影片
第一次幫襯已經覺得店主有熱誠又細心，會提醒厚多士要快啲食，凍左就唔好味，所以Keep著幫襯佢。主要男店主一人打理，即叫即燒，所以燒串燒既時間會比較長，通常等20-30分鐘不等，建議大家打電話☎️嗌定，咁就唔洗企係到等啦。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 自私食餐 $108 有6款指定食物- 燒蒜蓉原隻生蠔 3隻 *每隻加$3可轉芝士煙肉生蠔🦪肥美，無腥味，芝士燒至金黃色，帶點焦香，濃郁芝士煙肉味並冇蓋過蠔既味道，好好味🤤。- 燒扇貝 1隻 *每隻加$3可轉芝士煙肉扇貝唔算好大隻，灑上芝士煙肉，慢燒幾分鐘，燒得岩岩好，鮮甜。- 燒五花腩 1串五花腩脂肪均勻分佈，油香十足。- 燒雞腎 1串雞腎爽口彈牙，唔會好韌，表面灑上辣味調味粉，非常入味！- 燒爆汁牛丸 1串牛丸爽彈，但未去到爆汁既程度。- 錫紙燒蒜蓉娃娃菜娃娃菜清甜，不過蒜蓉味太重。♥️ 燒孜然羊髀肉串🐑 $27羊肉酥嫩，燒得外焦內軟，上面灑滿孜然粉，味道更突出。♥️ 鹽燒 2L阿根廷紅蝦🦐 $55 3隻阿根廷紅蝦的等級分為L1、L2、L3…，數字越小, 蝦越大隻。大小同我隻手🤚🏻差唔多😯，肉質爽口鮮甜，唔痴殼。♥️ 芝士蒜蓉厚多士 $24邪惡級😈爆香多士，芝士、蒜蓉、厚多士一齊焗，金黃色蒜蓉同芝士絕配，味道十足。
繼續閱讀