兩姊妹涼皮有限公司 (黑布街)

營業中

休息中

▪️招牌兩姊妹涼皮 $33▪️清爽生酮蒟蒻爽皮 $42▫️秋葵 $10▫️木耳 $10▪️青瓜木耳椒麻雞 $30夏天食品，通常都係凍冰冰，涼浸浸先可以解暑，就好似涼皮咁，係冷卻左嘅麵條再加醬料同配料，這款涼皮具有獨特的口感，有一定的厚度，口感柔韌，略帶彈性，外觀半透明。招牌涼皮配料豐富且精心挑選，有足料的芫荽，花生碎，豌豆，青瓜絲等等。另外還有自家製的辣油，小辣的話辣度相當於譚仔10小辣程度。對於喜歡辣的人來說，可以考慮試下中辣或大辣。涼皮又可以額外添加一些配菜，但加入一份秋葵作為蔬菜確實是一個不錯的選擇。餐廳仲有一個好貼心嘅選擇，就係蒟蒻粉，完全啱晒減肥，避免碳水嘅朋友，同樣地感受到凍冰冰嘅感覺，又唔怕有罪惡感😗

真的超級難食，他的涼皮厚今次啫喱，我不知道為什麼這麼多人來吃，如果大家想吃好吃的涼皮的話還是去四川風味那一間我嗌了青瓜絲做配料，因為今天他沒有雞絲，不過他的青瓜絲還是十分難吃我最後只能吃光青瓜絲，因為他的涼皮真的太難吃了成間舖頭有浸廁所味而且他的杞子菊花的嘢飲，我的朋友說有花旗參的味，他說很難飲

旺角有很多間涼皮店都吃過，然後相對起嚟兩姊妹涼皮的雞絲非常細。沒有很多外賣亦沒有很大碗，但一個女孩子吃的話是份量足夠的。唯一問題是外賣兜是紙製品。 涼皮裏頭不算太乾，有很多水浸住會容易爛掉

‼️ 有機會係全港最好食涼皮‼️·① ［ 招 牌 兩 姊 妹 涼 皮 // 極 品 擔 擔 拌 麵 ]| 「 招 牌 兩 姊 妹 涼 皮 」 𝐢𝐬 𝐚𝐥𝐰𝐚𝐲𝐬 𝐦𝐲 𝐦𝐮𝐬𝐭-𝐞𝐚𝐭 𝐡𝐞𝐫𝐞 ʅ(°‎▾｡)ʃ佢個汁真係好爽，每次都會飲哂佢！涼皮食落都好爽身ヽ(‘ ∇‘ )ノ「 極 品 擔 擔 拌 麵 」同平時食嘅有啲唔同， 花生味冇咁重，不過都好食的！｜𓋪8.5/10•② ［ 紅 油 小 雲 吞 ］ ｜有12粒！餡滿滿的，唔會太辣。整體正正常常。｜𓋪7/10· ③ ［ 黑 糖 五 彩 冰 粉 ］ ｜係超需要的飯後甜品份量都多不過略嫌加咗黑糖會有啲太甜｜𓋪7.5/10•兩姊妹涼皮有限公司 (黑布街) (旺角)旺角黑布街99號地舖

其中一個配料係爆多芫荽，芫荽得幾條都叫爆多，仲要加$7，好離譜，自己去街市買一大把都唔使$7，仲好意思話自己係爆多芫荽仲收人$7，食過咁多次，今次係最離譜，仲要而家好多之前有嘅餸都冇，肉類嘅選項極少，嗌咗個咩？雪花雞肉就好似人哋唔要嘅雞肉整碎咗咁食都食唔出係雞肉，好失望，好似越做越衰，一打開幾條芫荽真係太震撼，希望會有改善，而家選擇少咗咁多真係唔會再食，明明係一間好好好女嘅舖頭搞成咁，味道都已經有少少改變

