全記點心專門店 (已結業)

今日同家人第一次去全記食點心，款式雖然唔多，勝在即叫即蒸， 黃沙豬潤腸粉好滑，黑金奶皇包和流沙奶皇煎堆仔，奶皇味道唔太甜，煎堆仔好脆。蝦餃皇皮薄蝦肉都算新鮮，柴魚花生豬骨粥味道唔錯，重點係唔覺有味精，難得難得，值得再去。

終於可以閒日去食全記點心第一次食午餐點心套餐$49，都算好平。可以選蒸飯或粥品 + 一款點心 + 油菜 +豆漿/茶當然揀選最香傳統鳳爪蒸排骨飯😋，入味飯嘅軟硬適中，我覺得好食過酒樓的👍炸雲吞都唔錯，但略覺油味重咗少少。而油菜&豆漿都ok。皮薄餡靚嘅潮州粉果一定要讚吓，起碼味道唔會太咸👍但香煎蘿蔔糕就麻麻地，無咩餡料又無咩蘿蔔香味。鍾意傳統點心嘅你可以試吓！可能市道太差，平曰下午茶仲抵，全部$12一款。希望下次再試.但服務員嘅態度就差d, 成日黑口黑面，應該要改善一下。

她, 外表漂亮, 心地善良, 充滿正義感. 這段日子, 她少搭了港鐵, 多了光顧良心食肆, 同時也叮囑苦榮要多這樣做. 全記點心是我們在荃灣區的選擇之一, 近月好似換了點心師父. 蝦餃形狀靚, 餡料足, 味道略淡, 佐辣椒油可作彌補. 燒賣漲卜卜, 鳳爪夠入味, 俾上次有進步. 腸粉一條過, 長過我條命, 可是油條有欠鬆脆. 茶錢三元, 茶包鐵觀音/普洱, 勝在水夠滾. 跟她一起吃良心小店, 更勝鮑參翅肚.

朋友說這間點心店好像不錯喎，就食一次試一試個味道。午餐時段有個套餐好抵食，只需$49，可以選一個飯食或者一個粥品，再配上蒸或炸的點心一款，再有 油菜或例湯 又有一個飲品熱茶或豆漿，總之好豐富。叫咗鳳爪排骨飯和蛋煎牛肉飯，兩個飯都唔錯，鳳爪入味 排骨也算嫩滑，煎蛋牛肉飯加上豉油，你好似將牛肉球和米飯一起送到嘴中，都幾好味。蒸粉果和生煎包 兩者個皮都比較削，蒸粉果夾起時皮就爛了，但味道都不錯。

今天在荃灣閑逛，近6點就去兆和街全記食點心。時間尚早，但接近滿員。我們點了棉花雞，金錢肚味濃不太辣，牛肉球有咬口，叉燒腸足料。鳳爪排骨飯，煎蛋牛肉飯，飯不會軟綿綿，只是排骨少了些。但牛肉蛋飯非常好吃。還有陸羽茶包泡的茶。

看完早場肚子餓了，急不及待要吃東西。行過兆和街見到有一間點心店，見到他們有個孖寶點心餐，價錢吸引選擇頗多，於是入去試一試。這兒裝修有特色，天花上掛着蒸籠，地方乾淨衛生，又可以從大玻璃中見到點心師父正在忙於工作。蒸籠被蒸氣環繞着，食客正期待他的點心出籠。我們叫了鴛鴦燒賣，即是兩件燒賣及兩球牛肉，很好的配搭，燒賣中的肉粒有咬口，好味。牛肉球頗鮮嫩、有肉汁。另一個點心是叉燒包，包皮質地鬆軟，雖然餡料不是太多，但也非常好味。土魷肉餅飯 和 北菇雞飯 都可以，飯是明亮的一粒粒，肉餅薄薄的，加上特製豉油，不會太鹹，而且肉餅不會有太多脂肪，所以是比較健康的。北菇雞飯 雞件也嫩，整體也不錯。

最近要搞camp比較忙 搞到好夜🤦🏻‍♀️朋友話荃灣有夜茶可以喝 所以同朋友決定食清清地去試吓 同朋友凌晨12點去到發現竟然坐滿七八成🙂😄呢度夜晚九點半之後會有優惠 $34就可以食到兩個中式點心或者飯🙂我們叫左鴛鴦燒賣 好旺鮮竹卷 牛柏葉 叉燒腸同兩個飯😄食物都算五錯😄而且可以同朋友夜麻麻先來飲茶都係一件幾特別嘅事 🙂

