<特上魚生丼配麵豉湯>呢個魚生丼既刺生好出色內容物: 玉子🐣,甜蝦🦐,海膽, 三文魚🐟,八爪魚🐙,鱆紅魚, 蟹棒🦀,帶子唔知點解多左塊北寄貝~ 全部刺生夠凍真係贏左一半, 除左三文魚睇落冇咁靚仔之外, 其他都好鮮味, 甜蝦係細隻既牡丹蝦, 蝦頭有膏🤤八爪魚厚身, 海膽好清甜(唔係好識分辨但媽媽話係加拿大海膽)麵豉湯循例講下, 係少數飲完唔口渴唔會太鹹既麵豉湯♨️------------------------------推介大家食八鯨!假日去就要早少少去等位啦~ 新春期間去, 門口仲有揮春比食客拎🧧 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-11
201 瀏覽
放工同個friend約咗喺大埔食飯,估唔到我地八點幾先嚟都仲咁多人,果然大家都好支持黃店由於我哋兩個都唔係好肚餓嘅關係,所以就叫淨係叫咗幾樣小食。呢個肥牛金菇整得唔錯,肥牛唔係好乾,而入面啲金菇都好 juicy啲壽司就一般般啦,冇話特別好食,但都唔係唔新鮮嘅但d甜蝦都幾大隻,唔錯我覺得最好食嘅係呢一碟芝士鰻魚加州卷,啲鰻魚燒得好香鰻魚上面仲有啲芝士同埋蟹杼喺度,同啲鰻魚超夾,好好食佢所有嘢嘅價錢都唔係好貴,我覺得好抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-09
144 瀏覽
阿仔仲放緊聖誕新年假,其實我見有啲學生已經返緊學,做咩佢間學校仲未返? 阿媽唔想日煮夜煮, 晏晝一於同佢出去食過咗食晏高峰期,但係都要等一陣先有枱, 呢間舖頭長期人滿,一定有佢原因餐牌有好多選擇,心大心細,又想食壽司,又想食烏冬,於是揀咗豬軟骨手打烏冬配是日壽司三件。 壽司確實不錯,不會將貨就價,隻蝦新鮮,壽司飯不會過硬或過軟。 手打烏冬揀咗豬骨湯底,湯底好濃郁,豬軟骨好軟又入味阿仔揀咗金菇牛肉卷配飯及麵豉湯先嚟個麵豉湯,幾好味,唔會係死咸,金菇牛肉卷,冇認真數過,大大話話都有十件,仲有一大碟椰菜絲, 阿仔食到冇停口, 就知幾好食食物質素唔係話頂級,但係用呢個價錢食到呢個質素,CP值很高了 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-04
280 瀏覽
✨大埔黃店🍣平民價日式料理✨—————————————————💛#littlefatwest良心小店 💛仲排隊去元氣食蟲刺身?不了😌大把日本料理又平又好食平時已經好多街坊排隊 因為真心抵食😍兩個人叫左四樣 人均只係$88!而家發現係黃店仲多左人😂85有罷工表態支撐 同路人係值得撐既—————————————————🥑牛油果軟殼蟹卷($52四件)(9/10)即叫即整 軟殼蟹仲係好脆🤤又足料牛油果再加蟹籽沙律醬 一啖食口感好豐富!.🍠吉列紫芋甘栗餅 ($22) (7/10)熱辣辣好香口 不過芋頭味唔算太出.🍳紫菜玉子厚燒($42)(7.5/10)似韓式雞蛋捲多d😂冇日式玉子燒咁甜加左紫菜多左種咸香 面層微焦 好食🥰.🍣碎蔥三文魚丼($60)(8/10)啖啖飯都食到三文魚!魚生新鮮厚切配料有葱花 紫菜加芝麻 撈飯食一流☺️ 繼續閱讀
(以上食評乃用戶個人意見 , 並不代表OpenRice之觀點。)
等級2 2019-11-06
854 瀏覽
八鯨算係區內最抵食嘅日本餐廳之一雖然質素未必係最靚但肯定係最有良知💛未黃之前已經好多人食黃左幾乎晚晚都最少要等20張台🤣要預多少少等台時間食過幾次晚餐都覺得價錢好抵👛壽司拼盤有晒common嘅款式🍣好推薦芝士焗蠔手掌咁大 芝士又多🧀仲食左三文魚炒飯 🐟$60-$70兩個人都食唔晒其他小吃都好好味另一次食晏就有好多選擇—拉麵、烏冬、丼飯...🍜🍱今次揀左丼飯同日式滑蛋豬排飯🍳🐷份量大到唔洗錢咁啲黃店真係好囂張😤有次食完好嬲無啦啦塞個甜品俾我地😡又送個咁靚嘅鎖匙扣🤯一定係得閒得滯!日日去罰到佢無停手,開分店得唔得先!😤 繼續閱讀
(以上食評乃用戶個人意見 , 並不代表OpenRice之觀點。)