元氣一杯

營業中

休息中

朋友相約吃慶生飯，最近因為太累的關係，所以沒有什麼想法要到那裏吃，問朋友去那吃，朋友說：「元氣一杯！」之前也曾聽說她到訪過這裏，感覺很不錯，所以最後決定在這裏開飯，反正現在的我確實元氣大傷，需要元氣N杯（笑）。早早到達，沒有太多，隨著越夜的時間，人也開始漸多，當中確實不乏日本人呢！我們看過Menu後，Order了以下的食物。這杯名為「夢嬉」，是免費的，看看座位上的牌子，大大的寫著「Free」，可以問問員工喔！這杯「夢嬉」一點都不能開玩笑，因為酒精濃度達25%，最後和朋友喝了這個，再加大的啤酒和2L的啤酒，就變成了「神仙都企唔穩」（笑）。炸雞軟骨，也蠻鬆化，送酒一流！冷麵，很有咬口的冷麵。新鮮熱辣的枝豆，同樣送酒一流！雞腎、牛舌和雞翼串燒，牛舌比想像中有肉汁好味，雞翼味道略嫌淡了一點。漬物拼盤，這個……應該是整晚最失敗之作，除非個人很喜歡吃漬物，不然這個可以作罷。蟹肉忌廉餅，這個值10粒星星，因為真的太好味，每啖都是熱辣辣的蟹肉，再配上千島醬，回味無窮！芥辣八爪魚，新鮮，擺盤精緻。軟殼蟹手卷，新鮮熱辣，但紫菜似乎有點不脆，美中不足。觀乎這天晚上的晚飯，值得下次再到，因為那個蟹肉忌廉餅，真

沒想到會有咁多片魚生，好豐富啊⋯⋯啲魚子粒粒都脹卜卜好正好新鮮，連個蟹柳都幾甜架，樣樣都做得唔錯。而且價錢都唔係貴過出面嘅魚生飯，唔可以叫超平但係我覺得算抵食。個蒸蛋都幾滑，而且送到上嚟嘅時候係好熱架。除咗個蒸蛋，仲有另外三個side dish，再加一碗湯，真係兩個人食都夠飽啊（如果你唔係咁大食嘅話）。甜品，我就唔知啦，因為我係比左我個朋友食嘅，佢話唔錯喎。

難得同男友食LUNCH!佢話帶我食日本野wo,,,行黎行去都搵唔到,,,(條友唔認路)終於搵到啦!!!12點幾門口已經排長隊!!!!嚇死人咩.不過好快就入得啦!!!!環境好地道呀!!重點係好多日本係到食緊~~~咁....正唔正宗你話呢~~~餐廳應該每日有特價餐...今次係燒鯖魚定食..$70咋~~見隔離台4個都叫左!!仲話好好味....不過男友話要食好d wo....(可能難得可以一齊食lunch...)叫銀雪魚定食啦!!!oh...我淨係記得clsoe up條魚比大家睇,,,d魚肉好滑,食落口又好鮮wo,唔會有腥味~不過我略嫌d汁整到條魚太"林"男友的魚生定食~~佢d魚生新鮮到呢...海膽係香港好難食到甘好味...佢真係唔會臭架!!!!好鮮甜...講下個SET D周邊食物啦~白飯-係日本普遍"林"物身D GE飯...蒸蛋-好香好滑~入面都好足料.有菇有蝦麵豉湯-唔會好咸仲有酸薑、蓮藕、荀>呢D就冇咩特別啦~~~仲有成餐飯最最最開心GE!!!!綠茶大福-好好味!!!出面包住GE綠茶粉冇苦澀同時好香!!!入面係綠茶味GE CREAM..又唔苦澀又唔會太甜,,,仲好smooth 呢

是日，友人相約去The One睇戲，午餐於美麗華商場的元氣一杯解決。這一間日式餐廳繞富日本風情，客人以日本人為主，人氣指數一直不弱。小妹因事來遲，友人早已打點一切。坐下不久，侍應就送上銀鱈魚照燒定食$118，包照燒銀鱈魚配沙律菜、白飯、開胃前菜、麵豉湯、蒸蛋和抹茶山藥大福，挺豐富的。前菜乃海帶蘿蔔和肉碎涼菜簡簡單單，不過不失。銀鱈魚大大的一件，連著厚厚的魚皮，銀鱈魚先用醬汁醃製，然後照燒而成，魚肉軟滑細嫩，魚皮略嫌稱不上焦香微脆，幸脂肪豐潤，啖啖鮮嫩和油香，伴飯吃不錯！白飯入口質感濕粘。蒸蛋內有蔬菜、冬菇和銀杏等，蛋香蛋味一般，蒸蛋也不算十分嫩滑。麵豉湯飲了數口即罷。元氣一杯的午餐，在尖沙咀區來說，稱得上「價廉」，但與「物美」似乎仍有一大段距離。套餐中，最有驚喜的，竟是這一粒抹茶山藥大福！大福拿在手中，軟綿綿且圓碌碌的，外層沾滿了一層厚厚的抹茶粉。咬一口，抹茶粉入口甘香且不苦不澀，中間乃紫色山藥夾層，內層就是流心抹茶忌廉，煙韌香甜且細滑，好好吃。套餐還包括餐茶一杯，小妹要了熱檸茶。蝸阿牛的三文魚親子丼$108，小妹吃了一片三文魚，一般之作。小姐的生薑燒豬肉定食$80，乃三款中最平的。大

