元綠壽司 (已結業)

星期六放假去完踢波返到屋企累得不得了﹗瞓番兩三個鐘之後又肚餓，落左啟田行下﹗先去左三聯買左本日本旅遊書，之後就行過元綠試下喇﹗間野都開左好耐，我一次都未幫趁過，反而走來食下午茶餐真搞笑﹗有0的假日茶餐set叫，$33起，我點左個日式牛肉拉麵餐，同餐包多杯熱咖啡﹗$35﹗拉麵先試湯底，好濃郁既麵屎味，幾香，拉麵普普通通不算彈牙款式，牛肉如果同吉野家的比都係爭緊0的，o鞋口好多﹗不過勝在夠大碗，食完夠飽喇﹗來不是吃拉麵的地方吃拉麵，差不多吧﹗

08.07.24 (四) 跟主11周年紀念日，原定想自家煮在家撐枱腳，正當取捨之際我倆又走進元綠了 此店舖寬敞人不多尚算舒適，但欠了一份和風味道，新派新感覺到食壽司都冇晒日本味倒不如依舊。嘩...乜D三文魚咁細件既，個顏色仲舊舊地咁，睇下個价錢STAND....$12.5唔係化，咁既質數已經食慾下降仲要咁既价錢，連揀既意欲都無埋 係碟北寄貝壽司都仲幾鮮味 $16.5，另ORDER咗兩個手卷﹑兩碟壽司﹑一個湯麵。食咗四碟壽司已經對輸送帶上既壽司冇乜興趣，因為遊黎遊去都係得果幾碟熟壽司(熟口熟面壽司)﹔點知等上廿多分鐘都仲未有野上枱，追單時才知漏了單.....咁少人都可以咁真係點做野既呢？！總括三不得 (价錢不得﹑質料不得﹑服務不得) 真係唔永別都唔得最後都係要自家煮，自己煮果餐仲豐富

其實之前都覺得呢間元綠唔得,不過有78折,25號星期三就比多一次機會佢,點知........唉!!!!!!叫了以下食物:1.三文魚壽司2碟$25(味道一般,魚不肥亦沒有味道,壽司飯比較硬,不合格)2.軟殼蟹手卷$18(軟殼蟹好少,飯亦小,沙律醬太多,唯一可取係紫菜好脆,但如果以$18來計,就羽同元氣好好多了)3.彩虹卷$26.5(一碟有4件,有軟殼蟹,牛油果,蟹柳,沙律醬,其實同軟殼蟹手卷差唔多,都係飯比較硬,味道亦是一般)4.味付螺肉$16.5(味道比一般淡,亦比較林身,有浸揀水味添,份量好小,全碟得9隻,搵搵地笨)5.蟹柳壽司$9.5(純粹貪平,蟹柳硬實冇味)6.金菇牛肉卷$30(牛肉就好乾,但金菇就未熟,感覺廚房做呢味菜好冇誠意,係個汁算唔錯,好惹味)7.素冷麵$13.5(麵冇香味,好粉,似碌到過左龍,個醬就好甜,不過就夠凍,可能見佢一路雪在雪櫃所以咁夠凍啦)8..雞翼餃子烏冬特價$33冇折(碗烏冬係唔熱既,都可以話係暖暖地既,烏冬算係彈口,似噹噹烏冬,湯底味淡,餃子比較咸,雞翼好奇怪有陣蝦米味,莫非係新口味?)總結係招呼唔錯,可能因為十個員工招呼十幾個客啦,座位當然亦坐得好舒適

今天到元綠幫襯下午茶, 人不多, 位任坐, 對著闊銀幕電視, 好舒服好嘆!由於壽司做十元一碟, 都幾抵 所以來幫襯壽司即叫即做, 十分新鮮, 賣相不錯, 值得一讚推介黃金尤魚,帶子壽司, 味道鮮味

自從日本食肆越開越多之後，我都幾乎冇乜幫襯過呢間香港迴轉壽司鼻祖。有次路過見佢剛開分店，我又口痕發起壽司癮，於是就走左入去試下。坐低叫左三文魚壽司、鰻魚壽司、八爪魚壽司同燒雞軟骨，冇一樣係好食的！唔好食的定義係：人地賣一樣的食物收得平過佢但係好食過佢。一行二人食左四樣發現唔掂，索性快閃埋單走人，走之時仍然覺得肚餓。

見人不多, 下午茶多選擇, 故進去一試要了一個豬扖飯加蛋沙律送一杯奶茶豬扖飯: 個汁好味, 飯份量足夠蛋沙律: 得好少沙律吃, 八份之一隻蛋由於人不多,坐得好舒服

今日下午逛下啟田.,睇下有咩食, 最後選左元綠, 一直都係覺得佢d sushi唔係咁新鮮,但係今日叫左個sushi tea set. 又幾ok wor~ 而且唔貴, 都係廿幾蚊, 杯coffee仲要係即磨.最好係一路都有d演唱會既vcd睇...好過去pizza hut