光榮冰室 (厚福街) (已結業)

而家市面上好多啲茶餐廳都叫自己冰室,嗰日經過尖沙咀見到呢間裝修扮懷舊香港既冰室,所以入去試吓。叫咗火腿蛋大奄列,奶油多,凍鴛鴦,熱奶茶同炸雞髀下午茶套餐,結果凍鴛鴦完全唔似鴛鴦,好似飲緊凍奶茶...叫阿姐換過杯味道先可以,熱奶茶味道還可以夠濃,個火腿大奄列個蛋整得唔錯,一層一層有蛋汁唔係全熟透果種,奶油多奶油吾夠個包可以,但係最令人失望係個炸雞髀足足等左半個鐘制作,問左兩次阿姊成日都話炸緊,結果個炸雞脾來到真係嚇親我,一睇就知係番炸而且炸到皮乾爆肉勁乾身完全食唔到乾到嚇死人...等左半個鐘都係冇肉食,諗唔明點解個雞髀可以炸到咁,應該係第一次食咁差既炸脾,好失望完全食唔到,所以整體來講唔會再光顧嘅冰室至少佢哋制作食物速度同炸食物質素要改善

來了這間開張不太久的光榮冰室，主打舊式或傳統茶餐，店面簡潔光亮，店內客人蠻多，價錢於口福街相對便宜很多。先叫了個叉燒巨型奄列， 大大塊好足料。蛋很厚，把叉燒包得很好，劃破蛋皮，入面很多半肥瘦叉燒，好味。另外友人不太肚餓，叫了個炸雞翼，上到來有兩隻，連口頭都脆脆的可咬。飲料嘗試了杯久違的港式飲料，叫做經典唂咕，似珠古力但又沒有珠古力那麼甜。另外再試了個杏仁霜。杏仁霜微甜，杏仁味入口，很養顏。食物選擇多又有港式特色， 掋食。

2018年最後一餐lunch, 就同同事去試下新野. 某同事晚上黎過食煲仔飯話唔錯.我個雞扒飯, 雞扒煮過龍, 有點鞋, 飯就生米.同事叫茶餐, 麵包唔新鮮, 包皮好硬.但最大問題係另一同事叫了炸雞翼薯條, 等左大半個鐘都無, 追左幾次, 阿姐次次都話炸緊,最後CUT單走人. 

真心呢？咁難食都有咁多正評？我可以講係我係香港食過最難食嘅煲仔飯我叫左個滑雞飯 但出到黎係有骨嘅乾雞 個飯煲入面底係過哂火嘅飯焦 係黑哂我會真係prefer去旺角去深水埗食仲正

不知所謂的餐廳，食物慢都算，我點餐先但遲來嘅客人竟然來食物早過我，於是我問個究竟 個戴眼鏡劉海嘅女伙計態度超差，覺得慢係正常。眼見其他客人也等到不耐煩。食到成肚火！

呀姐服務態度又差,門口又無客等緊位,又唔係話好急。行過見隔離枱既人都食煲仔飯,諗住叫個食下,68一個,加凍飲10蚊杯,如果講價錢黎講又真係唔貴,但我寧願比多小小錢食d好食d。如果有食過好味既煲仔飯,就知佢整得好很難食......講得衰d,比錢買難受....

天氣凍，我們很想食些熱辣辣嘅晚餐，起初諗到打邊爐，但又唔想一身火鍋味和想轉食下飯，於是我們就不約而同想到熱辣辣的煲仔飯！🤗❤️😋近K11和the one 商埸附近我們行行下見到有間新開的煲仔飯，店內環境好光鮮，感覺不錯，而且店內亦傳出好香的煲仔飯味，於是我們就決定在這裏食晚飯！😊煲仔飯款式都算不少，原本想試薑蔥鮮鯇魚煲仔飯，可是已經賣晒，於是我們就叫了土魷肉餅和窩蛋鮮牛肉煲仔飯等煲仔飯其間發現原來呢間餐室亦有其他冰室有的早餐湯粉、三文治、甜品等，下次食早餐可以多一個選擇～😁窩蛋鮮牛肉煲仔飯，牛肉好滑，好入味，飯剛剛好，好香！土魷肉餅加臘肉煲仔飯，肉餅多汁，土魷亦不少，餸飯好味！臘肉肥美，好香！😋油菜，菜心熱檸蜜, 大大粒👍🏻😋

由於光榮嘅煲仔飯實在太正，所以再次黎幫襯！今次留意到杯凍0茶用嘅係大杯份量欣賞！無偷工減料！臘味煲仔飯當然係鐵膽，今次叫一個叉燒窩蛋飯，FF緊D蛋黃流出黎溶入係米飯內，口水都流哂啦！原本打算煲仔飯上枱時唔開蓋焗耐d，焗多D豬油出黎，令飯更香，點知焗得太耐，搞到連蛋黃都熟埋，嗚嗚嗚.....臘味仍然香口，份量啱啱好，叉燒係我中意嘅半肥瘦，都係果句，瘦叉邊好食架！最期待嘅煲仔飯靈魂再次出現！香脆嘅飯蕉就係再次黎幫襯嘅原因！唯一可惜係光榮無小菜提供，如果有就更理想！

今日午飯時行到尖沙咀食街厚褔街，正想諗吃什麼，好多間都排滿等候，就決定再去光榮食午飯。但今次印象比對上一次差。當時已經有兩枱人在門外等候，發現安排座位十分混亂，沒有記名，也不是排隊入座。飯店是併檯，但是有空位也不安排等候的人入座，反而遲來的食客直接自行入座。我在無所適從下，唯有改叫外賣。是日午餐，咖哩牛腩飯$45，加凍檸茶。（午餐送冷熱飲一杯。）外賣加$2。港式咖哩牛腩，沒有加上椰奶，所以不是甜咖哩，有點兒辣，肉質軟腍，薯仔好像是炸過的，有些硬。整體味道不過不失啦。其實我偏好堂食，但此飯店應該改善一下入座配位情況結賬$47.