年初一到了，又是family gathering的日子。 這種日子最快樂便是和家人坐定定享受一餐好味的午餐。 於是我和家人決定去尖沙嘴美麗華商場樓上四樓的一家韓國餐廳。誰知道一到那裡，韓國餐廳没有開，但旁邊的日本餐廳元氣一杯居然開着。雖然這間店開了很多年, 但我們都從未在這裏吃過。平時門口總有人等，今天沒人等。我們馬上決定試一試這家餐廳。 門囗的架子放了好幾本日本雜誌，我出於好奇拿過來看看。餐廳光線充足，旁邊有一排酒櫃。餐廳裝修簡單，木的桌椅, 環境挺有日本feel。 餐廳里的食客大多都是日本人,只有—兩桌是本地人。有3,4成人坐满。 日本人説話較安靜，我們也受到感染到了, 自己説話的聲音也變小了。突然，享受起這寧靜的環境。 服務員遞上餐單,餐單有中日英文３種語言。可能是遊客區吧。 我自己對日本菜並不熟悉, 但相信人是跟着味覺走的,  多數見到的都是日本人, 應該味道正宗吧~  中午的餐都是定食, 我們三人不約而同的點了銀鱈魚照燒定食$118.00.  等了很久, 有多過二十分鐘吧~  我沒想到會那麼久, 服務員也沒有提醒我們。  終於上菜了, 這是我吃過最好吃銀鱈魚定食。

美麗華裝修之後都沒去過，今次便特登去找食的~4樓大部分都是連鎖食肆，没趣。行行下，見到這間居酒屋，終於一試。一進去，差不多全滿，而且9成日本人~ 心想：咁多日本人食，應該不錯的吧！先叫了一杯啤酒消消暑~由於胃口不太好，叫不了很多東西。稻庭烏冬~又滑又煙韌與我以前吃的明太子玉子燒大不同，明太子先用紫菜包著，外層再包玉子燒。玉子燒煎的火侯不夠，似蒸多過煎。中間夾著的紫菜太淋，重點是明太子有點腥......蕎麥麵也不太好吃，麵太硬而且口感很粗糙，沒有彈性麵上的「香芋」，我不太喜歡...周圍都是日本人，氣氛很好，還以為自己去了日本吃飯。但食物卻不如想像般出色，真的很失望......

我一向唔鐘意試新野，因為未知既食物，有中伏既危機，我好驚🙊🙊🙊今次我又揀左個伏了😭😭唔知係我大鄉里定點，我心中既魚生飯係有好正既三文魚，甜蝦，希靈魚，油甘魚等，大大件。但今次呢個所謂魚生飯一上枱，我失落了。。得少量魚生，尤其兩塊超多筋既白肉刺身，仲有啲飯一舊舊既  盛惠120蚊！80蚊就差唔多我仲要等左四個幾五個字先等到個餐上，慢！！男朋友個鱈魚餐就幾正，條魚好大條，而且鮮嫩😋😋😋，去到後面蕃茄隔離都係魚黎架，正！好似都係1xx蚊，平過魚生飯少少其他如麵豉湯唔咸👍有好多海帶，豆腐！茶碗蒸普通過普通，有好多菜係入面仲跟多個餐飲，我揀左凍奶茶，自行落奶落糖，自己决定甜度濃度👍！

一行四人又去試新野啦...上OPENRICE搵到呢間日本野...WAITER有幾個係日本人...所以服務方面係唔錯...而且來食既客人有好多都係日本...可能因為呢間係居酒屋, 日本人多數會黎小聚一番先返家...眼見MEAU好有好多CHOICE...所以就好隨意揀食物....先叫個關東煮, 佢地會有個MEAU專FOR關東煮揀既食物, 但食落其實覺得有D似日版車仔麵既餸, 因為又係有蘿蔔之類既食物, 咁當然呢款日式既味道會比較清淡, 咁食落都唔覺鹹, 呢款我會比較愛食..之後見到佢地有和牛, 所以就叫左個火鍋試..一試就真係冇得頂...終於明白佢點解賣得咁貴..事實上佢只需要拾兩下就食得, 而且入口即溶, 感覺好似食緊棉花一樣...但不失佢既牛肉香....激讚....雖然分量少, 略為貴左小小...但都值得一試....再黎雜錦刺身, 都係非常新鮮可口...唔沾wasabi都冇問題, 完全唔腥, 非常新鮮...但清酒煮蜆略為差一點...因為冇咩酒味, 加上d蜆肉唔夠爽口彈牙....反知佢既配料好似比較好食....