以前係太子已經有幫襯，自從轉左旺角有堂食就方便好多啦，仲拎埋米芝蓮，不過都唔使點排隊，堂食全部位都係要面壁，I 人就啱晒，地方燒猛，不過就有啲迫啦，同無位擺袋，拎大袋人士注意🫡✨招牌兩姊妹涼皮+雞肉＋菊花杞子茶 （HK$33+ $10+ $14)平時米線鋪食10小辣嘅我會叫小辣，涼浸浸涼皮+秘製辣汁好開胃😋，加埋青瓜豌豆口感豐富呀，雞肉就算大舊，不過無咩特別🌼菊花杞子茶濃淡正常，無加糖，感覺幾養生

聽左甘耐兩姊妹涼皮有限公司仲要開咗分店都未去過 今次第一次食,依間有得堂食😋 第一次當然試下招牌兩姊妹涼皮有得揀要辣度🌶️我揀咗BB辣同加雪花雞絲❄️ 涼皮闊身晶瑩通透有少少厚度 煙韌爽滑,口感冰涼,真係好啱夏天食 另外仲有叫個麻辣涼拌粒粒雞髀菇🍄雞髀菇又名杏鮑菇果然係粒粒,Size好似冰粒咁🧊依個配搭好有驚喜,食落去好有口感又爽又惹味一咬落去又吱返啲麻辣汁😋😋兩樣都咁好食,難怪越嚟越多分店👍🏻👍🏻

一直都好鐘意食麻辣，但係夏天又唔係好想食湯麵，見到呢間涼皮有米芝蓮推介，咁啱要去旺角整指甲，就嚟呢度食個快餐平日夜晚，客人唔算好多，唔洗等位，第一次黎食 當然要試下涼皮，所以叫左兩姊妹涼皮，椒麻雞同薄荷汁兩姊妹涼皮，每條涼皮都幾厚，少少煙靭，最重要係凍冰冰，食落去透心涼，呢個係最驚喜，個汁有少少酸辣，食落都幾開胃，炸腕豆好脆，難怪咁受歡迎👍椒麻雞，起晒骨，啖啖肉，我叫咗小辣，又唔會話好辣，幾好食薄荷汁，加咗青瓜汁喺入邊，好適合夏天飲，好清涼呢間餐廳，價錢唔貴，值得再去🥳

熱辣辣嘅天氣食涼皮係無得輸嘅好鍾意食完個嘴麻麻地唔食得辣嘅可以choose bb level搬咗新鋪地點方便 最緊要有堂食如果可以出加手撕雞涼皮會更開心一個人食好難咩都order曬🥲

平時有食開兩姊妹涼皮，之前柏樹街質素好好，選擇又多。今日滿心歡喜買外賣返屋企食，少咗好多選擇揀之餘，食物質素也差了。叫咗涼皮，加一份豌豆，好可惜豌豆味道益了🥹影響晒成碗涼皮嘅味道，希望貴公司可以檢視一下食品質素，太失望了。

還記得第一次吃兩姊妹的涼皮, 是在街邊吃, 因為本店沒有堂食的設定, 就是真的有街頭小食的風味. 在逆市中能開到四五間分店, 除了是實力的表現, 以及米芝蓮的加持外, 也是一個很冒險的舉動, 畢竟最近聽到從事飲食業的朋友, 資金鏈斷裂的情況也相當嚴重. 要在這比預期對飲食業更為惡劣的環境堅持下去, 真的不易, 希望繼續努力. 說到食物水準, 依然相當不錯, 特別是涼皮的煙靭以及醬料的麻和辣度平衡, 最重要是不用擔心吃完之後會有什麼腸胃問題, 雖然北上吃麻辣很過癮, 但對於食物特別是麻辣醬料及湯底的處理, 有時真的不敢恭維. 這裏的蒜泥白肉也很吸引, 特別是蒜蓉的手工和自然辛香, 配以肥瘦均勻的腩肉, 絕對不比川菜餐廳失禮.

