元氣一杯

營業中

休息中

說這裏是我的食堂一點都不誇張，幾乎平均一個月都會嚟兩次，只要隔一陣冇食就會心思思想嚟，原因無他，食物質素真係好高，由日本師傅主理，平時都好多日本人嚟，我幾乎每次都係午飯時間嚟，因為真係好抵食，滿滿一盤有蛋，有煮物，有漬物，有湯，主菜，白飯加水果（以前試過有甜品），飯後仲有餐茶，咖啡，雖然咁多年嚟由最平6x一個是日便當到而家最平都要8x,但係依然比其他好多餐廳抵食，同好食好多，食完會有滿滿的飽足感。餐廳地方不算大，通常卡坐都坐了人，而且只要過了十二點十五分左右就會有人排隊，所以想吃的話都係早啲好啲，不過環境唔錯，日式風格，乾淨簡潔，而且食物選擇都唔小，炸物，刺身，漢堡，蕎麥麵，咖哩，幾乎樣樣都好食☺️

三個人去食等左好耐位，不是很多人等位，前面有兩抬而已，但都等左九個字至一個鐘以上。望見入面有三個位但佢都冇比我地入，無出聲叫我地等多陣，完全無視等位嘅客人，要到我地話唔等位先話另一張抬埋緊單。但其實入面是有位的！但重點是侍應生服務實在不太好！食物質素，一般。串燒太乾唔好食，以呢個價錢並唔值得。冷蕎麥麵味道可以，但啲麵太碎。熱的就不太好吃。壽司就...我還是吃爭鮮比較好...只點了個小卷嘗嘗，再打算叫壽司拼盤，食完小卷完全打消再點餐嘅念頭，以這個價錢吃這壽司，壽司不出色覺得不值得。總然之，性價比太低。如果真係非常得閒，想燒時間和金錢的話，不妨一試，不知是不是我恰巧這次的待遇差而已，但我就不會再光顧同一間餐廳了。

餐廳為日本人的聚腳地，質素不用懷疑。基本上必需預約，有數次想walk-in但因為似要等很久所以放棄。週六晚上9時路過原來不用等位，馬上再試。今次才發現餐廳內的裝修有一種木味，有令人置身日本的感覺。點了salad, 串燒及熱稻庭烏冬。串燒牛舌及免治雞串不算特出，幸好價格也不高。稻庭烏冬當然不能和日本的助藤養助相比，但在香港水準也必屬平均以上。清酒點了真澄純米吟醸，銘柄帶輕度菓香，入口清爽，輕醇，雖然是辛口，喝後舌頭兩測留有淡淡甘甜。只能説平衡十分之好，不過甜或過濃，味道又不會過於平淡，還有適量aftertaste。價格屬中低，性價比高，唯一美中不足是感受不到有旨味。真澄屬宮坂醸造出品，位於諏訪市，之前曾特別到訪此地，是因為在火車站不遠的一條街內，有包括宮坂醸造內的五間蔵元，當中以宮坂醸造品酒區的裝條最優雅，在我探訪過（雖然不多）的蔵元中也最能令我留下深刻印像。真澄 純米吟醸 辛口生一本宮坂醸造產地 長野県諏訪市使用米 長野県產美山錦 兵庫県產山田錦，ひとごこち精米歩合 55%酵母 9号，18号酵母Alc 15%日本酒度 +4酸度 1.3飲用時温度 冷飲

由餐廳平實雅致的裝潢到味道剛剛好的紫菜飯便當都能感受到滿滿的和風，好像在日本小店食飯一樣.....很幸運可以嘗到這裡的美食，是日午餐早已賣光，要食的話要早點來喔！

聽朋友講尖沙咀有間非常地道又實惠嘅日本餐廳，諗住話平日晏少少嘅時間去會好啲，所以就星期四去左睇睇。去到門口見冇人排隊，望入去又有空枱，心諗今次應該唔使等，但一入到去就俾人罰坐，要等位...排隊排左半個鐘，但明明有空枱喎…我忍唔住就問下啲店員，但就全部都話訂晒枱。有幾張話訂咗七點鐘仲未來。我心諗佢講嘅時間好似有啲奇怪，睇睇時間…哇！原來呢度留枱可以留個半鐘架！跟住有啲日本人入嚟，我明明聽到佢哋入嚟問有冇位，啲店員就即刻帶佢哋入位…我都費事再問啦…等左九個字終於放棄，最後都冇食到但係估計都唔會再嚟。