M小姐與V小姐很有心，相約我吃生日飯，日期時間定好了，而她們最終決定到元気一杯，可能是太旺場了吧，最後當日規定只能吃一個半小時，也真的有夠寶貴的。因此進到店內還沒坐定就要開始點菜了！出於禮數，點菜的事就交由M小姐與V小姐負責吧！前菜點菜的同時，亦先吃一下送來的前菜吧，似乎是豚肉沙律似的，味道蠻開胃的。照燒苦瓜豬免治看到味菜實既驚且喜，想不到M及V小姐也喜歡吃苦瓜，終於找到同道中人了。苦瓜用上沖繩苦瓜，味道甘而不苦，免治相信不會用上沖繩豚肉，不過豚肉還是煎的很香口鬆化，亦頗有肉汁，配合苦瓜同吃，確是上品。明太子玉子燒上次和M小姐在神屋流博多道場吃過明太子玉子燒，質素還算不俗，令我今次也多所有點期待。不過一看賣相就知「伏」了。明太子基乎要比點心燒賣上的裝飾還少，煮成近熟透的白色（明太子生吃的風味要好得多！）不過好戲還在後頭，玉子部份全熟，甚至出現嚴重煮過頭的灰色！！請問這樣的玉子還能奉客嗎？池魚王話說V小姐上次吃日本料理吃不到池魚，今次點了一份池魚王。一客只有六片，貴為王，新鮮是最基本，半透白身的魚肉透出雪白色的油脂，單是看已經知道十分肥美。吃起來十分清鮮，油香十足，果然無負王之名。醋鯖魚

和元氣寿司完全無關的日本料理！餐廳是型的日本料理店，沒有豪華的裝修，非常平民化！是晚點了勘八魚生、吞拿魚腩同加洲手卷、炸蕃薯天婦羅、鹽燒三文魚腩、冷麫、日式炒麪。所有食材都好新鮮，味道都唔錯！日式抄麫好好味，醬油及醋的比例很好，雖然偏油但非常正宗！鹽燒三文魚腩很香脆夠味！好給引。雖然沒有很大的驚喜，但味道很日本地道，給引了很多日本人到此一聚！而且收費合理。唯獨是樓面少、連廚師都要幫手執枱！

今日約左兩個好紙美喺TST食飯~諗左好耐終於揀左呢間居酒屋,主要係想試佢的厚燒玉子我個人認為厚燒玉子係可以顯示到一間日本料理對食物的誠意~雖然唔係間間都有呢味小菜,如果有的話我一定會試~!!去到就起手點菜,上菜前仲有少少前菜,係煲淋左的日本蕃薯,好甜好香~每人一份,唔洗爭~!!厚燒玉子 – 必食之選,好香的蛋味,上枱仲係暖笠笠~好好味生牛肉鍋烏冬 – 感覺好一般,野菌湯唔係好夠野菌味, 烏冬好有口感,唔知係佢的風格定係煮得唔夠熟,有D硬~,泡菜牛肉豆腐鍋 – 紙美中意食泡菜,少少辣好惹味,好有住家FEEL三味持色沙律 – 嗯,好有特色的配搭,好睇唔好食,感覺好似將D菜頭菜尾加少少沙律醬就上枱,椒鹽炸鮮魷 – 嗯~味道麻麻,落單既時候,服務員講左會有少少辣,建議我地轉點燒鮮魷,我地鬼咁中意食辣,聽到佢咁講更唔會轉,而且仲期待會有几辣,點知上枱就好似食放題D炸物,而且一D都唔乾身,亦都冇咩椒鹽同辣的感覺~有點失望~炸豆腐:個樣唔討好,食落味道一般,相信係煎完再放喺醬油上面,已經食唔到佢D硊口感覺!蟹子沙律 – 簡單的菜式,要整得好食就一D都唔簡單~蟹子似乎少左D,而且D菜都多水左少少,幸好

