八川壽司 (已搬遷) 新店位置

點解咁貴呢啲餐廳我好少去食呢啲餐廳，但係真係冇品質八川。佢扮日本餐廳扮日本人開餐廳，但係都沒有聲音講。玩嘢到爆炸呀!!姊川壽司都好食過佢啦，姊川都話自己都好。呢間擺明挽嘢。1，佢扮日本餐廳，2，冇日本風味，3，八川老闆係蒙古人嚟。但係呢啲餐廳執笠，因為真係冇日本風味，又唔係由香港人開，一係就又唔係日本人開。太過份八川，以前嘅姊川。細過食金太郎、越南邨仲開心的，元氣八川菲國泰國餐廳抵佢執哂呀，冇生意又少人啲。

今日同朋友一齊去咗八川，因為佢喺順寧道，同長沙灣道呢條大街都隔咗幾條街，所以其實比較少人去。少人去都有少人去嘅好處，就係你可以喺嗰度坐好耐，同朋友一齊喺嗰度飲啤酒同埋食壽司，之前都同朋友喺依度食壽司食同坐，輕輕鬆鬆咁傾偈。不過琴日時間有啲趕，所以就食咗一個叉燒拉麵。預咗個湯底都會濃味。呢個拉麵味道正正常常。而吸引我嘅地方就係佢啲擺設，有好多唔同嘅擺設，例如酒、動漫海報、一啲動漫角色模型。食嘢嘅時候仲可以慢慢望吓周邊擺設。

長沙灣食lunch地圖又擴闊了😆一入去係好warm既感覺，有仲亮緊燈既聖誕樹，i miss Christmas🥲食物選擇都幾多，下次可試下其他，好似有個餐有烏冬又有丼~-🔸汁燒油甘魚飯定食 $88(?)有蘿蔔粒炆牛(?)前菜+味增湯油甘魚分左幾舊煎，油淋淋，最肥個舊好味，其他就有d鞋口~飯大大碗。夠飽但不夠滿足~-🍽️八川壽司

🐟魚生要夠新鮮，就係禁簡單。鯛魚🐠係其中一個好選擇，個🐟頭同骨仲煮咗一鍋冇添加鯛魚湯烏冬。大中拖當然唔少得。海膽都好味。仲有食左魚鮫同小食。開心🈵️足的晚上。疫情下的星期一晚，都可以差唔多3/4人是有原因的！🥰

呢排疫情.. 成日周圍食街邊野..食到都無咩Idea..晚上放狗經過見到呢間八川.. 諗住叫個麵同男友share..第1淡食落去.. 我已經吐返出黎.. 痴線.. 新手煮公仔麵都好食過佢.. 幾十蚊賣碗麵比人可唔可以唔好咁過份.. 勁明顯係水/湯未滾就硬將個麵放落去煮.. 痴線.. 真係唔會有下次.. 勁嬲.. 因為真心連10蚊都唔值.. 外賣8折又如何？另外.. 仲有串牛舌.. 係呢區試過好多間.. 30/40/50幾蚊串我都有試過.. 1打開盒.. 😑😑😑😑😑😑😑😑😑😑😑😑😑😑連個緊餘既胃口都無埋.. 真心想講粗口.. 好嬲呀我而家.. 要煮印尼撈麵食.. 真心差呀呢餐飯.. 我叫男朋友都唔好勉強食落肚.. 真係浪費個胃既位置.. 痴線.. 真係好痴線.. 唯1可以欣賞只係門口有個後生仔好好禮貌..完。

星期五又同朋友一期一會，呢日佢得閒啲所以大家就行去中心點搵嘢食。我哋喺天悦附近覓食，但好多餐廳都已經食過哂，所以決定行後兩條街睇睇👀，就見到同事推介過嘅「八川壽司」。其實餐廳個位置真係好隱蔽，附近主要係住宅同車房，行街一定唔會經過，所以我哋見到餐廳咁滿座都幾驚訝😱。留意番餐廳面積幾大，座位亦都唔少的哦，我哋坐落覺得好舒服。餐廳環境幾好，行居酒屋🏮風格之餘，又帶點工業風，另外仲好搞笑地放咗好多機械人同Figures，可能老闆鍾意啦。餐廳有做午市套餐，睇下睇下先發現餐牌係有2面，即係總共30款，傻的嗎？揀死人咩🙈，哈哈。熟食同刺身類嘅選擇都有，所以應該點都有款啱食！價錢喺呢區唔算平，介乎$48-$128，但都勉強可以接受。前菜有麵豉湯同一碟仔湯渣🤣？麵豉湯抵讚在於夠哂熱。至於隔離嗰碟就應該係前菜，但個樣似湯渣，因為有啲蘿蔔同貌似煲湯豬肉嘅牛脷，味道其實唔錯，但略嫌整體調味淡咗啲。13.角切魚生丼配稻庭湯烏冬($88)，呢個餐係我點嘅，價錢都幾貴，不過呢日開胃想食嘛，無計。首先，🍣角切魚生飯造型唔錯，魚生粒幾新鮮，角切得嚟都唔會太濕碎。另外，丼飯份量亦都唔少，食完成個餐會好飽。如果壽司飯乾身

同朋友附近行完嘉頓山，諗住搵間日本嘢食吓，行行吓見到呢間，所以就試一試入到去餐廳見到都好多空位，無乜人，開始覺得有啲唔妥，一坐低侍應就急不及待沖水想落單我地兩個人叫咗一份二人餐，有刺生、牛排、沙律、湯、白飯。份量少到好似兒童餐咁，塊牛排細到極離譜(兩三塊曲奇餅拼埋都大塊過嗰塊所謂牛排)....而且又多筋...其他就普通，但講唔上好食，而杯茶，望到都唔想飲，一大泡油浮面，極之反胃呢個價錢出外面其他餐廳食，都一定有誠意過呢間。最後連個甜品都無上到，呢間餐廳真係慳到盡，一定唔會再嚟，亦希望大家唔好中不必要嘅伏

