八月花 (朗豪坊)

營業中

休息中

一向都係去又一城既八月花飲茶, 好少來旺角朗豪坊呢邊, 咁岩呢日係附近, 所以就過來試下,  唔算太多人等位, 等左 15分鐘左右就有, 可能客人唔算太多, 感覺呢邊既服務比又一城好 D ! 每次來到八月花都會另叫人參烏龍, 主要係比較好飲, 但今次呢壺就好似無又一城果邊咁好飲, 同埋好快就充得淡左, 而點心方面既選擇好似又少過又一城 D D , 但就比較齊, 因為又一城好多時都會呢樣無果樣又話賣哂今次叫既不外乎都係平時自己食開果 D , 味道都係咁上下, 同埋都係即叫即蒸, 所以都要有心理準備要等一下先有得食

原來9點要在旺角找個地方，想吃一個可坐得久的cafe地方吃個早餐，都較為困難😅因很多都已改了11點才開店，所以上了去八月花喝茶，估不到很多人，還要等位，入坐後看見點心紙就明白了。

自從疫情發生之後，都很久沒有與三五知已， 一同去酒樓飲茶，食下點心。 今日下我約了二個朋友一同去朗豪坊的八月花， 本來我哋係諗住食午餐， 但到酒樓嘅時候已經係1:50，服務員同我們講，如果等下午茶2:00開始才開始派籌。那我們還有一個朋友未到，故此我們決定等下午茶。 因為剛剛恢復四人同枱用膳，所以內裏座位都滿座，但係環境是優雅及舒適，不會太過擠迫。我們就看看下午茶有什麼特惠嘅點心和食物可供選擇。其實所選擇的並不是太多，太約10至15款， 而當中就有點心及蒸飯。我們點了蘿蔔糕、鳳爪排骨飯、义燒酥、炸兩、蝦餃、炸雲吞及素菜冬菇餃。每樣點心味道也不錯， 最緊要是不太油膩。 蘿蔔糕煎得不太香脆，鹹甜味道適中適中。 炸雲吞炸得很脆，配酸汁好好味。 素菜冬菇餃，冬菇切得很幼细及內裡可以保存冬菇素汁，故此很鮮甜同埋不乾硬。

片皮鴨片皮鴨片皮鴨🐤🐤，對上一次食應該係2年前係海港城，我記得嗰次食都幾貴，同都成10幾個人食，我好似都係食得2件。。朋友啱啱轉post , 為左同佢一齊experience 下乜嘢叫做TGIF ，佢suggest 過來食片皮鴨，我即時諗，咁貴😱😱😱，之後佢send 左呢個$498 set 俾我再拉多2個friend 子，攪掂，打去訂位。。最後當日有條友仔甩底😤😤(->我係突登寫俾佢睇既😝😝) 呢個set 我地係訂位時己經預訂埋，因為佢係限量既，book 左7pm，來到唔使等，直入~~~Yoho~~🎉🎊 其實都幾多人，都成7成滿，我地被安排邊皮近角落位置，it’s fine, 啱晒我地吹水用😝😝😝來到姐姐問左我地係咪訂左皮片鴨餐，揀多2個餸就上菜lu~~~~先來就上片皮鴨，因為張枱太細，所以姐姐上菜都係係另一張枱片完鴨皮先送過來我地張枱度，我連隻鴨都未見過😅😅😅 ，如果佢可以show show 隻鴨俾我地睇會好啲😅😅) ，上枱都唔細都有成16 -17片，個皮好香，有油脂，但唔肥，個皮脆脆地但唔乾，幾好食，一人食到4皮本身，但因為有條友甩底 (強調😉😉) ，所以我地3個女仔食左5

同同事聚會，六個人一齊食！因為同事比較大年紀，所以揀中菜！今次令我對八月花另眼相看，其實自己未試過夜晚去八月花食😂但係食完今次之後真係對佢完全改觀，食物質素好好，仲要好創新😍😍本身嗰陣係食緊營養師寫嘅餐單，只可以食菜，唔食得澱粉質，但係去到都忍唔住😂同埋估唔到可以呢個價錢食到，每人平均$200左右，但係食到好多嘢，叫餐都給幾扺😂