兩姊妹涼皮有限公司 (旺角)Happy Friday 想跟朋友聚聚就叫朋友推介食店然後朋友推介了得到米芝蓮推介的兩姊妹涼皮有限公司我們去了上年年尾開的旺角店晚上7:30左右去到意外地不用排隊可以直接入食店食店為先點餐後入座形式付款方式只接受現金及八達通建議先選好菜式才進食店菜式可以選擇辣度：走辣/BB辣/微辣/小辣/中辣/香香大辣 +$2我們不太食到辣所以下面三款都選了BB辣但食落BB辣是名符其實的BB級數下次可以選擇微辣/小辣招牌兩姊妹涼皮 $33-裡面有秘製辣椒醋、青瓜絲、芫荽、豌豆、花生粉 非常足料 招牌涼皮厚度適中，又爽又滑 而且涼涼地，非常適合悶熱的天氣時食用 青瓜木耳口水雞 （跟皮/麵 +$30）-口水雞肉質嫩滑 木耳亦都爽脆 撒上芝麻就更香口紅油小雲吞12粒 $40-小雲吞細細粒易於入口 配上BB辣級紅油 仲配上生菜無糖赤小豆薏仁去濕茶 （加購 +$14 單價 $20）-無糖去濕又可以排毒！必飲！兩姊妹涼皮有限公司 (旺角)旺角黑布街99號地舖

兩個Combo：招牌兩姊妹涼皮 + 暖笠笠涼皮，配口水雞同埋椒麻雞，人均都係$6x🤩本身諗住涼皮如果熱上會無咁好食，點知一冷一熱各有滋味，都好鬼好食，好鍾意Q彈嘅口感。本身碗涼皮已經有青瓜絲、芫茜、花生等配菜㗎啦，唔洗加配料都得。而口水雞同椒麻雞兩個小菜我覺得比涼皮更出色，好夾！注意呢間嘅BB辣比譚仔十小辣弱，鍾意食辣嘅朋友可以試下大膽叫得更辣。我覺得會好似譚仔咁不斷encore呢間，good good good

Happy Friday約左食之戰友人去食飯，天氣咁熱又想平平地，即想起兩姊妹涼皮有限公司，榮獲米芝蓮必比登推介，趁今次可一試。晚上7:40到去到，唔太多人，新店裝潢簡約明亮，一目了然，牆上掛有介紹店子的報導，先點餐後就座。餐牌，第一次幫襯必試下招牌貨，有得揀要辣度，要左BB辣。招牌兩姊妹涼皮，$33，四川風味涼皮，配料有大量芫荽、青瓜絲、豌豆和花生碎等，再配上秘製辣椒醋，闊身的晶瑩通透的涼皮，有少許厚度，口感煙韌爽滑，因為要了BB辣食落唔係好辣，味道酸甜鹹香，清爽之感好開胃，好適合炎炎夏日食，如果揀再辣少許應該會更正呢。紅油小雲吞12顆，$40，又係要要了BB辣，細細粒易入口，皮薄內餡鮮味多汁，味道麻辣酸甜，有菜伴食，味道不俗。青瓜木耳口水雞，$30，都係要了BB辣，雞肉嫩滑，少許麻辣，辣中帶香，幾好味，木耳爽脆，青瓜清甜。無糖赤小豆薏仁去濕茶，加購$14，呢期好需要濕~~好清涼呢。美味的涼拌，環境自在，價格合理，下次有機再戰。

上年暑假番香港已經想去朝聖，一唸起要排隊，仲要身水身汗企響街邊食，難度滿分啦😝 今次番去見佢搬咗去旺角新舖有堂食，終於可以坐低慢慢嘆👍 粉皮QQ嫩滑，秘制辣醋bb級都幾麻辣，配料有青瓜絲、芫荽、豌豆同花生碎，一個人食曬都幾飽架💯  平日一早去等開門就唔洗排隊啦✌️Bib Gourmand Award Twins Liangpi has elevated the Sichuan street food cold-style skin noodles to a whole new level. Authentic ingredients and flavours, the best liangpi you can get in Hong Kong! Go early to avoid standing and waiting in the heat.