Whenever we think of yakitori, sashimi, sushi... or just Japanese food in general, we think of this place! We’ve been here for a few times now and each time the food is just as good as the last! It’s Mother’s Day weekend so we decided to call and book a table in advance, just in case! The table was ready when we arrived, decent amount of spacing in between tables which made the environment safe and comfortable to eat in. Their menu is really nice and clear with different options of a beer set wh

我上次是去只是得我一台客，此人多了很多可想言之質素改善了不少。我記得上次佢套餐就只有梅蘭菊竹選擇，可惜質素一般般。其實本身今次不打算再去中伏，只不過想食日本餐廳，但附近的店很多都關了所以唯有再去試一試。今次新增了這個一人前set，我覺得幾抵食。有前菜、刺身、湯及甜品，最平的叉燒拉麵就只是$98。.當然質素不會是十分之高，但是這個價錢十分對得住大家。

今晚平安夜，睇食評來左這間所謂居酒屋。中午打去訂怡，留左份海膽，活貝，個店員話會盡量安排好的位俾我哋，所以滿心期待去食飯。我哋俾預期提早入去諗住可以安排到靚位，點知八成好位留左俾訂左怡的人。我哋係安排左去一張近廚房的位，店員知道我地唔想座廚房位，結果就安排我哋坐.........門口位😢唉，都好過廚房，一個唔好的開始，今晚過節唔想為這小事唔開心。點知唔開心事唔只這樣。幫我哋下單的姐姐仔，黑口黑面，又唔想答你野，成副嫌你煩嘅樣出晒嚟。唉，無晒心情我哋唯有將期望放在食物度。叫左加拿大海膽，活貝，澳洲和牛。食落去臭到就來死😷一點不新鮮，我老公形容它好像屎咁臭，真係無形容錯。收咁的價錢，俾咁的貨，元氣都好過它。活貝就不過不失，價錢偏貴。和牛就無影相啦，因為都無心情影下去，只想食完走人，和牛原價$240幾，今晚平左，收$188，但超級唔值，唔係和牛的質素，普普通通，出面的西冷扒都好食過它，勸大家唔試好過試😢其實價錢貴真係唔緊要，過節都係想食好小小，但今餐又貴，又咁難食😫以後唔會再來食😞

雖然住長沙灣但好少經過呢間店，終於有機會試下。嗌咗鰻魚玉子一人定食，再加煎餃（6隻）。前菜係沙律，由於我唔食得奶類製品，所以走咗沙律醬。沙律入口幾fresh。刺身就正常發揮。三文魚都幾新鮮。不得不提嘅係鰻魚玉子飯。鰻魚處理得好好，加埋醬汁都唔會膩，真係超級推介。加上玉子嘅配搭一流。份量正常女仔食量。定食嘅甜品係泡芙，都不過不失。煎餃子都幾好食，外皮唔會過厚。整體而言真係幾好食，份量略少，價錢偏貴。

門面燈籠照起長沙灣小巷，一望就望到門口有好多相、酒樽同男兒當入樽figure同poster❤️ 店面大約坐到40人，但我當晚晚市時間得1-2位店員送餐，好忙碌哈哈叫咗個 葱碎呑拿魚腩丼一人前 同埋 角切魚生丼。湯用三文魚煮，魚生就三文魚、油甘魚、吞拿魚各一片。湯好好味，比起一般味噌湯多咗好濃嘅三文魚味。魚生當然全部都好味好新鮮。到個丼，壽司飯好味好軟糯，又夠醋。唔好睇佢細細碗，飯份量好多，魚生新鮮好味。仲有好多串燒、鍋煮揀，不過我地兩個人就食唔到咁多。咁嘅價錢食到呢個質素，好抵呀!! 一定會再嚟~

我同男朋友已經幫襯過呢度好幾次🥳，每次嚟都覺得啲嘢食水準keep得好好🥰👍🏻，每次都一樣咁新鮮，咁好食😋。一如以往，入到黎有侍應嘅熱情招待👯‍♀️，我都係叫返我最鍾意食嘅特選刺身丼，加幾件壽司同梅酒。唔止好食，啲刺身本身都好新鮮！加上我好鍾意呢度嘅環境，每次都坐得好舒服，所以我應該會keep住嚟幫襯💃🏻💃🏻最後店員送上日式菓子，in in un un咁，好似有紅豆同麻糬係入面，口感同賣相都好好，作為甜品凍食的確係唔錯既選擇！

成碗刺身飯得三款刺身，魚生碎曬(似係切出黎唔要既刺身)，壽司飯係熱既，成世女未食過熱既刺身飯，份量小到小朋友都唔夠飽，不知所謂，完全唔值呢個價錢。以後唔會去幫襯，呃錢！

今次係第二次幫襯呢間日式小店，價位尚可接受，但就唔算話太抵食。呢度嘅環境好寬敞，有好多slam dunk擺設，睇嚟老闆係粉絲。今次同男朋友嚟嗌左兩個特選刺身丼，如果冇記錯應該係$100左右一個，份量比較細，所以要另外加啲小食先夠飽，不過值得一讚嘅係，啲刺身的確係幾新鮮幾好食另外嗌咗個芝士三文魚卷，上面嗰層芝士好搶味，不過整體來講都幾好食！同埋好鍾意呢度啲店員，服務態度勁好，仲記得上次嚟嘅時候落大雨，好彩有店員好體貼咁俾咗把遮我地。以後得閒都會嚟幫襯