最近申請咗一張AE信用卡,指定食肆都享有六折優惠，今天就試試八月花😍一同3人，阿姐問我飲乜茶，我話菊花茶，啊姐話好，諗諗下唔對路，😅 問下啊姐使唔使加錢，阿姐依依哦哦，又話乜叫一壺就收兩個茶芥，一個免費，講到我一頭霧水，😨之後自己睇餐牌，一壺菊花45蚊，我終於明白了，…之後叫咗個叉燒，燻鴨，龍蝦湯泡飯，椒鹽豆腐，之後阿姐又係噉叫我哋嗌個菜，但係個菜係餐牌上面冇，埋單先知原來個菜冇六折，由叫茶到叫餸，感覺好似有啲被騙，心裏有點不舒服😅…食物還可以，但相比起3，4年前，就差了很多，記得以前嚟食過一試難忘，好好食，但係今次冇噉嘅感覺，覺得普普通通，…叉燒偏咸，肉質也不嫩，不鬆軟，偏乾，通菜正正常常冇特別，椒鹽豆腐，個人覺得味道不夠，煙熏鴨肉質也不夠嫩，也沒有肉汁，還是扁皮鴨比較好吃😂😂唯一可以讚讚就係，龍蝦湯泡飯，煙煙韌韌既飯，好有趙口，龍蝦湯亦都夠味道😃，總結，下次也不會吃😂😂這個價錢選擇有很多。

見到promo有$498四人餐，包一隻片皮鴨、湯同埋清蒸龍躉仔，仲可以選兩款小菜，好吸引。八月花不嬲唔平，一碟平均都200幾啦片皮鴨成隻即片，阿姐好有禮貌都片得好熟手，可惜片得唔夠薄，好多見膏同埋肉，要自己食時處理下Momo 有12塊，份量算係甘，不過唔熱而且比較厚，唔太好食選左肉餅，都大大份，不過材料、味道、賣相冇咩特別，感覺唔係好抵叫豆是雞黎錯左是油雞，不過費事換啦雞好滑，啖啖肉，不過就偏咸，食完都口乾

久違既girl's talk~~茶壺set係我最愛既顏色😍😍但俾個長氣既侍應同勁遲既上菜破壞左,其實成餐反都好似個侍應趕住收工收檔但其實啲野食係一半都未上枱,我地懷疑係主力做set,所以做唔切散叫既餸。。。。。。。。同埋唔知係咪sell到甜品有佣分,野食都未上晒就係咁問要唔要甜品不過呢間野都好多人食,有啲估唔到,大廳係迫啲,好彩安排坐最入既邊邊位前菜*雲耳,花生,酸菜,好少食呢啲,但試下,又酸酸地幾開胃bo慢烤脆香茶薰鴨半隻配層餅👍👍*聞說八月花係出名食片皮鴨,但個4人set已經售罄*呢個茶薰鴨都幾正,半隻都好多,薰得好濃味,唔駛沾太多醬都好夠味,鴨皮都好脆*配層餅係有少少濟,但夾生菜口感好好多又少啲油膩感芥末脆香蝦球👍👍*配有脆脆蜜糖烤既合桃,密密食*芥末包住成隻脆脆既蝦球,都幾大隻,好開胃,甜甜地酸酸地辣辣地,唔會炸到好硬咬唔開上湯浸菜心*唔油膩,消下濟,食咁多肉一定要叫個清湯菜😂揚州炒飯*等左成個鐘先有得食*係足料既,但無乜鑊氣,味道正正常常咁椒鹽脆豆腐*明明話小食,但都係等左成個鐘先有得食,上碟只係暖暖地*味道係唔錯既,都好有平時既脆炸口感

一坐低見到呢個四人餐，就覺得好超值，結果冇令我哋失望 ，個人認為，呢個價錢真係半賣半送 ，其實食片皮鴨同個魚，分分鐘都吾止呢個價錢原隻片皮鴨， 喺你面前慢慢把鴨皮片到一塊塊，之後再跟甜醬和摩摩皮， 同用正價食一隻片皮鴨嘅服務一模一樣👍條魚蒸得唔錯㗎 ，可能條魚太細啦，所以搵幾條菜陪住佢，睇上去冇咁空虛 🤣🤣自選兩個小菜係帶子蒸豆腐同埋芥蘭炒魚鬆，不過不失 。當晚大部分嘅客人都係食呢個超值餐，証明大家都覺得抵食 😂😂 唔好以為個茶壺蓋穿窿呀 ，原來係個特別設計嚟㗎 😅

COVID-19 第３波疫情稍為緩和，星期六旺角朗豪坊人頭湧湧！要找個地方用餐，一字記之曰：等！我媽媽喜歡飲茶食點心，朗豪坊八月花，２人枱要等10個，等了25分鐘，差不多下午茶截單前，才獲安排入座。在等的時候，已經決定點以下的：#羊肚菌魚湯鮮竹卷#生煎梅菜肉銀絲卷#茶居芝麻卷想吃３樣，竟然有２樣冇！！只能點上生煎梅菜銀絲卷，銀絲卷皮很脆，好吃！梅菜太甜，蓋過所有，不喜歡！加了２樣：#香煎蘿蔔糕#蜜汁叉燒腸粉味道中規中矩！想吃的沒有！很難給這店打高分！

