兩草 (棉登徑)

營業中

休息中

今日去咗尖沙咀K11附近嘅棉登徑一間好受歡迎嘅港式茶餐廳兩草食返餐貼地餐點。餐廳以港式大牌檔元素作裝橫，坐位數量不少。我哋先叫咗兩杯樽仔奶茶 $25.00 同檸檬薏米水 $22.00飲住先。再試一試佢哋嘅滑蛋叉燒飯 $40.00，份量都幾大，滑蛋夠滑溜，叉燒亦幾好味，切細個嘅叉燒同滑蛋炒埋一齊好方便食用。叉燒撈麵 $40.00個撈麵好有咬口，個汁都幾夠香。再叫多個小籠包胡椒湯 $40.00，小籠包有四隻，裡都係會爆汁嗰隻包，湯頭就係用胡椒豬肚湯做，非常香濃。再嚟多個蛋炒豬腸粉 $27.00，夠晒香口，又軟綿綿，食唔停口。最後再叫碟秘製豉油菜心 $18.00。

人氣『兩草』在尖沙咀開了分店啦，CP值超高，今次幾個人一齊去食可以貪心試多幾款，仲有好多招牌菜式下次再食😍✿ 必試尖沙咀店獨家的【豉油麻辣叉燒豬油撈麵】，唔太辣但又好惹味！✿ 【滑蛋叉燒飯】女生們表示最喜歡叉燒切細，更容易入口！✿ 【香煎脆片蛋肉餅飯】蛋黃+豉油撈飯簡直絕配，肉餅亦大份抵食！✿ 【蛋炒豬腸粉】必沾辣椒醬，絕對食唔停口！✿ 【小籠包胡椒湯】意外地呢兩種配搭幾夾！餡料新鮮，外皮不厚，浸在胡椒湯內一段時間都沒化開～✿ 【招牌炸雞翼】好邪惡，味道帶點鹹香，一定要趁熱食！✿ 【咖央多士】推薦俾喜歡多醬人士！全人手薄切麵包，再加夾心層的咖央+牛油，可以食到啖啖醬！✿ 仲有大大瓶飲品都是新鮮自家製！⋯⋯⋯⋯ 𝕞𝕪 𝕠𝕣𝕕𝕖𝕣 ⋯⋯⋯⋯𖤣 豉油麻辣叉燒豬油撈麵（尖沙咀店獨家）𖤣 滑蛋叉燒飯（$40）𖤣 香煎脆片蛋肉餅飯（$42）𖤣 蛋炒豬腸粉（$27）𖤣 小籠包胡椒湯（$40）𖤣 招牌炸雞翼（$27）𖤣 咖央多士（$25）𖤣 羅漢果水（$22）𖤣 檸檬薏米水 （$22）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾ Like +分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯

K11 附近嘅小店，燶邊蛋煎肉餅飯，肉餅唔乾肥瘦參半，有啲𡁻頭，有肉香味似屋企媽媽整嘅，蛋燶邊得嚟唔會油冧冧，加埋醬油一流。上次幫趁食豬油渣撈飯，好味不健康之選，啱哂胃口，就算小寫食評都要讚，宜家有心嘅餐廳買少見少，盡量幫趁吓。 見餐牌有肉骨茶，蛋煎腸粉，招牌炸雞翼，下次有機會再試吓先。我見佢餐牌啲價錢喺尖沙咀嚟講真係好平民化，唔似大茶餐咁貴，希望佢做得住。唯一要留意佢嘅飯量應該係適合食量較少嘅人，大食請加飯。

放工後同先生、大胃王好友們一行四人到棉登徑新開張嘅兩草食晚飯。好彩我地早少少入去，坐低冇耐餐廳外已經開始出現人龍。😆✌️.試左幾款主食同小食都非常有誠意！😊👍🏻個人特別推介以下幾款：餐肉脆邊蛋豬油飯 $37呢碗飯睇落個碗唔係好大，但其實好足料，有三大塊餐肉，煎得好香脆。隻脆邊蛋條邊真係好脆，蛋黃亦好大粒，非常流心！👍🏻小籠包胡椒湯 $40胡椒湯味道濃郁，有好香胡椒味，但又唔會過份地辣。小籠包充滿肉汁，一啖塞落口係個口度爆D肉汁出黎真係大滿足！😍蛋炒豬腸粉 $27想試呢個好耐，簡單嘅材料，但D蛋吸收曬D醬油味道，鹹鹹甜甜咁，好喜歡👍🏻腸粉亦都入曬味，好順滑～！招牌炸雞翼 $27炸雞翼真係不得了，好大隻，勁厚肉，個皮真係好香脆，一啖咬落去，非常juicy！時間真係要掌握得好精準先可以做到咁嘅效果，讚！👍🏻😍咖央多士 $25咖央多士嘅咖央醬同牛油比例剛剛好，咬落去中間D餡流少少出黎好幸福，為晚餐畫上圓滿句號。😊檸檬薏米水 $22先生好喜歡佢地自家製嘅檸檬薏米水😆好大樽但未影得切已經俾先生飲左一大半🤣就係檸檬同薏米嘅味道，酸酸地加少少甜，清新健康之選，仲可以美白，係女士們嘅恩物～😊.好友大推自家

尖沙咀發現新開的馬來西亞式，平民版小店 。雖然店面細細坐滿人，我們二人等一會便可以入座 。3份小吃和兩瓶飲品 ，落單不久便送上嚟😁炒蛋豬腸粉：本身豬腸粉加蛋，已經炒得好香，加埋辣椒油更惹味 。小籠包胡椒湯：小籠包好足料，胡椒湯微辣易入口，湯底明顯夠濃 。咖央多士：因為打卡凍咗，但薄薄地仲好脆口 。小吃份量不大，下午茶剛剛好 ，親民價來講質素係幾好 。下次會揀平日晚上來，想試吓佢哋嘅招牌脆邊蛋飯😋

好味喎，最鍾意佢個肉餅蛋飯，個蛋仲要煎到脆邊，好好食。仲有個焗雞翼都好香口，我同朋友都好鍾意。試咗佢個百香果茶，有茶香得嚟唔會太甜，適合香港人口味。雖然店舖不大，但坐得幾舒服，服務人員都好friendly,。小店環境舒服，同朋友傾偈一流。會encore。

同個仔去完科學館之後，路經棉登徑發現一間新開嘅餐廳，裝修特別環境企理，就決定入去試一試。叫咗一碗飯、麵、雞翼同咖央多士，好味、份量適中同埋價錢合理。連我平時食好少嘢既囝都話好好味，清晒所有食物。