影片
連續三星期的陰雨天，真有點納悶，繼續下去的話，本應艷陽四射的心，恐怕也快要變死灰了！下班後，欲回家好好把寂寥的心修補一下，豈料老媽有要事找我處理，那便不容許我自閉了。把事情弄妥後，該是我最值得發放陽光的晚飯時間了，特在 OpenRice 找來一家心儀的中式小菜食肆，只可惜雨水又密密麻麻地降下來，唯有轉到較近的東大街。老媽說她對東大街的食肆瞭如指掌，來到一條名為渡雪里的小巷，便給我介紹她常到的兩家小店，其中一家是八佰碗，備有水餃、雞煲等供應，我也甚感興趣。八佰碗是真真正正的小店，門口位置剛足以擺放兩張小摺檯而已。平日生意除靠外賣外，只望天公造美，不太冷、不太熱及不下雨的日子，方可在渡雪里內加設檯凳，將狹小的經營範圍伸延到小巷內。檯子太少，餐牌就簡單的貼在牆上較為方便。肥仔就是八佰碗的老闆，聽老媽說他的正職是在別家食肆當廚師，平日肥仔上班的日子，八佰碗就由肥仔太太掌管。老媽和我食量不大，於是先選了一個半隻雞的胡椒豬肚雞煲。肥仔太太在廚房啪啪啪啪地把雞切件，將雞件及豬肚放入預先調好味道的湯底，便可端出來了。湯裡就是簡單的雞件、豬肚及白果三樣材料。胡椒豬肚雞煲附上生菜一份，放湯底中灼熟，跟肉類來一個平衡！老媽不時到八佰碗惠顧，因此對其出品也相當熟悉，她好肯定胡椒豬肚雞煲不足以令我倆二人飽肚，於是馬上多來一份菜肉餃子。肥仔太太先將菜肉餃子在廚房輕灼一下，目的是灼去了餃子表面的麵粉，以免影響胡辣湯底原有的味道，顯得細心入微。老媽和我也喜愛胡椒的香氣。湯底的胡椒味充足，倒沒有讓我們失望！胡椒香氣配上高湯的味道絕對不差，可是層次較為單薄，八佰碗或可考慮加添腐竹、唐芹等食材，從而增添香氣與及味道的層次，相信效果會更理想。胡椒隨著湯底不斷的翻滾，味道愈滾愈見濃厚！多喝後也不感喉乾舌燥，起碼不是我最怕的人工化調味，小店也自有一套的操守，值得表揚！從雞件的大小，可得知雞隻體型小巧，雞肉算不上嫩滑，可能在湯底中已烹調過時。所以食客要盡快把雞件吃掉，也同時建議八佰碗可讓食客自行放入生雞件，按照食客個人的進食節奏及份量，那樣可確保雞肉的幼滑程度。肥仔太太坦然告知所採用的不是新鮮雞隻，始終街坊小店，利錢不高，未能盡善盡美，但仍堅持採用質量較好的冰鮮雞隻。豬肚口感較為爽脆，比起軟稔的豬肚別有一番滋味，老媽也愛爽脆的質感，但仍覺稍軟一丁點會更佳。八佰碗可隨個人口味調較豬肚的軟腍度，不過得事先向八佰碗道明要求。自家製餃子，賣相也不俗。餃子皮屬於中性，不過軟，亦不算硬，感覺不錯！餡料紮實，肉與菜的比例差不多各佔1半，但絕無膩意，相信要歸功於保留爽脆質感的西洋菜！入口不但多汁、而且非常清新。除了西洋菜外，豬肉也是較為鮮有的帶嚼勁，西洋菜與豬肉形成強烈有序的層次感，出色之作。八佰碗可算是老媽在東大街的飯堂，當晚雖然未能嚐到心頭好的小菜，但能從老媽平日的飲食習慣，對她的心境有了進一步的了解及溝通，我心中的陽光，似乎在雨天也能艷放起來。
繼續閱讀
有次外賣咗個四川酸辣蕃薯粉試下,可能我唔食得辣啦, 真係流哂鼻水... 下次一定要叫少辣先得.個麵好QQ彈牙~ 而且D酸菜、花生等都幾好味.其實都想試下佢個招牌口水雞&醉雞, 但我自己一人食的話叫一份太多...建議店主不如考慮下, 例如ORDER一個麵的話, 可加半份錢要半份雞咁...BTW, 外賣的話我OK, 但要坐係後巷「堂食」, 我真係接受唔到...
繼續閱讀
今日星期日..懶洋洋..唔想煮飯...到東大街醫肚...揀左呢間..舖門好細..D枱都擺晒出街...我叫左個油渣面..太坐叫左個担担面...再叫個小食"金牌炸豬扒"油渣面 - 湯底清..不過唔夠鮮..味精好重..面OK彈牙..油渣淋晒..冇咬口而且唔香..担担面 - 湯顏色深..不過花生味唔濃...而且幾咸..面身OK彈牙..金牌炸豬扒 - 剛剛炸起..熱辣辣..不過肉身較"鞋"..雪味較重...普通貨色..有D名過其實..OVERALL..真係普普通通...十幾廿蚊個面..唔可以計劃咁多..一分錢一分貨..
繼續閱讀
呢度開左都有一段時間喇, 不過我第1次食.叫左個四川酸辣粉, 好快就有.佢個湯(係咪應該叫油貼切d?)好紅呀嚇親同事不過食落其實又唔係真係咁辣, 可以我食得辣啦d粉"in in un un", 幾好食.整體黎講, 一般啦! 因為始終食完之後覺得得個辣字, 冇乜感覺.
繼續閱讀
在夏天的時候,見到雜誌講呢一間唔錯個時去到,真係幾難搵到,但食過一次酸辣粉,就越來越鐘意食....所以成日去這兒吃的,這兒好似星期一不開門...同埋開門時間有少少唔定時次次去,有時見到冇開門,都覺得有少少失望我覺得呢一間價錢唔太貴,因為我覺得味道真係好岩我小小酸,又辣,我最鐘意~不過唔食得辣,最好叫佢小辣,有一d人都唔係好接受呢e味...冬天我就不用轉小辣,反而覺得唔辣,食完好暖添個麵又彈又滑,又唔幼,好好食仲有,好鐘意佢地d豬扒,幾好食架
繼續閱讀