八囍牛雜粉麵

營業中

休息中

問咗幾次可唔可以加多個餸，佢話可以，我亦都加咗錢，仲要提多佢一次，返到屋企拆外賣都係可以冇牛腩😅凍奶茶少甜又冇少，甜到PK，都食咗唔少次，試過幾次咁樣，我諗如果再咁真係冇下次

呢間早餐幾抵食，叫左牛雜米線多蔥，包埋一杯熱飲，要左熱奶茶。牛雜米線份量都唔少，每樣最少都有2至3件。不過牛雜味道偏鹹，米線都ok，唔會太硬。奶茶茶底都夠濃，都幾滑。

《超濃味既牛肚河》不算吃內臟的外好者，只會愛吃牛肚/豬紅/雞腎今日呢間有我最中意既牛肚，一定要試下，今次外賣🥡所以要加$1。#牛肚河 💰32+$1🥡湯底好香，超重口味，牛肚份量都好多，雖然切得比較細條但都有8塊長條型👍食落比較淋身，唔算好爽口，但味道夠已經好好。河粉可以完全吸曬啲湯👍好正。順帶一提，唔食蔥記得走青🤭中意食辣既朋友可以放心，佢會好貼心送你一包辣椒油，順便可以過下想食辣既口癮。

返工前食個快lunch,此粉麵小店的確是很好的選擇，今天叫了牛三寶米粉，再加杯凍檸茶走甜和加多碟油菜。滿足！牛三寶有牛腩、牛肚及牛根！比店的牛腩炆煮得非常入味，但又不會過淋，牛腩仍有咬口，肥瘦適中，牛肚夠淋，但當中最出色一定係牛筋，炆得入味又軟硬適中，不會過淋，咬吓去依然有彈性，又滑，口感十足，配以店家自制的辣椒油，香辣中更增芝味！牛腩湯底又香濃又甜。油菜今天選擇了芥蘭，如果要食淋D一定要同店員交帶一聲，否則，菜會滾到剛熟，菜保留爽硊，！

屋邨街市新裝修，新開了幾間食店。其中一間就是這間牛雜粉麵店。鄰居試過，讚不絕囗，今天決定去試試。食店的裝修十分簡單，和普通粉麵店沒甚麼两樣。由於是開在街市的關係，食店面積很小，座位頗為擠迫。但食客們都毫不介意，整間食店坐得滿滿的。點了一碗牛腩粉，很快送上桌。牛腩粉的賣相普通，但濃濃的牛腩香味扑鼻而來。急不及待試一囗牛腩，又腍又滑，一點也沒有韌的感覺，囗感很好。而且牛腩味道十分香濃，令人忍不住一口接一口，停不下來。食店的食物價錢很大眾化，怪不得吸引了這麼多顧客。

星期日去天恩邨，朋友屋企打牌，打牌之前朋友帶咗我去，萬有街市內有間新開冇耐嘅餐廳叫做 ，食番餐先作戰。朋友食豬扒雙蛋飯，我就照跟，要生一齊生，要伏一齊伏，咁樣先至係友誼至上 豬扒雙蛋飯，豉油甜唔咸， 豬扒好大件但係因為砌咗所以容易食， 豬扒又軟又淋又好味，唔算係話非常好食嗰種，但係一定係好過嗰啲連鎖式快餐店嘅出品，嗰個煎雙蛋就真係做得好好，係荷包蛋嗰一種，醫吓肚5錯，38個大洋，奶茶加5元杯奶茶好夠茶味，但就覺得澀澀地，如果落多啲淡奶就好

今天去朋友家聚會，到了午飯時間，朋友提議到樓下外賣回家吃，因為她吃過無數次，所以極力推薦！這間原來是在街市裡，感覺都算乾淨光猛，想想食物應該會可以的，就決定做白老鼠，試試啦。見到外賣紙內通常是湯粉麵，都有幾款飯類，而早晨更有麵餐吃，魚蛋、雲吞、牛丸等，早餐都較罕見，讓人也可多個選擇。我們都叫了咖喱牛腩飯，牛腩真的很好吃，軟腍不韌，肉質嫩滑多汁，份量亦多 ; 還有幾塊薯仔，大大個，更飽肚了。咖喱香，微微的辣度，所以真的很好用作伴飯啦！白飯份量頗多，我們都沒有吃光，已經非常飽了。

工作中早餐，可揀食茶餐廳以外嘅選擇，街市新裝修，地方唔會雜亂，中央係攤檔，圍邊位置係食店或店舖，呢間粉麵麵幾多人食！裝修簡單，桌椅較迫，粉麵款式多！秘製牛三寶河（$36）牛腩、牛筋、牛肚，賣相平實，餸都幾多，牛筋粗碌，稔身彈牙，牛腩有筋膜，淋身好味，牛肚係金錢肚，雖然淋身極鹹，鹹到微苦，河粉滑身唔易斷！湯底濃香！加上蔥花芫茜香味，幾好熱檸茶（跟餐）茶底夠熱夠濃，不過微澀！同事食：牛腩河（$29）牛筋牛丸河（$29+$5雙拼）油菜菜心（$10）熱奶茶（跟餐）凍檸茶（跟餐加$2）店員好忙好爽手！極快上菜收碟！茶餐廳以外的早餐