八八八拉麵 (已結業)

有同事介紹呢度唔錯所以呢一日就一行人lunch 過黎試試12:45 分左右到左要等位~ 都幾多人~等左都成3個幾字先有位lunch 有 lunch set包 一碗小拉麵 + 一小碗curry飯+ coke 小拉麵 size 0岩女仔男仔可能會唔夠义燒切得厚左少少curry 飯夠香~ 唔錯!

由上年開始，我和男朋友已經去過這間拉麵無數咁多次。佢地有儲 stamp 的，儲夠 10 個送一碗拉麵。不過，略嫌佢寒酸左少少。係送就送任何一款拉麵喇 ! 佢限住只可以揀 $ 50 以下的 ( which is 得兩款可以揀 )anyways，去左咁多次，食來食去我都係獨愛「豬骨湯底拉麵」叉燒夠厚，大大件。d 拉麵直情係多得濟 ! 格硬迫自己食都唔可能食得晒 ! 建議各位唔好加牛油，因為加埋就太膩小食方面，魷魚筒同埋炸芝士係最好食的 !

上星期五晚嚟到要排隊等幾張枱先有位，不過一心想嚟試下，等下都要啦，好彩好快就有位 我地2個人安排坐4人枱(由2張2人枱拍埋)，諗住出面咁多人等，佢實會拉開張枱再入多2位啦，點知又冇喎，可能想客人坐得鬆動啲冇咁迫，幾細心呀~這裡的拉麵冇咩特別，但湯底很濃，而且有好幾款選擇，同出面好唔同，好多 !!!!!!!!!!!拉麵大大碗，叉燒又厚又多，一個人食一碗都已經好飽下....下次，要試埋佢嘅咖哩飯。

今日終於試左呢間拉麵店, 銅鑼灣咁多間拉麵店執左之後, 剩低真係無幾多間正宗得黎又好味啦, 雖然今日個魚味 and 肉味湯 咸左少少... 不過整體我都覺得有90分 下次我一定會再去試其他湯底

同事發掘到有間日本拉麵, 叫我去試o下, 一入到去, 左右耳都聽到人講日文, 坐低左後, 就發覺右邊、前面後面都係日本人, 第一次o係香港食野, 入到間店後覺得自己係外國人! 我o地揀左佢o既set lunch, 有一個小拉麵同迷你飯, 兩樣份量雖少, 但係加埋都夠晒飽! 面質彈口, 湯底亦好味, 感覺好正宗, 叉燒亦唔似其他店舖咁太肥, 而且厚切有肉味, 唔知係咪因為耳邊聽到好多日文, 覺得d食物有o係日本食o既水準, $48 一個set lunch, 貴過味x少少, 但係好味好多, 抵食!

2個人，食左個炸豬扒拉麵、同鹽味叉燒拉麵，同一碟魷魚筒。拉麵好食，但係如果有得揀，我會想食吉列豬扒多過炸豬扒。鹽味拉麵個湯底好好味，有好多塊叉燒，厚身又好食，魷魚筒就普普通通。依度冇得派飛，要排隊等，等三、四張枱都可能要幾個字。

我地去到都有頗多人等位, 叫咗麵鼓同豬骨湯底o既拉麵,炸雞, 雞軟骨同餃子餃子的皮都算係薄, okay好味, 無咩特別;炸雞就嫌過咗火, 好硬;雞軟骨唔好食, 完全無爐端燒的風味, 軟稔稔;兩種湯底都唔錯,但係d麵就唔好食, 麵唔靚;無得選擇又想食拉麵先會再去

坊間說此處拉麵好好食，昨晚我們三人慕名而去…噢！奇怪，原來是排隊式等候入坐，都OK啦，店內絕大部分是兩人坐位，但店員完全不識作彈性的分配入坐，總知埋單個張台如唔夾你排隊的人數就next，完全無同客人溝通，入坐後發覺又有一怪現象，全部所有服務員都很勤力做事，但千真萬確地沒有見過有一個‘稍為親切的笑容，個個都是苦瓜乾的面容，食物水準再好，但卻加送了一杯苦瓜汁，該滋味如呢？大家不妨嘗嘗。