一坐低，一人就會有一份頭盤，每人仲要收＄20。味道奇怪兼夾唔係咁好食。好似擺咗好耐等人入嚟就即刻放喺枱面。另外嗌咗碟銀雪魚燒，冇燒嘅感覺，好似落咗湯咁。啲沙律菜因為嗰啲汁，全部濕晒。都幾核突。另外仲有多春魚，燒和牛同埋牛舌。感覺好似浪費左啲和牛食材。多春魚燒得唔係幾好，不過都可以入口。和牛總共有三舊，有一舊全部得肥膏，另外都係冇乜燒嘅感覺，個表面都係比較濕，裏面仲係有少少凍。牛舌仲搞笑，條邊全部都係又硬又燒竉咗，中間林啤啤，唔知食緊啲咩垃圾。建議唔好再嚟。

自從係日本旅行返嚟之後念念不忘家庭式風味和食，行開Mira mall 無意中發現依間餐廳。中午12點半上到去見到好多日本人，諗住應該無伏。見到menu好成2x款lunch menu, 真係睇到眼花🙈🙈 邊睇邊等位好睇等左一陣就有2人位啦😁講返lunch set, 估唔到午餐份量超多，有驚喜😆 以尖沙咀嚟講依個價錢好抵食👍🏻 燒魚皮脆肉香，唔會太油！味噌湯好有日本家庭風味，推介比鍾意和食嘅朋友！會再嚟👍🏻唯一感覺唔太好係環境都幾嘈，不過因為坐卡位所以都好舒適嘅⋯

元氣一杯係一間有家感覺，亦係地道的日式小餐館。這裏你可以見到大部份的客人都是日本人,所以客人都很有禮貌，整體感覺非常好！其實我並不是第一次光顧元氣一杯，因為這裏的食物和環境可以保持一貫的高水準，所以甚少出手寫食評的我都忍唔住要同大家介紹下佢😋如果大家食lunch，記得12點左右就要排隊，因為一點鐘嗰啲通常都排長龍，好少機會食得到。今次我就點左個日替定食同大家分享一下（日日都唔同㗎），之前我就食過燒三文魚定食、銀雪魚定食、炒麵、烏冬、咖喱炸蝦都非常好味值得推介！！

當我沒有元氣 就想食元氣一杯已經食過好多次，見佢次次都咁好食真係忍唔住想share呢度都係好多日本上班族的飯堂黎㗎今日食lunch sets，開門十二點就已經有幾個食客排隊，留意返，如果一點黎到就要排下隊等等啦（平日時間）佢地既服務好好，坐得舒服，有似坐左係東京的一間餐廳裡面除左以上兩款外，之前黎過食左燒三文魚定食，三文魚扒好有份量好滋味Lunch sets仲有餐飲，都唔錯既其實我好想試哂餐牌上每個sets, 仲要呢佢個日替便當會轉唔同既食物。真係要黎多幾次

星期六晚來到，見到有咁多日本人幫襯，以為會好味同服務好，點知幾失望下。先講食物，點了幾樣味道尚可，沒有想像中好，比同區其他同類的食店差了一些。但發生了一件事就令我再打折扣了，叫了一客煎餃子，但來的時候已經煎爛了，但店員仍上菜，重覆了2次才換過一份。我明白繁忙時間可能有所疏忽，但服務員的反應可以應對得好一點。以下係換過的那一份，樣子比第一碟好很多，希望店員注意一下。

