八番拉麵 (已結業)

金澤拉麵 + 金澤咖喱飯 + 汽水 $31一個set算抵, 這間八番長期做特價set, 周不時會轉款, 若想食拉麵又唔係太高要求既話, 係不錯既選擇 今次效率高左, 好快, 轉過頭俾完錢等幾分鐘就整好 拉麵彈牙, 湯底豬骨味唔夠濃, 好多粟米同芽菜, 夠新鮮, 紫菜脆口 今次咖喱飯多左少少碎肉, 無咁寡

平時偕小朋友出街，一家三口吃飯都有如打衝峰一般，三扒兩撥有如蝗蟲一樣吃完便一咲風離開。是日到樂富UNY的foodcourt要來個快食，這便是一個最典型的例子 --- 若不計算等候時間，用餐過程基本上不用費五分鐘，您說厲害不厲害 ?...但於此時仍可有閒情逸致為面前的這碗拉麵及咖喱飯拍個靚仔照，這才夠厲害呢....眼前的這碗豬骨湯底义燒拉麵，味道不過不失，穩穩陣陣。湯底不算很濃稠，但又不至於稀如水的，而且還帶點鮮甜呢；义燒片得薄薄的，肥肉部份竟佔不少，入口滑嘟嘟，相當不錯；蛋是半溏心的，收貨；麵不很有彈性，帶少許鹼，是很正常不過的日式拉麵之味也....咖喱飯是日本超市盒裝咖喱弄出來的味道，你我在家弄也可以。這當然不會做得難吃。否則，就真是天下奇聞了....食飽飽，馬上收拾細軟，回家可也.....

美食廣場的關係, 基本上唔使點等午巿算抵食, 拉麵+飯+甜品, $50有找我試了個招牌拉麵, 足料, 湯底都好好味大人細路都啱食, 最好點埋個餃子, 勁正唔知係咪唔同店, 味唔同, 我之前去黃大仙那間, 嘔, 勁難食午巿唔貴, 可一試

星期日晚上落樓下uny, 見到八番做緊特價咖喱豬扒飯 $28機會難能可貴. 未食過當然要試下啦 咖喱豬扒飯 八番出左名要等好耐, 但今次這個飯不用五分鐘就有, 可想而知不是即叫即整, 豬扒, 汁, 飯都只是微暖 首先試過咖喱汁, 味道唔夠濃, 而且太過杰撻撻, 像豆粉芡的感覺 豬扒表層的麵包糠夠脆, 而豬扒本身不夠靚, 肉味淡, 沒有鬆軟的肉質 白飯實在太少了

set $37: 冷麵 + 天婦羅海老飯 墨綠色的冷麵, 樣子幾吸引. 冷麵質感好正, 粗粗的好煙韌幾有彈性, 唯獨冷麵本身一點味道也沒有 無味的冷麵, 配上蔥粒 + 蘿蔔茸 + 最重要的冷麵豉油汁, 立即變得好好味大部份的八番一向製作得一絲不苟, 缺點係等好耐, 優點係個飯一定夠熱, 日本珍珠米夠飯香及軟硬度適中, 天婦羅蝦也是即炸的. 若另附多一個天婦羅汁會更好

好開心8番拉麵每月逄8, 18, 28號都做$28 (原價 $38), 更開心的是樂富新開UNY都有一間8番, 比五十嵐好食好多!!! 8番拉麵 以往食8番都係黃大仙中心食, 黃大仙的8番野菜拉麵味道麻麻, 因湯底太油及落太多像胡椒粉的調味料, 但樂富這間就好正!!! 首先飲啖湯, 選了豬骨湯底, 不算太油, 又無重胡椒味, 不會太多味精, 總括而言是真正濃郁的湯底 粗拉麵亦比黃大仙好食, 樂富這間淥得剛剛好, 令粗麵夠滑, 有麵香, 有彈性, 有韌度, 又夠份量, 食完都飽肚 好鍾意8番的荀條, 粗身大條, 好爽甜 特價$28真是物超所值!!!