影片
以上資料只供參考, 請與餐廳確認詳情
去深水埗路過想說就近隨便吃，但卻意外好吃，不錯不錯。未點菜之前，就先送上二碗湯，今日例湯是西洋菜湯，湯鹹了點，但很夠味。點了椒鹽魷魚，上菜是送上桔汁，沾一下酸酸甜甜，很好吃，不過其實不沾桔汁就很好吃了。第二道西蘭花炒牛肉，牛肉滑滑很件味，西蘭花燙的有點太久，口感比較不好，但還可以接受。卡座的座位坐起來很舒適。
繼續閱讀
近來在深水埗一帶上班，試了附近一帶的多間食店，終發覺這食店出品非常好，尤以鹽焗雞味道非常好，食落真係好似新鮮雞。扣肉又係做得好傳統味道，份量又多。而且又有西式食品及奶茶咖啡，中意偶爾食中或西非常方便。現場老闆娘非常親切有笑容，雖然我唔係幫襯左好長時間，但佢每逢任何客人都打聲招呼，加埋現場兩位阿姐侍應，服務亦非常殷勤，真係唔錯。現場有大電視睇，最重要係例湯係非常之正，完全冇味精感覺，用料又充足、睇到湯渣就知係非常足料。西茶亦比好多茶餐廳好，夠茶味及奶及香滑。 先講【鹽焗雞飯 HK$30元】，免費贈送中式老火靚湯，凍飲都係加 HK$2元，熱飲仲唔使加錢添 ... 真係抵食! 雞肉份量適中又唔肥，最正係碟飯配時菜份量甚多，因為我非常喜歡食蔬菜，所以有時菜伴碟真係好正。雞肉鹹味好入味，鹹度適中食落口好有雞味，真係整得唔似冰鮮雞，廚藝好高超...讚! 【梅菜扣肉飯 HK$32元】，梅菜鹹租適中口感好。雖然肥肉我揀開唔食，但扣肉真係唔太肥，而且份量又足，瘦肉方面好腍好鬆軟，真係極之傳統口感...正! 【粟米班腩飯】，斑腩份量又係好足，炸得好脆口咬落好正。玻璃茨汁打得好靚鮮味又唔鹹，粟米份量剛剛好。另外呢間食店，中式晚飯及小菜，都非常經濟及實惠，好多小菜鑊氣都好夠，而且好多魚蝦蟹類海鮮小菜選擇。場內地方寬敞，有單及雙卡位坐。人多又有中及大枱坐，幾多人去幫襯都好方便。室內裝修有少少舊，可能開業都多時有關，場內燈光夠光猛，又有大電視以觀看。另強烈推介菜色：【 椒鹽肉排 】仲有外賣服務，唔錯~
繼續閱讀