~8:30pm，趁復活節同三五知己一齊食飯餐前小食筍、雲耳、韮菜軟殼蟹沙律朋友叫我介紹，我就即刻揀左呢個啦佢地試完之後都話好味! ^^今次d醬好似唔係好夠吉列雜菜卷外面炸成吉列皮裡面係雜菜，幾得意，中規中矩個醬似係千島醬伴碟有菜&生洋蔥絲三文魚牛油果壽司保持水準日式炒烏冬有蟹柳、火腿絲、紅蘿蔔絲、菜上面有木魚絲、紫菜絲烏冬幾彈牙但我地一致認為太鹹燒鯖魚 ~$78保持水準厚燒鰻魚玉子個蛋係一層層摺埋咁嘅上次食厚燒玉子覺得冇咩味今次呢款加埋鰻魚好好多(btw餐牌附圖果個厚燒玉子號碼打錯左，119係厚燒鰻魚玉子，厚燒玉子應該係117)Peach sour叫左一杯一齊share冇咩酒味清清地幾好味，唔會覺得係糖水Grape sour叫左一杯一齊shareGrape味完全蓋過了酒味唔鍾意酒味嘅人可以試試

星期六 ~8pm滿座, 有2位等緊等咗~5-10min, 同前面2位一齊入座坐bar檯<<環境, 裝橫>>去到門口已經覺得好有傳統日本食店嘅感覺入到去更加覺, 木色, 廂房嘅趟門, 牆嘅質料都好日本周圍好多食客都係日本人 (多日本人可能一個指標 表示間食店正宗?)d侍應都著傳統和服, 木屐有d員工好似南亞人, 識講(一兩句?)日文著住藍衫果位日本人 唔知係唔係老闆, 識講廣東話 (講檯號時)~10pm唔係咁忙時 見佢行去幾檯(熟)客度傾<<服務>>隻碟係暖嘅 以免整凍d食物(不過我地第一樣食嘅係沙律xD 所以有反效果, 雖然影響唔係太大)員工都算有禮貌隻碟黏咗殘餘食物, 叫人換, 侍應都有講唔好意思突然黎左碟青瓜, 原來侍應落錯單(入錯號碼), 都有同我地講番食完魚, 侍應主動幫我地換碟<<食物>>餐前小食個細細碟豆卜, 冬菇, 西蘭花都好好味 (主要靠d汁)厚燒玉子人氣之選, 但個人認為唔係太特別個蛋應該係一層層fold in咁整嘅外面熟, 而中間做到半熟狀態, 口感ok, 但冇咩味軟殼蟹

次次同友人用膳一定食日本菜，今次就搵左元氣一杯!居酒屋格局，坐得都幾舒服~但侍應未能操流利廣東話,亦不是日本人…點菜時有d慢…1.枝豆﹕正常枝豆。2.明太子玉子燒﹕明太子夠味，玉子冇任何味道。只可話呢個玉子做到好軟。下次唔會叫。3.煎餃子﹕皮太厚，肉冇味…4.泡菜豚肉鍋﹕冇特別。5.燒三文魚﹕呢個最好食!魚肉好~滑，有油香!!唔知係唔係因為叫左sake0既關係，埋單每人$320。以今餐0既食物質素，完全唔值。

為慶祝朋友生日，任他憑喜好選擇，由我請客，最後決定一試這家日式居酒屋，而我則預先訂座。餐廳位於美麗華商場4樓，遠離樓下的時裝店，人流較少較清靜。我們獲安排坐卡座，但即使每邊坐2人，而我們身型不算大，亦感擠迫。唯一好處是卡座的背板高至天花板，能與鄰座分隔，保持私隱。餐廳裝修有日本風味，四周張貼了用日文寫的餐牌，而杯墊印有”Asahi”品牌的廣告。餐牌的食物種類非常多，包括前菜、沙律、刺身、壽司、燒物、火鍋、烏冬和甜品等等，單看餐牌已令我們感到十分興奮，而我們幾乎每一類食物都選了一點。在等候食物期間，我們先吃”送”上的前菜填一填肚子，打發時間。它包括波菜、紅蘿蔔和一粒肉丸，三種食物淡而無味。三文魚飯團先來一客三文魚飯團，三文魚碎夾雜在飯團內，酸瓜和紫菜放在旁邊，要我們自己包裹，那塊紫菜既巨型又硬身，要包住飯團是一個難度極高的項目，最後我們放棄。飯團像石頭一樣堅硬亦異常黏身，放入口難以咀嚼。炸軟殼蟹剛送上來的時候，我們以為它是沙律，差點去問侍應是否送錯食物，再細看才發現炸軟殼蟹淹沒在由牛油果和菜苗組成的沙律內。由於沾滿了沙律醬的關係，軟殼蟹的表面軟腍了，變得不再香脆，內裡的蟹肉份量尚可。牛油