全記點心專門店 (已結業)

全記"全"部吾及格星期日早上搵早餐，以前去過全記食午餐都OK。8點半去到，見到門口有34蚊兩個點心套餐，OK啦！入去一問，原來星期六同星期日系無咖，但poster 無寫喔，中招，難怪得兩台客啦。睇下點心紙，樣樣都差不多超過25，仲貴過好多酒樓同點心店，另外茶位每個6蚊，但只系一個無乜味的陸羽茶包，吾得咯。入左局，勉強叫左3樣野，但樣樣都吾太熱，奇怪啊！柴魚花生豬骨粥(HKD20)～以為老餅店會真系有豬骨，只是比排骨，最大問題系只有兩小塊排骨，仲有睇吾到又食吾出有柴魚，唯一系個粥底系好棉，炸雲吞(HKD21)~雖然吾熱，但皮好薄號脆，蝦餡有蝦餃同蝦，味道同咬口都超越平均水平叉燒腸(HKD24)~賣相系有D似而家其他點心店，一條長長的，但腸粉皮真系好好好。。。厚，只是想食飽系無問題，但吾滑，叉燒無味，最攞你命系鼓油裡面的油系用好似有"益"味的燒味油或者系油鴨油，好吾掂啊！

尋日(2-12-2018 Sun)朝同老公去荃灣買o野拜亞媽,買完衣包就o係o度買外賣點心,等俾錢買都得o左1分鐘,o個時得一個客俾錢,收銀o個個超慢.終於到我,我要排骨飯同牛肉球,俾個自備膠盒佢,咁就唔使多收$1.00,佢俾o左張單我,睇睇, 排骨飯要$26.00,牛肉球要$19.00.咁我o地o係o度等啦.拜完媽媽後,o係o個o度食呢兩樣o野先,兩樣o野都正常鬆軟,牛肉球好似冇乜牛肉味.我估唔到連餐具都冇俾,一套都好吖,好彩媽媽o既永久居所職員有未用過o既外賣筷子.服務:麻麻至差,我等俾錢時,最肥o個個亞姐好似要執枱定點,粒聲唔出一手推開我..然後我等得太耐, 我就去買花,買埋花返o黎都重未有,成20分鐘啦,唔係真係即叫即蒸咁巴閉呀?老公問問最瘦o個個亞姐,佢答出o左喇,唔得閒包咋.唔得閒包?你當外賣客死o架?堂食客就快,佢o地坐住等,我o地企,唔攰o架?之後我見佢入我個盒但未拎出o黎,我就走入去睇,係未得o既,欠牛肉球,咁我返出去門口先.老公就等,我就去譽泰買燒味,然後同老公o係車站集合.會合返佢,佢話問亞姐攞膠袋,亞姐話要收錢個喎.我老公(拎住好多o野)話我有袋,但我要擺低晒啲

自問口味偏洋化和清淡，就算是中菜粵菜，通常都是吃米線麵類，偶然才去茶樓飲茶。臨近十一月底終於秋風起，吃點暖身的東西最好不過，便到全記儘管一試它的招牌蒸飯。店內環境尚算企理，大概能容納三十人，中午時分也不需要排隊等候。午市套餐（$ 44）包括了蒸飯或粥、油菜一碟（菜心或生菜）、點心一盎、和餐湯或豆漿，估計份量非常多。這次我選了土魷肉餅飯，配瑤柱菜苗餃、菜心和冷豆漿。肉餅加了豉油，鹹甜香口，不太油膩；其厚薄適中，質地有少許彈性之餘帶點爽口，很適合佐飯吃。米飯粒粒分明，但未能平均受熱，即使碗底較淺，貼邊的飯粒也蒸乾了。作為點心專門店，飯的部分沒佔太多。菜苗餃飽滿結實，每隻大小至少有半個拳頭，黏韌的水晶皮承載著完整一顆的鮮甜蝦仁和青嫩的菜苗，唯未見當中的瑤柱絲。假若餃皮能再薄多一點則更好。油菜清甜嫩滑，不會炒得過火，正常味道，略嫌太油。一般港式餐廳以這價錢只可以點一客碟頭飯或米線，今次就能吃多點餸菜，相對上較豐富。事後看了其他食評推介此店的黑松露點心系列，下次有機會可以再試。

喺荃灣行完街搵野食，行左好耐先搵到間有粥食嘅。一入到去就問我地飲咩茶，以為係茶壺果啲，點知黎到原來係茶包都ok 嘅，我地唔係對飲茶好有要求。黑松露野菌餃。由於我好鍾意食菇，所以呢個餃我好喜歡，好香黑松露同菇味個皮唔算厚，似係啲水晶皮。銀杏瑤柱粥好多銀杏，好少瑤柱🤣但好食嘅，啲銀行味好出，又有腐竹，口感豐富。鳳爪排骨飯就正正常常喇，無咩特別。