我老公係Burger King，最鍾意食Burger!!我係佢\個BB，最鍾意跟住佢\四圍食!!!老公未食過，我2年前食過一次。以前感覺好日本，依家換哂d嬸嬸，一d活力都無。第一次食仲有北海道小樽o既postcard set送，今日無lu。唔記得佢\咩出名，老公就叫左個醬油叉燒拉麵，細食的我叫左小碗豚肉拉麵，另外我地加左溫泉蛋。湯：老公覺得佢\個醬油OK，我個豚肉湯都OK。麵：老公都覺得OK，我就覺得麻麻了，很即食麵自已煮的感覺。豚肉(叉燒)：我地都覺得麻麻，不夠新鮮的感覺，有d rough。溫泉蛋：去完日本愛上溫泉蛋的我覺得最好味就係呢樣，可能太耐無食過。老公想再食多一次的指數：3/5BB想再食多一次的指數：2.5/5下次試下粟米牛油麵~同lunchset食抵d, 3點前。

經常經過見到入口處貼了好多日本人的卡片，心想這裡的拉麵應該不錯，果然很好! 不過因為店子不大，約等了十多分鐘才有位。星期六中午，點了麵豉拉麵(送汽水)($45)拉麵是粗身的，湯底很讚lunch set(燒肉飯、迷你(麵豉)拉麵、汽水)($48)燒肉好香，迷你拉麵一點也不迷你，好full。拉麵有醬油、麵豉和豬骨選擇。飲品只有汽水，如果有更多選擇就好了!店主先生很友善，反而店員態度則不太好。環境okay。

午巿餐~好抵$48(另加一)一個餐,都算多選擇,仲要包汽水每次黎都例牌叫:-豬骨湯小拉麵-叉燒沙律飯團-cream soda叉燒沙律有三件,真係好抵,又好鬼好食沙律配日本叉燒原來咁正~hee~~豬骨湯拉麵~雖然話係小拉麵,但係呢個餐一定保證你飽,雖然係多左少少油,但係味道真係唔錯,又有一塊叉燒,湯更加好想飲晒佢~好好味~~我知道個老闆係日本人,佢d廣東話都好正~我成日都見到佢會入廚房幫手煮野食~親力親為,態度又唔差ge老闆,我最欣賞~~

好搞笑,個名叫八八八,仲以為係老虎機店!入去之前都期望佢有喺日本食到嗰種味道,喺香港唔係太多地方有,不過近期都有三,四間,八八八既麵,我試過都唔錯,但係唔知係唔係心理作用,都差少少唔同!我食既係醬油义燒拉麵,我唔識講,都唔知點解,同喺東京食既麵味道唔同,個湯好似少左d野,不過呢碗麵味道都算唔錯,义燒幾厚身,唔會得個肥字,好怕有d麵店俾三塊肥豬肉我!塊魚旦幾得意,仲係甜甜地,d字可能係佢地個店名,好卡通,哈哈!

老公同我都好鐘意呢間拉麵'我地都覺得好好味'雖然唔係好多款'但係佢D湯底真係唔錯'總比港式拉麵好=]午市最抵食'有飯又有麵'記住去試下*

剛吃過北角札幌拉麵，過不數天又來八八八，有比較是自然的。相較之下，這裡環境較舒適，但排隊等位很麻煩。拉面湯底也很濃，並比札幌多不同選擇。叫了面士味和豬骨味湯底的拉面。兩種都不錯，偏好豬骨味。價錢不貴，不用排隊，會來這裡；要等的話，在北角食算了。

八八八拉面我想入去食好耐..不過成日都要排長龍...有一晚決定6點半就去食晚飯.不過都要排一陣隊...坐低好耐都唔知食咩好.又係隨便點左個拉面..我唔記得左個名..不過都係不外乎叉燒.....我果個仲有加牛油粟米....拉面口感好好...一d都唔粉.又唔枧..個醬油湯底都goodgood....唔咸..夠味....d面夠熱.....都算幾多....個碗都幾大.....不過得3塊薄片叉燒又削左d~~~若果想show廚師既刀工..佢都算幾好~反而小食一般....燒雞軟骨冇燒過既痕跡...九成都係微波料理...有個炸薯皇既物體都goodgood呀......配埋野蠻奶奶指定既上等﹑優質既茄汁...簡直一流...環境都幾好...乾淨..開放式廚房望到入面...稍為焗d囉.....