八月堂 (已結業)

成日都想試八月堂🤣，雖然開咗好多分店但係間間都唔算近我！今次經過見到終於可以試啦😍，仲唔使排隊添！今次食咗焦糖布丁味，冇我想像中咁好味😂。我覺得個布丁質地比較硬/實，仲要食唔到焦糖味🤔。下面仲會有一層cream，應該係吉士醬🧐。但牛角包真係值得一讚😻，食落外脆內軟！下次我會想試吓芝士/鹹蛋黃味！

見到冇咩人排隊，就想買黎試下，買五送一，仲有其他味道都想試，但人得一個 回到家即刻開左黎試，每樣都咬左啖 🤣六款之中最好味我覺得系呢款 松露蟹柳棒？因為口感食感都系最好，好香松露味，咸點款 芝麻款、芋泥款 味道唔濃，屬普通。布丁款，我弟話冇味，我可以比既評語係，牛角酥加左條布丁，冇咩特別。仲買左牛奶款、吉士款，吉士款好少吉士，食左1大啖都未咬到，味道普通，牛奶款有焦糖味混合，所以不是很喜歡。總括：如果再買，應該只會試松露款或其他新味道。

apm做緊買五送一，屋企人鍾意食所以就買咗一盒啦。要左三個卡士達，一個黃金流沙，一個焦糖布丁，一個松露白醬蟹味。卡士達入面都好多cream。黃金流沙就咸甜味嘅咸蛋黃味，小小沙沙哋。松露味無食到😅不過屋企人話都幾好食，下次可以再買。焦糖布丁🍮本來以為好甜，點知又唔會喎，布丁好滑溜。

分店愈開愈多，見佢開到嚟觀塘就買返兩舊試吓啦😛————————————————:🔶焦糖布丁$23 (6/10)賣相好吸引，牛角包幾香同鬆軟，但布丁淡而無味🤨配搭有啲奇怪:🔶 黃金流沙$20 (7/10)鹹蛋黃味幾岀，鍾意食流沙奶皇包既都一定會鍾意食😚推薦比唔怕肥嘅各位🤣————————————————

APM新店開張，前排見到人頭湧湧，排晒長龍，今日臨近關門終於少啲人，買咗一個牛角包做宵夜。炙燒明太子味｜$18店員提醒買咗之後要兩小時內食用，如果唔係就要放雪櫃。半夜用焗爐heat返熱熱地咁食，外酥內軟，牛油味香濃，明太子醬有薄薄一層係包底，比想像中少，味道中規中矩，冇乜太大驚喜。 雖然係宵夜，不過食一個係唔夠飽，下次要買多啲，試吓其他味。呢個價錢唔可以話好抵，不過勝在多唔同口味，好吸引令人想試晒。

最近很有人氣牛角包專門店很多朋友都去了排隊買。在網絡上看到他們的包，自己也想去一試。今天在APM 也需要排隊，排了大概10分鍾。在店外已經聞到很香的甜品味道，最後買了六個牛角包回家吃。我買了：覆盆子奶酪、黃金流沙、蕉糖布丁、金沙芋泥、曜黑芝蔴、迷戀卡士達。包是比較軟身的包，一層層的有口感。牛油味很香濃，但是不會很滯，在香港，我覺得大概是Robuchon 之外好吃的牛角包，做的很好。Toppings 我買的六個都很好。料很多，味道不太甜、新鮮。我最喜歡覆盆子奶酪，有一點酸酸的味道。黃金流沙是奶皇包的奶皇，感覺特別 （笑）

✨.💬 青檸雲朵可頌 💰$22 🆕牛角包我就唔多講啦🙈，都係嗰句口感唔錯既😉，至於上面啲醬少少酸酸甜甜，唔會好甜，仲要啲醬個量都算多，口感算豐富，整體黎講我覺得ok既但唔算驚喜囉😉。.💬其餘大家都應該食過，我就唔多講啦🙈⋯⋯完！..📍 八月堂 （觀塘店）觀塘觀塘道418號APM 1樓9B舖..

每個牛角包個樣都好靚好吸引🥐來自台灣既八月堂—之前已經係唔同地方開左幾間分店，但黎到觀塘新分店朝早十一點幾門前都竟然有約十人排隊，可見人氣不減八月堂黎到香港開既每間分店都有一款唔同既獨家口味，觀塘分店既係十分清新既🍋青檸雲朵可頌☁️（今日買既時侯係每人限買一個）牛角包係即場新鮮焗好， 餐牌款式不少，但買既時候餐牌上既款式唔係每款都有好似松露白醬蟹味咁，就剛好賣晒， 唯有下次再試啦牛角包酥皮夠脆味道係偏甜 值得一試