星期日早上，原先打算去茶餐廳食個早餐，路過兆和街，愛人話依間點心聽講幾好食，我一聽到” 聽講”依兩個字，就覺得要自己證實一下行入去兩旁好多卡位，個人喜歡茶餐廳其中一個原因就是有卡位坐，所以一入到嚟就選了個卡位坐看到牆上貼著的套餐組合真係好抵，但由於今日星期日，沒有此優惠，所以下次要再嚟試優惠套餐個人很少去食這些點心專門店，因為我比較喜歡到傳統酒樓度，斟茶、食點心，慢慢嘆，這裡只有膠茶杯加一包陸羽茶包，愛人話，與其飲一些劣質茶葉，倒不如飲一包正統茶包，較為放心。蝦餃、蝦腸都好食，但那潮州粉果就真係麻麻,鬆散得嚟，仲有粒花生好林唔好食至於干蒸牛肉燒賣，咸咗少少最後加了馬拉糕，愛人大愛，差不多成個食晒最後成為$120, 如果好似我哋咁，只想過點心癮，但又冇時間斟茶嘆點心嘅話，值得一試。

昨晚睇英超 (沙拿又發神威)，所以瞓晏咗，起身又想去飲茶食點心，但又怕要等位等餐死，卒之去咗兆和街的點心專門店醫肚。閒日嚟會抵食好多，午市套餐只係44蚊，星期日就無呢支歌唱。店內裝修無咩特別，至特別都係吊咗啲蒸籠喺頭頂咁啦，啲位都闊落 (相對於添好運)。三蚊一個茶位，都算經濟，我哋揀咗鐵觀音，一杯一個陸羽茶包。點心點咗4款，計落就係每人一杯兩件喇。先來叉燒腸。皮就厚咗啲，勝在叉燒都多，廿三蚊一碟，酒樓食唔到啦。馬拉糕好有蛋香，而且好鬆軟，幾好食。鮮竹卷係眾點心之中我至愛，腐竹包住豬肉，呢個配搭係好妙。呢度的鮮竹卷味道都OK。最後食菜苗餃，粉皮夠煙韌，蝦肉亦新鮮。本來想再加多碟牛肉球和鴛鴦燒賣，不過見外面排晒隊，店員又好似好想我哋走，卒之放棄呢個念頭，埋單走人。

最近經過荃灣兆和街沒想到這裡有夜茶可以喝，我和朋友一行二人進去也覺得這裡的裝修也蠻有特色的，有蒸籠掛在天花，裝修也像舊一點的香港餐廳一樣。我們點了蝦餃皇、鮮蝦燒賣皇、潮州蒸粉果、珍寶蝦春卷、金珠咸水角、老火例湯。分享一下幾道點心的味道吧！先來的是老火湯，這裡的老火湯不是太咸沒有很重味精味。還可以吃一口蝦餃，蝦餃的皮算是偏厚的，但蝦肉也算正常的口感之後是潮州蒸粉果，粉果的皮有咬口，但是料不是太好吃！最後介紹的是珍寶蝦春卷，這裡的珍寶蝦春卷是即炸的，口感酥脆，但美中不足的是蝦肉有點不新鮮。這間算是正常水平吧！

我地繼續荃灣狂食之旅，今次有同事朋友介紹話呢間幾好味，於是今次一行四人去食，睇到張點餐紙，見到有套餐（一個飯或粥+一個點心+油菜+豆漿）都只係$44，我地幾個都覺得好抵呀😱，當然我地飯就自己叫，點心就一齊開心share，我地再叫多4個點心，總共8個點心。我叫的鱆魚肉餅飯，飯的份量雖然唔係好多，但已經夠我咁大食的肥仔，而且味道唔錯，我地叫到成枱都係，各個點心都新鮮熱辣，一行四個男士都食到勁飽，有機會我一定再黎食下🤣。最重要要係一d都唔貴。

大約下午三點但又想飲茶，便試吓荃灣全記點心專門店，少少懷舊feel嘅裝修環境下食有一番風味。雖然點心款式唔係超級多款，但大多數嘅點心都有。 必要試嘅係傳統鳳爪排骨蒸飯，份量適中，好味👍蝦餃皮薄餡靚隻蝦都大大地 ，燒賣都有質素，兩款都好食👍傳統醬料蒸鳳爪，夠晒入味👍另試咗炸雲吞 & 香煎蘿蔔糕 都滿意的，整體都好過某d酒樓，但飲茶係中式茶包，但味道都ok.唯一差嘅係d亞姐嘅服務態度，無咩禮貌，若果改善一吓就好了😂後來掛住食嘢都無影相了，原來平日有特價時段好抵食，$3X可選兩款點心的。

其實呢間點味道不錯，可惜早上服務奇差，晚上的，雖然是較年輕，但服務水準較好。早上啲阿姐唔係發夢，就唔休做，事綠今天母親節，中午時間較多人，店內阿姐叫客人在外排隊，但卻沒有派飛，指示意排隊位，個個客人也入內問一次有冇位，有些就在外排隊，由於他們沒有管理好排隊位置，有兩堆客人就各執一詞話自己排先，到最後有位阿姐卻說「我唔理你地」，他們是但等位坐，那時還有其他食客在外排隊想說的，食物質素不錯，裝修環境一流，為何食客要受氣

