元気寿司 (港晶中心)

營業中

休息中

星期六晚到處都人山人海，去元氣攞飛等位，貪其差唔多到會有sms提示，行遠少少都唔驚。行住街等又覺耐，但其實都等左半個鐘。海膽軍艦，半滆嘅海膽，睇得出亦食得出唔新鮮。海鹽赤海蝦，蝦新鮮，加埋鹽同檸檬汁食，好清新。蟹柳沙律船，好甜，蟹柳下面放左少少蛋絲，賣相幾靚。蒲燒鰻魚，鰻魚肥美。丸壽司三點，好得意，波形嘅壽司，但味道其實無變嘅。蛋，依然夠熱又夠滑。飛魚籽軍艦，無點豉油都好鹹，麻麻。火灸三文魚，肥美好食。湯烏冬，夠熱，烏冬彈牙，但味精湯底扣分。全店得四個伙計，人手不足，又漏單，賣哂又唔出聲。

(798)這天在尖沙咀附近，下午茶期間，一個人又想食，看見有間新開元氣壽司，因為很久沒有吃壽司了，跟著...當然走了入去。選擇了(午後之自選三食)，第一食，就是壽司盛，當中有5種組合任選，我揀了B款，B款，指定的五款壽司，分別是北寄貝壽司、皇帝蟹柳、炙燒黑椒海蝦、炙燒黑椒三文魚及炙燒牛肋骨。各款壽司味道都ok，最好味就是炙燒類壽司了。第二食，就是小食，當中有3種款式選擇，我揀了蟹子沙律，各項沙律食材鮮美，味道都幾好。第三食，就是輕食，當中也有3種款式選擇，我揀了日式燉蛋，香滑又好味。這個餐45元，埋單加一49.5元，都非常抵食。