又是星期五的晚上，有乜野開心得過同好朋友gathering ? 約在尖沙咀，這間沒有限食時間的元氣一杯。多年前來過，印象中幾好食。被安排在中間的位置，旁邊有很多日本客人。好呀，大家唔知大家講乜，不錯呀！餐牌都有很多選擇，一般的日本食物都有，價錢不算貴。前菜是收費的，每位$20, 今天是煙三文魚伴洋蔥，普通野。我們決定先點一些小吃，吃完再點主食。關東煮的魚餅--- 一份只有半塊，味道ok, 嚐到有爽口的馬蹄，甜甜地的醬汁。呢D小吃都好少話難食嘅。元氣一杯特色沙律 ---- 有三種組合 ： 薯蓉，通粉和火腿絲冷麵。好普通，有乜咁特色呢？三文魚牛油果壽司----一客有8件，外型幾靚，口感和味道屬正常水準。蕃薯天婦羅 --- D蕃薯切得比較厚，個炸漿好硬，唔係好油只覺得硬，蘿白蓉又比得少...串燒牛舌--- 靱到機乎咬唔開，又無味串燒鷄亦 --- 又係無味嘅？一路食一路傾偈，有些座位埋單後都沒有客人來坐，感覺不是太爆，可以安心地慢慢傾。再點了日式炒烏冬和豚肉生𦍑燒。這兩碟我們都沒有食晒，可想而知有幾好食，雖然食物無驚喜，但能在這區輕鬆的坐上差不多三小時，算ok 啦。

燒物還可以，叫左蕎麥麵落錯單，結果成個鐘先來，D 麵淋到呢，鰻魚玉子燒仲衰，叫左成個鐘不段催單，最尾話仲未開始整wor.取消la,仲等咩。。。。。來食野係練EQ.

好耐之前食過覺得食物質素ok所以今次同屋企人黎食生日飯,但估唔到咁耐冇黎食物同服務態度都差左好多,d服務員落漏單又唔認仲要黑面,個老闆係廚師亦係日本人待客態度亦同様非常差,知道你唔係日本人連同你講一句都费事,咁唔鍾意香港或中國人唔好係香港開餐廳嘛,其實係香港好味嘅日本菜根本唔係得你一間㗎,如果大家食飯想受氣就幫襯佢地啦!

想試呢間餐廳好耐。今日終於去咗食。 好多曰本人黎呢度，應該無得輸鰻魚玉子燒～頂。。。有骨嘅。仲好多Tim 。叫人點食吖？日式炒麵～賣相ok 。麵嘅質地偏淋。淋啤啤無咬口點解仲咁多人幫襯？

又捱過咗辛苦嘅一星期，梗係要食好嘢安慰下補償下自己啦諗起好耐冇喺美麗華商場搵食，一於嚟搵下裝修完嘅美麗華有咩好食先嚟到四樓有韓國嘢潮州嘢台灣嘢⋯⋯都係揀番最愛嘅日本嘢店主係識講廣東話嘅日本人！因此亦沿用日本文化：排隊！訂枱冇訂枱都喺門口一邊排隊咁就唔洗阻住出入！當然訂咗枱嘅就準備好就會被安排入座啦！幸好我哋呢啲冇訂枱嘅都唔洗等好耐吞拿魚酒盗芝士，叫呢個全因個名好特別！味道第一啖食落去男朋友話似腐乳味🤔我就覺得好鹹，但食到芝士夾埋一齊就完美用嚟送酒啱晒！芥辣八爪魚，新鮮芥辣同新鮮八爪魚，冇得輸壽司，魚非常新鮮，三文魚籽唔鹹好有鮮味係我近期食過最好味嘅三文魚籽其他魚都好好味！好耐冇食過好味嘅壽司喇味噌燒茄子，味噌加咗似蜜糖嘅甜味，冇咁鹹，好味燒免治雞肉串，燒牛舌免治雞肉食到有軟骨，有咬口燒牛舌，唔知係咪我食得慢，凍咗少少，如果燒好即食仲正！玉子燒，好有驚喜竟然唔係一貫日式甜嘅玉子燒！呢個好有蛋香，仲食到陣陣嘅香菇味係我食過最好味嘅玉子燒炸魚餅，竟然唔係搞到起膠嘅魚餅，係有魚蓉喺度嘅魚餅！好好味辛苦工作一星期，美食美酒愛人完全舒緩晒一星期嘅工作壓力