今晚突然之間好想去飲夜茶😝😝食蝦餃點心蒸飯🙆‍♀️🙆‍♀️😍嘻嘻 就捉咗男朋友嚟陪我食😝 呢間全記好犀利喎 係OpenRice搵到收凌晨兩點鐘😲 究竟係咪真係有咁多人鍾意飲夜茶架呢😲 不過唔理囉我哋又唔會食到兩點咁夜🤣🤣我哋兩個人叫咗五樣嘢！睇吓先！蝦餃入邊嘅蝦係幾好食嘅 幾大粒！！又爽口🙆‍♂️不過個皮呢就厚咗啲🙅‍♂️🙅‍♀️而筍味好似冇乜 所以我覺得普通麻麻哋🙅‍♀️ 黑松露野菌餃就千祈千祈千祈唔好叫🙅‍♀️🙅‍♀️🙅‍♀️🙅‍♀️🙅‍♀️個皮一樣啦 都係好厚 而入邊嘅野菌係冇味架 一啲黑松露味道都無🤦‍♀️🤦🏻‍♂️我食咗一隻就無食啦🙇‍♀️男朋友喊住咁望住我😀🤦🏻‍♂️🤦🏻‍♂️🤦🏻‍♂️ 個金錢肚同土尤肉餅飯我就覺得幾好啦☺️金錢肚嘅黑椒味好濃好惹味 亦都炆得好淋 正！☺️土尤肉餅飯都OK嘅 不過土尤嘅分量唔算好多 唔係好平均 一啖有一啖冇 但係加啲甜豉油撈埋一齊食我都幾鍾意食嘅🙆‍♀️我哋仲叫咗個流沙奶黃煎堆仔 好熱架一炸起嗰陣！男朋友就唔小心啦🤷‍♂️ 個煎堆仔流沙味重過奶黃味 我覺得平衡番啲會好味啲囉 因為而家流沙又唔夠甘香 奶黃味又唔出 所以好似唔係好夾咁🙇‍♀️不過男朋友又鍾意食喎🙆‍♂️下次再想飲夜茶都可以

今天去吃，叫了叉燒腸又不熱又乾，瑤柱菜苗餃無瑤柱絲皮好厚的味又不新鮮，湯完全無味好似飲水咁，茶包又完全無茶味，只是蒸飯勉強ok,侍應的態度又差，面黑黑的，真是中伏了，絕無下次，真是末吃過咁難吃的點心👎🏻👎🏻和態度咁差😡

今日同屋企人飲茶， 去酒樓去到悶悶地，就揾左間點心專門店試下， 呢間點心店裝修幾特別， 有卡位都幾好坐，仲有蒸籠吊在天花板， 裝修好有心思。鳳眼餃大大粒， 表面有黑松露同蟹子好香， 裡面好多蝦， 爽口又彈牙， 大讚！蝦餃粉果雙拼都唔錯， 可以每款食少少，蝦餃皮薄餡靚， 粉果我無試，老公話好食。蒸飯較細份但蒸飯粒粒分明， 鳳爪排骨都好食。皮蛋瘦肉粥又係較細份但粥底幾棉幾好食。奶黃包無咩蛋黃味， 包肉有點黏牙， 整體一般。奶黃煎堆細細粒， 外皮舖滿芝麻非常香脆， 裡面奶黃餡有黃黃香， 比奶黃包好食好多！叉燒腸都唔錯， 皮都幾滑。

一早起身，一個人諗住去茶餐廳食啲嘢，跟住⋯⋯後尾經過呢一間點心店，因為一個人嘅關係，很快便可以入座。因為即叫即蒸，所以等候點心蒸煮時間久了，起碼等左25分鐘，不過今日食咗呢個盅飯和棉花雞的確唔錯，好好味如果係1-2 個人來吃也不錯，不過差點的是茶水未夠好..只是普通茶包！

今日晏晝見呢間點心店都唔係好貴所以就入去試左午餐$42就有一個煲仔飯 油菜 一款點心 同茶或者豆漿已經包埋茶位架啦如果唔叫餐既話就要比$3茶錢架今次就叫左鹹魚肉餅飯正常既煲仔飯味肉餅較硬身但味道尚可鳳爪排骨飯都幾香豉椒味但我覺得個飯蒸得較乾身油茶有菜心同生菜揀個人比較鍾意食菜心另外點心竟然有鵪𪂹蛋燒賣食毫不猶豫就叫左味道都ok個蛋有爆汁但稍嫌較細粒唔夠喉生煎包麻麻地太油膩唔推薦茶方面就叫左鐵觀音係普通茶包黎要求唔高普通飲餐茶都算正正常常