經過見到平日做緊主餐牌75 折就同埋媽子去試下晚市5:30 先開始 門口已經有兩三枱食客等緊入座入到去落完單到第一個餸黎到都起碼等左20mins出餸實在有點兒慢當時都只係得兩三枱食客第一道黎到既係安格斯牛肉沙律牛肉做得幾淋 而且香口配埋青瓜洋蔥絲十分開胃媽子好喜歡呢道餸接著就到龍蝦肉豆腐雙拼侍應介紹是新菜式呢道我自己就覺得一般比較清淡 雖然見到有龍蝦肉亦食得出走過油可惜肉質有d 梅而且龍蝦味已經無晒之後便輪到我最喜愛既龍蝦湯泡飯次次黎到都必點湯頭濃郁但唔會過咸蝦肉亦爽口彈牙推介呢款一定要試下蝦肉都幾多 唔會得一兩粒裝飾

八月花晚餐食過覺得吾錯，搵日午餐去飲茶試試，點知一試無下次，以後飲茶吾會簡依間，晚餐仲可以之前食晚飯係度食都整得吾錯，無唸過點心會咁差，未食之前仲有期望，食完好失望☹️點心全部好睇吾好食，無點心味道，差吾多款款點心都係一樣味，唯獨春卷食到春卷風味其它不予置評飲茶只係室內裝飾還可以，但吾算坐得好舒適飲完茶去從月花個洗手間🤢簡直臭到想嘔無唸過晚餐同午餐食物水準差咁遠食物只靠賣相，而無左應有食物味道同質素，吾會有下次✖️食過午餐點心，就明白晚餐同午餐食物質素同味道分別

一直以黎聽人講八月花味道好好，難得今日放假，係旺角做完facial，連美容師都話好，甘我咪同老公去飲餐茶，我地全程都無影相。。。一啲都吾值得影，我未見過啲酒樓慳成甘，用啲崩碗黎上菜俾客！服務都係麻麻，原本叫左鮑汁鳳爪，到我埋單都未見到鳳爪影，之後我問個侍應，侍應就答我: 未上姐係無囉！以後都吾會去，依個價錢真係大把選擇！為左免得人地以為我老作，我影返張單俾大家望下！

美心集團從其名字，便知道其價值，級數，菜式和環境的分別，但是這家八月花便令我跌眼鏡了，不過與美心皇宮比較，它是合格的。自二月開始留港消費，美心集團便是我的選擇之一，隨便在附近一家便坐下來了！想不到，原來每間的管理和廚房是有參差的。失望一，安排位置差昨晚才開放堂食晚市，今晚可能還早，不是太多人，跟侍應指引下坐下來；但很快便嘈起來，不是人太多，只是侍應把客人集中在大堂中央，加上枱距比其他分店密集，但比美心皇宮寬少少，客人不足一半也要迫在一起，以這價錢和環境，便不理想了！失望二，食品質素有進步空間第二次吃“戒米楊洲炒飯”，又濕又咸，同侍應反應，她竟然說濕是正常，即是非第一次收到此意見，不但無改善，更把問題合理化，才是失望中的失望，更重要的，是我上一次食的是乾度和美味適中的。失望三，安全性低鄰近的客人上了一道菜，侍應即時在食物上點火，燃燒食物，想不到三寸高的紅紅烈火，超過半分鐘還未停止，而侍應卻第一時間離開。不知是我以前的食市小心，或是我危機感過高，未遇過侍應在火未熄滅前，便遠遠離開，若果食物意外地番倒，後果如何？侍應是否趕得上跑來幫忙？現況客人不多，侍應還有時間與客人傾談也是如此，將來滿堂客

6/6/2020當日喺朗豪坊shopping完之後，到八月花食晚飯。好鍾意佢嘅環境，而且好多時都係中式食物西式擺盤，好靚！食物都有一定嘅水準嘅，但係就性價比可能略嫌差咗少少！因為份量比較少左一啲。相傳嘅BB燒乳豬真係好好食！脆夾香口！但係只係得四片我哋三個人爭住食另外一個值得推介海參陳皮排骨，用咗靚陳皮嚟燴。我個女唔鍾意食陳皮都猛話𠲖過餸好食！叫咗個小食，小食嘅份量一啲都唔小椒鹽九肚魚好味！但係個略嫌個脆漿厚咗一啲