晚上9點半左右，在荃灣找東西吃， 經過見有夜茶飲喎👉全記點心專門店，試試！店內乾淨企理菜單上， 黑色字為單點， 紅色字為孖寶點心。今次選了三款孖寶點心鴛鴦燒賣蠔皇叉燒包蜜汁叉燒腸香茜牛肉腸柴魚花生豬骨粥2碗平時去酒樓點燒賣，普遍是一籠4粒，但這間店一籠鴛鴦燒賣，就有燒賣2粒及2粒乾蒸牛肉燒賣， 可試到兩款點心。  蠔皇叉燒包叉燒味道好， 外層鬆鬆軟軟！蜜汁叉燒腸腸粉外皮又薄又滑， 夠熱度。香茜牛肉腸腸粉外面軟，內層是彈牙的牛肉、爽口馬蹄、 香味的芫茜， 好食。柴魚花生豬骨豬骨、花生料多，不錯， 可惜粥底太鹹。加西生菜一碟選了鐵觀音$3一茶位， 無加一， 很抵吃， 想喝夜茶可以到這裏試試！

收工11:30 同班friend去食點心😃佢地宵夜時段既點心真係好抵食所以我間唔中都會去一次環境唔會好舊好衛生但d侍應招呼就麻麻地好多時都要主動嗌佢地 佢地先會理您野食ok 不過不失宵夜黎講就真係抵食！

已經給了很多次機會，試過漏單、又不好禮貌。有一次去，入去鋪頭，已經沒有人招呼，剛好有位，正想入坐，又以不禮貌話别人在等。無論是別人已到先，也可以禮貎和客人話明，更何況我是見著他們遲過我入門口。荃灣附近有很多又好食又好禮貌的食店，很多選擇，何必受氣。

荃灣已經買小見小既食蒸飯既地方，睇住一間間多年老店結業，荃灣蒸飯店已經所剩無幾，有次下午茶時段用套餐價錢食左個鳳爪排⻣加山竹牛肉，30幾蚊都算係底食，而且食物質素都算可以，可惜個飯就有啲小，只係得一個砵仔既飯，同埋都應該係飯還飯煮，餸還餸蒸，但係最慘係上菜太耐，差啲趕唔切返工，到早幾日收工再去食晚飯，叫左個肉餅飯同蝦餃，食物都算唔差，但喺非特價時段要成雙倍價錢就有啲唔係咁底食喇，而且個飯同特價時段係無分別（只係我一廂情願以為會多啲）咁叫可以喺特價時段先會再光顧。

讚：環境寬落點心唔錯噃，雖然耐左啲，不過即叫即炸，鹹水角外脆內煙韌，啲餡好足，切得均勻，一啲都唔會有果種油淋淋既感覺蒸春蛋燒賣出色滑，春蛋既蛋黃熟度唔會過火，唔知佢係撞手神定點，但入口既蛋黃仲係滑既，豬肉爽彈，餡料好足，味道唔馬虎價錢抵噃，21:30後仲有特價，唔怪得坐坐下愈黎愈多人走入黎食彈：菜乾豬骨粥堅唔得，唔夠熱已經係奇，入口係糊口既，豬骨啲碎骨好多，邊食粥邊要吐骨，實在接受不能，唔太建議食總結：宵夜一流

每次想飲夜茶都係去全記！ 過左9點半入席，$36可揀兩點心！ 作為宵夜，份量同價錢都十分超值！ 今次我地點左 鳳爪、排骨、土魷蒸肉餅飯同埋燒賣！ 因為全記都係即點即蒸，所以落左單都需要化點耐性等！ 但都不會等太耐的，一路飲茶，茶包係 陸羽茶室，普普通通，一路等點心！ 因為係即蒸，所以上檯一定熱辣辣！ 味道都很不錯！ 十分推薦的街坊食堂！

送她回去後, 收到她的短訊, 暖在心頭.  心情大好的苦榮, 決意去食好西獎勵自已, 食點心也.  夜晚黃金時間仍有大量吉檯, 再聽到待應阿姐抱怨呢個大佬嚟左之後冇啖好食, 似乎有點伏味, 開始有D擔心.  燒賣面冇血色, 同鳳爪一樣偏淡味, 棉花雞會好小小, 但都唔係味美, 或者係麻甩的苦榮太重口味. 茶包鐵觀音, 還好水夠滾, 收3蚊雞.  本諗住獎勵自己, 可惜食物水準不似預期, 她是咪給苦榮false hope呢?就連苦榮自己也不知道. 

諗住點心都唔會㑀得去邊。。。點知真係伏咗價錢唔貴嫁，不過唔好味睇茶就知無誠意，係用茶包嚟沖。不過不失，土魷肉餅飯起碼個飯唔係話好啱亦都唔會好鹹。感水角，完全唔得！超級無敵油，仲好似炸唔透咁失望。總結無下次。