門口看到厚福街有22$ 早餐幾乎不敢相信鼓起勇氣 入去坐下來真的叫最平的多士早仲要雙拼占醬多熱咖啡勁多占醬不另收費多士裏裏外外都沒有燶⋯⋯是大家樂都做不到的雖則小妹也懷念上海新唯一面家但對於新頂手的光榮冰室我實話實說：真的有好便宜的套餐個是日快餐12 點前45$ 減到39$港元這樣將就相信有得做啩⋯⋯紅磡加維村食都差不多啦！見到不少上班族來吃早中飯平價果然還是吸引許多民眾的！

之前已經發現厚福街有間食煲仔飯既冰室，但果時天氣熱熱地所以冇去到，但D幾日天氣有點冷，於是又係我自己出發去食好野既時機。入到去格局好有舊式冰室FEEL，之後再睇餐牌，有十款的煲仔飯可以選擇，還可以再加窩蛋、臘腸、臘肉、潤腸或鹹魚，又有快餐又有常餐供應，唔錯唔錯。【豉汁排骨煲仔飯+臘腸+油菜+大可樂】落單之後大概等了16分鐘左右，終於熱辣辣的煲仔飯終來了。排骨肉質大細剛剛好。豉油自己加上就可以。我最喜歡的是臘腸。半肥瘦剛剛好，送飯一流。煲仔飯煮得靚不靚，其實睇飯焦就知道了，這個煲仔飯薄薄的飯焦脆卜卜，不錯! 加錢要埋爽脆既芥蘭同大可樂。無得頂!【西多士】在等煲仔飯既時候叫多個西多黎試下先，西多士是麵包上了蛋漿去炸，是典型港式小食，西多士送到來，見到份西多都好厚身，有一大片冰鮮牛油放在熱辣辣西多上令它溶化，檯上有糖漿可隨意添加，蛋香香濃加埋內裡適中的花生醬，無得頂。值得推介!!

來到食街厚福街，天氣凍就想食煲仔飯。入面裝修懷舊，睇得出係新裝修來的。椅子係用木有弧度，坐係來都幾舒服。煲仔飯價錢合理，有幾款揀都算多選擇。佢飲品有唂咕曾幾何時唔知幾耐之前飲過，今日竟然行過撞到。煲仔飯來了，上面都有一張tissue俾你咁就唔使驚熱親隻手, 煲蓋都好熱的. 一打開滿滿都是餸，特登加咗臘腸，零舍好食。鯇魚都幾多骨，食嘅時候要小心。煲內仲有飯焦，食到最尾挖個煲底......鯇魚新鮮肥美。另外都叫了個排骨煲仔飯，又是滿滿排骨。兩個煲仔飯，兩杯嘢飲，唔使$200

見天氣開始轉冷，病咗幾日食咗幾日粥，口啖啖的情況吓，好想食煲仔飯！所以一於放工在尖沙咀尋找一下吧！就在口福街，有間新開的光榮煲仔飯，懷舊的裝修擺設，見到個招牌已經好吸引！除咗煲仔飯外，冰室一般的茶餐都有！薑蔥鮮鯇魚煲仔飯＄72第一次食煲仔飯有鯇魚做主角，感覺健康咗，鯇魚好鮮甜，加少少䜴油焗一焗，鮮味薑味出哂來，清清甜甜超好食👍🏻👍🏻紅棗滑雞煲仔飯＄72 加臘腸＄15紅棗的甜味配合滑雞的嫩滑，加埋臘腸，一打開煲蓋，即時聞到香味！😋😋😋哈哈！超多飯焦！😁叫埋碟菜🥬，一杯凍檸茶🥤，簡直完美組合😊

唸住去食唯一上海麵，搵極唔見，明明記得係肥仔滷味隔離。原來變左呢間光榮冰室，招牌紅紙都未撕，又食新餐廳。順便講下貴租累死每一行，尤其香港飲食業。香港政府睇住d租係咁加，無能力又無智慧去處理，一早收空置稅，肯定唔會淪落到如此田地，9成香港人都活係呢個壓力底下，食碗粥都難過登天，賣廿幾蚊碗粥，點俾幾十萬租金？以前厚福街真係口福街，平貴都有得食。宜家連唯一麵檔都無埋，真係嬲到想爆粗！伙計放低張單，仲係用緊唯一的單，我估係轉型吧，茶餐廳易做d掛！唉！講番嘢食，午餐有好幾種揀，試下蔥油雞扒飯。正常茶餐廳嘢，雞扒都夠大塊新鮮，飯夠熱夠量，蔥油咪蔥油囉！OK既！但度度都有茶餐廳架啦，俾返唯一上海麵我啊，俾返我啊，俾啊，唔制啊！

今日發現尖沙咀厚福街內，開咗一間仿舊式裝修的茶冰室，內裏除了裝修意外，連夥記的招呼真的像以往(無服務，只掛作自己傾計)，這間舖頭名字叫《光榮冰室》，我真係擔心本身餐廳內的裝修頗為特別，很有風味，只是光猛了一點餐牌也用上一些舊的做法，只放在餐桌與玻璃內食物的出品就真的欠奉，煎雙蛋炒到一pat又不熱， 多士是淋的毫冇翠口一個火腿通粉啫，為何煮到這樣，通粉淡而無味又硬，這是否他的特色? 唯一這杯凍咖啡還牽強可接受，已經很耐沒食過一間食物和服務都那麼差的餐廳了，就連大排檔的水準也比他好很多