八川壽司 (已搬遷) 新店位置

星期日晚一家 walk in，好彩有位。第一次幫襯，所以比較謹慎，每款食物叫一樣，好食先加單。叫咗壽司、刺身、串燒、安格斯牛肉鍋。食物嚟到，一試之下，掂wor！覺得刺身壽司食材算新鮮，街坊日本料理店，質素算好好。刺身壽司類：最鐘意活赤貝、劍魚腩。大甜蝦都好食，不過蝦頭無我鐘意嘅青色膏。燒物都好出色：燒白鱔、牛舌、明太子雞翼上菜都算快，服務OK！後來埋單走人時，認得廚房嘅係以前我哋經常幫襯但後來已結業嘅M9嗰兩個男女師傅，唔怪得之味道不錯。好，會繼續成日嚟幫襯。

店舖地點有點偏僻，若非有人帶路或者住附近，否則應該很少機會行街行過附近，而且店舖剛剛從搬抵新舖這裡，裝潢新淨企理，店舖內不斷播放日本動漫歌曲菜單款式內容跟一般居酒屋無異，筆者點了吞拿魚丼、黑豚壽喜燒、雞肉大䓤串燒、火炙三文魚壽司。味道上吞拿魚丼中的吞拿魚新鮮，屬中上水準，串燒雞肉不會燒至乾身，還保有肉汁。其餘食物水準不過不失筆者最後在晚市坐了二小時，但不見職員有趕客或催埋單，若果想三五知己晚上食飯吹水，此店也不失為一選擇

首先我家人已經戒吃非常美味的魚生很久，原因不便多說。入正題：我和家人住在附近，每天晚上也會經過這間店，因家人想試一下便決定光顧，由於人店內不多，所以心裡已有個底。最後點了一些熟食壽司、牛肉鍋、明太子雞翼、炸蠔、玉子燒和沙律除了對玉子燒有點失望外，其餘所有食物也不錯，家人說牛肉鍋最美味，其餘炸蠔和明太子雞也覺得好味，可能是因為開始時不抱期望，故覺得有驚喜，門外有泊車位，如果想像很久以前東沙島街那間壽司店相比，這間真的好吃很多

今日天氣熱到無哂胃口，又唔想食熱嘢，同男友決定係屋企附近間壽司店叫外賣，企係門口無耐我都未開門，個女店員已經笑住口衝住出嚟幫我開門，問我想食乜，點完餐仲話天氣好熱叫我坐係餐廳等外賣，服務同禮貌都好好，今晚我就叫咗烏冬加壽司定食，男友就叫咗幾件壽司，本來諗住價錢咁經濟無咩特別期望的，點知食落，魚生又新鮮，個烏冬都好滑，壽司仲平到有d係7蚊件咋，下次一定會再幫襯

身為住喺附近嘅居民，又懶得煮飯，附近開咗新鋪，我點會錯過呢？第一次食係食佢嘅晚餐，入邊得一台客。叫咗一個角切魚生飯同埋一個牛油果三文魚沙律。🌟角切魚生飯：分量略少，但係飯嘅調味出乎意料之外的唔錯～魚生質素比隔離街綠色招牌賣日本野嗰間好好多，果然係一分錢一分貨。🌟牛油果三文魚沙律：居然係超級大份，我爭啲就食唔晒。牛油果有少少氧化左，不過唔太影響味道。唯一美中不足之處係佢嘅沙律醬太多， 如果可以最好都係分開上啦。然後第二次去係食佢嘅午市套餐，都係分量略少，勝在質素搭救，啲魚生比起出邊嗰啲係新鮮好多。口感上唔係會食到生蟲嗰啲。（隔離街綠色招牌嗰間我就真係唔知會唔會生蟲，唔敢再買）作為元氣嘅忠實粉絲，我得閒都係會再返嚟依間食，支持下後生仔創業。